رواية وحدة شغف الحلقة السابعة عشر 17 بقلم ندى
 |
| رواية وحدة شغف الحلقة السابعة عشر 17 بقلم ندى |
رواية وحدة شغف الحلقة السابعة عشر 17 بقلم ندى
احمد- تمام موافق … ايه الشروط
شغف بصت لاحمد بخجل و تتظاهر بالشجاعة : متأكد انك هتوافق؟
احمد بحيرة من نظراتها – طبعا اللي انتي عايزاه هيحصل
شغف بتوتر وحزن : اولا انا عايزة اعيش في بيت الحاج يحيي لحد ما اخف و بما انه مش بتاعي لوحدي يعني الموضوع مش هيضايقك علي ما اظن ، ثانيا انا مش بحب الكدب انت حسستني اني مغفلة وانا بحكيلك حكايتي ، ثالثا وده الاهم لو انت شايف عشان اخدت رصاصة مكانك انك تساعدني في تعبي ده ف عشان كدة اول ما اخف هنتطلق ويبقي كدة محدش ليه حاجة عند التاني … قولت ايه ؟
احمد استغرب جدا من طلباتها هو توقع حاجات كتير الا موضوع الطلاق ده حس انه اتسرع في طلبه – تمام موافق وهسافر اجيب حاجتي انا وشهد ونيجي تاني
شغف قاطعته- علي مهلك اساسا لسه شهور العدة بتاعتي مخلصتش ولا نسيت
احمد بصلها جامد = متأكدة انها لسه مخلصتش
شغف بتوتر – ايوة الحاج يحيي اتوفي من فترة قليلة لسه مخلصتش يعني ممكن أفضل لوحدي هنا لحد ما تخلص
احمد بمكر – تمام مفيش مشكلة بس هاجي انا وشهد بردو عشان متكونيش لوحدك
شغف بضيق= تمام
………
خرج احمد وابتسم واتصل بعمر
عمر – ايه ياسطا
احمد = هو انا سواق يابني … بقولك هات المأذون وانت جاي
عمر سكت فاجأة وهوب ضحك بصوت عالي جدا – يا مجنون دايما كل حاجة بتنجز فيها كدة معرفش جايب الثقة دي منين
احمد= اخلص يا زفت هاته وتعالي ولو نطقت كلمة زيادة هتنسي انك طلبت شهد
عمر – لاااااا ياختاااااي لا يابشه اسفين ..فوريرة هكون عندك بالمأذون
…….
الست جوهرة – انتي ليه قولتيله ان العدة لسه مخلصتش
شغف = مش عارفة بس حسيت بتسرع في طلبه ده قولت اقول شروطي واطلع اي حجة كدة تأخر الموضوع
الست جوهرة – بس هو معلقش ليه بردو وافق وخلاص
شغف بحيرة= مش عارفة .. تفتكري هيرجع في كلامه
……..
دخل احمد لشغف ومعاه المأذون وشهد وعمر
شغف بقلق – فيه ايه
شهد بفرحة = حببتي مبروك حقيقي انا مبسوطة اوي انكوا هتتجوزوا
شغف بعدم فهم- ازاي يعني
احمد رفع حاجبه ليها وقال بمكر = اصل فيه حد قالي ان العدة خلصت من زمان جدا يعني فقولت نتجوز بدري بدري قبل ما واحدة كدة ترجع في كلامها
شغف بغضب – انت مجنون.. ليه العدة بتاعتي مخلصتش مين اللي قالك الكلام الاهبل ده
احمد طلع ورقه من جيبه واعطاها للمأذون = قولي يا شيخنا مش كدة تبقي العدة خلصت من زمان بردو
شغف متنحة جدا – انت جبت الورقة دي منين
المأذون : اه انتي اطلقتي بعد فترة صغيرة من زواجك ف العدة خلصت فعلا .. فين المشكلة
شغف باسترجاع ذكرياتها
فلاش باك#
شغف قاعدة مع الحاج يحيي في الجنينة
الحاج يحيي بقلق – شغف يابنتي انا عايزك في موضوع كدة محتار فيه ومش عارف هيفرحك ولا يزعلك بس انا مش مرتاح .
شغف بتوتر = خير يا بابا حصل حاجة
-لا بس انا مش مرتاح.. حاسس انك مش مرتاحة في الجوازة دي
=مش فاهمه يعني ايه
-يعني ايه رأيك اطلقك عشان تبقي حرة ومش حاسه بالذنب من ناحيتي في اي حاجة وهتعيشي هنا لحد ما تتجوزي اللي يستاهلك بجد
=مش عارفة بجد بس مش عايزة اضايقك
-يابنتي انتي بتقوليلي بابا وانا بعتبرك بنتي فمينفعش اربطك بحاجة انتي مش مرتاحة فيها
اتوترت شغف جدا
-متقلقيش محدش هيعرف وهتفضلي عايشة هنا .. اتفقنا
ابتسمت شغف جدا بأمتنان= اتفقنا .. كان نفسي بجد تبقي ابويا حقيقي .. ربنا يخليك ليا يارب .
باك#
احمد ابتسم ليها – ايه يا عروسة عندك اعتراض ولا حاجة
شغف بتوهان= ها اعتراض علي ايه
الست جوهرة بضحك – هو عرف منين الراجل ده انك اطلقتي بدري
شغف بغيظ- هو فيه حاجة مبيعرفهاش .. كل حاجة بيبقي عارفها من قبل ما اقولها
عمر بهزار- ايه يا شيخنا هنفضل كدة جوزه بقي خلينا نخلص منه
احمد = بس ياض انت ..ليك يوم ها
شغف بدموع وبتبص للست جوهرة = كان نفسي عيلتي تبقي موجودة معايا .. انتي عوضتيني عن امي
حضنتها الست جوهرة – انتي بنتي فعلا يا روحي واعتبرني مامتك
شغف ببكاء= معنديش حد يبقي معايا في اللحظة دي
الست جوهرة- انا معاكي ولا انا بقي مش كفاية
شغف = ربنا يخليكي ليا
……….عمر وشهد واقفين علي جنب في الاوضة
عمر بهمس- بقولك يا مزة
شهد بتبصله بقرف = احترم نفسك يعني لازم تطول لسانك واحنا واقفين هنا اخويا لو سمعك هيفرمك
عمر بضحك – خلاص انتي وحشة مش مزة ????
ضربته شهد بكوعها في بطنه
عمر بألم = يا مجنونة … طب بقولك طيب
شهد بتدور وشها ناحية التانية مبتسمة- خير
عمر همس بخفة = ما تيجي نتجوز زي اخوكي كدة خليكي جدعة
شهد اتحرجت وقالت بثقة- بص شايف احمد اللي هناك ده روح قوله كدة الكلمتين دول شوف هيعمل معاك ايه وابقي تعالالي
عمر بمشاكسة= وانتي معندكيش رأيي يعني هعمل ايه انا برأي اخوكي
شهد بغرور مصطنع – رأيي انا .. امممم هفكر????
عمر= انتي تطولي اساسا ، مسيرك تقعي يا مزة ????
………
خبط الباب ودخل راجل كبير اسمراني ملامحة كلها طيبة ومحبة وحنية
دخل بعديه عدي صاحب احمد واستغرب سكوتهم
مصطفي شافه وشاورله وسلم عليه
عدي بهمس- ايه الصمت ده يابني
مصطفي = الراجل اللي داخل قدامك ده عارفه
عدي – لا انا بحسبه تبعكوا داخل بثقة كدة
مصطفي بضحك= انت عرفت ان احمد هيتجوز
عدي بضحك – اه كلمني قالي .. مصدقتش والله ربنا يسعده… واهو يتلهي شوية ويخفف علينا الشغل اللي مطلع عينا فيه ده????
شغف بلهفة – جدو محمد
ابتسم محمد= مكنتش اعرف والله اللي حصل كنت تعبان فترة معرفتش اسافرلك
“جدو محمد ده قريب لجدة شغف بس عايش في اسوان من زمان جدا اتولد هناك اساسا .. شغف بتحبه جدا من صغرها لما كانت بتسافر مع جدتها عنده يقضوا وقت ”
قرب الجد محمد منها بعطف – حمدلله علي سلامتك
شغف بقلق= انت تعبت ليه .. حصل حاجة.. انت كويس طيب .. طب مقولتليش ليه حتي
ضحك عليها – لسه زي ما انتي مش بتسكتي علطول كلام كلام مش بتفصلي ابدا
شغف بغضب مصطنع = طااايب مش هتكلم بس مترجعش تقولي ساكتة ليه
ضحك الجد محمد عليها اكتر وعلي طفولتها دي
بص حواليه وقال – اسف بس شغف دي حفيدي ودايما بتخليني انسي حتي مراتي … انا الحاج محمد ابقي قريب لشغف وجدتها الله يرحمها
المأذون = مش نكتب الكتاب عشان متأخرش علي مواعيد الناس
الجد محمد- كتب كتاب مين
احمد – انا وشغف ده بعد اذنك يعني
الجد محمد بغضب = ده اللي هو ازاي يعني ..وبص لشغف … من غير ما تقوليلي يا شغف ، انا عايز اقعد مع بنتي لوحدنا لو سمحتوا
الست جوهرة بتهدي الجو- يا حاج دي زي بنتي واحمد ده زي ابني الموضوع اتفقنا عليه .. قولي حاجة يا شغف
شغف بقلق = معلش يا ماما بس خليني اتكلم مع جدو شوية
الست جوهرة- طيب يا حببتي انا هكون برة
خرجوا كلهم من الاوضة ..اتردد احمد وقال بحزم – عم محمد انا بعتذر بس الموضوع جيه بسرعة وانا اللي جبت المأذون حتي من غير ما شغف تعرف .. عموما هبدأ من الاول .. انا طالب ايد الانسه شغف علي سنة الله ورسوله… وهسيبكوا تتكلموا وتردوا عليا وعموما انا واثق ان هي هتقولك كل حاجة حتي بشروطها.
يتبع..
لقراءة الحلقة الثامنة عشر : اضغط هنا
لقراءة باقي حلقات الرواية : اضغط هنا
