رواية زين الجزء الثانى الفصل السابع عشر 17 بقلم سحر فرج
 |
| رواية زين الجزء الثانى الفصل السابع عشر 17 بقلم سحر فرج |
رواية زين الجزء الثانى الفصل السابع عشر 17 والأخير بقلم سحر فرج
زين كان رايح يطمن عليهم وسمع كلامهم وفرح جدا ليهم وقال : مش هانتعشى بقى با حلوين بمناسبه الاخبار الحلوة اللى سمعتها دى .
جاسر وسارة ضحكوا من قلبهم لاول مرة من فترة طويله وقالوا : يالا بينا .
ورجعوا كلهم على المطعم والاكل كان بدأ يجهز ليهم وجاسر بلغهم بالاخبار الحلوة اللى اتفقوا عليها هو وسارة والكل هناهم وبارك ليهم ولسعادتهم وفرحتهم .
و…………….
الشباب قضوا سهرتهم كلهم مع بعض فى جو شاعرى ورومانسى وجميل .
وعدى الوقت معاهم على طول ومشى جاسر وساره ووعدوهم انهم هايجوا ليهم المطار من بدرى يودعوهم.
وحسام خد مراته وزين خد ليل وكل واحد فيهم طلع على اوضته علشان يستعد للسفر والرجوع للقاهرة من بدرى.
خلص الليل كله وطلع النهار والكل كان جاهز للسفر ومستعد وجاسر وسارة راحوا سلموا عليهم وودعوهم فى المطار .
وزين طلب من جاسر انه يسيب ايطاليا ويجى على مصر ويشتغل معاه افضل.
وجاسر وعده فعلا انه هاينفذ كل كلامه بس هايروح على سوريا الاول يطلب ايد سارة من اهلها ويشوف اهله ويطمن عليهم وبعدها يجى على مصر.
دخل الشباب كلهم على المطار من جوا وركبوا الطيارة.
وبعد حوالى كام ساعه زين وليل وحسام وأيه وصلوا مطار القاهرة بالسلامه وعمر ويوسف كانوا فى انتظارهم ورحبوا بيهم .
زين وعمر اول لما شافوا بعض فرحوا جدا وجرى عمر عليه بكل حب وشوق وخدوا بعض بالاحضان والسلامات.
وكمان يوسف سلم على الكل وبالذات زين وكان فرحان برجوعهم بالسلامه وبلغهم بارتباطه بعبير وانه هايروح يتقدم لعم حسن ويطلب ايديها منه .. وكمان بلغهم بارتباط معتز وشاهى .
الكل فرح ليهم جدا جدا وباركوله وخصوصا زين وحسام .
ايه فرحت جدا لاختها عبير وباركت ليوسف كتير هى وليل .
وخدوا بعضهم كلهم وركبوا العربيات واول حاجه زين عملها انه يروح لوالدته المستشفى ويطمن عليها هو وليل .
وفعلا اول لما وصل المستشفى وطلع لوالدته اترمى فى احضانها بكل حب وحنيه .
لان والدته كانت ليه هو وعمر الام والاب وكل شىء ليهم فى الدنيا .
سميحه فرحت جدا بزين وليل كمان
وحست ان اخيرا هى خفت وبقت كويسه بدام شافتهم اودام عيونها .
ليل بهزار قربت من زين وهو فى احضان والدته وقالت : ممكن تخلينى اسلم على خالتوا انا كمان يا استاذ زين ؟
زين رد وقال : اسف يا حبيبتى بس ماما وحشانى جدا ومش هاسيب الحضن الدافىء ده ابدا دلوقتى .
الكل فضل يضحك عليها وزين فى الاخر شاور لها انها تتفضل وتسلم براحتها وهو باصص لها وبيقوا : ياااه على الغيرة حتى حضن ماما بتغيرى منه يا ليل .
ليل بصتله برخامه وقالت اوعى يا رخم انت خالتو وحشتنى اوى اوى واه بغير.
الكل فضل يضحك على كلامهم
وابتسمت ليل وما صدقت اترمت فى احضان خالتها وقالت : وحشتينى جدا جدا يا روح قلبى وكنت هاتجنن على حضرتك لما عرفت انك تعبانه .. الف مليون سلامه عليكى يا قلبى .
سميحه بكل حنيه ضمتها لحضنها بكل طيبه وقالت : الله يسلمك يا حبيبتى وحمد على سلامتكم انتم الاتنين .
وحشتوني جدا والفيلا كانت فاضيه ومضلمه جدا من غيركم والله .
عمر بهزار : احم احم يا ست ماما .
هو الكلام الحلو ده مش بيطلع غير لزين وليل بس ولا ايه يا حاجه نحن هنا .
زين : يا عم بطل غيرة وحقد بقى وبطل حسد كمان .
عمر : يا عم انت دى أُمنا احنا الاتنين ولا انا ابن البطه السودا ولا يمكن انا ابن البطه السودا وانا معرفش ما تقولى حاجه يا حماتى .
سماح من كتر الضحك مكنتش قادره تتكلم
فحاولت تتمالك نفسها وقالت : يا ابنى انت احنا اصلا لقيناك اودام باب جامع وجبناك وربناك فى وسطنا هى دى الحقيقه اللى مخبينها عليك من زمان .
عمر : ايه ده من اودام جامع دى اخرتها يا موحه عاااااااااا .
عجبك كده يا شاهندا الكلام اللى موحه بتقوله ده ؟
شاهندا : اه عجبنى عندك مانع .
الكل فضل يضحك عليهم وعلى طريقه كلام عمر اللى اتعودوا عليها وكانت وحشاهم جدا جدااااا واللى دايما بتملى المكان كله هزار وضحك .
_______________________
عدى كام يوم وسميحه حالتها اتحسنت ورجعت الفيلا.
ويوسف كان راح اتقدم لعبير وطلب ايديها من عم حسن وهو وافق وقروا الفاتحه كمان وحددوا ميعاد الفرح .
وكذلك معتز راح وطلب ايد شاهى من باباها وعمها هو واهله وهما وافقوا وقروا الفاتحه وحددوا ميعاد الفرح فى نفس يوم ميعاد فرح يوسف وعبير .
زين كان رجع لشركته وبدأ يباشر الشغل اللى كان متعطل بقاله فترة طويله هو وعمر .
وفى يوم من الايام زين وهو راجع من الشركه ووصل للفيلا وركن عربيته البواب نده عليه وقف يكلمه .
زين : خير يا عم سيد فى حاجه ولا ايه ؟ سيد : الصراحه يا زين بيه كنت عاوز اقولك على حاجه مهمه .
زين : خير يا عم سيد فى ايه؟!
سيد : الصراحه يا سعاده البيه فى راجل غريب بقاله فترة بيفضل يراقب الفيلا من على بعد ويحوم حواليها وكلمته مرة قبل كده لما شكيت فيه وقولت اشوفه عاوز ايه بس اتهرب منى ومشى على طول .
ورجع تانى وبرضه بيفضل يراقب فى الفيلا ويشوف اللى داخل واللى خارج لدرجه انى مرة جريت وراه وكنت عاوز امسكه وابلغ عنه الشرطه لا يكون حرامى بس هرب منى .
زين باستغراب : شكله ايه الراجل ده يا عم سيد ؟
سيد : راجل عفش كده ولبسه مبهدل واسمر وطويل وبشنب .
زين : تمام يا عم سيد انا هابقى اراجع على الكاميرات من مكتبى بس انت خلى بالك كويس من الفيلا ومتخليش اى حد غريب يدخل .
سيد : تمام يا زين باشا .
ودخل زين واول حاجه عملها لما دخل انه راح على مكتبه وشغل اللاب بتاعه وبدا يراجع الكاميرات اللى على سور الفيلا وعلى البوابه الكام يوم اللى فاته دول،
واتصدم اول لما شاف حسان هو نفس الشخص اللى البواب قال عليه .
وبدأ يراجع الايام والفترة اللى فاتت دى كلها وعرف ان حسان جه اكتر من مرة وكان بيقف على بعد فعلا وبيراقب الفيلا .
وبدأ يقلق على ليل جدا وأول حاجه خطرت على باله أنه لازم يبلغ الشرطه والشىء اللى أستغرب ليه جدا ان حسان المفروض يكون محبوس فى السجن .
فطلع موبيله من جيب الجاكيت بتاعه على طول واتصل على اللواء أحمد عبد الرحمن صديق العيله وبلغه بكل شىء .
واللواء بلغه ان حسان فعلا هرب من السجن من فترة والشرطه بتدور عليه فى كل مكان ممكن يروح فيه .
وحاول يطمنه وبلغه انه هايبعت ضباط متنكرين يراقبوا المكان لحد ما يظهر حسان ويقبضوا عليه فى اسرع وقت .
زين : متشكر جدا يا سياده اللواء وياريت يكون فى حراسه الكام يوم الجايين دول اودام الفيلا وحواليها لحد ما يظهر حسان ويتقبض عليه .
اللواء بلغه انه هايبعت فريق كامل للمكان كله اللى اودام وحاولين الفيلا ويدوروا كويس جدا فى المساكن اللى حواليها جايز يكون مأجر شقه فيهم ، لانه اكيد هو ساكن قريب من الفيلا .
______________________
وفعلا عدى يومين بالضبط وحسان رجع تانى يراقب الفيلا على امل انه هايقدر يخطف ليل تانى بكل سهوله زى ما هو كان تخيل .
وفجأه وهو واقف الشرطه قدرت تقبض عليه على طول من غير ما يقدر يهرب منهم .
وعرفوا منه مكان صابر هو كمان واتقبض عليه فى قلب الشقه اللى كانوا قاعدين فيها .
ولما رجعوا السجن هما الاتنين حصل خناقه كبيرة ما بين حسان وصابر ووصلت ان صابر ضرب حسان ضربه كبيرة على راسه بكرسى حديد سببتله نزيف فى المخ ونقلوه على المستشفى لكن حالته اتدهورت ومات حسان بعدها بكام يوم .
____________________
عمر كان راح هو وزين فى يوم من الايام المستشفى عند حسام زى ما طلب منهم .
من غير ما يبلغوا اى حد خالص.
وعمل لعمر عمليه بسيطه جدا وخد منه عينه من الورم اللى كان فى المعده وبفضل الله بعد التحاليل اللازمة اللى اتعملت طلع ورم حميد ومفيش منه اى خطورة نهائى.
وده اللى فرح زين وعمر وحسام جدا.
الايام عدت على طول وجه يوم فرح يوسف وعبير ومعتز وشاهى وكان معمول فى اكبر فنادق القاهرة .
وكان الكل موجود والبنات كلها زى القمر والشباب كمان وكانوا بيرقصوا مع بعضهم كلهم وبيغنوا على اغانى المهرجانات
((اغنيه عمر كمال وعبد الباسط حموده))
شبعانين وعنينا مليانه
مش محتاجين من حد إعانه
واللي فجيبنا لو كان لينا
كان زمانا ملوك بأمانه
ضيعنا ياما كتير فلوس
لا تاكلها نار ولا حتي سوس
لا القرش علا فيوم مقامنا
ولا خلانا ع الناس ندوس
احنا ملوك النزاهه واسألوأ علينا
يقولولكوا دولا بشوات المدينه
أبطال الجمهوريه
????????????????????????????????????????????
زين وليل
عمر وشاهندا
حسام وأيه
يوسف وعبير
معتز وشاهى
حتى جاسر وسارة حضروا الفرح بعد ما جاسر ساب شغله فى ايطاليا ورجعوا سوريا هما الاتنين واتجوزا هناك فى وسط اهلهم .
وحسام وزين كانوا عزموهم على الفرح وجم فعلا القاهرة مخصوص علشان يحضروا الفرح ويقضوا كام يوم من شهر العسل بتاعهم وبعدها يشتغل جاسر مع زين فى الشركه .
الكل كان بيرقص وفرحان للعرسان .
على انغام اغنيه رومانسيه جميله بيحبها الكل .
وبعد ما الفرح خلص العرسان طلعوا على الغردقه علشان يقضوا شهر العسل .
زين وحسام وعمر قرروا انهم يسافروا هما كمان على الغردقه ويقضوا كام يوم هناك معاهم ويعوضوا شهر العسل بتاعهم اللى ضاع فى ايطاليا بسبب اختفاء زين .
وفعلا سافروا كلهم على الغردقه وقضوا اجمل ايام حياتهم مع بعض هناك بدون مشاكل او حتى عمايل وكوارث عمر المعروفه .
ايام جميله اتحفرت فى ذكراياتهم .. عمرهم ما هايقدروا ينسوها طول العمر .
تمت بحمد الله …. ❤
♡♡♡♡♡♡♡♡♡♡♡♡♡♡♡♡♡
خلصت روايتنا .. يارب اكون قدرت اسعدكم بيها وتكون عجبتكم .. الف تحيه وشكر وتقدير منى لكل واحد شجعنى وتابع الروايه .
حافظوا على اولادكم وعلى كل اللى بتحبوهم .
حسيسوهم دايما بالحب اللى فى قلوبكم ليهم وقوللهم دايما انكم معاهم وجنبهم وافتخروا بيهم فى كل مكان.
واعرفوا وعرفوهم ان الفلوس مش كل حاجه فى الدنيا الاهم من كل ده الحب والحنيه والامان .
والاهم من كل ده العيله ????????????????????????????????????????????????
اختاروا دايما الصاحب الجدع الشهم ابن الاصول اللى يقف جنبك ويبقى سندك وضهرك وقت ما تقع .
زى ما حسام وقف جنب زين وزى كمان ما زين ويوسف كانوا بيقفوا مع بعضهم فى اى حاجه مروا بيها.
وكمان يقف معاك فى الحزن قبل الفرح فى المرض قبل الصحه.
إنّ أجمل ما قد تحصل عليه في هذه الدنيا من نِعَم الله تعالى هو الصديق، فما أجمل الحياة مع صديقي، وما أتعسها بلا صديقٍ صادقٍ أجده وقت حزني وضيقي، فالصداقة تعني مشاركة صديقك في السرّاء والضرّاء، والصديق هو مرآة صديقه، وقد قالوا قديمًا:
“قل لي مَن تصاحب، أقل لكَ مَن أنت”،
فالصديق الحقيقي هو الذي يرعاني في أهلي وبيتي ومالي، وهو مَن يدعو لي بظهر الغيب دون أن أطلب منه ذلك، وهو مَن يخفف من أحزاني وآلامي إذا وجدني حزينًا تائهًا، وهو الذي يحبني في الله دون أي مصالح دنيويّة زائلة، فصديقي هو مَن صَدَقني وصَدّقني، وهو من أجده وقت ضيقي، فالصديق وقت الضيق.
نعم هو الصديق.
لقراءة باقى فصول الرواية : اضغط هنا
ربنا يوفقك ياقمر