رواية الفريسة و الذئاب الحلقة السابعة عشر 17 بقلم محمد خلف صالح
 |
| رواية الفريسة و الذئاب الحلقة السابعة عشر 17 بقلم محمد خلف صالح |
رواية الفريسة و الذئاب الحلقة السابعة عشر 17 بقلم محمد خلف صالح
حازم .. متخافيش يا حبيبتي انا جنبك .. وهفضل طول عمري جنبك .. يا سها انا بحبك .. رغم كل اللي حصل انا بحبك ليه مصرة انك تبعدي عني ؟! تعالي في حضني يا سها
سها مترددة في ان تفعل ذلك
حازم .. تعالي في حضني يا سها ارجوكي
سها تذهب الي حضن حازم ويضمها اليه بكل حب وهو يقول
حازم .. اه لو تعرفي انا بحبك اد ايه ؟! انتي كل حاجة في حياتي .. انا من غيرك اموت يا سها .. صدقيني نهايتي هو بعدك عني !!
سها .. طب انت ليه بتعمل كده معايا ؟!
حازم .. انا معملتش حاجة معاكي يا سها .. انتي اللي فيكي حاجة غريبة .. انا مش عارف ايه هي ؟!
سها .. يا حازم انا تعبت بجد من كل اللي بيحصل ده !! انا حاسة اني خلاص بيني وبين الجنون شعرة واحدة !!
حازم .. بعد الشر عليكي من الجنون يا حبيبتي .. متقوليش الكلمة دي تاني يا سها عشان خاطري
وفجأة يعود التيار الكهربائي فتضاء انوار الغرفة وتعود سها لتري الاشياء التي حولها مرة اخري ثم ترفع رأسها كي تري حازم فتفاجأ بشخص اخر غير حازم .. رجل لون وجهه اسود ولكن بذراعين شديدة البياض واصابع كفيه طوال جدا وفي نهايتهما مخالب طويلة
سها .. انت مين ؟!
حازم .. تاني انا مين يا سها ؟! انا كرهت الكلمة دي علي فكرة !!
سها .. انت مش حازم !! انت مين ؟!
حازم .. كفاية ارجوكي يا سها
سها .. انت الوحش اللي كان عايز يخنقني عند الباب !! ايوه نفس ايدية ..
سها تحاول الهرب وحازم يجذبها من شعرها
حازم .. خدي تعالي هنا .. رايحه فين ؟!
سها .. اوعي سيب شعري .. انت عايز مني ايه ؟!
حازم .. كفاية بقي يا شيخة زهقتيني في عيشتي !! اهمدي بقي
سها .. انت مين وعايز مني ايه حرام عليك !! سيبني امشي ارجوك
حازم .. تمشي ؟! دا علي جثتي انك تمشي من هنا .. واسكتي بقي خلي يومك يعدي انهارده
سها .. طب انت عايز مني فهمني ؟!
حازم .. ايه عايز مني ايه ؟! انا جوزك يا مدام .. انتي نسيتي ولا ايه ؟!
سها .. لا انت مش جوزي .. انت مش حازم .. انت مسخ بشع بيتكلم بنفس صوت حازم .. متأذنيش حرام عليك
حازم .. لا بقي انتي زودتيها اوي وانا خلاص فاض بيا منك .. انتي هتسكتي ولا لا ؟!
سها .. لا مش هسكت .. مش هسكت .. مش هسكت .. وسيبني امشي حرام عليك
حازم .. يا ستي اسكتي بقي طهقتيني في عيشتي .. اسكتي .. اسكتي
ثم ينهال عليها بالضرب وسها تصرخ وتستغيث
سها .. اه .. حرام عليك متضربنيش .. الحقوني يا ناس .. هيموتني يا ناس .. هيموتني
وفجأة تدخل ام حازم ومعها اخوته البنات وتقول
الام .. سيبها يا حازم
حازم يتوقف عن الضرب امتثالا لأمر امه ..
الام .. امشي اخرج برة واقفل الباب وراك
حازم يبتسم في خبث وهو ينظر الي سها ثم يقول
حازم .. حاضر .. انتي اللي جبتيه لنفسك !!
سها تنظر اليه والي امه واخوته في دهشة شديدة وحيرة تُري ماذا سيفعلون بها ؟؟!! ويخرج حازم ويغلق الباب وفجأة …. ؟!
يتبع..
لقراءة الحلقة الثامنة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية بنت الأصول للكاتبة نور زيزو.
