رواية وردة في المزبلة الفصل الثاني عشر 12 بقلم منة محمد
رواية وردة في المزبلة البارت الثاني عشر
رواية وردة في المزبلة الجزء الثاني عشر
رواية وردة في المزبلة الحلقة الثانية عشر
في صباح اليوم التاني وكان يوم الجمعه قعدت على سفره الفطار الجده وفخري وريم رفضت تنزل بحجة النوم !!!!!!
فخري : بابا مئلش امتى راجع ؟؟
الجده بهدوء : ما حددش قال لما يخلص شغله حيرجع يمكن النهارده او بكره …
فخري وهو يشرب الشاي : على خير ان شاء الله
اما ريم ماطلعتش من غرفتها صحيح انه امبارح راضاها عبود بس لسه فكرة انها منبوذه مؤلمه بالنسبة لها رفضت تنزل ريم للغدا كمان وقعدت كالعاده قصادtv تتابع افلام الكرتون باندماج غفت عينها ونامت بمكانها على الارض …….
بعد العصر صحيت ريم على صوت ازعاج بغرفتها فتحت عيونها وغمضتهم وبعدها فتحتهم بكسل وشافت نفسها نايمه على الارض عدلت نفسها وقعدت وعلامات النوم واضحه علي وشها وجهت نظرها لمكان الصوت والازعاج شافت الشغاله واقفه عند دولابها وقدامها شنطه كبيره وبتحط فيها هدوم ريم
في الاول ماستوعبتش ريم وفتحت عيونها على وسعهم واتأكدت ان اللي شافته صحيح
قامت من مكانها وبسرعة راحت للخدامه وبغضب : رايحه فين بهدومي ؟؟
الخدامه تكمل شغلها من غير ما تبص لريم : ما اعرفش !!
ريم بصوت عالي : طلاما متعرفيش ليه تاخديهم ومسكت الهدوم الي في ايد الشغاله ورجعتهم الدولاب وبامر اطلعي براااااااا
الخدامه بتكشيره : يا حبيبتي جدك قالي هاتي هدوم ريم
ريم باستغراب : سليمان هنا امتى جه ؟؟
الخدامه بضجر : قبل شوي ابعدي كدا خليني اكمل شغلي
ريم بستنكار : كملي يكش يطلعلك قرينك يوقع عليكي درفه الدولاب تنزل علي نفوخك
ووقفت تفكر ليه جدها طلب هدومها وقعدت تحلل ووصلت لعدة احتمالات يمكن جدها اشترى لها هدوم جديده وناوي يوزع هدومها القديمه او ان ابوها طلبها تسافر عنده او جدها هيسفرها ما فيش غير كدا
قصص منه محمد
كانت ريم نفسها تطلع من الغرفه بس وقفها صوت الخدامه وشاورت على الهدوم بايدها : انتي تعال غيري لبسك بسرعه البيه الكبير قال كدا
كرمشت ريم ملامحها واستغربت من الاجراءات الجديده وقررت تغير هدومها وتنزل تشوف فيه ايه .
**************قصص منه محمد*****
عصمت بفرحه : خير ما عملت والله نفسي اقوم ارقص واعمل حفله واخيرا هنفك منها
عطاها الجد نظره حاده : قسم بالله اذا ما بلعتي لسانك ليحصل رد فعل مش طيب
فخري بيحاول يزيل توتر الجو : صلوا عالنبي يا جماعه الموضوع ينحل بس بالتفاهم
ندي وقفت بتردد ولاول مره : عمي اذا انتوا مش قادرين تتحملوا مسؤوليتها انا موافقه ان سلطان يدخل بشؤونها وخلي يمين الطلاق يقع وبعديها يرجعني على ذمته كلها طلقه واحده
وقف سلطان جنبها وبتأييد : انا الفكره دي من زمان في بالي كلها طلقه واحده مش هتاثر بعلاقتي مع ندي ها ايه اريك يا بابا؟؟
الجد اللي كان متعصب على الاخر وقف وصرخ : شيء ما تعرفوهوش ما تتدخلوش فيه مفهوم ،وريم ما حدش له دخل فيها ولو بَعتها لجهنم الحمراء ما تتدخلوش فاهميييييين
كان سلطان نفسه يعترض قاطعه ابوه وهو يشاور بايده : قلت لك مش عاوز اسمع صوتك انت مش بتفهم وبتعب وصوت مقهور وهو بيشاور على الجده كله بسبب ابنك وطيشه قوليلي بس فايده واحده كسبناها من جوازه من الزفته ساره وضرب كفوفه ببعض ولا استفدنا غير الشوكه ريم فضلت بحلوقنا واللي ما يسوى عاوز يلوي دراعي بيها لكن ده بعده امه لسه ما ولدته اللي يحاول يلوي دراعي وانا له بالمرصاد
اتنفس بتعب وبعدها التفت على ابنه فخري قوم معاي خليني اخلص من المشكله وبسرعه نادوا العله اللي فوق …..
كانت واقفه قريب من الباب وسمعت كلام جدها كانت حاسه بسكينه انغرست بصدرها وعيونها اتملت دموع اخدت نفس وهي نفسها تعرف ايه هو سبب الكره والعداوه ليها
**********************
جري باتجاها ومسك ايدها وبرجاء : لا يا ريم متروحيش خليكي هنا
رفعت ريم راسها وفضلت دموعها تنزل وتمسحهم بايدها الصغيرة
وقف الجد وبحزم وهوعيونه علي ريم وقلبه من جواه يتقطع بس ما فيش غيرالحل ده : يالا ومن غير دلع خلصيني
اتمسكت ريم بعبود وهي تبكي : انت هتاخدني فين ؟
الجد وصبره نفذ : امشي وبعدين تعرفي
ريم بعناد وهي متمسكه بعبود : لا في الاول قولي فين عاوز تاخدني
شاور الجد للخدامه تنقل شنطتها للعربيه وبعدها قرب من ريم وسحبها من ايدها وهي تصرخ : سبني ياشايب وتنادي عبووووووووود تعاااااااال عبووووووووووود
جريت ندي بسرعه ليها ومتجاهله ردت فعل عمها ومسكت ايد ريم تحت انظار الجد المندهش من تصرفها مسكت ريم وهمست في ودنها بعض كلمات
اترسمت ملامح الدهشه على وش ريم وكأنها لسه مش مستوعبه الكلام ……
بصت ريم لندي وبعدها بصت لجدها وراحت للعربيه بهدوء
طنش الجد موقف ندي وخرج وراي ريم للعربيه
*************
دخلوا المكان بعد ما اخد معاه رجاله كبار ليهم سمعتهم في البلد وعلامات الدهشه على وش خيري العمري وابناءه بعد ما رحبوا بالضيوف وشربوا القهوه ….
خيري العمري : اهلا وسهلا منورين
سليمان بهدوء : اهلا بيك سكت لثواني وبعدها وجه نظره لخيري : يا خيري انت في مقام اخويا الكبير وامبارح اتصلت بيا وعاوز حفيدتك ترجع تعيش عندك وعلشان كدا قلتلي انك ناوي بكره ترفع قضيه صح كلامي ؟؟
اتورط خيري ازاي احرجه قدام كبار البلد : اه صح كلامك يا حج سليمان انا قلت لك اني هرفع قضيه بكره بالمحكمه علشان البنت
سليمان بحكمه : مع انك عارف ومتأكد انك مش هتكسب القضيه لان البنت بنتنا ومالكمش فيها ولا كلامي غلط يا حضرات ؟؟؟
كل الموجودين قالوا انه كلامه صح باستثاء خيري واولاده
خيري العمري : المطلوب عاوز تحرمنا من البنت ؟؟
سليمان بخبث : لا والله بس انا جيت اقولك وجبت معاي الوجوه الطيبه دي علشان اقولك انت في مقام اخويا وماارضاش عليك المحاكم وشوشرتها وبالاخير مش هتحصلوا علي هدفكم فلذلك انا جبت معاي البنت هنا
خيري العمري بقهر ان خطته فشلت : بس ايه الفايده اشوفها دلوقت وتاخدها معاك انا عاوز البنت تعيش هنا
سليمان وهو يرمي قنبلته: عشان كدا انا جبت ريم هنا علشان تعيش معاكم وتكون قريب من امها ….
واحد من الحضور من الرجال الكبار وهو يوجه كلامه لخيري : والله الحج سليمان ما قصرش غيره لو تموتوا ما تشوفه ظفر من البنت
راجل اخر يؤيد كلام اللي قبله : اه والله صدقت الراجل عداه العيب
خيري العمري بقهر : بس ايه يضمن لي يوم يومين وبعدها ياخدها انا عاوزها تعيش هنا على طول او المحكمه بينا
راجل ما : لا يا خيري ماتجيش منك
سليمان : وانا موافق البنت خليها عندك وانا عند كلمتي ولا يمكن اتراجع والرجاله هنا شاهدين
خيري اتورط : وانا موافق وخيلك عند كلمتك بس فينها البنت مش شايفها وقالها بطريقة تشكيك
سليمان بنغزه : مش انا الي اتراجع عن كلمتي والبنت موجوده بالعربيه وشاور لفخري يجبها من العربيه
((((صبرآآآآآآ يا ريم ياورده عاشت في مزبله ليه تعيشي بريئة في وسط دنيا مش بريئة))))
***************قصص منه محمد********
تفوت سنين وتعدي سنين ونرجع تاني لبيت الجد سليمان
دخل ايهاب الصاله وقعد جنب عصمت بعد ما سلم على الموجودين
بعدها دخل رامي الصاله وهو بيتكلم بالموبيل وعلامات الدهشه على وشه : ماات ……امتى …….انا لله وانا اليه راجعون
وقف الجد بخوف وبص على رامي : مين اللي مات ؟؟؟؟
رامي وهو ينهي المكالمة ويبص لجده : خلاص ان شاء الله ساعه بالكتير اكون عندك …….لازم نقوم بالواجب ……..ان شاء الله ……مع السلامه
ضغط على زرار الموبيل ورجع الموبيل لجيبه وبعدها بص عالموجودين وعلامات الخوف على ملامحهم
خالد بخوف وترقب : اتكلم مين اللي مات ؟؟
رامي مسح وشه وبعدها راح قعد جنب ايهاب و بحزن : ابو صديقي معتز
كانت عصمت حاطه ايدها على صدرها من الخوف لما عرفت انه ابو صديقه اتنفست براحه …….
الجد وعلامات التأثر على وشه : إن لله وإنا إليه راجعون الله يرحمه ويغفر له وانا اشهد كان راجل شهم
خالد اتأثر مع انه ما يعرفش الراجل معرفه شخصيه : الله يرحمه ويجعل الجنه مثواه
نادر بصوت اقرب للهمس : الله يرحمه
وبعدها بدقايق دخلت نسرين كانت الاجواء هادية والصمت سيد المكان سلمت على الموجودين وقعدت بهدوء جنب عمها نادر
التفت لها نادر وبابتسامه دافيه وهو يحط ايده على كتفها : ها يا بنت اخويا ايه اخبار الدراسه ؟
رفعت نظرها لنادر وبابتسامه ناعمه يغلبها الحياء : الحمد لله ياعمو
خالد بص ل بنته : انتبهي يا بنتي على دراستك ولا تنسي إنها اخر سنه ليكي بالثانويه وبعدها بتنتقلي للجامعه عاوز درجات ترفع الراس
نسرين اكتسى وشها حمره من الحياء وخاصه لانه بقي محور الكلام عنها وبهدوء : إن شاء الله
الجد وهو يفتخر بيها : اوعي تنسي انتي اكبر حفيده وان شاء الله تكوني اول حفيده تدخل الجامعه
الجده بصالهم ومبسوطة وكأنها فجأة افتكرت إمر التفت على نادر وبجديه : نادر امبارح كانت سلمى هنا ولابسه عبايه ونقاب
نادر رفع حاجب وكأنه فهم قصد امه لكن عمل نفسه مش فاهم : طيب ليه مستغربه ؟؟
عصمت ومش عاجبها : يابني البنت صغيره دي عندها 13 سنه يعني لو عبايه لوحدها كان اهون
نادر من غير مبالاه لاقتراحات امه : ده إلي عندي البنت من سن 13 تلبس كامل ومش يبان منها جزء إلا اذا ساميه اشكت لك واحتدت ملامحه هيكون ليا اجراء تاني
عصمت خافت نادر يعمل مشكله لساميه ظهرت علامات التوتر على وشها : ربنا يصلح حالك يا بني الست ولا قالت حاجة بس انا امبارح شفتها وسكتت لثواني اقول لك خلاص انسى الموضوع ولفت على نسرين فين اختك ؟؟
ضحك نادر جواه على امه وازاي عرفت تغير الموضوع
وبعدها التفت لابوه وخالد اللي كانوا مندمجين بمشاريعهم
…،..قصص منه محمد………..
صحيت الصبح على صوت منار وهي بتزعق لها علشان تصحى فتحت عيونها ورجعت غمضتهم لثواني وبعدها فتحت عيونها بصت في المكان بهدوء وهي مطنشه منار وصراخها وبعد دقايق قعدت على السرير وهي حاسه بالخمول والكسل بس اتحاملت على نفسها ودخلت للحمام وهي ماشيه شبه السكرانه عين مفتحه وعين مقفوله
ومنار واقفه تبصلها وهي مكتفه اديها وهي فاتحه بؤها ازي دي مطنشاها ولا كأنها موجوده ….
اتغاظت منار من حركه ريم وضربت رجليها الارض بقوه وطلعت من الغرفه وهي متعصبه !!!!
بعد ما اخدت دش ريحت فيه نفسيتها مشطت شعرها وهي تتامل نفسها بالمرايه بعد ما كملت ربطه شعرها ذيل حصان وبعدها لبست بنطلون جينز ازرق غامق و قميص فوشي طويل ضيق ولفت الطرحه على راسها ونزلت بهدوء على غير العاده وصلت للصاله عند البنات وكالعاده منار وعلاء اصواتهم واصله للبيت كله نسيت احزانها ووقفت تتفرج عليم وهي بتفكر في مستقبلهم ازاي هتكون حياتهم مع بعض وخاصه ان جدها خيري العمري مختارهم لبعض كرمشت ملامحها وهي بتفكر ان علاء اكبر من منار بسنه هو عنده 15 سنه مسكينه لسه هتستناه لحد ما يكبر ويجهز نفسه وقتها يمكن يكون عمرها 25 سنه …..وبعدها بصت للبنات واولاد خالها مبسوطين سالت جوه نفسها معقول تكون دي سعاده حقيقيه ولا بس يظهروا سعادتهم ظاهريا خاصه ان جدها خيري العمري كل البنات حاجزهم لاولاد عمهم اتنهدت براحه الحمد لله انه مالوش كلمه عليها كان زمانه حاجزها لواحد من الرخمين دول شهقت شهقه عاليه ولما افتكرت كلام عمها فخري في الملاهي اذا عاوزها تحجزها حطت ايدها على صدرها بخوف وقلبها دق معقول عمها حجزها لابنه ايهاب ….. غمضت عيونها وهي جواها نار …وفضلت تردد الدعاء يا رب لطفك يا رب يكون قصده التهديد يا رب يا رب وهي مندمجه بالدعاء حست بايد على كتفها صرخت بصوت عالي من الخضه وفتحت عيونها من الخوف شافت اسماء والكل باصصلها وعلى راسهم علامه استفهام ؟؟؟؟؟
كردت فعل من الخوف صرخت ريم علي اسماء : ربنا ياخدك فجعتيني يا حماره وحطت ايدها علي قلبها اللي كان ما زال بيدق بسرعه اخدت نفس علشان تهدي نفسها
اسماء بخوف : انت ليه شهقتي بصوت عالي وفتحتي بؤك على وسعه وكأنه مصيده للدبان !!
قربت شوق وهي بتضحك وتضرب كتف اسماء : ههههه تعبير غبي زي صاحبته هههههه
بصت ريم للبنات ورفعت حواجبها بتكبر وقرف : رخمين وسابتهم وراحت قعدت قريب من شوق
كان هيثم نفسه يسألها عن سبب شهقتها والفضول قاتله بص لريم : ريم ليه شهقتي ؟؟؟
ريم : ولاه قوم الحق صلاة الجمعة قبل ما تخلص
منار باستهزاء : شوفوا مين يدي دروس دينيه وشاورت على ريم باستهزاء الشيخه ريم هههههههههه
دخلت مرات محمد خال ريم الصاله واستغربت وجود الاولاد ونهرتهم : انتم ما روحتوش للصلاه ما عنديش علم انكم اتحولتوا حريم
لون وش الشباب باحراج وخرجوا بسرعة للمسجد من غير مجادله
مرات محمد لبناتها : ياللا جهزوا حالكم للصلاه وبعدها طلعت وراحت للمطبخ ……
اتمددت ريم على الكنبه وكأنه موضوع الصلاه لا يعنيها هي اساسا مش فاكره انها صلت بحياتها إلا بالمدرسه بالابتدائيه لما كلمتهم الابله عالصلاه وغمضت عيونها وهي بتحاول تهرب من الواقع ….
منار وهي مضايقة : بنات انا رايحه اصلي وثواني اكون عندكم علشان ابلغكم موضوع عن الفنان الرائع رامي جمال واغنيته الجديده
شروق مسكت ايدها وبرجى : بعدين صلي ايه الي هيحصل لو اخرتيها
منار وهي تفلت ايدها من شروق : مش هتاخر ثواني واكون عندكم علشان امي ما تزنش فوق راسي وبعدها بصت للبنات قبل ما تطلع طيب تعالوا صلوا
البنات بردود مختلفه /بعدين /من شوي اذن/ نصلي الجمعه مع العصر
اما ريم كانت مغمضه عيونها وهي جوه عالمها الخاص و…..
البنات كانوا يصلوا بس بيقطعوا تاني مش زي ريم الي ماكانتش بتصلي ابدا
وخلال دقيقتين كانت منار نازله للبنات جري نسيت ان الصلاه عباده بين الرب وعبده صله وليست سباق او هم تنجزه بسرعه حتى تتخلص منه ….
>> قال ابن القيم بعدهذاالموقف :
“وأنت..إما أن تصلي صلاة تليق بمعبودك أو تتخذ معبودا يليق بصلاتك!”
شروق وهي مصدومه : خلصتي صلاه ؟؟؟
منار مشيت من جنبها من غير مبالاه : اه خلصت وبعدها قعدت قصاد ريم اللي لسه مغمضه عينيها ونادت البنات ازاي يخططوا علشان يضيعوا الوقت ……
ما سألوش ريم مالها لانهم فكروها نامت
***********قصص منه محمد***********
بعد الغداء طلعوا البنات واجتمعوا بغرفة النوم وكانوا فاتحنها كلام وحكايات وريم دخلت الجو معاهم علشان تتناسى احداث امبارح
فجأة الباب خبط عالخفيف وبعدها دخلت ساره
بصت ريم لساره وحست وكئن حد جاب سكينه تلمه وطعنها مجروحه منها ازاي مش تنجرح وهي انطعنت من اكتر شخص كانت تحمله مشاعر المحبه وكام مره تجرعت الضرب من ابوها وهي بدافع عنها وفي الاخر حست بغصه تمتمت بصوت هامس غدرت بيا اخدت نفس علشان تظبط نفسيتها وهي لسه باصه لساره
واستغربت من طلبها : بنات اذا سمحتم تطلعوا عاوزه ريم
منار بشك : عمتي ريم جايلها عريس وعاوزه تاخدي رائيها ؟؟
نطت اسماء وبسرعه جريت لعمتها ومسكتها وبرجى : بصي يا عمتي اذا فيه عريس ادهوني انا ،انا اكبر من ريم
راحت شوق لاسماء ودفعتها ومسكت عمتها : لا يا عمتي ماترديش على اسماء والنبي والنبي اذا واحد مز وحليوه خليه ليا انا اكبر منهم والنبي
شروق وهي واقفه مكانها ومتخصره : لا والله لا انتي ولا هي ده ليا انا اكيد لو عدل وعاوز وحده عدله زي ولعبت حواجبها تغيظ البنات
منار اتعصبت : لا والله انا
قاطعتها ساره بصريخ : بس قسمن بالله ما في حياء انا دلوقت حالا هنزل ابلغ محمد على كلامكم ده
البنات بخوف : خلاص يا عمتو والله مش نكررها بس بلاش تقولي لبابا
ساره بخبث : طيب اطلعوا من الاوضه وخلوني انا وريم علشان ما بلغش عنكم
البنات منغير نفس : طيب طالعين
منار وقفت على الباب قبل ماتطلع وبصت لريم وبتهديد : والله اذا بتوافقي عليه غير اكلك باسناني هـمـ,,,
ساره تمثل العصبيه : وبعدين ؟؟؟
منار بغيظ : خلاص خلاص طلعنا اففففف وقفلت الباب وراها بقوه
بصت ريم لامها وهي تساءل نفسها يمكن فاضل شيء يسم البدن وعاوزه تبلغيني بيه
قربت ساره من ريم وقعدت على السرير بعيد شوي عن ريم
ساره سكتت شوي وبعدها اتكلمت بهدوء وهي تفرك ايدها مش عارفه تبدء منين : ريم اممم يمكن امبارح زعلتي من موقفي بس انتي ما تعرفيش ظروفي لو عرفتي يمكن تعذريني
كانت ريم قاعده عالسرير ومتكوره على نفسها وعيونها فالارض منتظره امها تكمل كلامها
ريم انا غلطت لما اتجوزت ابوكي وكانت اكبر غلطة بحياتي ما كنتش اتوقع اني غبيه وساذجه وبالسهوله يضحك عليا نادر سكتت لثواني وبحسره ريم بلاش تلوميني الايام الي فاتت راحت وانطوت بس هتفضلي انتي العلامه الي بتفكريني بغبائي وسذاجتي انا لما بشوفك بكره نفسي وافتكر غبائي وبصت لريم اللي كانت صاده للناحيه التانيه وهي متكوره كملت ساره..امممم يمكن لو ما كنتش تشبهي ابوكي يمكن كنت اقدر اتقبلك بس المشكله انك تشبهي اكره مخلوق على قلبي فصعب اتقبلك …..
بلعت ريم غصتها وهي بتسمع كلامها الجارح لو ما جاتش يمكن كان احسن اخدت نفس وهي لسه على وضعيتها قاعده وبهدوء اتكلمت عكس البركان الي جواها : ليه كذبتي عليا وقلتيلي انه ابويا ميت وبصوت مليان بكاء لييييييه كذبتي عليا جاوبي
انصدمت ساره ما توقعتش السؤال ده ولا اتوقعت ريم تفتكر اصلا الكلام ده : اممممم كنت مفكره ان هتعيشي معايا وما كانتش عاوزاكي تتعلقي ويكونلك اب زي نادر
سألتها ريم وهي لسه على وضعيتها وبصوت يكتم العبرات : ليه سبتيني ؟؟ كنا عايشين مع بعض ومبسوطين ليه اتخليتي عني ؟؟ وعضت على شفايفها ودموعها فضلت تنزل بهدوء
اخدت ساره نفس عميق وبعدها اتكلمت وهي تفتكر الماضي : ريم وقتها انا كنت صغيره وفي عز شبابي انحبست بالملحق 3 سنين زهقت من الحبسه وانا قاعده لوحدي ولما جه جدي وعرض عليا الجواز من ابن عمي وشرط عليا انك ترجعي لابوكي كنتي مستنيه مني ايييه ؟؟؟
سكتت ثواني ولعبت بدبلتها اممم بصراحه كانت فرصه ليا كبيره اخرج من السجن وانتقم من نادر واعيش حياتي
قاطعتها ريم بهدوء وهي علي نفس الوضعيه متكوره على نفسها واتكلمت بانكسار وطعنات تحسها تنخر جسمها : وانا ما فكرتيش فيا ؟؟
وبنبره حزينه تعبر عن شدة المها : ما كنتيش كدا لما كنا بالملحق !! كنتي البلسم اللي يداويني بالرغم اني كنت مسجونه معاكي بالملحق بس كنت بحس بطعم الحياه ده غير وجودك جنبي كان يكفيني وبغصه عمري ماتوقعتك تتخلي عني وفي منتهي السهوله !!
اتنهدت ريم وبهدوء معاكس للنار الي حساها بجوفها …..طووول الفتره الي فاتت وانا بتحرق والشوق جوايا ينفجر ماكنتش اتوقع منك الغدر وكنت يحط لك اعذار وادافع عنك لما جيت هنا اعيش اول ما شفتك جريت على حضنك اللي انحرمت منه سنين حضنتك ،، ياما بكيت علي الحرمان والبعد عنك سنين الالم والضياع والتشتت سنين القهر والظلم احضنك لمجرد تلملمي ضياعي وتكون اخر مرحله بضياعي حضنتك علشان تداوي جروحي بس ما توقعت اكون منبوذه عندك وبنبره منكسره تعرفي معنى النبذ تعرفي معنى تعيشي عند ناس كلهم ينبذونك وكأنك نكره شيء قذر حثاله …..سكتت لثواني خانتها الكلمات لان للاسف ما فيش كلمات تعبر عن معاناتها وبغصه ما كنتش عارفه انك زيك زي نادر واهله بتنبذيني والسبب في معاناتي كلها انتي
انا اتعذبت بسببك انتي ولما جريت لحضنك لاول لقاء كنت مستنيه الحضن اللي ينسيني كل معاناتي بس للاسف ما لقيتش غير حضن بارد جاف خالي من المشاعر ما حسيتش بمشاعرك اتجاهي ومع ذلك كذبت احساسي ومشاعري كنت مستنيه لما جيتي ترجعي لبيتك كنت متلهفه اروح معاكي وانام جوه حضنك بس خيبتي ظني ومع ذلك حطيت اعذار واهميه ليكي علشان اقنع نفسي بيها حسيت في حاجز كبير بينا وانت اللي حطتيه حاولت بأقصى جهدي اهدمه واتقرب منك بس ما شفتش من الا الصد والهروب …..كملت بمراره
كنت اشوف اهتمامك بإخواتي وفرحتك بيهم ولهفتك عليهم كنت مستنيه منك تنصحيني زيك زي كل الامهات تسألني عني وعن اخباري تقعدي معايا تشوفي ايه ينقصني ومع ذلك كنت اعذرك انك مشغوله بتربية اخواتي ولاخر لحظات وانا احط لك اعذار واهميه
خانتها شهقه طلعت : ما كنتش اتوقع انك بتكرهيني يا ساره ولا عمري توقعت مسحت دموعها وهي على نفس وضعها متكوره
وبصوت مبحوح طيب اروح فين انتي بتكرهيني ونادر بيكرهني ما حدش عاوزني
سكتت لثواني اخدت نفس كنت دايما اخد ضرب من نادر والسبب اني كنت بدافع عنك جسمي كان ازرق واحمر من الضرب ودلوقت في بعض علامات بسيطه ….يا ما نمت ودموعي على خدودي من الالم والوجع كان انيني يرجع لي ما فيش حد يمسح دمعتي ويمسح على راسي ما كنتش بشوف حواليا الا الخيبه ويا ريتك تستاهلي كنت بفكر اهرب من عنده وارجع لك بس كانت المشكله ما كنتش اعرف بيتك
ولما اتخانقت معاه علشان يوديني ليكي تعرفي رماني فين
بصوت مهزوز مبحوح متعب : في دارالايتام شفتي حظي امي وابوي عايشين واسكن في دار ايتام وبعدها رجعوني ورموني على عمي سلطان عشت عنده احلى ايامي بس للاسف فتره قصيره ورجعت اعيش عند جدي وبعد فتره رماني جدي عليكم
ما اعرفش مين هو اللي ها ياخدني المره الجايه بعد ما ترموني ..
كنت اتمنى وجودك معاي اول يوم ليا في المدرسه …. كنت شايفه البنات كلهم مع امهاتهم الا انا…. انا انحرمت من امي وهي عايشه سكتت لثواني تعرفي مين الي سجلني بالمدرسه ميري الخدامه
وبصوت مخنوق مش قادرة تعبر عن اللي جواها من بركان : خمس سنين وانا هنا وبشوف نظرتك ليا تقدري تقوليلي ازاي اقدر اتناسى نظرتك البارده وجفاكي معايا وانا كنت بحاول اقنع نفسي كفايه بس اني اشوفك كنت راسمه طموح عالي اذاكر علشان اكون نفسي واجي عندك درست وتفوقت علشانك انتي
رفعت ريم راسها وبصت لامها وعيونها دبلانه : خلاص ما فيش شيء يستاهل ولا يستحق ادرس واتوفق الي كنت اسعى علشانه لمجرد اني اسعده وارفع راسه بتفوقي اكتشفته على حقيقته
وقفت ريم بصت لساره بحزم : صحيح كنت مغفله لما كنت اشوفك روحي تنط بين ضلوعي واتلهف على شوفتك….وافضل احوم بالمكان الي انتي قاعده فيه كنت على امل اشوف نظره حنان وحب منك كنت بحبك اكتر من نفسي وحطت ايدها على قلبها كنت مستنيه منك تغمريني باهتمامك
وبصوت مهزوز : آسفه يا ساره لاني ضايقتك بنظراتي وملاحقتي ليكي بس اوعدك وبغصه من اليوم مش هضايقك تاني او اهتم لوجودك قربت من ساره وهي تقرب وشها من وش ساره وعيونها حمر من كتر العياط وانفها احمر بشده واتكلمت بشراسة لاني بكرهكككككك بكرهكككككك ولاخر يوم في حياتي هفضل اكرهك وما يشرفنيش تكوني امي لانه ما عنديش لا ام ولا اب انا يتيمه
وبعدها دخلت الحمام وقفلت الباب وسندت عليه وهي حاسه بالغربه ودموعها تنزل بغزارها حطت ايدها على بؤها تكتم شهقاتها
….قصص منه محمد……..
كانت ساره مازالت قاعده عالسرير ومتفاجئه من ريم وحاسه بندم لانها كسرت قلب ريم وهي السبب اخدت نفس وهي تقنع نفسها انها مالهاش دخل تروح تلوم ابوها هو السبب وانها مالهاش دخل وقامت وطلعت من الغرفه وهي متناسيه طفله كسرتها وحطمتها وخلت حياتها بدون معنى اهم شيء حياتها كانت ساره في قمه الانانيه على الرغم انها ما كانتش كدا بس ايه اللي غيرها وخلاها تكسر قلب الواحد ومن غير ما تهتم حتى لو كانت بنتها اللي كانت من لحمها ودمها
!!!!!!!!!
== ان الاحساس بالظلم يقهر الواحد فينا، فما بالك لو كان الواحد منا عاجز عن أخذ حقه بيده. أستطيع أن أغفر للبشر كل شيء إلاّ الظلم والجحود وأنعدام الإنسانية.==منه محمد
كانت ريم واقفه عند البلكونه وقت الغروب وشعرها مفرود على طوله كان واصل لاخر ظهرها كانت لابسه جيبه سوده لتحت الركبه بشوي واسعه من تحت والهواء يحركها وماسكه بايدها كوبايه مايه ونسمه الهوا البارده العليله تلفح وشها و كانت حاسه بالضيق ومخنوقه ودموعها بعيونها خلاص مابقتش قادره تتحمل الحياه دي امها بتكرها وابوها بيكرها تروح فين تهرب فييييين فيييييين ما فيش مكان ما فيش غير الانتحار
كانت بتسأل نفسها ليه مش تنتحر وتخلص من الحياه خلاص مافيش حد تعيش وتتحمل علشانه ،،وكدا بترتاح وتريح نادر وساره منها ،قربت من درابزين البلكونه عشان تشوف ارتفاعها
منار كانت بتتمشى فالجنينه ووصلت لتحت البلكونه وبَصت لفوق وشافت ريم وصرخت بصوت عالي : ريم لااااااااااااااااااااااااااااااااااااا
##########################
((( ايتها الساره الأم مثل الشجرة الدائمة العطاء والتجدد♧♧ ايتها الساره إذا كانت الأمومة هي الحنان.. فالأبوّة هي الأمان.
عندما نتحدث عن الحنان والحب نعني بذلك الأم، وعندما نتحدث عن الأمان والعطاء نقصد الأب
واخيرا وليس اخرآآآ المساواة في الظلم عدل.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وردة في المزبلة)
تعليق واحد