رواية أحبني متمرد الحلقة الثامنة عشر 18 بقلم رنا
 |
| رواية أحبني متمرد الحلقة الثامنة عشر 18 بقلم رنا |
رواية أحبني متمرد الحلقة الثامنة عشر 18 بقلم رنا
طارق: في ايه ياسليم… مش علي بعضك انهارده كده
سليم وهو بيدخن بزهق: خايف يا طارق… خايف اخسرها
طارق: انت رجعت تشرب سجاير تاني من امتي
سليم رمي السجاره ف الارض وكمل: مش عارف حسيت ان دماغي مصدعه من التفكير
طارق: خايف من ايه طيب!!
سليم: حاسس ان موضوع اروي وجوازي منها مش هيعدي علي خير…
طارق: ايه ال رجعها تاني..مش ماتت وموضوعها خلص
سليم قعد علي الارض وهو بيبص علي النهر باستسلام: مش عارف هيقعد لحد امتي
طارق: بس ياسليم لازم نور تعرف…انتو فرحكم بعد يومين
سليم: كنت هقولها امبارح بس معرفتش..بس اكيد هتعرف
طارق: طيب انا كلمت الفندق ال قولتلي عليه وكله تمام وبدأو ف التحضيرات من دلوقتي وزي ما قولت الفرح هيكون بيرفكت ومفيش مشاكل
سليم وقف بابتسامه: ااه ياريت يعدي علي خير…طيب هروح اشوف الشغل ال سايبه ده…سلام
__________________________
*تاني يوم في شركه المجد للاستيراد *
نور: نور الصواف!!
السكرتيره: اتفضلي…هدخل ابلغ استاذ معتز
نور بابتسامه: اوك
*السكرتيره اختفت شويه وبعدين طلعت *
السكرتيره: اتفضلي…استاذ معتز مستنيكي جوه
نور بابتسامه: تمام
*نور خبطت ودخلت*
معتز بترحاب: اهلا اتفضلي يا نور
نور قعدت قدامه بابتسامه: ميرسي
معتز بابتسامه: طلعتي احلي بكتير من الصور…احم انا معتز هكون مديرك هنا…انتي هتبقي مديره اعمال مكتبي وسكرتيره خاصه ومحاسبه ليا
نور بتوتر: اوك
معتز: متقلقيش الموضوع مش صعب..انا بس كل ال عايزو منك الالتزام في المواعيد والنشاط والتركيز
نور: اكيد
معتز: كده تمام…تقدري تتفضلي والسكرتيره هتوصلك ل مكتبك واه لو في اي غياب هيحصل لازم اعرف عشان اعمل حسابي
نور بتوتر: بصراحه كنت…
معتز: خير!!
نور: كنت هغيب حوالي شهر
معتز: شهر بحاله!! ومن اولها كده
نور بأسف: انا اسفه جدا بس مش هقدر اجي الفتره الجايه
معتز بتفكير: اوك…مع اني مبعملش كده مع حد بس عشانك انتي هوافق وامري لله…اتفضلي
نور بابتسامه: ميرسي جدا…عن اذنك
* معتز قعد يبصلها لحد ماقفلت الباب وهو قام ولف ف المكان بتفكير *
معتز بخبث: اممم نور الصواف… لسوء حظك يانور انك وقعتي ف ايدي ههه حلوه تؤ تؤ دي بيرفكت
___________________________
السكرتيره: اتفضلي…ده مكتبك
نور بابتسامه: ماشي…ميرسي جدا
السكرتيره بصوت واطي: هو انتي تعرفي استاذ معتز!!
نور: لا!!
السكرتيره بتحذير: طيب خلي بالك منه…عن اذنك
نور بعدم فهم: قصدها ايه دي!! مش مهم دلوقتي اخلص شغلي واخليني ف حالي احسن
_________________________
مراد بابتسامه: الوو
أمنيه: انت!! انت جبت رقمي منين
مراد ضحك: حببتي كلها كام يوم وتبقي خطيبتي
امنيه بعصبيه: حبك برص…اسمع لحد الخطوبه لأ لحد كتب الكتاب تلزم حدودك معايا
مراد: بت انتي اتظبطي كده احسنلك
امنيه: بت في عينك…. بقولك اي انا هقفل سلام
مراد بعصبيه: امنييه!!
امنيه: نععم!
مراد بصوت حاول يخليه هادي: انتي وافقتي ليه قدام انتي مش طايقاني كده
امنيه بتوتر: اهلي اقنعوني وانا قولت اجرب
مراد ضحك:بجد!! هتجربي؟ هي الحاجات دي كمان فيها تجربه
امنيه بزهق: مراد انت عايز دلوقتي
مراد ابتسم بخبث: مفيش وحشتيني
امنيه بتوتر: طيب انا هقفل
مراد: اوك علي العموم انا مسافر وكنت بكلمك قبل مااسافر
امنيه: تسافر فين!!
مراد بزهق: امريكا… انتي عارفه حياتي كلها كانت هناك ولازم اروح اظبط شغلي وحياتي ل هنا
امنيه: هتتأخر!!
مراد بابتسامه: لا هحاول اجي علي فرح نور
امنيه سمعت صوت ابوها بيناديها واتكلمت بسرعه: طيب انا هقفل دلوقتي…بااي
مراد ضحك: يا بنت المجنونه!!
___________________________
*بعد يومين في فرح نور وسليم *
زينه بفرحه: نوررر….
نور راحت حضنتها: زينه!! كويس انكو جيتو انا هموت من القلق
زينه بصت ل امنيه بخبث وكملت: اهدي يحببتي خااالص
زينه وامنيه ضحكو ونور رمتهم بالمخده بعصبيه واتكلمت: بطلو رخامه بقولكو قلقانه
امنيه: قلقانه من ايه بس…كلنا معاكي اهو
نور بتريقه: معلش اول مره اتجوز
امنيه: بصي سيبي نفسك لينا خالص… فين الفستان والميكيب ارتست هتيجي امتي
نور: الفستان جوه وكلمت ال هيعملي ميكيب وقالي انه جاي دلوقتي
امنيه: طيب يلا ادخلي خدي شاور لما ييجي عشان متتأخرش
نور: اوك….
* نور دخلت وزينه طلعت تشوف سليم وامنيه كانت قاعده وتلفون نور رن وكان مراد *
امنيه: نوور!! مراد بيتصل
نور ضحكت: يبنتي ما تردي عليه شوفيه عايز ايه…ده خطيبك بردو
امنيه فتحت ومراد اتكلم بابتسامه: حببتي! عامله ايه
امنيه بتوتر: مراد!!
مراد بعد الفون شويه يشوف اتصل بمين واتكلم: امنيه!! مش ده تلفون نور!!
امنيه: ايوه نور مشغوله دلوقتي…وقالتلي اشوفك عايز اي
مراد ابتسم: اوك هي عامله اي…الفرح والتحضيرات كله تمام!!
امنيه: كله تمام… انت فين ده مفيش غير كام ساعه علي الفرح
مراد حب يهزر معاها: اووه للاسف مش هعرف احضر الفرح…انا لسه ف المطار عشان كده بتصل اشوفها واتعزرلها
امنيه بحزن حاولت تداريه: مش هتحضر!! بس نور كده هتزعل
مراد: نور بس ال هتزعل!!
امنيه بتوتر: ااه… قصدك اي يعني
مراد ضحك: مفيش..انا هقفل دلوقتى وهكلمها كمان شويه
امنيه: ماشي…سلام
__________________________
* بعد حوالي ساعتين بعد مانور لبست وخلصت وكلو كان لابس ومستنيها *
* نور خلصت وكانت لابسه الفستان الابيض ال كان واخد من لونها الطبيعي وسواد لون عينها وشعرها كانت حوريه فعلاً *
مدحت دخلت بهدوء: نور!!
نور راحت حضنته بسرعه: بابا..
مدحت بعدها عنه وباسها من جبينها بحب وقال والدموع ف عينه: ما شاء الله ياحببتي… ربنا يسعدك دايما
نور وهي بتمسح دموعه بحنان: ربنا يخليك ليا يابابا
مدحت: مكنتش متخيل اني هشوفك عروسه قبل ما اموت… نسخه من امك الله يرحمها
نور حضنته والدموع في عينها: ربنا يرحمها.. كان نفسي تكون معايا
مدحت: هي معاكي ياحببتي وفرحانه ليكي وبتتمنالك السعاده دايما
زينه بتحاول تلطف الجو: خلاص ياعمي نور هتعيط وهتبوظ الميكيب وسليم هيرجع ف كلامه
مدحت ضحك: لا لأ…يلاا
نور بابتسامه وهي بتحط ايدها ف ايده بحب: يلاا
__________________________
* نزلو وكان سليم واقف تحت بابتسامته ال خلته جذاب ووسيم اكتر وهو لابس البدله السوده ورافع شعره البني وعينه ال فيها نظره حب وفخر ب نور *
_ قرب وسلم علي مدحت بعد ما وصاه علي نور وقرب من نور وباسها من ايدها وجبينها بحب وحط ايده ف ايدها وراحو يرقصو سلو سوا *
سليم بابتسامه: مين الغبي ال قال نعمل فرح..مش كان زماني خدتك دلوقتي ورحنا
نور ابتسمت بكسوف: انت ال قولت
سليم حط ايده علي وسطها بتملك وقربها منه: قصدك ايه
نور: سليم… الناس
سليم ضحك وهو بيقربها منه اكتر: يبنتي انتي عبيطه انتي مراتي والناس دي جايه فرحنا
*نور ابتسمت وحضنته *
______________________
* امنيه كانت واقفه تتابعهم بحب *
مراد جه من وراها: تحبي ترقصي!!
امنيه بفزع: مرااد!!
مراد بابتسامه وهو بيتأملها: هاا ترقصي ولا اشوف حد تاني
امنيه: تشوف حد تاني ازاي !!
مراد بص حواليه: الفرح مليان بنات قمر وكلهم عاوزين يرقصو
امنيه بعصبيه وغيره مش عارفه سببها: وانت بقي ال هترقص معاهم!!
مراد: وليه لأ!!
أمنيه: طيب يلا روح شوفلك واحده ارقص معاها… شوفلك احلي واحده ف الفرح عشان تليق بيك
مراد بابتسامه: اممم عندك حق… فعلاً هختار احلي واحده ف الفرح
* كان ماشي قدامها ف سحب ايدها وهو ماشي *
امنيه: مرااد!! بتعمل ايه
مراد: اختارت احلي واحده ف الفرح
امنيه وقفت بصدمه: ايه!!
مراد وقف وقرب منها: في ايه!! بقولك اختارت احلي واحده..يلا انا قولت ل جدك وهو وافق عشان متقوليش اعذار… هترقصي!!
امنيه بابتسامه: اهاا….
_________________________
* نور كانت قاعده لوحدها بعد ما سليم استأذن يرد علي تلفون مهم *
_ الف مبروك يحببتي
نور لفت وشها ولقت بنت تقريبا ف سنها: الله يبارك فيكي
_ اكيد انتي متعرفنيش بس انا اعرفك واعرف سليم كويس… انا سالي
نور بابتسامه: تشرفت بيكي
سالي: انا بصراحه حبيتك من اول ما شوفتك مع سليم وقولت انك طيبه وجميله ولازم تعرفي كل حاجه عن سليم
نور بضيق من كلامها: بس انا اعرف كل حاجه عن سليم
سالي بتصحيح: تعرفي ال سليم قالهولك بس
نور: وسليم هيخبي عني ايه!! وانتي تعرفي سليم اوي كده علشان تكلميني عن حياته بالطريقه دي
سالي: اكيد انا اعرفه من زمان وكمان كنت صاحبت مراته ال قتلها
نور بصدمه: مراته!! وقتلها!! انتي بتقولي ايه..
يتبع..
لقراءة الحلقة التاسعة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية عريس من ديزني للكاتبة ندى حمدي.
