رواية حب بنت الشوارع (حياة الصقر) الفصل الثامن عشر 18 بقلم ملك اسامة
 |
| رواية حب بنت الشوارع (حياة الصقر) الفصل الثامن عشر 18 بقلم ملك اسامة |
رواية حب بنت الشوارع (حياة الصقر) الفصل الثامن عشر 18 بقلم ملك اسامة
حياه أتخضت و طلعت تجري و اتفجأت بملوك و عمار بيتخانقوا..»
عمار: بقي أنتي يا حرااميه تبقي صاحبه أختي
ملوك: ماا تلم نفسك يا جدع أنت قال حرااميه قال
عمار: حراميه و ستين حراميه كمااان لما تنطي من السور دا أسميه إيه!!
ملوك ببرود: سميه زي ما تسميه أنا مسرقتش عشان تقولي حراميه
عمار: وأنا هستني لما تسرقي!!
ملوك: وأنا مش هسرق أصلا يا غبي
عمار: أهو أنتي الغبيه
حياه وقفت بينهم: بس بسسس بسسس أنا الغبيهه آه والله أنا و مني لله كماان
ملوك: متقوليش علي نفسك كدا يا بت
عمار بقرف ليها: بت!!
ملوك: أومال واد!!
عمار: دي صاحبتك يا حياه!!
حياه: آه يا عمار صاحبتي و جايه تحضر فرحي يا حبيبي ممكن متضيقهاش
عمار: هتحضر الفرح و هتمشي
ملوك: حوش حوش عايزة أقعد في وشك ليل نهااار يلااا دا أنت وشك يقطع الخميرة من العيش
عمار: آه غيراانة مني عشان حلو و عسل و مسمسم و البناات عليا قد كداا
ملوك: غيراانه منك!! وأنا يوم ما هغير هغير منك !! ليهههه يا دلعدي من قلة البناات!!
حياه و هي بتسحبها: بسس بقي أنا تعبتلكوا بسس
ملوك: عشان خاطرك يا حياه بس
حياه: شكرآ يلاا بقي نطلع!!
ملوك طلعت مع حياه الأوضة و عمار بيبصلها بتوعد..»
*في الأوضة *
ملوك: بقي الكائن دااا اللي أنا بقول عليهه مز طريقة كلاامه كداا؟؟ لا و أخوكي!! دا إزاي معلش
حياه ماسكه رأسها: آه يااااني أصوتتت!!!
ملوك قربت منها: خلاص خلاص أسفه هاا هنعمل إيه!!
حياه: هنروح البيوتي سنتر
ملوك: أشطاات وأنا هروح أجيب هدومي من عند الريسة
حياه بصتلها: أنتي لسه بتشتغلي عندها!!
ملوك: ما هي اللي بتأكلني يا حياه
حياه: هشغلك في الشركة بتاعت بابا
ملوك: بس أنا مش دارسة غير ثانوي
حياه: عادي أنا بدرس من البيت و بشتغل في الشركه صقر قدر يخليني أدخل الجامعه لا و أخدها في البيت و الإمتحانات بروح أمتحن و أرجع
ملوك: الله بجد يا حياه!!
حياه: بجد يا روحي و دلوقتي متروحيش تجيبي حاجه إحنا هنروح نعمل شوبينج و نروح البيوتي سنتر يلاا.. قامت و طلعت هدوم من هدومها و أدتهلها.. يلا خدي أجهزي وأنا هنزل أجهز
ملوك أبتسمت و أخدت الهدوم و دخلت تأخد دش و لبست الهدوم و نزلت..»
حياه بتصفير: مووزه موزهه
ملوك ضحكت بفخر مصطنع: طول عمري يا بت
عمار كان بيتكلم في الموبايل و بصلها بعصبية إنها تسكت بس مسكتتش و فضلت تعلي صوتها أكتر.
ملوك: اهيهياهياااااااا أيه داااااع فااااااااار لااااع لاااع برصصص
عمار بيبصلها بغضب و هي بتضحك و حياه بتضحك عليهم.
عمار خلص: تعاليلي بقي يا بتاعت فااار ولا برص أنتي
ملوك: لاا يا باشا عيلة و غلطتت وحياه أختك الحلوهه ديي
عمار: ما كنتي من شوية القطه الشرسة إيه دلوقتي قلبتي ليه!!
ملوك و هي بتبص علي حياه اللي جمبها: ترااجعت عشان العروسة
عمار بأبتسامة لأخته: و أحلي عروسة يلا عشان أوصلكوا يلاا
عمار أخد البنات و راحوا المول عملوا شوبينج بعد كدا أخدهم البيوتي سنتر و مها و تولين و ناهد كانوا كلهم جوا دخلوا معاهم و ملوك أتعرفت عليهم و حبوها كلهم..»
*في البيت*
سفيان ماسك طبلة: و رشواا الشاارع مايه
وليد بيرقص بطريقة مضحكة: رشواا الشاارع مايه
عمار و صقر بيضحكوا عليهم..
صقر: بس أنت و هو بقي
سفيان: والله أبداً هشغل مهرجانات أصبر
صقر: و كدا اناا هرقص يعني مستحيلل
بعد خمس دقايق صقر بيرقص معاهم: مصاحبش الفرافير حتي لو راكبين فيرااري
وليد: أنا أصاحب التقدير حتي لو هركب أتاري
سفيان بزغروطة أو بصويتة أيهما أقرب ????: أتاري الدونياا أتاري
عمار طفي المهرجانات: خلااص رقصنا و خلصنا!! يلا نروح المول نختار البدل ولا إيه!!
صقر: احم آه يلاا هنطلع نلبس
طلعوا لبسوا و نزلوا يختاروا البدل *شوية فرفشهه عشان اللي جااي حزن حزننن يا فوزيي ياخويااا ????????*
*باليل *
كلهم متجمعين في بيت صقر و بيهزروا..
ناهد: يلاا العشاا يلاا
أتجمعوا علي السفره و لسه هيأكلوا دخلت عليهم مجموعه من الظباط..
الضباط: معانا أمر بالقبض علي عمار الدسوقي..
