رواية المؤامرة الحلقة الثامنة عشر 18 بقلم منة محسن

روسندا مسكت ايد كرم وبتعيط وبتترجاه يسامحها:كرم انا بوعدك مش هعمل حاجه تضايقك تانى..روسندا هتتغير عشانك وهتسمع كلامك و…وعمرها ماهتزعلك..

كرم قاطعها بعصبيه:انتى لسه مافهمتيش!…انا متجوز وماينفعش افضل معاكى انتى لو عايزه تتغيرى يبقى ده عشان نفسك مش عشان عيزانى ابقى جانبك…روسندا هانم ولاخر مره هقولهالك انا مش ليكى…كرم مستحيل يحبك كرم اختار شريكه حياته وكل المحاولات اللى بتعمليها دى مش هتجيب بفايده..واللى بتعمليه ده يعتبر محاوله لتفريق بين زوجين ف يا ريت تعقلى  وتفهمى حاجه زى كده…نصيحه من اخوكى الكبير لو فضلتى تفكرى فى اللى فى دماغك ده هتعيشى طول عمرك عانس..يعنى مش هتتجوزى.

روسندا بصاله ودموعها مش مبطله نزول بالعكس كلامه هد جواها كل ذره امل كانت متشبسه بيها.

كرم دور وشه للجهه التانيه:حضرتك هتفضلى هنا اكتر ولا هتروحى؟

روسندا لسه بصاله وهو بصلها وعاد كلامه تانى:حضرتك هتمشى ولا هتفضلى هنا؟!!

روسندا مسكت ايده بعياط وبتهز راسها بإيجاب: طيب طيب انا مش هطلب منك تحبنى بس.. بس خليك معايا و… واتكلم معايا تانى واضحك فى وشى زى ماكنت بتعمل و.. ونهزر نهزر سوا وتبتسم لما تشوفنى انا موافقه تبتسم الابتسامه اللى انا مابحبهاش انا موافقه بس متعاملنيش كده ارجع نام فى اوضتك تانى وزعق وخلينى مش عارفه انام انا مش هقولك حاجه ارجع افطر معايا على تربيزه واحده و… واحضنى لما اكون بعيط.. داوى جرحى لو… لو اتصابت…انا مش طالبه غير انك ترجع معايا زى ماكنتش ماتحبنيش ماتقوليش بحبك بس اضحك عليا بكام كلمه زى ماكنت بتعمل ابتسم ف وشى زى ماعزام كان قايلك تعمل انا مش طالبه اكتر من كده. 

كرم باصصلها واتصدم انها كانت عارفه ان كل اللى بيعمله ده بأمر من عزام. 

روسندا بتعيط وبتضحك فى نفس الوقت وملكت وشه بين ايدها:ارجع اسمحلى اشم ريحه البرفيوم بتاعتك و… و… 

مسكت رجليها بألم وهو بصلها وجى يشيلها بعدته وهزت راسها بنفى: لا انا قولتلك مش همشى من هنا الا لما توعدنى ان كل حاجه هترجع لطبيعتها وهتسامحنى.. 

كرم باصصلها وفى نفسه: انا عارف انك مجنونه ومابتفكريش فى اللى بتعمليه عارف ان كلام عزام بيه صح بس…انتى كنتى هتدمرى حياتى مش بس مع مراتى مع عيلتى كمان..دموعك دى بتهد كيانى عارفه بتسطعتفينى ازاى بس يا ترى لو سامحتك هبقى اتصرفت صح وفعلا هتتغيرى؟!!

كرم بصلها واتنهد بعمق:طيب ممكن نروح ونبقى نتكلم؟

روسندا:يعنى..مسامحنى؟

كرم باصصلها بتردد:لو لقيت تغيير هسامحك.

روسندا ابتسمت ووشها غرقان من الدموع:يعنى..انت هترجع تكلمنى وتبتسملى و..وتهزر معايا زى ماكنت؟

كرم هز راسه بإيجاب:لو لقيت فى تقدم و…

روسندا حضنته جامد وأبتسمت بأنبساط وسعاده وبتتجاهل وجع رجليها اللى هيموتها:شكرا يا كرم بجد شكرا.

كرم باصص قدامه بدهشه بعدها عنه وبصلها:وفى حاجه كمان…ممنوع اللمس.

روسندا بصتله وهزت راسها بإيجاب:اا…طيب زىمانت عايز.

كرم بصلها وقرب شالها:هرجع حضرتك البيت.

روسندا ابتسمت جات تحضنه بعد شويه وهو شايلها على دراعه:هااا..

روسندا بصتله وهزت راسها بإيجاب:اا…اسفه.

كرم بعد نظره عنها وهى ابتسمت بأنبساط وبتمسح دموعها اللى عيونها احمرت من كتر نزولها.

للكاتبه/منه محسن[Milly]

وليد بصدمه:ماذن مات؟!!!!

شمس:ده انت مش عايش معانا يا جدع..

وليد:هو ازاى يتصرف كده مع روسندا!…كنا بنقول بيحبها بس مش لدرجه انه يعوز يقتلها عشان تبقى معاه هو حب ولا غصب!

شمس:اهو ربنا يرحمه بقى 

وليد اتنهد بحزن:ربنا يرحمه…

شاهيناز:يلا نمشى عايزه اروح اطمن على روسندا.

وليد:خدونى معاكوا ثوانى هغير هدومى وارجعلكوا.

شاهيناز:طيب متأخرش..

عند كرم وروسندا.

روسندا باصه من شباك العربيه ورجليها بتنزل وكرم عيونه بتروح وتيحى على الجرح والشاش اللى اتغرق دم وهى ولا حاسه.

كرم مدلها مناديل:الجرح بينزف.

روسندا بصتله وخادتهم وابتسمت واتكلمت بهزار:ده انا لو كنت نقطه ميه كنت مليتها.

كرم بصلها ورفع حواجبه وهو بيبص للطريق من وقت للتانى:عايزه مناديل اكتر؟

روسندا بصتله وهزت راسها بنفى وبعدت نظرها عنه واتضايقت من تصرفه معاها وانه لسه مصفيش من ناحيتها.

كرم فى نفسه:عارف انك اضايقتى بس لازم تعرفى ان اللى عملتيه مش شويه وماتقررهوش تانى.

روسندا فكت الشاش بألك لتكتمه وحطت المناديل على الجرح وغصب عنها صرخت من الالم.

كرم وقف العربيه فجأه وبصلها بقلق:انتى كويسه!!؟؟

روسندا عيطت:رجلى وجعانى.

كرم بصلها شاف قدامه طفله بتبكى وده اللى خلاه خاد منها المناديل وبيحاول على قد مايقدر يكزن حنين على جرحها.

روسندا بتتألم وتعيط.

كرم رفع راسه وبصلها ومسحلها دموعها بضيق:ملوش لزوم البكاء هو مجرد جرح وهيخف.

روسندا بصتله وهزت راسها بإيجاب وهى وبتحاول تتوقف عن العياط.

فى الوقت ده عزام اتصل بكرم وهو مسك تليفونه ورد:الو يا عزام بيه..

عزام:كرم معلش هتعبك معايا هات روسندا وتعالوا على محكمه ٭٭٭٭٭٭٭.

كرم بص لروسندا وهز راسه بإيجاب:امرك يا عزام بيه.

قفل الخط وبصلها:هو عايزك فى المحكمه.

روسندا بصتله بتفكير:اكيد عشان النقيب عم ماذن.

كرم بصلها وكمل سواقه.

للكاتبه/منه محسن[Milly]

فى الصعيد فى المنيا بالتحديد فى بيت عيله الصياد…حد بيخبط على باب البيت. 

خديجه راحت فتحت الباب وبصتله بتفاجئ لانها ماتوقعتش ابدا يكون هو. 

مؤمن باصصلها بأبتسامه وكان لابس ومتشيك اخر شياكه وبيغنى: انت زعلان منى منك سئلان عنى لو تعرف بس انى بعدك رح مووووت.. 

خديجه بصاله وبعدت نظرها عنه بزعل واضح وهو حط ايده على وشها بأبتسامه: قلبى تبان بدو تبقى على طول حده قلبك الى رده انت ومبسووووط.. 

خديجه زأت ايده بعنف: بقولك ايه الشويتين اللى بتعملهم دول مايدخلوش على عيل صغير ايه اللى وداك القاهره يا مؤمن من غير ماتعرفنى بأتصال حتى؟؟! 

مؤمن: طباهدى طيب يعنى انا جاى بغنيلك وبصالحك وانتى تصدينى كده؟.. طب فنجان قهوه طيب. 

خديجه بصتله وقفلت الباب: اقعد. 

راحت على المطبخ وهو بصلها وهى ماشيه وخرج سلسله ابتسم وقرب راحلها فى المطبخ وقف وراها ولبسها السلسله وهى بصت قدامها مسكت السلسله وابتسمت بتلقائيه انه محصلش زى مكانت متوقعه وماطلعش انه زهق منها وسابها. 

مؤمن قرب باس راسها وهى لفت بحركه سريعه وركلته برجليها ف رحله وهو وقع على الارض ومسك رجله بألم: ااااااه.. 

خديجه مسكت السكينه وحطتها قدامه: جرب تقرب تانى وشوف انا هعمل فيك ايه. 

مؤمن بيضحك وبيتألم: ايه الافتره ده معلش نسيت انى خاطب عم جعفر. 

خديجه بصتله بضيق وزعل: طب خلى عم جعفر يعملك القهوه بقى. 

جات تمشى مسك ايدها وبصلها برومانسيه: احلى بنت انا شوفتها فى حيلتى… وهشوفها.. 

خديجه بصاله وغصب عنها ابتسمت بعدت نظرها عنه وسحبت ايدها ونادت:ااا… حجه سميره… مؤمن هنا.. 

مشيت بسرعه وهو عارف انها بتتهرب منه وده اللى خلاه ابتسم وقام ورجله لسه وجعاه. 

سميره: مؤمن رجع!!… اه صحيح منا شايفه البشاير على وشك. 

خديجه بعدت نظرها عها بأبتسامه ومدتللها السلسله: ايه رأيك؟… هو جبهالى. 

سميره ابتسمت وفرحت على فرحه بنتها: جميله يا روحى ربنا يخليكوا لبعض وماتبعدوش عن بعض ابدا.

خرحوا برا الاوضه وخديجه قدمتله القهوه وسميره قاعده بتتكلم معاه.

سميره:ايه يا بنى لزوم الحاجات اللى جايبها دى كلها بس انت غريب!

مؤمن ابتسم:من بعض خيركوا وبعدين هو عيب اهدى خطيبتى وعيلتها.

خديجه بصتله وبتسئل نفسها امتى بقى رومانسى كده؟!!

مؤمن:انا كنت مسافر لشغل جالى فى القاهره فى شركه كبيره لرجل اعمال كبير انتى عارفهانا زى كرم خريج كليه تجاره وافهم فى الحاجات دى وفى شغل الشريكات ف وافقت وكمان لقيت المبلغ حلو اوى ولا احسن شغله هنا..وكنت عاملهالكوا مفاجئه انى ارجعلكوا بالفلوس واكون شخص جديد وفى اسبوعين بس خدت مرتب حلو وجدتى كلمتنى وقالتلى انك سئلتى عليا وانك مضايقه عشان كده رحعت.

خديجه:لو انت عاملها مفاجئه حتى ليه ماردتش على اتصالاتى؟؟!

مؤمن:انا فعلا تليفونى كان خربان وماكنتش عارف اكلم حد فيكوا بس اشتريت تليفون جديد ولو مش مصدقانى اوريكى العقد.

سميره:ملوش لزوم يابنى..المهم انت ايه اخبارك والله احنا بس قلقنا عليك وده السبب فى اننا نسئل جدتك نبيهه.

خديجه بصت لمؤمن بعد ماسرحت ثوانى فى كلامه:انت ناوى تنزل القاهره تانى؟..يعنى هتعمل زى كرم وهتسافر بعيد عن هنا؟

مؤمن بصلها ولاحظ انها اضايقت.

سميره اتكلمت بتسرع:صح يا بنى ابقى كلم كرم كان عايزك.

مؤمن بصلها بأنتباه وهز راسه بإيجاب جى يتكلم سكتوا لما سمعوا صوت زعيق برا البيت.

خديجه بصت لمؤمن بأستغراب وطلعوا بسرعه يشوفو فى ايه.

اتصدموا لما لقوا الناس بتحاول تطفى فى حريق الارض الصغيره بتاعتهم واللى جانب البيت.

مؤمن جرى بسرعه قلع الجاكيت بتاعه وبيطفى معاهم الحريق.

سميره قعدت على الارض تلدموع فى عيونها ومش قادره تاخد اى رده فعل حتى المصدر الوحيد اللى كانوا بيسترزقوا منه وبيجبلهم دخل راح بكل المحصول اللى استنوا شهور وسنين عشان ينموا.

Flashback

عمران:ام كرم حته الارض دى امانه فى ايدك لو حصلى اى حاجه اهتموا انتوا بيها واسترزقوا منها..

سميره:ابنى بس اسمع كلامى وبيع الارض وكون نفسك وبعدها يحلها الف حلال.

كرمبنفى:انا مش هبيع حاجه ملك لينا كلنا وكمان الحاج موصينا عليها..ولولا الارض دى احنا كانت حالتنا هتسوء ومكنش هيبقى فى اى دخل نعيش بيه.

Back

سميره اغمى عليها وخديجه جريت عليها بصدمه والناس متلميه حواليهم: لا حول ولا قوه الا بالله.. حد يجيب ميه بسكر..

للكاتبه/منه محسن [Milly] 

كريم ماسك تليفونه و بيتفرج على فيديو حرق الارض اللى كان مسئول عنه حد من رجالته حسب اوامره وتواعده لكرم.. طلب منه يصورله كل حاجه عملها وبالفعل صورله اللى حصل… كان بيتفرج ومبسوط وكأنه بيشوف فيلم كومدى… فى اشخاص بيبقى تخريب حياه الناس عندهم حاجه فى منتهى اللزه. 

كريم ابتسم بخبث ولؤم: خليك بقى مع حبيبه القلب وسيب اهلك هناك يا… ههههه حارسها.. انا هرجعك لاصلك وابقى ورينى هتسيب خرابتك تانى ازاى وتاخد حاجه مش بتاعتك. 

فى الوقت ده دخل عليه وائل وهو قفل الفيديو وبصله: خير يا وائل؟! 

وائل: كريم بيه فى مصيبه.. فريد بيه وافق يبيع المشاريع اللى حضرتك رفضت تبيعها لشركه ٭٭٭٭٭٭٭ وبنص التمن اللى كانوا عارضينوا كمان. 

كريم وقف فجأه و بصدمه: ايه!!

فى قصر عزام. 

شاهيناز:طيب ماتعرفيش هى هترجع امتى؟؟ 

فاطمه هزت راسها بنفى: للاسف لا.. بس ممكن تتفضلوا تستنوها واهو اعملكوا شاى عقبال ماتيجى.. 

شاهيناز وشمس ووليد بصوا لبعض وكأنهم بيستشيروا رأى بعض: اممم.. طيب.. مفيش مانع. 

قعدوا وفاطمه ضيفتهم وجابتلهم حلويات وعملتلهم شاى. 

عايده رجعت القصر وبصتلهم بقرف وبتسئل نفسها عن وجودهم هنا وبصوت عالى: فااااطمه… فاااااطمه.. 

فاطمه راحتلها بسرعه: نعم يا هانم؟

عايده: روسندا  هنا؟ 

فاطمه هزت راسها بنفى: عزام بيه وروسندا هانم مش موحودين. 

عايده بصت لصحابها بقرف وبصتلها بزعيق: امال دول بيعملوا ايه هنا؟… مش قولنا محدش غريب دخل؟ 

وليد وشمس بصينلها بغضب وضيق واللى مخلى شمس مستغربه هو سكوت شاهيناز وملامحها اللى بتدل على انها مش معاهم.

فاطمه: بس دول كانوا بيسئلوا عن الهانم الصغيره وقولتلهم يستنوها. 

عايده بزعيق: هو قصر ابوكى عشان تقوللهم يستنوها ولا لا!.. خرجيهم من هنا حالا والا انتى كمان هتخرجى معاهم فاهمه؟ 

فاطمه بصت فى الارض بأسف: امرك يا هانم. 

عايده: هغير واطلع مش عايزه الاقيهم..

دخلت اوضتها ووليد اتكلم بأستغراب: مين الست دى وازاى تتكلم علينا كده!… انا سكت بس عشان اسئلك الاول وماعملش مشاكل لروسندا  بس هى زودتها اوى. 

شمس: هى اخت عزام بيه سيبك منها هى على طول كده.. 

بصت لشاهيناز اللى سرحانه: ايه الهدى اللى ظهر مره واحده ده!… يا سبحان الله. 

شاهيناز بصتلها بأنتباه:اا..ايه!..انا مركذه معاكوا 

شمس بتريقه: لا يا روحى محنا عارفين انتى هتقوليلنا! 

فى المحكمه. 

القاضى: انتى روسندا عزام؟ 

روسندا هزت راسها بإيجاب 

القاضى: احكيلنا اللى حصل معاكى انتى وماذن وبالتفصيل..بس الاول قولى والله العظيم هقول الحق.

روسندا هزت راسها بإيجاب:والله العظيم هقول الحق.

روسندا حكيتله كل اللى حصل.

عزام:حضرت القاضى انا عارف القانون كويس اوى ورجل اعمال كبير زى مش هيروح يقتل عيل عشان يورط نفسه فى قضيه زى دى.

سرحان بزعيق:انتوا كذابين وكل اللى بتقولوه ده كذب ولو المحكمه مقاضتش اللعينه دى انا هقاضيها.

القاضى بزعيق: سرحان بيه اتفضل اقعد والا هتخرج برا المحكمه. 

سرحان قعد بغضب. 

عزام: حضرت القاضى انا عندى دليل نهائى هيخلص كل ده وانا جيبته معايا للاحتياط…تسمح تشوف الفيديو ده. 

اداله تليفونه واللى عليه الفيديوا اللى صور كل حاجه حصلت وماذن هناك واللى خده من كاميرات القصر. 

القاضى شافه وهز راسه بإيجاب:حكمت المحكمه حوريآ بقفل القضيه واذا تعرض اى احد منكم لهم سنتخذ معه الاجرأت اللازمه.. رفعت الجليه. 

سرحان بصراخ: ازاى يعنى انا ابنى مات انتوا متخلفين!… انا هقفلكوا المحكمه دى كلها وعليا النعمه لاكون واخد حق ابنى منها. 

بعد ماخرجوا من المحكمه. 

كرم ركب روسندا العربيه وعزام وقف مع سرحان وراله الفيديو. 

سرحان باصص للفيديو والدموع نزلت من عيونه وهو باصص لماذن. 

عزام بصله وحط ايده على دراعه: انا عارف اللى انت حاسس بيه مش سهل تخسر ابنك بس انا بنتى ملهاش اى ذنب فى كل ده وزى مانت شوفت كده بنتى كانت ضحيه ولولا انى اسعفتها كانت ماتت هى كمان…

سرحان بصله ومسح دموعه اداله التليفون وعزام ابتسم بخفه وربط على كتفه: ربنا يصبرك ويوريك الحق. 

راح لعربيه روسندا: حبيبتى انا هروح على الشغل كرم يا بنى وديها القصر وخلى بالك منها. 

كرم  هز راسه بإيجاب ومشى بعربيته وعزام هو كمان ركب عربيته ومشى. 

معتصم بص لسرحان بأستغراب: انت ناوى فعلا تسيب حقك؟؟؟! 

سرحان بصله وبص لعزام وهو ماشى: لا.. 

بعد ماكرم وروسندا وصلوا للقصر. 

شاهيناز حضنتها وفضلت حضناها وكأنها مش عايزه تسيبها. 

شمس: شاهى انتى نمتى؟!! 

روسندا بهزار: ايه هموت؟!! 

شاهيناز بعدت: بعد الشر عليكى.. 

وليد: اعذرينى يا روسى بس انا فعلا لسه عارف منهم موضوع اصابتك لانى شوفت شغل جديد وكنت مشغول بيه الفتره دى.. 

روسندا: مبروووووووك شغل ايه بقى يا خريج الثانويه؟!

وليد: مدخل بيانات كلو شغل على الحاسوب هو مشروع صغير اشتركت فيه انا ومجموعه من الشباب العاطلين واللى بيفهموا فى شغل الكيمبيوتر وال HTML (البرمجه) وغيرها كتير وده هيساعدنى الاقى شغل بسرعه لان مفيش شركه بتستغنى عن مدخل بيانات.

روسندا:لا صايع حتى يوم متلاقى شغل يبقى صايع زيك.

وليد ابتسم وبأستعطاف:بقولك ايه ياروسى متخلى عزام بيه يشوفلى معاه اى شغلانه بدل قعدتى دى.

روسندا بصاله ورفعت حواجبها بانبهار: ايه التغيير ده!… عايز تشيل مسئوليه شغل لا وكمان مش اى شغل… فين ايامك يا سهر. 

وليد ضحك: لا مبقاش فيه الكلام ده خلاص قرفت وانا كل يوم والتانى اروح اخد من خالى فلوس وهو اصلا بيجيب القرش بالعافيه ف قولت اتحمل مسئوليه نفسى احسن. 

روسندا: لا جدع وعشان كده انا هقول لعزام يشوفلك شغل معاه. 

كرم مركذ فى كلامهم وابتسم بخفه وافتكر. 

Flash back 

فى النادى..

وليد:واللهى انا خالى بيصرف عليا ومش محتاج اتمرمط المرمطه اللى انت فيها دى

كرم:مفيش واحد بيعيش ببلاش لازم تتعب وتشقى عشان تاخد جزأك فى الاخره وكمان مفيش راجل يخلى حد يصرف عليه وانت حبك الكيمبيوتر ومهارتك العاليه فيه ممكن تستخدمها فى حاجات كتير..زى مدخل بيانات مثلا مفيش شركه او شغل بيستغنى عن مدخل للبيانات انا كنت ناوى اشتغلها بسرحيم لقالى الشغلانه دى وكمان خالك اكيد بيتعب وبيشقى عشانيجيب الفلوس اللىانت بتاخدها منه وبتضيعها بكل بساطه فى السهر والخمره وكل ده مش هينفعك بأى حاجه لاف دنيتك ولا فى الاخره.

وليد باصصله وبيفكر فى كلامه.

فى الوقت ده روسندا راحتلهم:كرم عيزاك ثوانى.

Back 

كرم فى نفسه: انا كنت فاكره مش هياخد بكلامى بس فعلا الشله دى كلها محتاجه لحد يوجهها للطريق الصح وياخد باله منهم. 

وليد: انا همشى بقى انتوا هتمشوا معايا ولا قاعدين؟!! 

شمس: انا همشى معاك. 

شاهيناز: انا هقعد مع روسى. 

روسندا ابتسمت: تشرفينى يا روحى. 

شمس: طيب يلا سلام هبقى اجيلك يا روحى. 

روسندا همستلها:شوشو احنا عارفين انك عقله بليز خلى بالك من الواد وبلاش عنف. 

شمس ضربتها على كتفها بضحك: اتلمى يابت.. 

روسندا ضحكت ووليد راح حضنها:خلى بالك من نفسك ولو فى اى حاجه اتصلى باخوكى اربعه وعشىين دقيقه فى الخدمه.

روسندا ضحكت وحضنته:خلى بالك من قعلوزتى.

وليد ضحك وشمس اتكلمت بتواعد:طيب يا روسندا.

روسندا بتضحك وشمس ووليد مشيوا بعد ماخرجوا وليد وقف وبص لشمس:ثوانى.

راح وقف مع كرم وشمس عيونها عليه واستغربت من رجوعه بعد اللى حصل.

وليدسلم على كرم وحضنه وبعد بصله بأبتسامه:شكرا يا كروم.

كرم بصله بأبتسامه وبأستغراب:على ايه!

وليد بأبتسامه:انا عملت بنصيحتك ودورت على شغل وعلى قد منا لسه ماخددتش هشاغل فين بس انت فعلا كلامك ده غير فيا حاجات كتير..بجد متشكر.

كرم ابتسم وحط ايده على دراعه:ده بس عشان انت من جواك كويس.

وليد:انا عايز اقابلك واتكلم معاك…يعنى بعيد عن هنا.

كرم بصله وهز راسه بإيجاب:مفيش مشكله.

وليد ابتسم وسلم عليه:يلا اشوفك..

مشى وشمس بصت لكرم ماتكلمتش وكأنها زعلانه منه وهو بصلها وابتسم بخفه ورفعلها ايده:ازيك..

شمس ابتسمت بخفه:ازيك.

وليد:يلا…

مشيوا وكرم اتنهد بعمق وبتفكير.

شاهيناز:الا قوليلى هو ازاى رجع للشغل تانى؟

روسندا حكتلها اللى حصل وشاهيناز ابتسمت برقه على لطفه معاها:تعرفى هو اكيد بيحبك لانه لو مكنش بيحبك مكنش سامحك.

روسندا بصتلها وهزت راسها بنفى وبحزن:انا مش عايزه حاجه اكتر من انى اشوفه…هو ده كل اللى انا طلباه منه.

شاهيناز بصالها بحزن:يعنى مفيش امل تبقوا لبعض؟!!!!

روسندا هزت راسها بنفى:هو بيحب هبه مراته..يمكن انا غلط بأللى عملته وهو فعلا اتقلب عليا افتكرت ان اللى بعمله ده هيبقى ليا بس…انا كنت هتحرم من شوفته.

شاهيناز بصالها بحزن ومسكت ايدها:انتى فى ايدك كنذ اعملى اللى تقدرى عليه عشان يكون ليكى فى فرصه فى ايدك ماتضيعهاش.

روسندا بصالها بحزن وهزت راسها بنفى:انا مش هحاول لان المره دى فعلا لو سابنى هو مش هيرجع ولا بأى طريقه.

شاهيناز بصالها بحزن وبتفكير.

للكاتبه/منه محسن[Milly]

كريم بغضب:انت ازاى تتصرف فى الحاجه بتاعتى انت ملكش دعوه بمشاريعى تعرف مصيبه اللى عملته ده!

فريد:لا يا روحى احنا شركه تتعصب عليا تزعل منى.

كريم بعصبيه:بقولك ايه خلاص بقى الشغل ده انت ترجعلى مشاريعى وحالا.

فريد:خلاص روح اتخانق معاهم وقولهم يرجعولك مشاريعك وابقى تعالى ادهانى ابيعها لشركه تانيه.

ويضحك.

كريم بصله بغضب:هتندم يا فريد هتندم وندم كبير.

فريد بيضحك:مندمت وكان اللى كان..جى دلوقت وقت ندمك انت.

كريم بصله وشاف فى عيونه كميه الغضب اللى بتزيد مش بتقل.

للكاتبه/منه محسن [Milly]

بعدما فوقوا سميره.

مؤمن:انا هتصل بكرم اقوله على اللى حصل.

سميره هزت راسها بنفى:لا يا مؤمن اياك تقوله حاجه…انا مش فاهمه مين اللى عمل كده وليه حرقها!…المحصول اللى استنينا اد كده عشانه راح فى شربه ميه.

خديجه بصلها بحزن:احنا لازم نقول لكرم وهو هيعرف يشوف مين اللى عمل كده.

سميره هزت راسها بنفى:هو هيقلق علينا وهيسيب شغله ويجى انا مش عايزه كده..خليه فى اللى هو فيه.

فى الليل.

روسندا باصه لكرم اللى قاعد برا القصر بيقراء من المصحف اللى هبه ادتهولو وبيرتل القرأن الكريم بطريقه رأعه..سرحت فى صوته وهو قام بعد ماخلص حفظ شال المصحف فى جيبه وخرج تليفونه اتصل بهبه.

روسندا بصاله وشيفاه مبتسم وهو بيكلمها غمضت عيونها بتنهيد وبتحاول تأقلم نفسها على عيشته وعلى كلامه مع هبه وسؤاله عنها.

اتكلموا مع بعض وبعد ماخلص روسندا نادتله وهو لف وبصلها دخل القصر وراحلها.

روسندا اتعدلت فى قعدتها بصعوبه وبصتله بأبتسامه:اا…انا قاعده لوحدى وزهقانه…ممكن تقعد معايا؟

كرم بصلها بتفكير وقعد على الكرسى قدامها وبصلها:ائمرينى.

روسندا بصتله وابتسمت وهو بصلها بتسأل:الحقيقه انا فى سؤال عايز اسئلهولك بس متردد.

روسندا بصتله وهزت راسها بنفى:اسئل.

كرم بصلها:عزام بيه قالى من فتره انك كان بيجى عليكى الليل بتتبدلى وبتعملى حاجات غيره انا كنت عايز اعرف…اليوم اللى حاولتى تخوفيني فيه باليل ولبستى عبايه سوده..كان عن قصد ولا لا؟؟!

روسندا بصاله بتفكير ومتردده تقوله:بس يا كرم..انا هقولك حاجه بس خليها بينى وبينك يعنى ماتعرفش عزام بيها.

كرم بصلها وبيسمعها

روسندا:انا زمان بعد موت ماما و لما كبرت…كنت حاسه ان نفسيتى تعبانه..طلبت منه كتير يعرضنى على دكتور نفسى بس هو موافقش وقعد يقولى انى كويسه ومافيش فيا حاجه و…ومع انى كنت وسط صحابى الا انى كنت دايمآ بحس بالوحده فى نقطه ناقصه فى حياتى عايزه حد اخرجله كل اللى جوايا من غير ميقابلنى تانى يوم و…ويقولى عملتى ايه ولا يقول عليا معقده نفسيآ…انا بس احتجت دكتور نفسى ولانه مكنش موافق..

كرم كمل كلامها:ف عملتى كده عشان يقلق ويعرضك على دكتور نفسى مش كده؟

روسندا بصتله وهزت راسها بإيجاب.

كرم:تعرفى انه قلقان عليكى 

روسندا بصتله وبعدت نظرها عنه بصتله وابتسمت بخفه: اا… عايزه اطلب منك طلب..

كرم هز راسه بإيجاب ومش باصصلها:ائمرى.

روسندا ابتسمت:عيزاك تقراء قرأن زى ماكنت بتقراء برا..

كرم بصلها:امم…طب ماتقرئى انتى.

روسندا بصتله بتردد وهزت راسها بنفى:اا..لا انا…مش جاهزه.

كرم فهم انها متوتره عشان مقرأتش قرأن ابدا.

كرم:تعالى نجرب.

روسندا بصتله وهو خرج المصحف وقعد جنبها وهى ابتسمت لانه قريب منها وكل مابيتحرك او بيتكلم بتشم ريحه البرفيوم بتاعه.

كرم حط المصحف قدامها وبصلها:يلا اقرأى.

روسندا بثت للمصحف بتوتر وبتحاول تقراء:بسم الله..الرحمن…الرحيم.

كرم:بسم الله الرحمن الرحيم.

روسندا بصتله بأبتسامه وهو بصلها وبعد نظره عنها بتوتر:احم…بصى للمصحف مش ليا.

روسندا ابتسمت وبصت للمصحف:قل هو…الله احد.

كرم:بتتقال قل هو الله احد مش قل هو…الله احد..ماتسكتيش هنا.

روسندا هزت راسها بإيجاب.

بدأت تقراء وبعد شويه.

كرم:انا هروح اصلى العشاء…بدل ماحابه تحفظى قرأن يبقى ربنا مش هيتقبل منك الا لما تصلى تصلى معايا؟؟

روسندا بصتله:انا ماعرفش ازاى

كرم:تعالى هعلمك..بس الاول لازم تروحى تتوضى.

بعد ماتوضوا وروسندا لبست اسدال وخرجت مناوضتها كرم بصلها كان بيخفى ابتسامته بالعافيه بعد نظره عنها: احم. 

راحوا وقفوا على سجاده الصلاه كرم قدام وهى وراه.

كرم:انا هقول وانتى تقولى ورايا بصوت واطى جدا انا مسمعوش امم..

روسندا هزت راسها بإيجاب

كرم:وماتبصيش فى اى حته وانتى بتصلى خلى عينك على مكان سجودك وماتتكلميش ولا تردى على حد.

روسندا هزت راسها بإيجاب:طيب.

بدئوا صلا وروسندا بتردد كلام كرم وراه بصوت واطى زى ماقلها.

عايده خرجت برا اوضتها وبتنادى:فاطمه فا..

سكتت بصدمه لما شافت روسندا بتصلى.

عايدهغمضت عيونها وفتحتها تانى بأنبهار:ده حلم اكيد..

فاطمه راحتلها:نعم يا عايده هانم؟

اتصدمت هى كمان لما شافت روسندا بتصلى ورا كرم.

عايده تهى لسه مصدومه:اقرسينى..

فاطمه بصتلها بصدمه:ايه!؟

عايده:اعملى زى مابقولك كده اقرصينى

فاطمه ماصدقت:انتى حره.

قرصتها بعنف فى دراعها وعايده ضربتها على ايدها بغضب:انتى متخلفه فى حد يقرص حد كده!

فاطمه:مانتى اللى قولتيلى.

عايده:اسكتى….معنى كده انه مش حلم..امال ايه؟؟!..اكيد ده مش حقيقى.

فى الوقت ده عزام وانجى دخلوا القصر وعزام كان بيتكلم مع انجى سكتوا وبرقوا لما شافوا كرم وروسندا.

عزام باصصلها ومصدوم:يا سبحان الله..هى دى روسندا بنتى!؟

انجى بصالها ومصدومه وهزت راسها بنفى:ماهو اكيد لااما احنا موتنا وبنشوف اللى كان المفروض يحصل فى الدنيا لااما العامل اللى فى الشركه حطلى حاجه فى القهوه..وده الاكيد

خلصوا صلاه وروسندا جريت حضنت عزام بأبتسامه:عزومى وحشتنى.

عزام لسه مصدوم بص لكرم وابتسم بأنبهاء معقول بالسرعه دى كان ليه تأثير عليها!!

روسندا بعدت وبصتله لابتسامه وفتحتله دراعها بأبتسامه:ايه رأيك؟

عزام ابتسم وقرب باس جبينها: زى القمر. 

روسندا ابتسمت 

عزام: يا سلام بقى لوتفضلى كده على طول. 

روسندا بصتله وابتسمت بخفه كرم راح ووقف معاهم: انا هخرج برا لو حضرتك احتجتنى ناديلى.. 

عزام ابتسم وهز راسه بإيجاب.

كرم خرج برا القصر وااصل بسميره وقلبه مقبوض:الو..ازيك يا ست الكل عاملين ايه؟

سميره ابتسمت وبتساور خديجه ماتتكلمش:ازيك يا حبيبى احنا كلنا كويسين انت ايه اخبارك؟

كرم ابتسم:الحمدالله تمام…انتوا متأكدين انكوا بخير؟

سميره:ايوه يابنى انا هخبى عليكايه مثلا…المهم كلمت هبه النهارده؟

كرم:اه.

سميره:الحمدالله يا حبيبى خلى بالك من نفسك.

كرم هز راسه بإيجاب:خلى بالكوا انتوا من نفسكوا..

سميره: طيب ياحبيبى مع السلامه.

قفلت وهو بص للتليفون ومش مرتاح قلبه بيقول ان فى حاجه ايه هى مش عارف..

فى اليوم التالى..

كرم قاعد بياكل مع روسندا وعزام قبل مايروح الشغل..باصص فى طبقه ومش منتبه لروسندا اللى مركذه معاه وبتحلل طريقه اكله.

عزام بص لروسندا وابتسم خبط الملقه على التربيزه بعنف عشان تنتبهله وهى اتفزعت وبصتله وكرم بصله 

عزام بصلها بأبتسامه:كلى.

روسندابعدت نظرها عنه وبتاكل.

فى الوقت ده جى اتصال لكرم وهو مسك تليفونه ورد:الو يا حبيبتى.

روسندا بصتله وفهمت انه بيكلمها وعزام كمان بصله وملاحظ نظراتها ليه.

هبه:ماتصلتش بيا ليه النهارده!!

كرم:حبيبتى احنا لسه فى اول اليوم.

هبه:بردو كنت المفروض اول ماتصحى تتصل بيا.

انجى راحتلهم ومعاها قطه وبصتلهم بأبتسامه:ايه رأيك فى القطه دى يا عزام بيه؟

روسندا قامت من على الكرسى اللى كانت قاعده عليه وبخوف:ابعديها عنى انا عندى حساسيه من القطط..و..وبخاف منها..

هبه سمعت صوتها واتكلمت بغيره:اا..هو انت قاعد مع البنت دى؟

انجى بصتلها بخبث وجريت وراها وروسندا بتجرى وبتصوت:انجى يا متخلفه انتى ابعديها عنى.

كرم بيضحك من شكل روسندا المخطوف واللى بيعبر عن خوفها فعلا.

عزام بيضحك:انجى خلاص.

روسندا حريت استخبت فى عزام وبتصوت:خلاص بقى انجى خلاص.

كرم بيضحك غصب عنه وعزام وانجى بيضحكوا هما كمان.

هبه بغيره وغضب:الواضح فعلا انك مضايق منها اوى..انا عرفت انت كنت عايز ترجع القاهره ليه.

كرم بيحاول يتوقف عن الضحك:حبيبتى انا..

سكت وبص للتليفون لما سمع صوت قطع الاتصال.

كرم بأستغراب وضيق:هرزعلت!…انا فعلا ماقصدتش

يتبع..