رواية ميرنا الفصل الثالث 3 بقلم ريم محمد
رواية ميرنا الجزء الثالث
رواية ميرنا البارت الثالث
رواية ميرنا الحلقة الثالثة
_أدريان:خايف تعرف، هترفضني علطول
_مارت:لا أكيد الموضوع هيكون كويس وبعدين ميولكم شبه بعض جدًا، حاول بالتدريج تلمحلها بالموضوع
_نيكولا:سيد أدريان، بص
_أدريان بصدمة:مين دي؟، اعرفها بسرعة
_مارت:أنت حاربت كتير اوي يا أدريان عشان توصل للمستوى دا واتعذبت كتير
_أدريان:فضلت سنيين يا مارت بس خايف وكمان زمانها عرفت
^^^^^^^^^^^^^^^^^^^^^^^^^^^^
_ميرنا:صورة فوتوشوب هتضحكي عليّ، دا ولا فى الخيال أساسًا أنا بستغرب ليه تطلعيه كدا هتستفادي ايه
_الفتاة:منا عارفة عقلك دا عمره ما هيستوعب حاجه نهائي، ومش هتصدقي بس اديني مُهلة أثبتلك إن كلامي صح
_ميرنا:عايزه تدمري علاقتنا عشان منكنش لبعض وتاخديه منّي أنسي شكلك عايشة في عالم موازي فوقي لنفسك كدا واحسبيها صح وبطلي عبط معرفش دماغك طارت ولا ايه
_الفتاة بغيظ:يعني هو محور الكون ولا فارقين معايا بس حبيت أعرفك حقيقته
_ميرنا:شكرًا، ياريت تختفي من قدامي ومشوفكيش تاني عمري ما هسيب أدريان
_الفتاة:هتعرفي الحقيقة ووقتها هتسبيه افتكري كلامي دا كويس
_ميرنا:بضيع وقتي على الفاضي، روحي بأفكارك دي مثلي فى هوليود
*سبتها ومشيت دي دماغها فوتت خالص ومش عارفة تعقل حاجه
روحت البيت وانا نفسي اشوفه
بس شوفته مرة فى الأسبوع كفاية لسه هو تحت الاختبار المفروض محبوش دلوقتي على الاقل إعجاب بس*
*شغلت وقتي فى ممارسة هوايتي المُفضلة ألا وهى الرسم بطلع كل طاقتي فيه، ومش ندمانة أبدًا أني دخلت فنون جميلة لو رجع بيا الزمن تاني هدخلها، قفلت الفون، وبعدها فتحته لاقيت مكالمات كتير من أدريان، اتخضيت رنيت عليه*
*مردش، بعدها بشوية رن عليّ وقالي لازم نتقابل ضروري*
_ميرنا:كدا هتكسر قاعده من قواعدي
_أدريان:محتاج أشوفك، عشان نفسيتي
_ميرنا:سمحتلك تكسّر قاعدة مش هفضل أعمل كدا
_أدريان:الموضوع مهم، يا ميرنا أنا تحت البيت أنزلي
*نزلت وانا مخضوضة رغم اختلافه وتفرده، بس خايفة أحبّ وأتعلق
اتساب دي عُقدة من عقد حياتي*
*لاقيته واقف، ومستني وأول ما شافني ابتسم وكأن روحه رجعت
وماسك شنطة هدايا، وقالي*
_أدريان:كل سنه وانتِ طيبه وبخير يا أجمل حاجة حصلتلي فى حياتى كلها
_ميرنا:بمناسبة ايه؟
_أدريان:انهاردا عيد ميلادك
_ميرنا بدموع:تصدق من زمان محدش افتكر عيد ميلادي وناسية انه انهاردا ولا بفتكره
_أدريان بتأثر:بلاش تعيطي عشان دموعك غالية عليّ
_ميرنا:بس عرفت ازاي يوم عيد ميلادي؟
_أدريان:أنا عارف عنك كل حاجة
_ميرنا:بس دي معلومه دقيقة شويه
_أدريان:هنفضل واقفين كدا!، يلا تعالي
_ميرنا:مش عايزة احتفل بيه
_أدريان:صدقيني معايا هيكون مختلف
_ميرنا:تفتكر؟؟
_أدريان:جربي
_ميرنا:تمام
*ركبنا العربية وكان وبعدها وصلنا المينا، كنت هركب البخت مقدرتش عندي فوبيا من المية*
_أدريان:في ايه
_ميرنا:بخاف من المية
_أدريان بحُزن:ليه دا المية جميلة
_ميرنا:من وأنا صغيرة عندي فوبيا منها
_أدريان:طب أمشي وحدة وحدة وفكري في حاجة بتحبيها
*حاولت أتغلب على خوفي وطلعت على اليخت، وقعدت وأدريان اللى ساق اليخت وكان مجهز كل حاجه لعيد الميلاد*
*واحتفلنا بعيد ميلادي، وشوفت جمال المية*
_ميرنا:دايمًا أفكارك مميزة، خارجه برا الصندوق
_أدريان:اه الحمد لله دا توفيق من عند ربنا
_ميرنا بإبتسامة:حابة أروح، لعلمك دي تاني قاعدة تكسّرها مش حابة تكرار الموضوع دا
_أدريان:بقول مش هتروحي انهاردا
_ميرنا:بتهزر أكيد
_أدريان:للأسف مبهزرش، وكلامها صح
_ميرنا:أنت اتجننت!
_أدريان:أنا *******
_ميرنا بخوف:عايزه أروح
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ميرنا)
