Uncategorized

رواية إنسان سافل بس محترم الفصل التاسع عشر 19 بقلم رانيا محمود

 رواية إنسان سافل بس محترم الفصل التاسع عشر 19 بقلم رانيا محمود
رواية إنسان سافل بس محترم الفصل التاسع عشر 19 بقلم رانيا محمود

رواية إنسان سافل بس محترم الفصل التاسع عشر 19 بقلم رانيا محمود

ظلت أمينه طول اليوم لا ترغب في اي شي  بل ظلت تبكي و تصلي لربها ان أهل ميمي يوفقوا 
وبعد صلاه المغرب خبط باب شقه أمينه و عندما فتحت كانت مفاجأة رائعه وجدت أهل ميمي و معاهم ميمي دخلوا كلهم و اجتمعوا مع أمينه ووالديها 
عم أمينه :- احنا فكرنا واتكلمنا مع بعض و اتفقنا على حاجه أمينه بنتنا هتفضل معاكى وزى ما سمعنا في دار الإفتاء طالما مافيش تغير نسب يبقى ايه المشكله   هي تتربي في بيتك أو بيت عمتها أو حتى بيت خالتها اوى مكان تاني المهم اننا نكون مطمئنين عليها هي لحمنا واحنا هنكون مطمنين عليها في بيت حضرتك  ….وكتر خيرك انك هتكفلي بنت يتيمه الأب و الام و لولا أننا عارفين انك هتقدملها اللي احنا  مش هنقدر عليه للأسف بسبب ضيق الحال  و كمان الموضوع مش بس الأمور الماديه لكن حضرتك كمان هتقدملها حنان وعطف الأم اللي هي محتاجاه و هنبقي دايما نطمن عليها ونقدر  نشوفها و مش هتحرمينا منها  و كفايه ان خالتها هتكون معاها (( يقصد أم سعيد ))
امينه عنيها دمعت من الفرحه حتي مامتها كمان ماكنتش متوقعه ان موافقه اهل امينه الصغيره هتفرح بنتها  اوي كده 
عمه ميمي سلمت ميمي لأمها الجديده  
امينه  اخدت بنتها و حضنتها وبدموع الفرحه وأم أمينه كمان حضنتهم بدموع الفرحه ..أمينه حست أنها اخيرا بقت ام…. أما مامتها حست أنها بقت جده وكانت فرحه كبيره لا توصف ….بعد شويه استأذنت عيله ميمي ورجعوا بلدهم وكان اليوم ده عيد ميلاد جديد لحياه ميمي وامينه
ابو امينه فضل مراقب الموقف من بعيد وبعد ما اليوم تقريبا خلص امينه اخدت بنتها ودخلت بيها اوضتها وأبو امينه خبط عليها
الاب :_ممكن ادخل يا حبيبتي
امينه (_طبعا يا بابا (وجريت علي ابوها وحضنته) تعالي يا حبيبي ادخل شوف ميمي وهي نايمه شكلها قمر اذاي
الاب بدموع بتلمع في عنيه :_انا اسف يا بنتي لو وقفت قدام سعادتك ماكنتش متخيل الفرحه اللي علي وشك
امينه :_بابا ارجوك بلاش الكلام ده انا بنتك ومن حقك أنك تشوف الصالح ليا ومش غلط اننا نختلف في وجهات النظر
انا اسمعك و حضرتك تسمع لي ونتناقش بس ابدا مايقل حبي واحترامي ليك يا ابو امينه يا غالي (وبتبوس ايد ابوها وتحضنه وهو كمان يحضن بنته ويستمد قوته منها لأنها حبيبه قلبه وفرحته الحقيقيه، ????????) 
___________________________________
في شقه ندي 
ندي :خلاص ياجمال (اخو ندي) كل الشنط نزلت تحت والتاكسي واقف مستنيكم
جمال :انا جاهز ياندي هما الولاد فين
ندي :الولاد تحت وليلي كمان معاهم
جمال :وفيها ايه يعني لو كنتي جيتي معانا وسفرنا مع بعض
ليه عاوزه تعيشي وحيده
امل (زوجه جمال وصديقه ندي منذ ايام المدرسه) :فعلا يا ندى حرام عليكي.. الوحده صعبه وبشعه كمان علشان خاطر بنتك فكري ماتخليهاش تعيش وحيده
جمال :مش بس بنتك لا انتي كمان لو ما كنتيش سعيده عمرك ماهتعرفي تخلي بنتك تحس بالسعادة
ندي حضنت اخوها :ماتخفش يا حبيبي انا هبقي كويسه وبعدين احنا اتكلمنا كتير اوي في الموضوع ده ودلوقتي خلاص مافيش وقت التاكسي مستني وطيارتكم كمان ساعتين. يدوبك تلحقوا
امل :طيب ياجمال  اول مانرجع تعملها دعوه 3شهور يمكن لما تيجي وتعيش معانا فتره طويله شويه ممكن  تقتنع على أرض الواقع. جايز ربنا ليه تدبيره
جمال بزعل باين عليه -:خلاص ياندي اللي يريحك بس انا فعلا هعملك الدعوه بسرعه علشان تيجي
ندي- :وانا اوعدك اني هجهز شنطنا انا وليلى من دلوقتي
امل -:طيب ماتيجي معانا المطار
ندي :ومن امتي يا امل بودعكم وبعدين التاكسي يدوبك علي قدك انتي وجوزك وولادك هقعد فين انا وليلى علي حجركوا ولا في شنطه العربيه حتي شنطه العربية مافيهاش مكان ????
لا ياستي خلينا كده احسن وبعدين هانت جمال بس يشد حيله ومايكسلش ويبعتلي وانا اجي
و اتفضلوا يلا اكيد السواق هينفجر من كتر الانتظار
يلا بينا
ونزلوا كلهم وندي وصلتهم لحد باب العماره ولم تستطع ان تخفي دموعها لكنها حاولت أن تزرع ضحكه احتضنت الجميع بحب واشتياق وانتهي الأمر بأن غادرت عائلتها الصغيره وعادت هي وابنتها لشقتها تعيش فيها مع ابنتها والوحده والم الفراق
بعد 3ايام عادت ندي للشركه
نهي :وسع وسع يا جميل البرنسيسه جات.،،????حمدالله على السلامه يا مزه ????
ندي????:الله يسلمك يا مجنونه
نهي :تعالي بسرعه الشله متجمعه في الكافتيريا هينبسطوا اوي لما يشفوكي كنا فاقدين الأمل انك تنزلي الايام دي قلنا اكيد بعد الأربعين
ندي :لا يا نهي ماعدش ينفع افضل كتير في البيت اولا الوحده والفراغ هيموتني كمان انا مقدرش افضل كتير من غير فلوس ولسه موضوع المعاش بمشى فيه وهياخد وقت فلازم انزل شغلي هو احسن حاجه تقتل الفراغ وتجيب فلوس وانا التزاماتي كتير
نهي :عندك حق…. بقولك ايه هو احنا هنتكلم كتير تعالي يا شيخه وحشانا كلنا
امينه وسلمي اول ماشافوا ندي جريوا عليها وسلموا عليها
ندي :اذيكم وحشتوني اوي… من اول اليوم كده مقضينها ايه مافيش شغل قاعدين في الكافتيريا
نهي بعفويه :ايوه فعلا مافيش شغل اصل اللي كان بيجيب شغل وموقف الشركه علي رجليها سابها خلاص ….ايييييييه ولا يوم من أيامك يا احمد يا ذيدان
ندي اختفت ابتسامتها وشعرت بوخز في قلبها.. اااه من الحب والاشتياق. اااه من فقدان الحبيب ????ان ألم فراق الأحبه ابشع ألم في الكون. تشعر معه ان قلبك وروحك بل وعمرك كله قد انهار ولا ولن يستطع النهوض مره اخري
سلمي خبطت :نهي على كتفها وندي شافت كده
ندي :لا ياسلمي نهي ماقلتش حاجه. عادي المفروض اني لما اسمع أسم احمد لازم اكون عادي لازم اتعايش مع فكره اننا خلاص حكايه وخلصت والا مش هقدر اكمل
امينه طبطبت علي كتف ندي :حبيبتي انتي كويسه
ندي والدموع في عنيها بتحاول تقاوم ماتنزلش:الحمدلله يا امينه… الحمد لله دايمآ وابدا ????
امينه :طيب يا ستي انشالله خير ويارب يديكي الصبر والرضا
المهم دلوقتي كويس اوي انك نزلتي وفرتي عليا المشوار
ندي:_ مشوار ايه؟؟ 
امينه :كنت هاروحلك النهارده البيت علشان اعزمك على حفله صغيره بمناسبه ان ميمي بقت في حضني واني الحمد لله اخيرا حققت حلمي وبقيت ام 
ندي :بجد يا امينه طيب اذاي ومين ميمي دي
امينه :”توعديني انك تيجي حفلتي هي اخر الاسبوع يعني عندك وقت طويل علشان مش تتحججي وانا اوعدك احكيلك الحكايه بالتفصيل الممل
ندي :حفله ايه بس يا امينه ارجوكي بلاش انا تعبانه وكمان هيكون شكلي نشاز في الحفله بالاسود اللي انا لابساه
سلمي :لا يا ندى ومن امتي احنا بنبص لبعض من ناحيه الشكل والمظهر… ارجوكي تعالي وان كان مش علشان خاطرك فعلشان خاطر بنتك تفك عن نفسها شويه
ندي :افكر؟
نهي :خلاص يا امينه ماتحكيش حاجه للبت الرخمه دي. ????بتقولك عامله حفله وانتي عارفه امينه غنيه وعندها فلوس كتير وهتجيب اكل كتير دا انا هصوم من اول النهارده علشان افضي مكان لأكل الحفله
امينه :????اه يامفجوعه…
كلهم ضحكوا من قلبهم حتى ندى
ندي :خلاص بقى طالما فيها اكل هجي
امينه :ياسلام انتوا جايين تاكلوا مش تشاركوني فرحتي طيب ايه رايكم البوفيه هيكون جبنه وبطيخ????????
سلمي :لا متخليه عيش، حلاوه هو احنا فى سجن????
ندي ????:خلاص ياخوانا انا موافقه هاجي ياست امينه قصدي يا ام ميمي بس الاول يلا احكيلي بقي حكايه الانسه ميمي
امينه ????:بعد الشغل ياحلوه الحكايه طويله
ندي :????اه يارخمه
@@@@@@@@@@@@
بعد اسبوع ندي في منزلها آخوها اتصل بيها
ندي:الو جمال وحشتني اذيك واذى العيال وامل عاملين اه
جمال :????ايه يابنتي هو انا كل مااتصل بيكي تحسسيني اني بقالي سنين مسافر واني اول مره اكلمك هو انا مش متصل بيكي امبارح
ندي ????:تصدق ان انا غلطانه انت وحش
جمال :خلاص يا ستي حقك عليا معلش المهم الموافقه جت علي الدعوه اللي عملتهالك بصي ياستي روحي للمحامي بتاعنا الاستاذ خالد وهو هيقولك تعملي ايه في  الأوراق انا بعتها بالايميل على المكتب بتاعه… المهم انك تخلصي بسرعه وتكوني عندي في خلال أسبوع بالكتير..  كل الأوراق والموافقات انا خلصتها. انتي بس خدي اجازه من شغلك ولو مش موافقين استقيلي وانا اشغلك هنا
ندي :مافيش داعي الاستقاله انا هشوف كده الدنيا فيها ايه وهعرفك
جمال :ماشي ياندي بس بقولك ايه خلصي بسرعه بفكرك فى خلال أسبوع تكونى عندي
ندي :انشالله
 °°°°°°°°°°°°°°°°°°°°°°°°°°°°°°°°°°°°°
في الشركه
عبد العزيز :لا ياندي كتير 3شهور كتير دي يابنتي شركه خاصه مش قطاع عام
ندي :بس انا محتاجه اوي الاجازه دي وبعدين انا هاخدها بدون مرتب
عبد العزيز :يابنتي الموضوع ان للشركه قانون خاص بيها مافيش حاجه اسمها الموظف ياخد اجازه ويجدد ذي ماقولتلك دي احنا قطاع خاص مش حكومي…
ندي :طيب اعمل ايه
عبد العزيز :والله مش عارف اقولك ايه مافيش غير اجازه شهر ودي أقصي مده ممكن اديهالك او؟؟
ندي :اه فهمت الاستقاله
عبد العزيز :ندى يابنتي دي مش شركتي انا مجرد موظف فيها ذي ذيك
ندي :طيب يا استاذ عبد العزيز هفكر وابلغ حضرتك
بعد شويه مع شله الأنس
امينه :لا طبعا استقالة ايه وليه انتي بتهزري كفايه فعلا اجازه شهر
سلمي :امينه معاها حق ياندي كفايه عليكي شهر وبعدين انتي ممكن تزهقي من القعده
نهي :وخلي بالك في الأول والآخر ده بيت مرات اخوكي سيبك من انها كانت صحبتك وزملتك او حتي النسب اللى بنكم بس الانسان مهما يكون فهو تقيل
ندي :عاوزين الصراحه انا تعبت ومخنوقه اوي اوي اوي
(ندي بتبكي بوجع وحرقه وكانها كانت تقاوم لكن لحظه الانهيار قد اتت)
سلمي :مالك ياندي احكي
ندى :احكي ايه ولا ايه اقولك اني مش طايقه البيت بعد امي حاسه بيها وبنفسها في كل ركن البيت من غيرها ضلمه وفظيع انا كمان بقيت اتنرفز علي بنتي لاتفه الأسباب
كمان الشركه وبصراحه ومش هقدر اخبي عليكم انتم بالذات الشركه من غير أحمد مؤلمه اوي اوي اوي ???? الوجع صعب
وجع الفراق مميت ????انا بموت كل لحظه ولا في البيت مرتاحه ولا في شغلي مرتاحه
نهي :يعني السفر هو الحل
ندي بوجع :احتمال!
سلمي :لا ده هروب
ندي :برضوا احتمال
امينه :اول مره اشوفك منهاره
ندي تنظر إلى الا شيء- :في وقت الإنسان لازم ينهار تماما علشان يقدر يبني نفسه من جديد ذي الصقر لما يدبل يختفي عن الانظار فوق في الجبل. ريشه يقع وسنانه تقع بيوقع كل شي قديم علشان يقدر يبني نفسه وينبت من جديد
اميمه :طيب خلينا نمسك العصيا من النص
ندي :مش فاهمه ????
امينه :يعني خدي الاجازه لمده شهر وشوفي نفسك عرفتي تعيشي هناك تبعتي استقالتك ولو معرفتش تبقى ترجعي
نهي :ارجوكي ياندي فكري في اقتراح امينه
ندي اخدت نفس طويل ومسحت دموعها :ربنا يسهل لعله خير
____________________________
في السعودية
أحمد وميسون سافروا علشان يتجوزوا عند أهلها وطبعا قابل الجد اللي كان حزين جدا على احمد لأنه حس ان الاختيار ده غلط تماما احمد ما قدرش يخبئ حاجه على الجد 
على الرغم من محاولاته أنه يبان مبسوط لكن في النهايه اعترف له بكل اللي حصل و أنه نام مع ميسون 
أحمد :- والله يا جدي انا ماعرفش عملت كده ازاي وليه انا مقدرتش اتحكم في نفسي 
(( وبكي بشده في حضن الجد. )) اظاهر ياجدي ان ندى عندها حق انا فعلا إيماني ضعيف وهغضل بني آدم قذر ..بس انا مقدرتش أغضب ربنا تاني أكثر من كده كان لازم أصلح غلطتي ( واستمر في بكائه ) انا مخنوق اوى اوى
الجد ..:- عارف يا احمد وكمان عارف السبب لأنك حاسس ان ندى ضاعت منك بس يا احمد احنا مانعرفش ايه الحكمه في كده ما يمكن يا ابني يكون ده أفضل حال ليك وانت ماتعرفش لو علمتم الغيب لاخترتم الواقع  اختيار ربنا لينا دايما هو الأفضل حتى لو بان في وقته أنه اختيار قاسى وتجربه صعبه لكنه السبب في نجاتنا من أمور لا يعلمها إلا الله…المهم ارمي همومك على الله واستغفر كتير. وبعدين مين قال إن إيمانك ضعيف يكفي الندم اللي انت فيه ده أكبر دليل ان إيمانك قوي وكمان اصرارك انك تصلح الغلط ده بياكد ان قلبك حي مش ميت 
الجد اخد نفس عميق و حط ايده بكل حنينه وابوه  على كتف احمد  -:  يا ابني امسح دموعك واستغفر ربك واذكره ليل ونهار 
احمد حضن جده  جامد لكن الجد كان قلبه حاسس ان فيه حاجه غلط وخصوصا انه عارف ميسون كويس جدا مافيش حد يجبر ميسون على حاجه يعني حتى لو احمد نام معاها لا يمكن يكون غصب عنها وأنه اكيد برضاها ده اذا كانت هي اساسا اللي ساعت لكده 
بعد كتب الكتاب ميسون راحت تسلم على جدها 
أما الجد فمسك ايديها جامد وقعدها جنبه
الجد :-:-ميسون انتي نمتي مع احمد قبل الجواز ليه انا عارف انك جمعتي معلومات عن احمد وعرفتي عنه كل حاجه وكمان عرفت أنه عاجبك من أول ماشوفتيه 
انا عارفك كويس جدا ان اللي بتعوزيه بتخديه بس ليه احمد تحديدا.؟؟؟
ميسون بخجل مصطنع :- طبعا احمد حكالك كل حاجه انا نمت مع احمد مش بمزاجي هو اللي دخل عليا الاوضه وأنا مقدرتش اعمل حاجه وبعدين خلاص انا دلوقتي مراته شرعا يعني الغلط اتصلح
الجد -:والله امممم بس  انا حاسس أنها غلطه واتصلحت بغلطه أكبر 
ميسون بغضب واضح وتحدي وكانها ماسمعتهوش :-:- أما بقى إني لما بعوذ حاجه بخدها فالحقيقه أنه صح ..أحمد عاجبنى يعني لازم يكون ليا وبس والحرب خدعه يا جدو 
الجد :-:- انا كنت متأكد أن الموضوع فيه حاجه غلط وأنك انتي اللي خططتي لده
ميسون -بصت الجد نظره تحدي وقامت :-:-عن اذنك انا رايحه لجوزي و اه صحيح نسيت اقولك الجمعه الجايه احنا رايحين مكه نعمل عمره وأحمد عاوزك معانا 
الجد :-:-هاجى ….بس علشان احمد 
ميسون بصتله تاني بغضب 
“_________________________” 
ندى بتكلم امينه علي الماسنجر:-:- ازيك يا أمينه وايه الصور الحلوه دي ميمي بقت قمرايه خالص عيونها عسليه وجميله اوى 
أمينه :-:- ربنا يخليكي يا ندى انتي اللي قمر وعيونك حلوه يابت  وحشتينا اوى الشركه بقت من غيرك زي الكهف الضلمة
ندى ضحكت :- يا شيخه أنتم الاساس انتي ناسيه ان انا اللي جيت عليكم 
أمينه :-:-يا حبيبتي بجد زعلانين اوى من غيرك بس نقول ايه ربنا يوفقك  صحيح قوليلي قررتي ايه هتبعتي استقالتك ولا انشالله راجعه لينا تاني
ندي :ههههههههه يا بنتي انا لسه جايه بقالي يومين بس هلحق اخد قرار.. سبيها علي الله وصدقيني لو اخدت قرار اوعدك هبلغكم
امينه -: ربنا معاكي وانشالله يدلك على الطريق اللي يكون فيه خير ليكي المهم انا وبابا وماما وبنتي قررنا نطلع عمره بعد اسبوعين  ياريت اشوفك ونعمل عمره مع بعض هننزل على جده الأول 
ندى بفرحه:-:- بجد يا امينه ..الله ياريت على العموم ابعتيلي تفاصيل  نزولكم وميعاد الطيار ه واسم الفندق وكل حاجه علشان نتواصل أخيرا هشوفك انا بجد فرحانه اوى
يتبع ……
لقراءة الفصل العشرون : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى