رواية نسمة أمل الجزء الثاني الفصل السابع 7 بقلم حنين ابراهيم
رواية نسمة أمل الجزء الثاني الجزء السابع
رواية نسمة أمل الجزء الثاني البارت السابع
رواية نسمة أمل الجزء الثاني الحلقة السابعة
امل بغضب يعني ايه مش عايزه تتجوزيه هو لعب عيال؟
نسمة: قولتلك إنه شرط إني اقعد له في البيت و أنا مش موافقة
أيمن: كلام إيه يابنتي الي بتقوليه ده
نسمة: الي سمعتوه أنا مش زي ماما يا بابا ولا هوافق إني أشتغل خدامة للبيه و أفني صحتي عشانه و أنا المفروض إني أسكتله عشان هو لاوي دراعي باللقمة الي بيطفحالي
أيمن: يا بنتي الجواز أكبر من كده بكتير مينفعش إنك تحسيبيها بالماديات دي ده شي مقدس بين الراجل و الست
نسمة بتصفيق: واو براافو تصدق أنا عيني دمعت من التأثر خصوصا إن الحكمة دي طلعت منك إنت بالذات
أيمن بغضب: إتكلمي مع أبوك عدل يا بنت إنت
نسمة:طب أنا راضية زمتك إحساسك إيه و إنت مسمي نفسك أبويا و أنا لسا عارفاك يا دوب من تلات سنين
والدها لم يتكلم لكن أمل نهرتها و طلبت منها اللحاق بها لتكلمها على إنفراد
إنصاعت لها نسمة ولحقتها جلست أمل على الكرسي ودموعها تنساب على خدها: يا بنتي حرام عليك أنا نفسي أطمن عليك قبل ما أموت
نسمة جلست بجانبها وهي تقبل يدها ربنا يطول في عمرك يا حجة بس أنا كمان نفسي أظمن مستقبلي لو لا قدر الله بكرة حصل بينا حاجة مبقاش مضطرة إني أفضل معاه عشان هو الي بيصرف عليا و معنديش دخل تاني أعتمد عليه وقت شدة
أمل: ومين قالك الكلام ده أمال أبوك راح فين؟ لو حصل أي مشكلة أبوك هيكون في ضهرك على طول
نسمة إبتسمت بسخرية
امل وهي تضع يدها على شعر إبنتها تمسد عليه: وبعدين الي إشتغلو خدو إيه غير تعب القلب و أديني قدامك أكبر مثال لسا موصلتش سن الخمسين و بقى عندي كل الأمراض من الهم الي شفته؟ أنا لو مكانك كنت وافقت عشان أقعد في بيتي زي الملكة وهو الي يصرف عليا طلما شايف إنه مقتدر
أما بالنسبة لتامين مستقبلك فأبوك هو الي هيتكفل بالموضوع ده، ده حقك عليه إنه يعوضك عن السنين الي فاتت كلها
نسمة بتردد: بس يا ماما أنا كده بسمحله يفرض رأيه عليا من أولها
أمل بابتسامة: مفيش مانع إنك تحسسيه إنه مشى كلمته عليك و لما تبقي في بيته إبقي إتلحلحيلك شوية و إقنعيه برأيك ولما كلامه ميعجبكيش إدلعي عليه و إستخدمي طرقك عشان تخليه يصالحك و لو شفتي إنه إتجاوز معاك وجه عليك في يوم أقعدي معاه و عاتبيه بس بطريقة تحسسه إن عتابك ده على قدر المحبة عشان يتقبل كلامك و ميعيدهاش تاني مش تزعقي و تخانقي و تزيدي الطين بلة
نسمة كانت صامتة تفكر بكلامها
عندما امسكت بيدها: وافقي يا بنتي أنا قلبي إرتاح للشاب ده وحاسة إنه هو الي هيعوضك عن الي فاتك
بعد قليل من الوقت نسمة خرجت من الغرفة مع والدتها و إعتذرت لوالدها
بعد أيام إتصل أيمن بهلال و أبلغهم بمواففتها
وبدأو بتجهيز للزفاف علم أيمن بشرط نسمة ببقاء والدتها معها إعترض في البداية لأنه كان ينوي إعادتها لبيته
لكنه لم يجد مفر مع إصرار نسمة بأنها لن تستطيع التخلي عنها ولا أن تؤمن عليها معه مع رفض زوجته الثانية و أم أولاده سيأتي اليوم الذي يتخلى عنها مجددا
بعد أشهر أقيم حفل الزفاف على أكمل وجه و الجميع كان سعيد ماعدى البعض
نرمين بضيق: أنا عارفة عاجبه فيها إيه دي؟ دي بنت أختي برقبتها
سامح إبنها: ليه يا ماما دي طالعه زي القمر؟ وبعدين بنت أختك إيه؟ دي صفرة و معصعصة
نرمين بغضب: ولد إحترم نفسك، دي عودها فرنساوي زيي و الف مين يحلم بيها حتى إسأل أبوك
إلتفتت لزوجها الذي كان بعالم أخر ينظر للجهة الأخرة نظرت للمكان الذي ينظر له لتكز على أسنانها من الغيظ عندما رأت روميسا بكامل أناقتها تبتسم و هي تتحدث مع امل
و هو على الناحية الأخرى يقضم أصابعه من الندم
مرت الأيام و هلال و نسمة تقربا من بعضهما كثيرا و كانت تشعر انها لن تندم
بعد بضعة شهور كانت نسمة تقوم بأعمالها المنزلية و تعتني بوالدتها و حماتها و اكلهما و ادويتهما و عند إنتهائها جلست في غرفة المعيشة تمسك بهاتفها و تقلب في المواقع عندما قابلت خبرا جعلها تلبس حجابها و تخرج
وقبل ذلك إستأذنت من حماتها ووالدتها أن عندها عمل ضروري يجب ان تنهيه
بعد بعض الوقت وصلت إلى الشركة وهي تمشي بخطوات قوية عندما رأها فراس تفاجأ لحضورها
فراس: نسمة؟ بتعملي إيه هنا
نسمة: فين إبن عمتك
فراس: جوة لسا كنا بنعمل إنترفيو
نسمة لم تبقى لتسمع باقي الحديث ودخلت مباشرة إلى مكتبه لتجده يجلس خلفه تقابله إحدى الفتيات المتقدمات إلى الوضيفة
نظر لها هلال باستغراب ثم إلتفت إلى الفتاة: خلي رقمك و إحنا هنتصل بيك
إستأذنت وخرجت لتدخل نسمة بغضب وهي تريه هاتفها: ممكن افهم إيه ده؟
هلال ببساطة: إعلان للوظيفة الي محتجاها الشركة
نسمة: أفهم من كده إنك مصمم ترفض طلبي
هلال: يا نسمة يا حبيبتي انا قولتلك قبل كده إني مش عايزك تشتغلي وتتعبي نفسك عشان انا مش منقص عليك حاجة أنا عايزك تتفرغي للبيت و
ثم قربها نحوه بحنان: وليا وبس
نسمة بدلع: يا حبيبي ما أنا برضو عايزة افضل جنبك و ترجعني للسكرتارية عندك و لو على البيت و أولادنا في المستقبل فأنا اوعدك اوفق بينهم
هلال بتنهيدة وحيرة: يا بنت الحلال انا نفسي أفهم ناقصك إيه عشان تشتغلي
نسمة: أكيد مش هينقصني حاجة بوجودك بس زهقت من قعدة البيت
ثم كشرت و غيرت من نبرتها لأخرى حانقة: ولا إنت عايزني أقعد في البيت عشان تاخد راحتك مع السكرتيرة الجديدة و أخليها تلف عليك و تاخدك مني
ضحك هلال بصوته الاجش: طب أحلفلك بإيه إني عمري ما وظفت عندي سكرتيرة وكانت بنت مش ولد عشان منع الإختلاط غيرك و الي كانت هنا كنت هعينها في قسم المحاسبة يعني إختلاكنا قليل
نسمة: امم يا سلام إشمعنا أنا؟
هلال: عشان إنت غير
نسمة بابتسامة خجل: أيوة كده إفضل إنت ثبتني بالكلمتين دول عشان أغض نضري عن طلبي
ثم عادت لتغير نبرتها مرة أخرى: بس ده بعدك
هلال: يا ساتر يا رب إنتي بتتحولي ولا إيه طب روحي للبيت وهنتكلم في الموضوع ده بعدين
نسمة: ماشي، متتأخرش عشان عملالك الأكل الي إنت بتحبه
هلال: تسلمي يا حبيبتي
نسمة بحب: يسلملي قلبك، باي
هلال إبتسم على جنانها و هي مشيت
بعد زن أيام وافق إنها ترجع تشتغل و كانت معاه معضم الوقت وده قربهم اكثر من بعض و هي مع وصايا حماتها ووالدتها عرفت تتحبه فيها و تقلل مشاكل معاه و عاشو حياتهم بسعادة و حب تفاهم
تمت بحمد الله
لقراءة الرواية كاملة اضغط على : (رواية نسمة أمل الجزء الثاني)
