اسكريبت حوريتي الفصل السابع 7 بقلم آمنة آدم

“تاني يوم، حور صحيت من النوم لقت نفسها ف حضن يونس أتخضت بس مصحتهوش وقامت براحه ودخلت الحمام تغسل وشها ويونس صحي على حركتها” 

يونس قام وخبط على باب الحمام وقال بنوم:  حور يلا بسرعه عاوز اخش 

حور من جوه:  حاضر يا يونس خلاص 5 دقايق وخارجه 

يونس:  لا يا حور لا 5 دقايق هكون عملتها على نفسي 

حور ضحكت عليه وخرجت عشان يدخل 

يونس بإبتسامه:  صباح الخير 

حور بإبتسامه:  صباح النور

يونس ابتسملها ودخل الحمام وخرج قعد على السرير عاوز ينام تاني 

حور بتقرب عليه وتقعد جمبه: ايه ده ايه ده انت بتعمل ايه

يونس بيشاور علي المخده وبيقول ببرائه: هنام

حور: يجدع!

يونس: آه والله

حور: مش مهم، المهم بص ايه رأيك انهارده ننزل نفطر معاهم تحت

يونس: آه طبعا وماله

حور: في ايه!

يونس بغضب شويه: وننزل نفطر معاهم واستاذ سفيان يقعد يبصبصلك صح؟

حور ودموعها هتنزل: انا مش فاهمه انت ليه مديله اهتمام وانا اصلا لما بيكلمني مبرودش عليه ولا ببصله حتى

يونس بغضب: آه وانا هستنى لحد ما يبقا بينكو حاجه وترودي عليه وتكلميه صح؟

حور اتصدمت من كلامه وقامت وقفت وزعقت: يونس انا مسمحلكش ابدا تتكلم عني كده وانت مهما كان جوزي وانا لازم احترمك وعمري ابدا ما هفكر اني اعمل حاجه زي كده سواء من وراك او قدامك وشكرا جدا على كلامك ” وراحت نامت على الكنبه”

يونس اتضايق جدا من انه زعقلها وان مفيش حاجه تستدعي كل ده وان هي فعلا ملهاش دعوه وقام قعد جمبها: حور 

حور مدياله ضهرها:………

يونس بمشاكسه: بت يا حور على فكره انتي قماصه

حور قامتله: لا مش انا اللي قماصه انت اللي كلامك منيل بنيله واتهمتني اني ممكن ابني علاقه مع اخوك بس برضو هعيدلك الكلام وهو اني واحده متجوزه وحتى لو هنتطلق بعد فتره ف انا برضو لازم احترمك على الاقل الفتره اللي هنقعدها سوا في بيت واحد وانت كمان لازم تحترم ده ومتزعقليش على حاجه انا مليش دعوه بيها وتعاقبني انا على حاجه اخوك اللي بيعملها

يونس حس بوجع في قلبه لما قالت انهم هيتطلقو وميعرفش السبب واتضايق انه زعلها كده وحس انه غلط فيها ف طبطب على كتفها: خلاص بقا ياستي انا آسف متزعليش مني،بس انا برضو راجل واكيد دي حاجه هتعصبني حتى لو…..حتى لو هنسيب بعض ( خدتو بالكو انتو من اللقطه دي ????؟)

حور: انا فاهمه والله بس برضو لازم تقدر اني مليش ذنب

يونس بمشاكسه: خلاص بقا يا ستي ده انتي قلبك اسود اوي

حور: لا. ياراجل! 

يونس ببرائه:  آه والله،المهم هننزل نفطر معاهم ولا يهمك بس لو زفت الطين ده بصلك بصه واحده هنطلع،ماشي؟

حور بفرحه: ماشي،اقوم البس؟

يونس بإبتسامه: قومي البسي ولما تخلصي اسبقيني على تحت 

حور قامت تلبس : ماشي” حور خلصت لبس ونزلت تحت ومن سوء حظها ان سفيان كان قاعد لوحده تحت والباقي كانو ف أوضهم *الساعه كانت 7فطبيعي يبقو نايمين*،،استاذ سفيان هما فين اهلي؟

سفيان لما شافها ابتسم وقرب عليها: اهلك نايمين..واهلي برضو 

حور بتبعد: طب تمام انا طالعه

سفيان مسك ايدها: طالعه ليه خليكي شويه مانتي قاعده معايا

يونس في الوقت ده نزل وشاف حور عماله تبعد ايده وهو ماسكها جامد وبيشدها ف نزله وضربه بالبوكس في وشه: يا اخي بقا قدر انها مرات اخوك انت ايييييييييه مفيش اي احترام خالص 

سفيان بعصبيه: ما انت اللي اخدتهاا منييي

يونس بعصبيه وصوت عالي صحا كل اللي في البيت: اخرس بقا، دي مراتي يا سفياان فااهم يعني ايه مراتيي! يعني متبصلهاش بصه واحده بس يا سفيان يا إما والله هتشوف مني وش تاني وهنسى خالص ان ليا اخ، عارف ليه؟ لان مفيش اخ يبص لمرات اخوه ياا محترم

يونس اخد حور وطلعو وقفل الباب عليهم وقرب عليها جامد وبيزعق: مبسوطه انتي كده؟؟؟

حور بتعيط وخايفه منه 

يونس بزعيق: ما ترودي علياا

حور بعياط وشهقات: انا م…. مش فاهمه ان…انت عاوز ايه،ومش عارفه اعمل ايه عشان متزعقش 

يونس هدي لما شافها كده قرب عليها جامد وباس خدها براحه: انا آسف اني بتعصب عليكي والله بس زفت الطين ده بيعصبني ومبلاقيش غيرك قدامي وغصب عني بطلع عصبيتي فيكي ومببقاش قصدي 

حور بعياط: وانت برضو كل شويه تتأسف وتتهمني اني ممكن اعمل حاجه مع اخوك وانا زي الهبله بسامحك 

يونس حضنها: يا حور انا آسف والله العظيم واوعدك اني مش هتعصب عليكي تاني ابدا 

حور بصتله لفوق بطفوله ورفعت صباعها ف وشه: يعني مش هتتعصب عليا ابدا؟

يونس باسها في خدها وضحك: ابدا 

حور بكسوف:خلاص ماشي،ابعد بقا

يونس بخبث: لا انا مبسوط كده

حور بكسوف: يا يونس ابعد لو سمحت

يونس بخبث: طب هبعد بس بشرط

حور: اتفضل 

يونس بخبث: هاتي بوسه

حور: لاااااااا

يونس بتمثيل الزعل: لا بقا انتي المره اللي فاتت برضو مرضيتيش وانا زعلت على فكره بس مرضتش اقولك ومش هسيبك المره دي غير لما تنفذي الشرط

حور: يوووه بقاااا

يونس: يلا

حور باسته في خده وبعدت بسرعه وهي مكسوفه: اهو حلو كده؟

يونس بخبث: لا مش حلو

حور: يووه ليه تاني!

يونس بخبث: عشان انا مش عاوزها هنا 

حور بغباء: يعني ايه؟

يونس بصدمه: يالهوي انتي مش فاهمه؟ ده انتي ليكي الجنه والله

حور بنفس الغباء: مش فاهمه برضو

يونس بخبث: خلاص ولا يهمك هنفذ انا الشرط “وبدأ يقرب عليها جامد” 

حور فهمت وبتبعد وشها: لا لا لا لا لا لا انت هتعمل ايه يا يونس اعقل ك….

يونس قاطعها وباسها بوسه خفيفه وطويله ف شفايفها وبعد 

حور مبرقه ومحمره جدا ومش عارفه تتكلم 

يونس بعد: هيييحح يلا بقا خشي البسي انا عاوز انزل اتمشى

حور ثابته مكانها ومش بتتحرك

يونس: يعيني يا بنتي

حور:………

يونس بضحك: حور؟

حور:……

يونس بيهزها من كتفها وبيضحك: يااا حووووووررررر

حور بصتله وهي لسه مبرقه: هاا…ااااا…ايوه 

يونس بيضحك: ايوه ايه بس، ” كمل بخبث ” اومال لو كملت بقا “وغمز” {انا مكسوفه والله????????}

حور جريت من قدامه وراحت تلبس