روايات

رواية ظلام الرعد الحلقة التاسعة عشر 19 بقلم فاطمة عيد

رواية ظلام الرعد الحلقة التاسعة عشر 19 بقلم فاطمة عيد

رواية ظلام الرعد الحلقة التاسعة عشر 19 بقلم فاطمة عيد

رواية ظلام الرعد الحلقة التاسعة عشر 19 بقلم فاطمة عيد

في الصباح اجتمع الجميع علي مائده الطعام ليقول سيد بجديه:-

كل شئ لازم ينتهي مش هنفضل فالفيلم ده كتير

رعد:-

انا معاك بس ازاي

ابتسم بغموض وقال:-

طبعا معتز وعز مش أغراب عشان كده انا هتكلم دلوقتي…ابوك لي حق اداره الشركه اللي ف ألمانيا لكن هي مش بتاعته..الشركه لسه ملك عيله الجبالي والادهي جاسر مش شريك فالشركه جاسر شريك فعلا بس ف مشاريع تانيه متخصش الشركه خالص

داليا:-

ايوه بس كلنا كنا فاكرين أن الشركه ملك فاروق

سيد بحزن:-

زمان انا فعلا كتبت الشركه لفاروق لكن قصادها عملي توكيل عام لاني كنت بختبره ..ساعتها قولتله لو نجحت فالاختبار الغي التوكيل والشركه ملكك لكن ساعتها اتخلي عنك وطلقك واتأكدت أن حبه للمال بيزيد ساعتها رجعت الشركه ملكي والنهارده انا هتنازل عن الشركه دي لأكتر حد اهتم بيها وكبر اسمها من النهارده الشركه دي ملكك انت يارعد بكل فروعها يعني حقك تعزل اي حد عن الاداره

مازن بصوت جهوري:-

يعني اي ملكه ياجدي طب واحنا فين حقنا

سيد بغضب:-

دلوقتي بقيت عارف الحق وبتسعي لي كمان ..عموما انتو حقكم هتاخدو مقابل مادي بكره الصبح هحول لكل واحد فيكم مبلغ بالتساوي

مازن:-

بالتساوي ازاي انا ليا اكتر من كيان وورد

سيد:-

انا لسه عايش اقسم زي مانا عايز وبمزاجي انا مش ميت عشان تعتبره ورث وكلمه كمان مش هطول مني حاجه يامازن

اشتعل الغضب في عينه وغادر الجلسه لتقول كيان:-

طب و عمي

رعد بجديه:-

عايزه تطلقي

كيان:-

انت بتقول اي

كرر كلمته موجهاً إليها نظراته الحاده لتقول:-

لا مش عايزه بس

رعد:-

مفيش بس اسكتي انتي

معتز:-

ايوه بس لحد دلوقتي معرفتش أنا هنا ليه

رعد:-

شركتك بتقع وانت عارف كده كويس لانك رافض تنافسني عشان كده عايز أضم مجموعتك لمجموعتنا ونكبر الشغل

معتز:-

فكره كويسه بس اي التفاصيل

رعد:-

هتروح معايا الشركه هقعدك مع الموظفه اللي هتكون مسؤوله وهي هتفهمك كل حاجه

قال كلماته والتفت إليها وهو يقول:-

اعملي حسابك بكره هنسافر المانيا

كيان:-

بس

رعد باقتضاب:-

اجهزي…يلا يا معتز وهات عز معاك

كيان:-

وانا مش هاجي الشغل

رعد:-

انتي ف اجازه

سيد:-

متتأخرش انا والمحامي هنكون ف انتظارك

ارتدي نظارته الشمسيه واغلق چاكيت البدله وهو يقول :-

تمام مش هتأخر

———-

في باريس

أدهم:-

ارتاحي شويه وبعدها نخرج

ورد:-

انا عايزه ماما روحني

أدهم:-

يابنتي ارحميني بقا …انتي لو ف حضانه مش هتعملي كده

ظهر علي ملامحها الضيق ليقول هو:-

طيب كلميها اعقبال ما نخلص هنا واول ما ننزل مصر هرجعك ليها ومش عايز اشوف وشك تاني

ورد:-

انت كمان بتهزر

أدهم:-

ده مش شهر عسل ده شهر مهبب

ورد بابتسامه:-

ربنا يقدرني واخلي ايامك كلها مهببه

أدهم:-

لو الاسامي بفلوس كانو هيسموكي برسيم مش ورد نامي نوم الظالم عباده

——-

-وصلو الي الشركه ليدلف معتز بجانب رعد ويخطف الانظار لتقول أحدي الفتيات:-

اي ده هو الشركه دي تخصص ابطال ..عليا الطلاق احنا ماعايشين

ضحك الجميع علي هيئتها ليصلو الي مكتبها دلفو اليها ليجدوها تتحدث في الهاتف وهي تقول:-

عريس اي بس ياخالتو …ياخالتو مش عاجبني …يوووه عارفه عندي كام سنه…ايوه هعنس اها …خالتو اقفلي ياخالتو انا مش قدرالك

-حاولو كتم ضحكاتهم دون جدوي لتقول هي فور علمها بوجودهم:-

انا اسفه ….اتفضل يارعد بيه اتفضل ياا

معتز بغرور:-

معتز

يقين:-

اتفضل يااستاذ معتز

رعد بجديه:-

انسه يقين هتعرفك تفاصيل الشراكه اللي هتبقي بينا وكل الشروط قابله للتعديل طبعا ..عن اذنكم

قال كلماته وغادر المكتب ليقول الاخر :-

اسمك حلو اوي علي فكره

ارتبكت من جرائته لتقول بخجل:-

ميرسي

قالت تلك الكلمه وهي تعدل حجابها وتقول:-

قهوة حضرتك اي

معتز :-

تفتكري انتي اي

يقين:-

بص ياعم الأمور اقعد عدل كده وقول قهوتك اي عشان نصحصح ونركز فالشغل كده امين

معتز بدهشه:-

امين…قهوتي مظبوطه

يقين:-

اعقبال ما صاحبها يتظبط

ابتسم بسخرية علي هيئتها الغاضبه ليقول في سره:-

مجنونه دي ولا اي

يتبع..

لقراءة الحلقة العشرون : اضغط هنا

لقراءة باقي حلقات الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى