رواية ونحب تاني ليه الفصل التاسع عشر 19 بقلم منة الهواري

” اخدوا الدكاتره يدخلوا و يخرجوا من عند نادر و الكل في حاله رعب ، خرج الدكتور بعد ساعه 

_الدكتور: احنا لازم ندخله العمليات حالا 

_معتز بخوف: هو ماله ابني 

_الدكتور: هو طلع عنده ورم في المخ

_معتز بخوف : يعني ايه 

_الدكتور : متقلقش هو هيبقي بخير ، بس لازم يعمل العمليه دلقوتي لان الورم بيتضخم و ده هيضرر ليه 

“مازن اتكلم لأن معتز تقريبا فقد النطق من صدمته و من حاله ابنه الوحيد “..

_مازن: طب ي دكتور اتفضل اعمل العمليه واحنا هنمضي علي كل الشروط العمليه متقلقش 

_الدكتور: تمام ي استاذ ، ادعولوا لأنها عمليه مش سهله ، بعد اذنكوا 

_مازن: اتفضل وان شاء الله خير 

“الدكتور مشي و فضل معتز علي حالته لا يستوعب ماذا يقول هذا المعتوه ، هل يقول علي ابنه أم عن احد تاني ، قلبي لا يتحمل اخباري بهذا الخبر الملعون، ماذا يقول غير أنه يدعو ابنه الوحيد الذي يحبه و يعشقه أنه الوحيده لديه ، أنه يقوم بالسلامه ” 

_نور : هنعمل ايه 

_مازن: احنا لازم تقولهم عشان يعرفوا ، طنط زينب تعفرف و تقف جمب عمي معتز 

_نوح: طب انا هتصل ب امي و جنه و اعرفهم اني لقيت نور و كده و عقولهم يجوا عشان يقفوا مع طنط زينب وكده 

_مازن: ماشي ، وانا هتصل ب سهيله اقولها و كده و اخليها تحاول متقلقهمش من ناحيه نادر و العمليه

_نوح: تمام ، بعد اذنكوا 

“مشي نوح و مازن اتصل ب سهيله “

_سهيله: الوا مازن ، انتوا فين ؟! انتوا كويسن 

_مازن: احنا كويسين الحمد لله ونور كويسه 

_سهيله بقلق: طب و نادر. 

_مازن: نادر في المستشفى هو تعب شويه و جيبناه المستشفى

_سهيله بقلق: متأكد 

_مازن هو بيمسح علي شعره و بيحاول يكون علي طبيعته: ايوه كويس انا بس عاوزاكي تطمنيهم كلهم و تيجوا في العنوان**** ده ماشي 

_سهيله : تمام مسافه السكه ، باي 

“سهيله قفلت مع مازن و لقيت خديجه و زينب و هدي وراها “

_هدي: نور كويسه !

_سهيله: ايوه الحمد لله

_زنيب: ابني ماله قلبي واجعني عليه 

_سهيله: هو بس تعب شويه و وده المستشفي ، و مازن عاونني نروحله المستشفي 

_زنيب: طب يلا ي بنتي انا قلبي مش مطمن 

“سهيله و زينب و هدي و خديجه نزلوا و ركبوا تاكسي و راحوا عنوان المستشفي الي قال عليه مازن”

_نور: قولتهم ايه 

_مازن: قولت ليهم أنه تعب شويه بس ، مردتش اقول حاجه عشان ميقلقوش اكتر بس سهيله كانت قلقانه لما قولتلها أنه تعبان 

_نور: زمنها زوزو قلقلت عليه لما سمعت كده ، انا عارفها 

_مازن: ربنا بعدها علي خير يارب

_نور: يارب 

_ نوح: بس بالله عليكي خلي بالك من نفسك وانتي جايه ماشي

_سعاد: حاضر ي بني. وانا هتصل ب ابوك اشوفه 

_نوح: ماشي ، بس الي اكيد عنده شغل

_سعاد : لا اتصل بيه و اخليه يجي 

_نوح: خلاص ماشي ، وانا هتصل ب جنه

_سعاد: ماشي ي بني ، يلا سلام

_نوح: سلام 

“نوح قفل مع مامته واتصل ب أخته جنه”

_جنه: اففف بقي 

_فارس : مالك في ايه 

_جنه: نوح بيتصل 

_فارس:طب و فيها ايه رودي عليه و شوفيه عاوز ايه 

_جنه: هيقعد يقولي بقي انتي فين و مع مين بقي 

_فارس: مش ده اخوكي و بيخاف عليكي و لازم يطمن انتي فين و مع مين و بتعملي ايه 

_جنه: بس انا مش بحب التحكم ده 

_فارس: مش تحكم ولا حاجه ، ده اخوكي خايف عليكي انتي فين ده مش تحكم قاعده مع مين مش تحكم ولا انتي لابسه ايه مش تحكم هو خايف عليكي من نظرات الناس من كلام الناس عليكي هو مش هيسكت لحد لو اتكلم عليكي ، أو بص ليكي نظره مش كويسه او انك بتعملي حاجه غلط انتي فاكراها عادي هو ممكن يكون في كلامه تحكم أو مش بيبان كده قدامك فاهمه ،يلا رودي و مالك متنحه ليه رودي 

_جنه : ايوه ايوه حاضر 

“فارس ضحك علي طريقتها و هيا بصتله و ردت علي نوح “

_جنه: الوا يا نوح 

_نوح: يبنتي مش بتردي ليه 

_جنه: معلش اصل الفون معمول سايلنت 

_نوح: ما علينا ، المهم انتي فين 

_جنه بتوتر و حاولت متبينش : انا عند واحده صحبتي عشان كانت تعبانه و بزورها ليه ؟!

_نوح: احنا لقينا نور و نادر و هيا ماعنا دلقوتي 

_جنه قامت من مكانها و قالت بصدمه: لقتوها ؟!ازاي و فين 

_نوح: حوار طويل ي جنه ، بس تعالي دلوقتي في المستشفي**** 

جنه: ليه هيا نور حصلها حاجه 

_نوح: نور كويسه بس نادر تعب و احنا جيبناها علي المستشفي و طلع عنده ورم في المخ

_جنه بصدمه: طب عملوا ايه ؟!

_ نوح: هو في العمليات دلقوتي وانا خبرت الكل و هما جاين 

_جنه: ماما و بابا جاين 

_نوح: ايوه جابين و ماما قالت إنها هتكلم بابا يجي 

_جنه: خلاص تمام انا جايه باي 

_نوح: باي 

“جنه قفلت مع نوح و سرحت شويه و قطع سرحنها فارس”

_فارس : انتي ي بنتي فيه ايه 

_جنه: نور رجعت تاني 

_فارس خاف علي جنه ومن نظرتها: و هتعملي ايه يا جنه !!

_جنه: معرفش ؟!

_فارس: فكري قبل ما تعملي اي حاجه يا جنه افتكري عيلتك افتكري انها ملهاش زنب في حاجه افتكري انك ممكن تغيري نفسك للاحسن يا جنه واحنا في ضهرك لو احتاجتي حد ، افتكريني ي جنه اينعم انا غلطت في حاجات بس انا فوقت والله 

_جنه بصتله و سرحت في كلامه و أنها ممكن تكون غلطت هيا كمان و هتفوق ، هيا محتاجه لحد يقولها اصحي من الي انتي بتعمليه ده غلط بس مين ، فارس الي خطفته و حبساه و معرفه الكل أنه مات في حادثه ممكن !!!!!!! 

_فارس :جنه ها هتعملي ايه ؟!

_جنه: كل خير ، سلام 

_فارس: نفسي تتغري ي جنه بس انا هفضل وراكي

#Menna_Elhawary

نور : ماماااا 

_هدي:نور ي حبيبتي وحشاني اووي يا نور عيني ، انتي كويسه فيكي حاجه 

_نور: وانتي كمان والله وحشتوني اوي، انا الحمد لله كويسه 

“بعد سلامات كتير و احضان ل نور بسبب رجوعها و الكل اطمن عليها “

_زينب : فين نادر يا معتز 

_ معتز بحزن : نادر طلع عنده ورم في المخ

“سهيله و زينب شهقوا من الصدمه مين نادر”

_زينب : انت بتتكلم عن نادر ابني ، لا لا مستحيل

_معتز: استهدي بالله و استغفري الي انتي بتقوليه ده ، هو أن شاء الله هيبقي بخير 

_سهيله بعياط وهيا بتقرب من معتز : عمي قول أن نادر هيقوم تاني و هيبقي احسن ، اوعدني بكده 

_معتز عينيه دمعت و طبطب عليها وقال بكل حزن : ادعيله احسن يا بنتي نادر دلقوتي عاوز الكل يدعيله احسن 

” سهيله عيطت اكتر حسيت أنه ممكن يضيع منها أو مش هتشوفه تاني ، احساس انك تفقد حد انت بتحبه ، ثانيه انا بحبه .طب انا لو بحبه . نادر بيحبني . سؤال يدور في عقلها هل نادر بيحبها؟! وهل هيا تحبه؟! ، سؤال في كل الماقيس يصعب عليه الاجابه “

” الكل قاعد في حاله رعب و حزن و خوف وقلق وكل الشعور الذي تخطر علي بالكوا، يوجد شخص بين الحياه و الموت الذي يأخذ. احد نحبه دون اراددتنا .. “

” بعد حوالي سته ساعات في حاله رعب و خوف الكل مش عارف ايه التأخير في ده ، هل العمليه بتلك الصعوبة …’

“خرج الدكتور و الكل اتجمع عليه “

_الدكتور : الورم كان كبير و كان ضاغد علي الاعصاب و بشكل كبير و ده يسبب مشاكل 

_معتز : زي ايه ي دكتور 

_الدكتور: مشاكل زي ممكن يعمل حاجات هو مش عاوز يعملها الورم كان كبير و انا مش عارف ازاي انتوا مش عارفين أو حتي ملاحظتوش ده بس المهم الورم ضغظ علي الاعصاب و شريان التفكير والي ادي الي صعوبه التفكير وانه يعمل اشاء غير إرادته 

_معتز بحزن :  هو ممكن توصل للخطف 

_الدكتور بأسف: للاسف ايوه ممكن توصل للخطف أو للقتل أو اي حاجه زي ما قولت لحضرتك 

_معتز : شكرا ي دكتور ، ينفع ندخله امتي 

_الدكتور: احنا هنقله ل اوضه عاديه و ياريت فرد واحد بس الي بدخل لحد ما يتحسن و يفوق من البنج 

_معتز: تمام ي دكتور ، شكرا علي توضيحك لينا 

_الدكتور: العفو علي ايه ده شغلي ، بعد اذنكوا 

“مشي الدكتور و فضلوا قاعدين و مش مصدقين أن ممكن مرض يعمل كده “

_معتز: حمد لله على السلامه يا نور ي بنتي و زي مانتي شايفه كده ماحدش كان بيأيده حاجه ولا حتي نادر سامحيني ي بنتي 

_ نور : الله يسلمك يا عمو، انا عارفه أن محدش كان في يد في كده و الحمد لله انا كويسه و محصلش حاجه 

_زينب: كان مستخبي فين ده كل ياربي ، الحمد لله على كل شئ

” قعدوا حوالي ساعه، لحد ما خرجت الممرضه “

_الممرضه: انتوا عيله المريض نادر معتز 

_معتز : ايوه ي بنتي ماله ابني 

_الممرضه: المريض عمال بيقول سهيله و كده مين فيكوا سهيله 

“كلهم بصوا لبعض و سهيله نفسها استغربت من كلامها “

_سهيله: انتي متأكده من كلامك 

_الممرضه: ايوه متأكده و ياريت تتدخلي ليه 

_سهيله: حاضر

“سهيله قبل ما تدخل كل نظرات الي قاعدين بيقولولها ادخلي ماتخافيش ، لفت سهيله و بصت للباب الأوضه و اخدت نفس عميق و دخلت “

“سهيله دخلت الأوضه لقيته بهيأه جسمه الضخم و راسه الي ملفوفة بالشاش و كل الاجهزه الي متوصله بيه و قد ايه هو وشه دبلان و باين عليه التعب ، قربت منه و بدأت تدقق في ملامحه الي كادت أنها تنساها ، بدأت ترفع اديها بهدوء علي وشه و تشوف تفاصيل وشه الي اول مره تكون قريبه من كده “

_سهيله بصوت واطي جدا : ليه مقولتش انك تعبان ليه مقولتش انك ممكن تروح مننا في لحظه ليه مقولتش كده ، انت بتأذي نفسك و تأذينا كلنا و بتأذيني انا كمان 

_ انا اسف 

“سهيله اتخضت و بعدت عنه و رجعت لوا “

_سهيله بتوتر: انت صحيت امتي 

_نادر : لما ايدك لمست وشي حسيت بيكي 

_سهيله: اسفه اذعجتك

_نادر: بتتأسفي ليه ، انا الي المفروض اتأسف 

_سهيله: انت اتأسفت كتير اوي ي نادر 

_نادر بحزن: دايما هقولها انا اسف علي كل حاجه عملتها وكل حاجه اتسببت فيها 

_سهيله قربت منه و حطيت اديها عند قبله: تقدر تقوله اسف ماكنش قصدي ، تقدر تصلحه و تخليه سليم تاني و صافي من كل حاجه ، تقدر تخليه ينام هو مش بيفكر في حد شاغله و يقولي كلام انا مش حابه أو مش حباه تقدر رووود 

_نادر اتصدم من كلامها ومن طريقتها ازاي يطلع منها كل ده ، قد ايه انا اتسببت ليها اذي و جرح كبير اوي في قلبها للدرجاتي أنها تشبهني بيه 

_سهيله: ها قدرت ولا لسه ، شوفت بقي صعب ازاي ، يبقي كل واحد يشوف حياته  

_نادر: يعني ايه ؟!

_سهيله ابتسمت ليه و بصت ل لديها اليمين و بصت للدبله الي بتربطهم ببعض بحته دهب لا تعني اي شئ أو تمثل ليهم اي حاجه و قلعتها و راحت ناحيه نادر و فتحت أيده: يعني كل واحد يشوف حياته من الاول

 _نادر مسك الدبله في أيده و قال بكل حزن و تعبت : انتي هتسبيني 

_سهيله: انت الي خليتني اسيبك مش انا ، بعد اذنك و الف سلامه عليك

_نادر: سهيله لأ استني 

“سهيله بصتله بعينيها الي كلها دموع و ابتسمت بألم و حزن و فتحت الباب و مشيت بهدوء تام و تحت نظرات الكل الي استغرب خروجها ، دخلوا ل نادر الي اول ما دخلوا مسح دموعه علي طول”

_زينب : كده ي حبيبي تخصني عليك

_معتز: حمد لله على السلامه يا بطل 

_نادر: الله يسلمك ي بابا ، انا اسف علي قلقكوا عليا 

_مازن: متقولش كده المهم تكون كويس و تقوم تاني ي بطل 

_نور بضحك : وهتخطفني تاني ولا ايه 

_نادر بضحك : والله ضحكتيني لا ي ستي من هخطفك تاني وانتي عرفتي السبب دلقوتي اهه وانا دكتور و كنت عارف ان ده هيحصل 

_مازن : عرفت امتي ؟!

_نادر: من ساعه ما خطبت سهيله ، عرفت و حسيت بنفسي و عملت اشاعه بس مردتش اقول لحد و قولت اتكل علي الله علي طول 

_زينب بحزن: واهون علليك تسيبني و تمشي 

_نادر: خلاص ي امي انا قدامك اهه  

_مازن: يعني خلاص ؟!

_ نادر بص ل نور وبعد كده بصله : خلاص 

“خديجه همست ل نور وقالت : شكلنا هنفرح و هنبل الشربات 

_نور: احنا في ايه وانتي في ايه

_خديجه: يستي سيبينا ننبسط بقي 

_نور: تفتكري ؟! 

_خديجه: ايوه افتكر ????

” فضلوا مع بعض و ضحكوا و نسوا موضوع خطف نور و الكل قفل الموضوع و نادر فضل تفكيره مشغول ب الذي قالت كلام كبير يعجز عنه التعبير و اللسان “

#Menna_Elhawary

“عدي عليهم شهر كامل يعني 30يوم يعني 4اسابيع كل واحد فيهم شاف حياته نور رجعت الملجأ تاني و مازن بدأ يقرب منها تاني ، خديجه مطلعه عين نوح بصراحه كده يستاهل ???????? ، جنه بدأت تهدأ أفكارها من ناحيه نور و فارس بدأ بغير تفكيرها و يغيرها للاحسن،”

” نأتي الرجل الذي خسر الذي أحببته و بفكر كيف يرجع إليها و كيف يرجع قلبها الذي دق بسببه “

_ مازن : كنت عاوز اتكلم معاكي في موضوع كده ي نور 

_نور سابت الملفات الي فأديها وقالت : خير ي مازن ايه الموضوع 

_مازن : عندكوا قهوه في البيت 

_نور استغرب من سأله: نعم ؟!

_مازن: عندكوا قهوه في البيت ؟!

_نور: ايوه ،، ليه في حاجه 

_مازن : اصل هتكلم في موضوع كده مع الحاجة

_نور: موضوع ايه 

_مازن: سررررررررر

“مازن سابها ومشي و هيا فضلت مش فاهمه حاجه “

_هنعمل ايه 

_جنه: مش فاهمه

_يعني البت رجعت اهه و بقالها شهر و الدنيا حلوه معاها وكده تتحرك احنا بقي ،و ناخد الورق 

_جنه: انا ماليش دعوه بيك انت عاوز الورق انا مش عاوزه حاجه 

_ يعني ايه مش عاوزه ، مش دي الي عاوزه تنتقني منها

_جنه: خلاص انا اخدت حقي من حرق المكتبه و مش عاوزه حاجه تاني بقي انا عاوزه ابدأ حياتي من جديد علي ورقه نضيفه 

_ ورقه نضيفه اممممم،و الواد الي جوه ده هتعملي فيه ايه 

_جنه: هسيبه يمشي انا مش محتاجه في حاجه 

_خلاص كده سليمتي كل حاجه بس انا لسه مأخدتش حقي 

_جنه : طب ما تفكك بقي و ارضي الي في ايدك 

_لا ي قطه لازم اخد كل حاجه زي ما اخد كل حاجه سلام ي قططتي 

“مشي و جنه فضلت في مكانها و راحت ل فارس “

_جنه: سمعت قال ايه 

_فارس: ايوه سمعت والي فرحان بيه انك بتتغيري ي جنه و ده للاحسن 

_جنه: ومش فرحان انك هتمشي خلاص 

_فارس: فرحان اني قضيت معاكي احلي فتره 

_جنه: طب والعمل 

_فارس: لازم تقوليها علي كل حاجه 

_جنه: انت شكلك اتجننت صح اروح اقولها اني انا الي حرقت المكتبه و اذيتك في حياتك 

_فارس: هيا ممكن تتفاهم و تتصالح معاكي صدقيني كلهم مش زي بعض ومش نفس تفكيرك 

_جنه: لا لا ابدا أبد اني اعمل كده لا 

_فارس: مع اني شايف أن ده الصح 

“جنه بصتله و سكتت و راحت فكت فارس و حررت فارس ، فارس مشي و فضلت جنه لوحديها ، في عالم تايهه فيه “

_نوح: انسه خديجه 

_خديجه: ايوه 

_نوح: خوديلي معاد مع ولدك عاوز أقابله ضروري جدا 

_خديجه: خير ي استاذ نوح

_نوح: هنشرب قهوه مع بعض 

_خديجه: طب ما تشربها في بيتكوا الله 

_نوح: ماعندناش قهوه في البيت

_خدبجه: داخل علي طمع يعني لا مافيش 

_نوح: ولو قولتلك أني عاوز اخد الجاموسه الي حداكم 

_خديجه: جاموسه احنا ماعندناش جاموسه انت يا اخ ي انت ي بني ماعندناش جاموسه عندنا بط تاخد 

#Menna_Elhawary

_مازن: انا جاي النهارده و قررت اخد خطوه حلوه في حياتي يا عمي معتز 

_معتز: قول ي بني 

_مازن: جاي اطلب ايد الانسه نور

“البنات جوه في الأوضه و خديجه و سهيله نسيت اقلوكوا أن سهيله جت و خديجه و زينب و معتز الي يعتبر ابو نور الله يرحمه “

_خديجه: و نسمع زغرووووطه 

_سهيله: كان نفسي بس اتقللي يبت 

_نور: انا عن نفسي هزغرررط

_خديجه: اتقلي يبت زي ما سهيله قالت 

_نور: يوووو بقي عاوزين نفرح 

_معتز: انا ماعنديش مانع بس رأي العروسه اهم ، هاتي العروسه ي ام نور

_هدي : حاضر 

_زينب : بت ي نور يلا ادخلي 

_نور: لا لا خلي ماما تقولهم مش داخله 

_هدي: العقلي بقي يا نور و ادخلي و هخلي زوزو تدخل معاكي

_نور: بجد ولا كلام عيال 

_هدي: انا علي الزمن ده يتقالي كلام عيااال ادخلي يلا 

_سهيله: عينك في الأرض صوتك ميعلاش ، خليكي رقيقه كده 

_نور: نعععععععععمم 

_خديجه: هيا دي الرقه الي اعرفها يلا ادخلي ي وحش 

_سهيله: تربيتي يلا 

“نور سابتهم و خرجت بره و فضلت قاعده متوتره و كده “

_معتز: نسيبهم مع بعض شويه 

_نور في سرها انتوا فعلا كلام عيال وانتي يا حاجه يالي اسمك هدي تعالي متسبنيش وانتي ي زوزو يالهوووي ولا ولا ي نادر. تعالي و هجوزك سهيله الهبله تعالي قطع تفكيرها صوت مازن و هو بيضحك علي شكلها وهيا بتبص عليهم بغضب 

_مازن: كنت عاوز اطلب ايدك موافقه ولا لأ 

_نور: سؤال واحد بس ، اشمعنا انا 

_مازن اخد نفس عميق وقال: انتي الي اتشديت ليكي من اول مره من اول ما شوفتك في المكتبه و انتي الي اتخيلت معايا حياتي حبيتك من اول مره في حاجات كتير هتعرفيها بس اشوف رأيك الاول 

_نور: مش عارفه بسس.. ايه الصوت ده 

_مازن: مش عارف تعالي نشوف في ايه 

_ايوه فين نور و مازن 

_معتز: في ايه يبني وانتي ي جنه في ايه 

_جنه: هتعرفوا كل حاجه بس هما فين 

_مازن خرج و نور :في ايه 

_جنه: لازم تلحقوا الملجأ فيه ورق هيتسرق

_مازن: ومين الي هيسرق و كلامك صح منين 

_جنه: بابا الي هيسرقه