رواية معاً من جديد الفصل التاسع عشر 19 بقلم شروق فاروق
 |
| رواية معاً من جديد الفصل التاسع عشر 19 بقلم شروق فاروق |
رواية معاً من جديد الفصل التاسع عشر 19 بقلم شروق فاروق
تالين أخدت إزازة ماية واتسحبت وفتحت الباب براحه وخرجت وطلع بخطوات ضعيفه براحه علي السلم لقت أمير واقف وماسك ف ايده بوكية ورد وعامل قلب علي الأرض بالشموع وشوية بلالين حواليه
أمير:طاطاطا طاااااااا
تالين بضحكه:إيه ده كله؟ ولحقت تعمله امتا!
أمير بتعب قعد علي الارض وقال:بقالي ساعه برص فيه وخوفت أخوكي يقفشني..وبتمرن من ساعتها عشان أقول جملة مفيدة
تالين بحب:ولا يهمك أنا لو هشوفك بس مش عايزة حاجه
وقربت وقعدت جمبه
تالين وهي بتمد ايدها ناحيته:صحيح المايه
أمير أخدها وبصلها بضجر وقال:دي صغيرة اوي
تالين:مش عطشانه هتكفيك
أمير بزعل:لا انا مش هشرب..كنا هنملا بلالين مايه ونحدفها ف بعض أومال أنا جايب ده كله ل إيه؟
تالين بضجر:مصحيني من النوم عشان تقولي هنملا بلالين مايه؟..انا نازله أنام
أمير مسك ايدها قبل ماتقوم وقال:أنا جايه عشان حاجه مهمه بعيد عن الهزار
تالين وهي بتلمس الورد:امممم
أمير بلع ريقه وقال:هقدم معاد فرحي أنا وميس
تالين بدهشه:هتعمل إيه؟..قولي إني سمعت غلط
أمير بهدوء:لا انتي سمعتي صح..أنا ماقدميش حل تاني..كدا كدا هتجوزها بعد شهر بعد سنه هتجوزها
تالين رمت البوكية في وشه وقامت ونزلت علي السلم
أمير وهو بيجري:تالين استني..قعد علي الأرض وايده سندت علي الشمع السايح واتلسعت
أما هي قفلت الباب ودخلت أوضتها وقفلت عليها
تالين بدموع:انتي غلطانه عشان وثقتي فيه..واحد متهور وطايش وسلمتيله عقلك..انتي غبيه
وراحت مغطيه وشها ب ايدها وانهارت
في صباح اليوم التاني
أمير بحماس:أنا عارف ان النهاردة لسا الخطوبة بس انا عايز اتجوزك كمان يومين ..كفايه مماطله لحد كدا
ميس بفرحه:بجد!
أمير ب ابتسامه:ايوا بجد..هنأجل ليه..ولو علي عمي وبابا هما هيجهزوا كل حاجه
ميس:ماشي..يلا سلام عشان ألحق أجهز نفسي
أمير ب ابتسامه:سلام
قفل الفون وحطه جمبه علي الكومود ولسا هيقوم الفون رن
رفع الفون لاقاه رقم تالين اتنهد ورفع الفون ورد
أما في بيت نرجس
نرجس:ياماما لسا بدري مستعجله ليه
هدي بضجر:الساعه عشرة والخطوبه بعد العصر علطول يلا عشان نلحق
نرجس:طب لما تالين تيجي طيب
هدي بزعيق:قومي بقا بطلي كسل
أما عند روفيدا
رفيدا:والله انا حاسه اني اتسرعت
علا:وبعديين..بطلي بقا دا انتي مذبذبه جدا
روفيدا بتوتر:انا أصلا مش جاهزة أنا ايه اللي خلاني أوافق
علا بضجر:اقفلي الفون مش ناقصه تخلف ع الصبح.. سلام
أما عند أمير
أمير:يعني ايه تتطلقي
تالين ببرود:بصراحه كدا انا كرامتي مابقتش مستحمله..واتهانت بما فيه الكفايه..ياريت تبعد عني وتريحني وتريح نفسك
أمير بلهجه غريبه:أعلي ما ف خيلك اركبيه
تالين :ايه؟..قصدك ايه يعني
أمير ببرود:زي ما سمعتي كدا..وياريت تطلعي الأفكار دي من دماغك..وطلاق مش مطلق..روحي اخلعيني
تالين بتحدي:انت مفكر نفسك مين..الو..الو…
رمت الفون من ايدها
ميادة سمعت الصوت ودخلت بسرعه
مياده بخضه:صوت ايه ده؟
تالين بدموع:انا عايزة اطلق..انا مش طايقه الانسان ده
ميادة:فهميني.. عمل ايه تاني؟
تالين:هيتجوز ميس عليا..
ميادة بصدمه:مين اللي قال الكلام الفراغ ده
تالين بدموع:امبارح قالي انهم هيتجوزوا ومفيش حاجه هتتغير
ميادة بحزن:مش هو كان بيقول انه هيتصرف
تالين بعياط:كله كلام بيضحك عليا بيه
فجاة علي جه علي صوتها
علي وهو بيقرب وبيمسك وشها:مالك..بتعيطي ليه كدا؟
تالين حكتله علي اللي امير هيعمله
علي وهو بيمسح دموعها:اسمعي كلام جوزك
تالين بعدت ايده عنها وقالت:انت كمان بتقولي كدا!!
ميادة بصدمه:انت عاوزها تتهان أكتر من كدا؟..انت اتجننت يا علي
علي بهدوء:دا اللي عندي..اهدي كدا وكل حاجه هتتظبط وخرج من الأوضه
أما عند أمير ورزق
رزق:انا شايف ان مفيش فايده من اللي بتقوله..بس براحتك هاتها اليومين دول
أمير بصرامه:شكرا يابابا..بعد اذنك
اخد مفتاح عربيته وخرج من البيت
عايدة:رايح فين كدا؟
رزق:هيرجع تالين البيت
عايدة:ازاي يعني!..وجوازه من ميس اللي بعد يومين؟
رزق بضجر:هو اللي هيتسأل عن تصرفاته..انا زهقت منه ومن قرفه
أما تالين كانت طالعه من البيت عشان تروح لنرجس لقت عربية أمير
بصتله بغيظ ومشيت
نزل من العربيه بسرعه ومسك دراعها
أمير:
اركبي وانا اوصلك
اركبي وانا اوصلك
تالين شدت دراعها منه جامد وقالت:لا مش عاوزه منك توصيل
أمير بعصبيه بسيطه:مش عاوز دلع..اركبي العربيه أحسنلك
تالين بخوف بسيط:ه هتعمل ايه يعني؟
أمير:أنا مش هتكلم وقدامك عشر ثواني هتركبي؟ولا أعمل تصرف مايعجبكيش
ركبت العربيه بضجر وبصت ناحية الشباك
اما هو لف وركب جمبها
أمير:انتي هتروحي معايا النهارده
تالين بسخريه:اومال
أمير بعصبيه:اتكلمي عدل..انا مش بستأذن انا بس بعرفك
تالين بدموع من طريقته:انت عاوز ايه مني؟..ياريتني ماوافقت أتجوز واحد ماعندهوش مسئولية زيك..ابوه اللي بيحركه وملهوش كلمه..الصمت عم المكان بعد قلم من أمير علي وشك تالين
أمير بتحذير:لسانك يتحط في بؤك احسنلك..انتي زودتيها اوي وانا مش هسمحلك
بصتله بدموع وفتحت الباب ونزلت من العربيه بسرعه
اما هو رجع راسه لورا بحزن
اخدت تاكسي وبعد مده وصلت بيت نرجس وخبطت علي الباب
هدي فتحت الباب وابتسمت
هدي بحب:نورتينا..تعالي يحبيبتي
تالين بضحكه مكسورة:تسلميلي ..اومال عروستنا فين؟
هدي:جوه اهي..تعالي وائل بره مشيته عشان ماتتكسفيش..وبصت علي وشها وقالت:مال وشك أحمر كدا
تالين بدموع بسيطه وهي بتحط ايدها علي وشها:ها..دا دا خبطه بسيطه كدا مش مستاهله
دخلت عند نرجس وكان معاها فستان هي شرياه
تالين بحب:يارب ذوقي يعجبك
نرجس ب انبهار:الله..دا جميل اوي حقيقي ذوقك زي القمر
تالين بدموع:بجد؟
نرجس حطت الفستان جمبها وقربت جمب تالين وقالت:بتعيطي ليه يا حبيبتي..مالك؟
تالين بصتلها وفجاة حضنتها جامد
نرجس بخضه:مالك ياتالين؟..ماتخضنيش عليكي وراحت حضناها جامد
تالين بعياط:أنا بمر بأصعب فتره في حياتي كلها..أنا مرات امير..والنهاردة هيخطب ميس وهيتجوزها عليا
نرجس بحزن:علي حكالي كل حاجه لما سألته عليكي..انا زعلانه اوي عشانك..
تالين بدموع:أعمل ايه بس انا تعبت
نرجس بحب:ولا تقنتوا من رحمة الله..ربنا بيحطنا في اختبارات كتير وكل الناس عندها معارك..واقوي معركه بتبقي لأقوي جندي..ياريت تطلعي من معركتك كسبانه ومتفقديش الأمل في ربنا..اعملي اللي يقولك عليه..حتي لو انتي شايفه انها حاجه مش من العقل..خليكي للأخر ..اسمعي كلامي وان شاء الله مش هيحصل غير كل خير
في القاعه
عايدة:أنا أسفه من عمايل أمير اللي زي الهباب..بس انا مفيش في ايدي حاجه
مياده بتفهم:انا عارفه..انا زيي زيك بالظبط
تالين كانت قاعده وعنيها مابطلتش دموع
ميادة بحزن:قومي روحي لو مش عايزه تفضلي
تالين:شكلي كدا..يلا انا هسبقكم علي البيت ..ماتتأخريش عليا
ميادة:نص ساعه وهجيلك
قامت من مكانها وهي خارجه خبطت في ميس
ميس بضحكه:مفيش مبارك؟
تالين بصتلها بغصه وقالت:مبارك..عن اذنك
أمير بصوت عالي:استني رايحه فين؟
اول ماسمعت صوته جريت بسرعه عشان ماتشفهوش
أمير:ادخلي انتي..خمس دقايق وهرجعلك تاني
ميس بخبث:ماشي..ماتتأخرش
خرج بسرعه ولحق تالين اللي كانت بتعدي الطريق وفجأة……………
