Uncategorized

رواية وحدة شغف الحلقة التاسعة عشر 19 بقلم ندى

 رواية وحدة شغف الحلقة التاسعة عشر 19 بقلم ندى

رواية وحدة شغف الحلقة التاسعة عشر 19 بقلم ندى

رواية وحدة شغف الحلقة التاسعة عشر 19 بقلم ندى

-عمر … عمر استني 

=ايوة يا مزة  

-رايح فين

عمر بمشاكسة= لحقت اوحشك 

-لا طبعا قصدي يعني بس حسيت انك متضايق

=هتضايق ليه بس ، انا ورايا شغل ومضطر ارجع واخيرا اتطمنت علي احمد يعني ، هقعد ليه تاني 

شهد بكسرة- يعني اطمنت علي احمد وبس كدة 

عمر ببرود= اها هطمن علي مين تاني يعني ، انا همشي بقي 

شهد بحزن = طب اقعد لحد بكرة معانا هنا 

عمر – لا … انا همشي عندي شغل .. سلام بقي عشان متأخرش . 

خرج عمر من المستشفي متضايق جدا انهم هيبعدوا عنه ، مبسوط ان احمد اتجوز اخيرا وربنا عوضه وفي نفس الوقت زعلان جدا ومش عارف يعمل ايه حتي 

شهد قعدت فترة برة الاوضة ودموعها نزلت … يعني هو مش بيحبني خالص حتي يعني كل ده هزار وخلاص ، مااشي يا عمر مش هسامحك ابدا 

احمد طول الليل قاعد جنب شغف مش قادر ينام وهي قدامه حتي مش مصدق انه اتجوز في يوم من الأيام وقد ايه شغف خطفت قلبه . 

بعد 3 أيام في المستشفي 

خرج احمد من اوضة شغف علي اساس يجيب اكل ..شهد قاعدة مع شغف وساكتة 

شغف باستغراب – شوشو مالك ساكتة غير العادة كدة بقالك يومين 

شهد بتوتر = لا عادي يعني بس مش لاقيه حاجة اقولها 

شغف- لا فيه حاجة مضايقاكي .. ومن غير حوارات قوليلي مالك 

شهد بدموع = عمر مش بيحبني يا شغف 

-ليه بتقولي كدة 

=عشان قال انه بس جاي يطمن علي احمد ومشي عشان الشغل حتي موقفش يسمعني للاخر كان بيكلمني ببرود جدا حتي مكانش بيغلس زي العادة واهو بقاله كذا يوم مجاش 

-حببتي اهدي هتلاقي عنده شغل ومتنسيش ان اخوكي مطلع عينه هناك 

=بس اتضايقت اوي من كلامه 

-فترة وهيرجع تاني متزعليش فرفشي بقي 

=طيب هقوم اخرج اجيب اي حاجة اشربها 

شغف بسرعة – لا متخرجيش 

شهد باستغراب = ليه يعني 

-عادي مش حابة اقعد لوحدي حاسه بخوف كدة .. اتصلي ب احمد يجيبلك اللي عايزاه وهو جاي 

= حببتي خايفة من ايه 

-مش عارفة خايفة وخلاص .. خليكي معايا لحد ما احمد يجي وبعدها اخرجي 

=طيب ماشي متخافيش بس عشان مخافش زيك 

ضحكت شغف – طيب مش هخاف بس خليكي معايا نرغي في اي حاجة 

قوليلي صح هو احمد يعني بيحب ايه وبيكره ايه وكدة يعني اقصد يعني كلميني عنه 

بدأت شهد تتكلم معاها لحد ما احمد رن عليها 

-ايوة يا احمد 

=معلش يا شهد اديني شغف اكلمها

-تمام بص طيب وانت جاي هاتلي اي حاجة اشربها 

=حاضر 

شغف احمد عايز يكلمك 

شغف بتوتر : ايوة 

-وحشتيني يا شغف قلبي 

شغف : ايه .. قصدي عايز ايه 

-بقولك انا ظبطت كل حاجة بس عمر مجاش 

شغف بحزن: ليه بس كدة 

-قالي عنده كذا مشوار كدة وشغل طبعا ومش هيعرف يجي ،هي شهد لسه زعلانة 

شغف : ايوة ، بس تمام حاول تاني كدة وان شاء الله كل حاجة تبقي تمام 

-قلبي يا ناس ، بقولك طيب مش عايزة تقولي حاجة كدة ولا كدة 

شغف بخجل : اها هقفل 

– لاااا اصبري طب هنفاجأها امتي طيب انا خلصت 

شغف : طب خلص وتعال احنا قاعدين اهو دلوقتي 

-تمام 

…….

عمر – ايوة يا احمد خير 

احمد باستغراب = عمر مالك يابني مش زي عادتك بقالك كام يوم 

عمر – مليش بس حاسس اني مخنوق 

احمد = حصل ايه طيب احكيلي 

عمر – لا مش دلوقتي .. بعدين 

احمد= طب كنت عايز اقولك ان عيد ميلاد شهد النهاردة وهنعمله في المستشفي  

عمر- معلش يا احمد انا مش هعرف اجي 

=مش فاهمك بجد مش هتيجي عيد ميلاد شهد اللي انت كل سنة بتقرفنا بيه 

-يوووه يا احمد لو عرفت اجي هبقي اجي 

=تمام يا عمر 

……. 

احمد دخل بغضب وقال – يلا بينا 

شهد بتبصله بتوتر = فين 

احمد- هانروح اوضة تانية تحت بدل دي 

احمد شال شغف براحة جدا علي كرسي متحرك – يلا يا شهد بسرعة

شهد  اتوترت – طب ليه طيب حصل حاجة

احمد جر الكرسي بسرعة من غير كلام وخرج وشهد وراه بتجري بقلق … شغف هتموت من الضحك عليها بس حاطه ايديها علي بؤقها 

وصلوا الاوضة – افتحي الباب بسرعة يا شهد 

فتحت شهد الاوضة و اتفاجأت جدا بتزيين الاوضة اللي ياخد العقل كان كل حاجة باللون البنفسج اللي بتحبه ، مكتوب اسمها بشكل يجنن وبلونات كتيرة ملونة وتورتاية كبيرة عليها صورتها 

شهد نطت بفرحة وصرخت وحضنت احمد  – احماااااد يخربيتك ايه ده . انت احلي أخ في الدنيا 

احمد غمز لشغف اللي كانت بصالهم بسعادة

فلاش باك # 

شهد كانت نايمة علي الكنبة واحمد كان بيتكلم مع شغف طول الليل جانبها كالعادة

– بقولك عيد ميلاد شهد بكرة ومش عارف هعمله ازاي 

شغف حست انه قاصدها = اممم عادي ممكن تعمله في كافيه مثلا برة 

احمد – انتي بتقولي ايه .. لا انا هعمله هنا عشان انتي اكيد هتكوني معانا .. مش هعمله وانتي بعيد .. بس الفكرة مش عارف اعمل ايه جديد يعني عمر كان بيفاجأها كل سنة بس المرادي لا مجابش سيرة حتي .

شغف ابتسمت = امممم طب عادي هي بتحب اللون البنفسجي جدا وبتحب الشوكلت اكيد والورد اكيد ممكن بقي نزين اوضه وكدة .. بس افرض قفشتنا 

ضحك احمد – الدور عليكي بقي تخليها معاكي هنا لحد ما اكلمك 

شغف = اتفقنا 

باك# 

شغف اديتها بوكس فيه هدايا كتير – كل سنة وانتي طيبة يا روحي 

احمد اداها بوكيه ورد جميل اوي الوانه تحفة = كل سنة وانتي طيبة يا قلب اخوكي 

شهد بفرحة : بجد انتوا احلي اخوات في الدنيا انا بجد مبسوطة اوي .. ربنا يخليكوا ليا 

قعدوا سوا يغنوا ويهزروا والباب خبط 

فتحت شهد بسرعة لقت ممرضة 

شهد -ايوة يا قمر اتفضلي 

الممرضة بابتسامة = كل سنة وانتي طيبة يا حببتي .. بس فيه حد عطاني البوكس ده وقالي اديهولك 

شهد اخدته منها  – اممم ، شكرا يا حلوة 

الممرضة = العفو 

دخلت شهد وقفلت الباب وبصت بتوتر للبوكس كان لونه اسود بفيونكه كبيرة بنفسج فتحتها لقت ساعة جميلة جدا رقيقة ، دبدوبة باندا صغيرة، كورة تلج جواها ولد بيرقص مع بنت ،وجواب 

فتحته بسعادة 

” شهدودي كبرتي بقيتي 18 سنة بس بردو لسه صغيرة يا مزتي ، متزعليش اني مجتش النهاردة بس حقيقي عندي شوية مشاكل وهتتحل واجيلك ، حاجة جديدة كنت حابب اقولهالك بصدق وسعادة في اول يوم في عامك الجديد ده اني بحبك جدا ، اه بحبك وتقريبا انتي عارفة ده ، انتي روحي وعشقي وحياتي كلها .. عايز اقولك اني تبعد فترة لظروف معينه وهرجعلك واتمني متنسيش حبي ليكي و اوعي تنسيني في يوم ووعد مني هرجع بس محتاج لشوية وقت . كل سنة وانتي طيبة يا اجمل شهد في الدنيا ????????” حبيبك عمر ????.

شهد عيطت كتير … وحضنها اخوها من غير ما يسألها لانه متوقع ان دي هدية عمر اللي مش عارف هو مشي ليه واسبابه ايه وقالها ايه .

احمد بمشاكسة -متعيطيش … مين اللي بعتلك الهدية الحلوة دي وخلاكي تعيطي 

شهد بتوتر : اييه مش بعيط بس اتأثرت شوية … دي واحدة صاحبتي بعتتها 

احمد – اممم واحدة صاحبتك 

شهد بتوتر اكتر : ايوة 

احمد – طااايب سيبي بقي هدية صاحبتك دي وتعالي عشان تكملي اكلك 

شغف قربت منها وبصوت خافت = ده عمر صح 

شهد- ايوة

شغف = قالك حاجة تزعلك 

شهد- هبقي اقولك بعدين 

عدي اليوم بسعادة وفرحة وغني ورقص .. 

بعد اسبوع

شغف بعصبية- انا عايزة اخرج بقي 

احمد = انتي لسه تعبانة 

– مش تعبانة خلاص خفيت انا عايزة ارجع البيت ، زهقت هنا اوي عايزة ارجع البيت بقي 

= طيب هشوف الدكتور الاول يا حببتي بس اهدي 

-طيب روح اسأله دلوقتي 

=حاضر 

خرجت شغف من المستشفي اخيرا بعد موافقة الدكتور 

دخلت البيت واحمد وشهد جابوا حاجتهم وكل حاجة كانت موجودة في الشقة …. 

شغف بسعادة- اخيرا رجعت البيت .. كل حاجة وحشتني هنا اوي 

احمد = حمدلله عالسلامة

شغف – الله يسلمك 

شهد : البيت تحفة اوي انا هختارلي اوضه بقي علي مزاجي اتفقنا 

شغف بهدؤ- ماعدا اوضتين معلش عشان خاطري .. اخر اوضة علي ناحية اليمين في الدور اللي فوق  ، واوضة الحاج يحيي محدش هياخدهم …اي اوضة تانية اختاري براحتك

شهد بتفهم= اكيد يا قمر من غير ما تقولي مكنتش هاخد اوضة منهم 

شغف – حببتي انتي 

دخلت شهد اول اوضة عاليمين مع شغف واحمد 

شغف بسعادة – دي حلوة اوي … بس انا عندي ليكي اوضة تانية احلي لو تحبي اوريهالك 

شهد بسعادة = انا واثقة في اختيارك.. بس سؤال دي باين عليها أوضتك اومال اخر اوضة هناك دي بتاعت ايه 

شغف – بتاعتي الاساسية  .. لكن دي كنت بنام فيها وكدة سعات 

احمد حس بفضول ناحية اوضتها الغامضة اللي هناك 

دخلت ناحية الشمال و اخر اوضه دخلتها 

شغف – ايه رأيك … وفيه بلكونة كمان هنا 

شهد بانبهار = الاوضة تحفة

كانت كبيرة جدا بحمام مساحته كبيرة والبلكونة كانت تحفة بالزرع اللي فيها 

شهد = انا هاخد الاوضة دي هتبقي بتاعتي … فين أوضتك بقي انتي واحمد 

شغف اتوترت  واحمد واقف ورا الكرسي المتحرك بيساعدها 

احمد قال – انا بقي اللي هختار دي 

شغف = اشمعني 

احمد – مزاجي انتي عندك اوضة وهي اوضة والحاج يحيي اوضة يبقي انا اختار اوضة 

شغف سكتت 

واحمد قال- انا هاخد الاوضة اللي هناك دي كانت اوضة شبه بتاعت شهد جانب الاوضة اللي شغف قالت عليها بتاعتها ناحية اليمين  .

فات اليوم في ترتيب البيت وشغف حاولت تساعدهم بالايد الوحيدة اللي قادرة تحركها ونزلت دموعها وهي قدام المراية بترتب حاجاتها 

دخل احمد بشنطته شافها وهي مسحت دموعها بسرعة – شغف مالك 

=مليش هكون مالي يعني 

احمد قرب منها بحب – انتي مراتي يا شغف وهتفضلي كدة طول حياتك مش عايزك تخبي عني حاجة حتي لو كانت تافهه 

شغف بصتله بحب وتوتر = ليه علطول احنا اتفقنا علفكرة انها هتكون فترة وخلاص 

احمد – ماااشي فترة بس لحد ما تخلص متخبيش عني حاجة 

شغف = طيب ممكن تخرج شوية  بس حابة اقعد لوحدي 

احمد – تمام بس لو احتاجتي حاجة نادي عليا انا تحت برتب باقي الحاجات 

شغف = تمام 

بالليل شهد كانت في اوضتها فرحانة… شغف قاعدة بتوتر وعايزة تدخل تاخد شاور 

احمد  قاعد عالسرير وفاتح اللاب بتاعه 

شغف قربت منه بالكرسي بتاعها – احمد هي شهد نامت 

احمد= مفتكرش يعني هي كانت لسه داخلة اوضتها من شوية

شغف – طب هاروح اشوفها واجي 

احمد= تمام 

حركت شغف الكرسي لحد اوضه شهد وخبطت

شهد- شغف تعالي حصل حاجة ولا ايه 

شغف = لا بس حبيت اشوفك يعني 

شهد – تعالي طيب اقعدي معايا 

= لا هسيبك تنامي .. بس انا 

شهد – محتاجة حاجة اعملهالك طيب 

شغف بتوتر ودموعها نزلت  = انا عايزة اخد شاور .. بس مش عارفة اقول لاخوكي واتكسفت.. هو ليه رفض يخلي اي شغالة تكون في البيت عالاقل النهاردة 

شهد – حببتي هو محبش حد يكون هنا وانتي متأخديش راحتك بس مش اكتر بس انا هحاول اقوله تاني

شغف = لا انا اللي هقوله بس ممكن تساعديني انتي لحد ما اتصرف بكرة 

شهد – اكيد طبعا بس تعالي عندي بقي عشان احمد ميتضايقش 

شغف بابتسامة= شكرا اوي يا شهد حقيقي انتي احلي حاجة في حياتي 

جرت شهد الكرسي للحمام – انا بردو احلي ولا حد تاني 

شغف بكسوف = لا انتي يا شهد ولمي نفسك

ضحكت شهد عليها 

ساعدتها شهد واخدت شاور بس نست تجيب هدومها 

شهد – يا خبر انا نسيت اجيبلك هدوم 

شغف = عادي هاتي من الاوضة خشي اخوكي لسه صاحي 

شهد – طيب 

خرجت تجيبها هدوم من اوضتها هي واحمد 

-انتي جاية ليه هنا 

شهد = هاخد حاجة بس لشغف وهخرج .. ده ايه الاخوات دي يا ساتر كل ده عشان دخلت 

احمد باهتمام – عايزة ايه لشغف يعني 

=حاجة وخلاص يا احمد في ايه 

اخدت شهد بمكر شورت قصير اسود و بدي اسود بحملات رفيعة .

– هي شغف اخدت شاور عندك صح 

شهد بتوتر = بتسأل ليه 

احمد بعصبية – هي ليه مقالتش 

شهد بهدوؤ = احمد متضغطش عليها حرام عليك يعني انت جوزها وكل حاجة بس واحدة واحدة عليها متزعلش منها اي حد مكانها هيتحرج ويتكسف 

احمد بعصبية – لا احنا متفقين اني هساعدها في كل حاجة لحد ما تخف وكمان هي مستأذنتش 

شهد= احمد براحة في ايه …متنساش الزعل غلط عليها ها … انا هاروحلها 

لبست شغف هدومها وقالت انتي مجبتش غير دول بس كدة 

شهد بجدية مصطنعة – ايوة منا مش عارفة انتي هتلبسي ايه ولقيت دول هيبقوا حلوين عليكي 

شغف باحراج – طب هاتي الاسدال طيب معلش تعبتك 

شهد بسرعة = ايه يا مجنونة تعبتيني في ايه .. حاضر هجيبهولك 

قبل ما تخرج شهد دخل احمد بسرعة وبص لشهد – اتمني متعمليلهاش حاجة تاني انا بس اللي تطلب مني اي حاجة بعد كدة وانتي يا شغف….

بص لشغف و مكملش كلامه كانت جميلة شعرها المبلول الطويل ولبسها وعيونها وخدودها الفراولة دي  وكل حاجة جننته 

شهد بابتسامة – احماااد … خلاص محصلش حاجة  خد مراتك وبرة يلا عايزة انام 

احمد جر الكرسي وخرجوا لاوضتهم 

شغف بتوتر وكسوف = انا ..استني مش هاروح الاوضة دلوقتي مكملتش لبسي

يتبع..

لقراءة الحلقة العشرون : اضغط هنا 

لقراءة باقي حلقات الرواية : اضغط هنا

نرشح لك أيضاً رواية مكانك في قلبي للكاتبة زينب علي. 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى