Uncategorized

رواية جوازة في شهر الفصل التاسع عشر 19 بقلم رحمة نجاح

 رواية جوازة في شهر الفصل التاسع عشر 19 بقلم رحمة نجاح

رواية جوازة في شهر الفصل التاسع عشر 19 بقلم رحمة نجاح

رواية جوازة في شهر الفصل التاسع عشر 19 بقلم رحمة نجاح

عندما كانت تجلس يامور مع عامر يتحدثون تأتي فتاه وتحتضن عامر بقوه شاهدت يامور هذا المشهد وهي تكاد أن تنفجر ..
سها برقه. عامر وحشتني اوي ..
عامر وهو ينظر ل يامور بتوتر ..
عامر..اه شكراً ..
سها. هو ايه اللي شكراً يا عموري من ساعة ما سافرت كده محدش شافك حتا ساعة حفلة رجوعك مشيت وسبتنا ..
عامر. معلش بقا ..
نظرت سها الي يامور وقالت بتكبر ..
سها. مين دي ..
يامور بغيظ. انا خطيبته يا عنيا ..
سها بتكبر. ايه ده بجد زوقك نزل اوي يا عامر احب اعرفك علي نفسي انا سها وكنا بنحب بعض انا وعامر ..
لم تقدر يامور علي تحمل كلام تلك الحية أكثر من هذا ..
يامور. بعصبية. لا كده كتير ..
قالت جملتها ثم سحبتها من شعرها ..
يامور بعصبيه. أخيه دي طلعت باروكه ابقي استنضفي بقا عارفه لو لقيتك قربتي منه تاني هعمل فيكي ايه مش عايزه اشوف وشك فاهمه ..
كان عامر يشاهد الموقف وهو يضحك بشده ولم يحاول أن يأتي جمب يامور ولكن عندما ذهبت سها نظر عامر الي يامور بخوف بعد أن راي نظارتها الناريه ..
يامور بغيظ. بتحبوا بعض وزوقك بقا وحش صح ماشي يا عامر ماشاء الله قلبك دريم بارك مبتكسفش حد جايه تحضنك وانتا عادي حسبي الله ونعم الوكيل يا شيخ ..
عامر. اهدي بس انتي مش فاهمه حاجه ..
يامور. والله والمفروض اني افهم ايه يعني قولي يا بشمهندس ..
عامر. قالت قدامك أنها كانت بتحبني من قبل ما سافر اللي هو بقاله سنين اصلا ويوم الحفله مشفتهاش حتا وسبتهم ومشيت ..
يامور. ما تولع هي انا مش مهتمه بكل ده اللي غيظني أنها حضنتك قدامي تصدق بالله هو شكله زنب وبيخلص انا عرفت دلوقتي شعور ليل لما كنت بحضن ادم ..
عامر. بتحضني مين ياختي ..
يامور بسخرية. ابن خالتي اومال سهاا دي تبقا ايه اختك في الرضاعه وياريت اصلي ده فشنك تقليد لابسه باروكه المعفنه ..  
عامر. خلاص اهدي هتبوظي الليله ..
يامور. هي خلاص باظت اصلا يالا نمشي ..
عامر. يابنتي استهدي بالله متجننيش عليكي ..
يامور. وكمان هتتجنن عليا لا والله عال اوي يا سي عامر وايه عشان هتتجنن عليا في الخطوبه اومال هتعمل فيا ايه بعد الجواز ااااه عليكي يا يامور هو انا كده ماليش حظ خالص بختي مايل ..
عامر بانزعاج.. بس اسكتي ايه ما صدقتي يالا نمشي منك لله يا شيخه بوظتي اليوم ..
يامور. أما وريتك يا عامر مبقاش انا يامور ..
عامر. هتوريني ايه بت من اولها كده خناق انا كنت سنجل مظبوط ..
يامور. لا والله طب يالا نمشي ..
يمر هذا الأسبوع  كان ادم وليل يعيشون اجمل ايام حياتهم فهم وأخيراً وجدوا حبهم بعد معاناه قد عاشوها والام التي كانت دائماً تدعي لهم بالسعاده والذريه الصالحه ويامور التي جننت عامر بمعني الكلمه في تلك الاسبوع لم ترد علي مكالماته من موقف سها وهذا ما جعل عامر يجن ويذهب إليها وتصالحه أخيراً ولكن يامور اقسمت أنها سوف تجعله يشعر بنفس الشعور الذي أحسته عندما احتضن سها أو بمعني اصح سها التي احتضنته ولكن ستجعله يشعر هذا الشعور بطريقتها الخاصه وأخيراً بعد كل هذا يأتي يوم الخطبه ..
في غرفه الخاصه ب ادم ..
استيقظ ادم عندما أحس بخلو الفراش وأصوات الحركه التي تفعلها ليل في الغرفه ..
ادم. بنوم. ليل بتعملي ايه ..
ليل. صباح الخير حبيبي مش انا قولتلك اني همشي الصبح بدري عشان اروح ل يامور عشان تجهز ..
ادم. اه نسيت ..
ليل. تمام أنا بجهز حاجتي اهو ورايحه لها.
ادم. هي هتخرج من ڤيلتهم صح ..
ليل. اه الميكب هتيجي علي الڤيلا وهنخرج من هناك ..
ادم. ماشي يا عيوني ..
ليل. سلام حبيبي ..
ادم. استني لما البس و اوصلك انا ..
ليل. لا انتا لسه هتتاخر ويامور عماله تزن من الصبح وكمان عشان تبقا مع عامر انا هاروح بعربيتي ..
ادم. لا ياليل خلي السواق يوصلك ..
ليل. حاضر ..
خرجت ليل من تلك الغرفه ثم توجهت الي خارج الڤيلا لكي تستقل بسيارتها الخاصه بها ولكن هذا السواق الذي سيقوم بالقيادة بسبب تعليمات ادم لها ..
عند يامور ..
يامور. شوفتي كلب البحر اتاخرت ازاي ..
ايه. معلش بقا استحملي البت متجوزه مش زينا ..
يامور بضحك. والله البت دي هتاخد عين من النق بتاعنا عليها ..
ايه بضحك. مش اوي يعني ..
ليل. في ايه حاسه انكم بتجيبوا في سيرتي ..
يامور. اتاكدي اتاخرتي ليه كده ..
ليل. لحد ما صحيت وجهزت الفستان اللي
هحضر بيه والحاجه ..
يامور. بغمزه. بس كده ..
ليل. بس كده ايه ..
ايه بضحك. يعني ادم مصبحش عليكي زيي الروايات ..
ليل وقد فهمت.. بت انتي وهي الاب عندكم بقا صفر علي الشمال ..
ايه و يامور في نفس الوقت .. شهاده نتعتز بيها يا اخت ..
ليل. فين الفستان بقا بتاعك ..
ايه. مش راضيه توريه لحد ..
ليل.برفعه حاجب. ده ليه أن شاء الله ..
يامور. مفاجاه يا اخت ..
ليل. مش عارفه ليه مش مستريحه ليكي نهائي ..
يامور بتوتر فهي تخاف أن ليل تكشف أمرها فإن شاهدت ليل الفستان سوف تخرب كل شئ ..
يامور. عيب عليكي ..
ليل بنظره ثاقبه. يامور ..
ما نقذ يامور من يد ليل هذا الطرقات التي توجد علي الباب ..
يامور بسرعه. خش خش ..
لتدلف تلك السيده الخاصه بالميكاب ..
يامور. اهلا وسهلاً اتشرفت بيكي ..
م. الشرف ليا حبيبتي يالا نبدأ انتي جاهزه ..
يامور. اه جاهزه ..
ليل. طب هنخرج احنا عشان تعرف تشتغل هي وعشان نلبس كمان احنا في الاوضه اللي جمبك ..
يامور. تمام يا حب ..
بعد مرور أكثر من ساعتين كانت البنات قد انتهت من ملابسها واتجهت الي غرفه يامور لكي يروها ..
ليل بصدمه وانبهار معا. نهار اسوح ايه اللي انتي لبساه ده ..
يامور. بضحك. في ايه فستان ..
كانت يامور تلبس فستان من الحرير مفتوح من عند الفخذ بدون كمان كان من النوع كما يسما الكب … 
ليل. فستان ايه انا شايفه قميص نوم اتاري مكنتيش راضيه تاخدي حد معاكي وانتي بتشتري انتي عارفه لو عامر شافك كده هيعمل فيكي ايه ..
يامور بغيظ. ما انا لبساه عشان اغيظه اصلا ..
ليل. يامور حبيبتي بتغظيه بايه انتي مينفعش تلبسي فستان زيي ده قدام عامر نفسه ولا اخلاقك ولا دينك يسمح بكده ..
ما قطع حديثهم هو دخول عامر عليهم الغرفه عندما شاهدها عامر وقف مبحلق بها كانت جميله بحق ولكن ماذا سيروها جميع من بالحفل هكذا عندما شاهد ادم يامور هكذا فهو يعلم أن يامور لست محجبه ولكن ولاول مره يراها تلبس هذا النوع من الفساتين وعندما راي عامر يغضب أخذ ليل وخرج من الغرفه لكي يأخذ راحته معها فهو يعلم صديقه جيداً بالتأكيد لم يخرج يامور بهذا الملابس ..
عامر بغضب. ايه القرف اللي انتي لبساه ده ..
يامور. في ايه ما هو حلو اهو ..
عامر. هو ايه اللي زفت ده قرف انتي اكنك مش لبسه خشي غيري القرف ده الا كده مفيش خطوبه .. 
يامور. مالك بتزعقلي كده ليه اهو ده كان نفس احساسي بقا لما حضنت سها ..
عامر. يامور انتي ليه غبيه وموضوع وراح وعلي اساس انك لما تلبسي فستان مفتوح كده انا كده حسيت بيكي صح انتي عارفه أن كل اللي هيشوفك بالمنظر ده هيقول عليكي ايه او هيفكر فيكي ازاي اصلا للاسف يا يامور تصرف غبي جدا ..
بالفعل شعرت يامور أنها تسرعت في قرارها وأنها كان لا يجب أن تلبس فستان بتلك الطريقه فهو معه حق وكما ليل معها حق أيضاً عندما قالت لها أن عامر لا يحق له أن يراها بتلك الهيئه فمن الواضح غيرتها الزائده علي عامر جعلتها ترتكب خطأ من أخطائها مره اخري ..
يامور بحزن. اسفه يا عامر فعلاً اللي عاملته ده غلط ..
عامر. بحده. هخرج ونص ساعه الاقي الفستان ده اتغير ..
تركها عامر وخرج من الغرفه بالفعل بدات يامور أن تبدأ فستانها فهي اشترت اثنان فهي كانت تريد ازعاج عامر فقط لم تكن تخرج به وتذهب الي حفله خطوبتها لذالك اشترت واحد بديلاً له…
بعد مرور نصف ساعة كانت يامور قد انتهت من لبس هذا الفستان الذي كان أكثر من رائع عليها كانت تشبه الاميرات حقا فكان محتشم عن الفستان الاخر بكثير فكان الفستان من اللون السكري ويوجد به لمعه تعطيه جمال خاص كانت يامور وكأنها ملكه بهذا الفستان الاكثر من رائع لتخرج لهم بتلك الهيئه الخاطفه للأنفاس ..
يامور. خلصت ..
نظر له عامر بصدمه فكانت كتلة من الجمال بهذا الفستان الذي كان يتناسب مع لون بشرتها ويتناسق بشده مع جسدها …
عامر. ما كده احسن بردو ولا هو لازم ازعق ..
يامور. ما خلاص الله ..
اخذ عامر يامور وتوجهوا نحو مكان الحفله الخاصه بهم ..
في الحفله كانت يامور سعيده بشده فأخيرا بدأت أن تتحسن الأمور معها وخصوصاً عامر حب حياتها الذي أصبح الآن ملكا لها كان الجميع يشعرون بالسعاده لأجل هذا العاشقان  ..
بدأت الحفلة والتي معها رقصتهم الاولي والتي كانت علي اغنيه (ربنا يخليك لقلبي) كانت يامور تغني لعامر تلك الغنيه من قلبها حقا كانت سعيده بشده وهذا الذي كان واضح لعامر أو بمعني اصح كان واضح لجميع من في تلك الحفله  ..
ليل. شكلهم حلوين اوي مع بعض ..
ادم وهو يضع يده علي خصرها يقربها منه واطبع قبله خفيفه علي وجنتيها ..
ادم. عشان عيونك حلوه بس ..
ليل. ادم احنا قدام الناس لم نفسك ..
ادم بهمس. حبيبتي انتي مراتي والله نفسي تفهمي بقا ..
ليل. بس مش قدام الناس ..
ادم. الله دي في خدك انا نيتي مش وحشه ..
ليل بضحك. اه بصراحه انتا بريئ اوي ..
ادم.شوفتي بقا .. 
تنتهي تلك الحفله وسط فرحة الجميع بهم كما كانوا ساعدين لادم وليل ف ادم يظهر عشقه ل ليل أمام الجميع لم يخجل من ذالك ..
في غرفه الخاصه ب ادم ..
ليل. هخش اغير واجي ..
ادم. تمام ..
بعد مرور قليل من الوقت تخرج ليل من غرفه الملابس لتجد ادم يتحدث في الهاتف ولكن بصوت خافض جدا ..
ليل. ادم انتا بتكلم مين ..
ما أن راها ادم حتا اغلق الخط سريعاً عندما شاهدته ليل هكذا شكت قليلاً ..
ليل بشك. ادم مين اللي كنت بتكلمه بصوت واطي كده ولما جيت قفلت ..
ادم بتوتر. ……
يتبع…..
لقراءة الفصل العشرون والأخير : اضغط هنا
لقراءة باقي فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى