رواية جمانة الفصل السابع 7 بقلم هوس ريجا
رواية جمانة البارت السابع
رواية جمانة الجزء السابع
رواية جمانة الحلقة السابعة
خرجت انا وجداتي هبطنا التحت لقينا عمي يستنا فينا فالطوموبيل تصادفت بيه هابط من الطوموبيل جا عندنا شاف مع جداتي الخير برك جدة وين بيها _راني راجعة لدار نوصل جمانة ليماها باه يخرجو لتونس تخنزر فيا علبالي ماعجبوش الحال هو مايحبش نروح لتونس على جال وليد خالي بصح مدام جدة واقفة وعمي واقف مايقدرش يهدر نحالي الكابة من يدي ودار يمشي لطوموبيل وانا وجدة وراه فتح الباب لجدة ركبها من القدام وفتحلي الباب ملور همسلي سمانة ونلقاك فالدار مكلاه تخليني نطلع عندك ركبت حطلي الكابة ملور وغلق الباب بقا يشوف معايا بغضب وتحولت لحنان حتى غاب على عيني وصلت لدار لغدوا وصلني عمي لتونس وحدي ماما ماحبتش تروح بقيت سمانة عند خالي جبتها غير خرجة ودوران مع بنت خالي جهينة في سبيل اني ننساه لكن والو طول الوقت وعقلي وبالي غير معاه فالليل سهرانين فالصالو دخل وليد خالي عمر هاز الكابة اليوم وين روح يخدم طبيب لاح سلام شافني جا عندي اهلا جمونة راكي هنا عطاني يدو مالغري موصيني حمزة مانصافحش على رجال بصح حشمت نرجعو صافحت عليه _ واش حوالك لباس وقتاش جيتي ،لباس الحمد الله عندي سمانة وانا هنا شاف مع جهينة سمانة وهي هنا وماقلتليش _نهار تهز عليا تليفون راني خبرتك _كون كتبتيلي مساج راني جيت نجري بقينا سهرانين وانا بالي ماشي معاهم ل12 نضنا كل واحد دخل شمبرتو انا وجهينة مع بعض غير حكمت بلاصتي شفت تليفون الضو شاعل هزيتو لقيت مساج فالمسنجر من عندو دخلت باعثلي فوكال جمانة انا قلت سمانة نلقاك فالدار وراهي كملت سمانة والله ونسمع بلي قاعدة مع وليد خالك وتمشي قدامو بلا حجاب ما تلومي غير روحك ماتحسبيش عاداتهم كيف عادتنا امشي على واش تربيتي غير قريتو عيطلي ريبونديت عليه الو جاني صوتو تعبان وقتاش ترجعي سكت _نظن كملتي سمانة غدوا جاي نديك ،مانيش حابة نرجع _علاش،هاكا حابة نجوز شوية وقت هنا على الاقل واحد مايضربني ويهيني تنهد خالك عندو راجل فالدار مانقدرش نخليك تعيشي ثم ،وليد خالي محترم وخاطيني ومايروحش غير من ويكاند لويكاند _،اذا حابة تنسايني ارجعي لدار وانا مراحش نوصلك ،لا مانرجعش _جمانة مانعاودش الهدرة غدوا نجي نديك وجدي روحك وكوبا خلاني حيرانة فيه مافهمتش تصرفاتو وغيرتو واش من نوع مايحبش نبقى برا الدار سورتو خالي كون يصيب يحرمني منو لغدوا العشية وجدت روحي وقعدت مع مرت خالي وبنت خالي جهينة دخل عمر جمونة واش وين رايحة ،مروحة _اوو علاه وقتاش جيتي حتى ترجعي ،هذاك هو لازم نروح وماما وجدة وحدهم _انا معول نخرجكم اليوم دورو معايا انتي وجهينة ،غير مرة نشالله _تحبي نعيط لعمتي نقولها تخليك تزيدي تبقاي شوية وانا نوصلك لدزاير ،لا اصلا وليد عمي مابقالوش يوصل_حمزة ،ايه هو _مزالتي برك تمشي على رايو هو ،واش ندير حنا لهيه ڨاع يحكمو فيك باباك خاوتك عمومك ولاد عمومك _بزاف راكي كبيرة وتعرفي صلاحك واحد ما يحكم فيك ،واش راح ندير هذا هو حكم العائلة _معليش تتزوجي وتتهناي منهم طبطب الباب وصونا تليفوني دخل مساج من عندو راني واقف برا اخرجي ناض عمر حل سمعتو يعيط جمونة هزيت الكابة وخرجت لقيتو واقف برا وعمر واقف لداخل دار عندو كون ماشقيتش روحك كنت انا جيت وصلتها _يكثر خيرك بصح بناتنا حنا لي مسؤولين عليهم دار عندي جمونة طريق سلامة هذا اليامات اذا دخلت الدزاير نجيكم نشالله ،مرحبا بك _تهلاي في روحك وسلميلي على عمتي برشا ،يبلغ نشالله شفت معاه لقيتو هز حاجبو ويشوف معايا تاع زيدي زيدي هبطت راسي وخرجت حليت الباب ركبت ملور وجا ركب وخبط الباب وطار بالطوموبيل طريق كومبلي وحنا ساكتين خرجنا من تونس ودخلنا لدزاير طاح الليل هذه شحال غير السكوت بيناتنا مانحلفش كي قالي نجيبلك تتعشاي وماحبيتش هذه الكلام الوحيد بيناتنا فجاة ڨارا في طريق خالية هبط شعل ڨارو تكا على الطوموبيل يشوف مع السما بقيت نشوف معاه مستغربة رما الڨارو وجا عندي فتح عليا الباب اهبطي هبطت زاد شعل ڨارو وشاف معايا بعتب حابة تنسايني جمانة ،انت ماكش حابني تنهد وشاف مع السما ممكن مراحش تفهميني جمانة بصح حاولي تتخلصي من هذا الحب ليحرقك مراحش يتعب من هذا الحب غيرك خلي علاقتنا علاقة اخ كبير واخت صغيرة او اولاد عم ما تعبيني مانتعبك الحب ماشي ساهل وانتي صغيرة وهذا وين بديتي تحبي؟؟ شفت مع عينيه الخضر لي مليانة مأساة _صحا جمانة درتلو براسي ايه _هيا اركبي ركب وركب طار بالطوموبيل حطني قدام دارنا دخلني وراح .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جمانة)
تعليق واحد