رواية حور الفهد الجزء الثاني الفصل التاسع عشر 19 بقلم ميسون عبدالمجيد
 |
| رواية حور الفهد الجزء الثاني الفصل التاسع عشر 19 بقلم ميسون عبدالمجيد |
رواية حور الفهد الجزء الثاني الفصل التاسع عشر 19 بقلم ميسون عبدالمجيد
صباح يوم جديد في ڤيلا الفهد
علي السفرة كان الكل قاعد بيفطر ما عدا ميرا
عمر وهو بياكل:هي ميرا مفيش مش بتفطر ليه
حور بضحك:من الجنان إللي عملته امبارح والتنطيط نامت ولغاية دلوقت مش راضية تصحي
عمر سكت شوية
عمر لنفسه بخبث:حلو الكلام فيها والله لعمل فيكي زي ما بتعملي
عمر قام
بقلمي ميسون عبدالمجيد
حور:رايح فين كمل فطارك
عمر بأبتسامة صفرا كدا:هصحي ميرا مش معقول نفطر من غيرها
عمر سابهم وطلع اوضة ميرا بس الاول دخل المطبخ جاب غطاين حلل
عمر وصل قدام اوضة ميرا فتح بهمس واتحرك نحيتها بهمس
لغاية ما وقف فوق ودنا
وهوب علي ما اخر ما عنده بالغطايين وفضل يضربهم في بعض فوق ودن ميرا
ميرا قامت مفزوعه:عاااا في ايه الدنيا خربت مين مات
عمر وقع علي السرير جنبها من كتر الضحك
ميرا بصتله بغيظ شديد وراحت عند مكتبها وجابت الهامستر من القفص (فكرينها ????)
ولان ميرا عرفة ان عمر بيقرف منها
ميرا مسكت الهامستر ورامتها علي عمر بس متأذتش
عمر قام بخوف وقرف:يععععع ي مقرفة
ونزل علي تحت وميرا عمالة تضحك
فهد:يلا عالشركة
عمر:لسة هعدي مع يزن عالكلية زخلص حاجة
كرما ببرود:وانا لسة هروح اكل
فهد بصدمة:امال أنتي بتعملي ايه
كرما:دا مش اكل أنا لازم افطر كدة واحد كريب من عند حمدي
فهد:ي شيخة منه لله حمدي دا ي رب المحل يقفل
كرما بصتله وضحكت
فهد بتحذير:لو اتأخرتي عن الساعة تسعه متلوميش إلا نفسك عشان يظهر الخصم وحشك
كرما بغيظ:علي فكرة بقي أنا هقدم استقالتي وهروح شركة تاني المدير بتاها يبقي طيب مش شرير
فهد بحدة:بتقولي علي ابوكي شرير
كرما بأبتسامة مستفزة: أنا قلت بابا أنا اقدر اقول كدة أنا ابويا راجل طيب وقمر وبيحب عياله انما أنا علي مديري راجل شرير ومش بيحس بالموظفين بتوعه
فهد بيكتم ضحكته
فهد بصلها برفعة حاجب: تمام وأنا هعلمك مديرك دا شرير ازاي
كرما بغيظ:طب مش هرتبلك الملفات تاني وخلي علاء يرتبهم بقي
حور:علاء مين
فهد برفعة حاجب:علاء السكرتير بدل نانسي إللي نقلتها الحسابات
حور بأبتسامة:حياتي ي ناس
فهد بصله وضحك بحب
عمر قام بهمس:طب أنا همشي قبل ما فقرة الكشك الممنوع دي تبتدي
مروان:خدني معاك يسطا
مشي عمر ومروان واتبقي فهد وحور وكرما
فهد بضيق:طب ايه طيب مش كنتي راحة تكلي كريب
كرما بتلعب بحواحبها بدلع:لا قررت هفطر هنا الاكل صحي احسن
فهد بصلها بغيظ وهي قعدة معاهم
:::::::::::::::::::::::::::::::::::::::::::::::::::::::::::::بعد وقت
كانت كرما وصلت الشركة هي وعمر وكانت الساعة عشرة إلا ربع
كرما نزلت بسرعة ودخلت تجري في نفس الوقت إللي كان عمر بيجري فيه
بقلمي ميسون عبدالمجيد
عمر: أنتي اتأخرتي ليه
كرما بخوف:كنت باكل والمطعم كان زحمة وانت
عمر بخوف:يزن الزفت اثر اننا لازم نفطر واتأخرت
كرما بهمس وخوف:بص إحنا نطلع براحة وندخل مكاتبنا وكأننا جينا من بدري اشطا
عمر بخوف وهمس هو الاخر:قال يعني مش هيقفشنا
كرما بهمس:اهو أي طريقة وخلاص
عمر بهمس:هو أنتي موطية صوتك ليه
كرما بهمس:انت موطي صوتك ليه
عمر بهمس: أنا لقيتك موطياه قلت اوطيه
كرما بهمس: طب خلاص يلا بينا
دخل عمر ووراه كرما وبيسحبو وبيبصو حواليهم زي الحرامية طلعو اول دور
عمر سحب كرما وراه:هشش معدي معدي
كل دا وعاصم كان بيراقبهم من بعيد
عمر وكرما استخبو ورا عمود وفهد كان علي مسافة قريبة منهم لكن مش اخد باله منهم
عمر: الحمدلله مشفناش
عاصم من وراهم بصوت عالي وخبث:ايييه دا كرماااا عمرررر انتو لسةجييين وانا اقوووول الشركة منورة ليييه
الاتنين بصوله بغضب وغيظ وفهد بصلهم وشافهم
عمر بهمس:انا هطلقك من اليهودي دا بس نخلص من وصلة التهزيق الاول
كرما لعاصم بغل وغيظ:وحيات ربنا لوريك بس استني
عاصم بصلها وضحك بأستفزاز
وكان فهد وصلهم
فهد بحدة وجد:انتو الاتنين عالمكتب حالا
فهد مشي والاتنين بيبصو لبعض بخوف
عمر قرب من عاصم:وربي لوريك وهردهالك
عاصم ضحك بأسفزاز وكرما بصتله بغيظ
ومشيت هي وعمر
وصلو قدام مكتب فهد
عمر فتح باب:اتفضلي
كرما بخوف:عيب عليك اتفضل انت
عمر بخوف:اتفضلي يبنتي
كرما بخوف:ي جدع والله ما يحصل انت الاول
عمر:أت…
فهد بحدة وصوت عالي:ادخلوووو انتو الاتنين
اترعشو ودخلو مع بعض ووقفو قدام فهد بأحترام
فهد باصصلهم بعنين حادة وهما حطين وشهم في الارض
بقلمي ميسون عبدالمجيد
كرما بهمس جدا: إحنا هنفضل في الرعب كدة كتير
فهد بحدة:مش عايز اسمع صوت
عمر:حاضر ي فندم
فهد:اخرس
عمر:اسف ي فندم
فهد: اخرس
عمر هز راسه
وكرما ضحكت بهمس
فهد بعصبية: طب هي وحدة طفسه ومفجوعة وراحت تاكل انت كنت فين
كرما قاطعته:لاحظ انك بتغلط فيا حضرتك
فهد بحدة:اخرسي
كرما هزت راسها بخوف
عمر:والله كنت جاي بس يزن اثر أننا نفطر في الكلية
فهد:وهو فين الحيوان التاني
عمر:مهو اخد اجازة انهرده
سكتو شوية
فهد بأبتسامة مستفزة:تاخدو خصم اربع ايام ولا تتهزقوه تهزيق فل
الاتنين بصو لبعض
كرما اتكلمت:بص بصراحة الاتنين فيهم تهزيق فأنا هاخد تهزيق بكرامتي احسن
فهد:تمام مخصوم منك اربع ايام وشوفي هتعملي ايه بقيت الشهر ولو جيتي اترجتيني كدة بردو مش هحشهم
كرما بغيظ:مش بقلك مدير شرير ماشي أنا هقدم استقالتي ومش هرتبلك الملفات تاني
فهد بصلها ببرود
فهد:وانت
عمر: اكيد يعني مش هقول لتحضرتك هزقني
فهد:تمام مخصوم من كل وراحم اربع ايام ويومين لكل واحد هديه من عندي
الاتنين بصو لبعض بصدمة
عمر بصدمة وغيظ:علي فكرة احنا عيالك اطلعك البطاقة طيب
فهد ببرود:اطلع ياد برا انت وهي
الاتنين بصوله بغبظ وخرجو
ولسة بيقفلو الباب لقيو عاصم واقف قدام المكتب وساند علي الحيطة وعلي وشه ابتسامه مستفزة
همر لكرما:هقتله واخليكي ارمله
كرما:لا حرام عليك
عاصم: شايف بتحبني رغم كل دا
اكملت كرما:خليه يطلقني الاول
عاصم بصلها بغيظ
عمر:انا هروح مكتبي بدل ما اصور قتيل هنا
عمر مشي واتبقي كرما وعاصم
كرما بصا لعاصم بعنين حادة وغيظ ونفسها تجيب رقبته
عاصم بخوف:احم أنا ورايا شغل سلام
عاصم مشي وكرما راحت مكتبها
بقلمي ميسون عبدالمجيد
:::::::::::::::::::::::::::::::::::::::::::::::::::::::::::: في مكان ما
شخص:ناوي علي ايه
زياد بشر:علي موتي اني اسبهم يتجوزو ويتهنو
شخص ما:وهتعمل ايه رسيني عالحوار
زياد بحقد:لسة مش عارف بس إللي عرفة إني هفرقهم يعني هفرقهم
شخص:تحب نخطفها ونموتها
زياد بخوف بيداريه:لا ي ناصح دي ابوها فهد العمري يعني لو مسينا شعرة منها كلنا هنروح في ستين داهيه
شخص:طب والحل
زياد بغل وكره:هفرقهم هكسر ثقتهم لبعض وهخلي كل واحد يكره يبص لوش التاني بقي أنا بحبها الحب دا كله وفي الاخر تتجوز غيري ماشي ي بنت الفهد
شخص:وهتعمل ايه
زياد بحقد وشر:هقلك….(نفسكو تعرفو اتفقو علي ايه مش هقلكم ????????????)
شخص:طب والتنفيذ هيبقي امتي
زياد:لسة شوية أما يتعلقو ببعض اكتر عشان الضربة تبقي بفورة
بقلمي ميسون عبدالمجيد
::::::::::::::::::::::::::::::::::::::::::::::::::::::::::في ڤيلا فهد
كانت حور قعدة في الجنينة ومسكه المصحف بتقرء
ميرا من وراها:جزاكي الله خيرا ي اخت حور
حور بصتلها وبعدها بصت للمصحف تاني
ميرا وهي بتقعد:صباح الخير طيب
حور قفلت المصحف:قصدك مساء الخير ي هانم الساعة اتنين
ميرا بضيق طفولي:علي فكرة صحية من بدري الحيوان عمر صحاني
حور حدفتها بالخوخة إللي في الطبق قدمها
كام مرة اقول عيب تشتمي اخوكي الكبير ها
ميرا بتاكل في الخوخة وبدلع مستفز:سوري ي مامي قصدي ابيه عمر صحاني الصبح
بقلمي ميسون عبدالمجيد
حور بقرف:ميرا خشي جوا امشي من وشي
ميرا ضحكت:ههه خلاص خلاص بس بجد يعني حبيني شوية دنا زي بنتك ولسة جيبه ٩٩٪واربعة من عشرة وهدخل طب وهشرفكم
حور ضحكت:والله مجنونة طب ما كرما اهي مهندسة وعمر محاسب ومروان في صيدلة
حور بغرور:حد فيهم جاب مجموع زي دا اعلي واحد كان مروان وكان جايب ٩٧٪ انما أنا مفيش زي
حور ضحكت:ماشي ي ست الدكتورة ياللي مشرفانا
ميرا قامت:يلا باي
حور: راحة فين
ميرا بتعب:ارتاح
حور بصدمة:ترتاحي من ايه
ميرا وهي مشية:ارتاح من الراحة
ميرا دخلت تكمل نوم وحور قعدة
::::::::::::::::::::::::::::::::::::::::::::::::::::::::::::عند كرما
كرما بتشتغل وفتحه اللاب الباب خبط
كرما بعدم تركيز: اتفضل
دخل عاصم وهو علي نفس ابتسامته المستفزة
كرما اول ما شفته بصتله بغضب ولوت بقها
عاصم بخوف:احم عملة ايه
كرما بغيظ وعصبية: عملة جمعيه
عاصم:هه لا خفة يبت
كرما بضيق:جاي ليه عايز ايه
عاصم بخوف: براحة ط دنا كنت جاي اقلك هنزوغ ونروح ناكل برا
كرما عقدة حواجبها:مش عايزة اطفح مش مكفيك إللي عملته الصبح
عاصم ببرود:احسن تستاهلي عشان روحتي اكلتي الصبح من غير ما تقوليلي
كرما بأستغراب:مين قلك
عاصم: فهد بيه
كرما بغضب:طب اتفضل برا طيب
عاصم:بتطرديني
كرما بأبتسامة ضيق:بظبط ☺️☺️
عاصم بصلها بغيظ وخرج
بعد وقت
كرما نزلت الكافيه
كرما كانت قعدة علي تربيزة وسندة رأسها علي اديها ومغمضة عنيها وجنبها كوباية القهوة
يزن من وراها:تعرفي والله نفسي اعمل فيكي زي ما عملتي بس للاسف
كرما رفعت راسها وبصتله وضحكت
كرما:انت جيت ليه
يزن:اخوكي من كتر ما متسربع نسي ورقه معايا
كرما:اهاا ماشي
عمر جه عليهم: ايه يسطا جيت تاني ليه
يزن بغيظ:في ايه ياد انت وختك كل شوية جاي تاني ليه وانتو مالكم
الاتنين في صوت واحد وغرور:شركتنا ي بابا
يزن عقد حواجبه وبصلهم بغيظ
السكرتير من بعيد: بشمهندس عمر بشمهندسة كرما القبض نزل وفهد بيه بيبلغكم انو خاصم الخمس ايام عشان تحرمو
الاتنين بصوله بغيظ وغل
يزن ضحك على ما اخر ما عنده: هههههه لا واضح واضح
الاتنين بصوله بغيظ
عمر بغيظ:ماشي ي علاء شكرا كفاية مطلعتش ليه تقولها برا الشركة عشان الكل يبقي عرف
علاء مشي وهو بيضحك
وفضلو يهزرو همما التلاتة ويضحكو
وكرما كمان عمالة تهزر معاهم مش اخدة بالها من عنين عاصم إللي كانت عليها
بقلمي ميسون عبدالمجيد
:::::::::::::::::::::::::::::::::::::::::::::::::::::عند ميرا
ميرا بتتصل بعمر
عمر:اممم خير
ميرا بدلع:عموري
عمر عارفها:قولي عايزة ايه بسرعة عشان مش فاضي للفك
ميرا ببراءة: أنا ي عمري دنا كنت بطمن عليك بس اصلك وحشتني
عمر بسخرية:والله طب اطمنتي سلام
وقفل في وشها
ميرا بغيظ:ي بن ال.. ماشي
ميرا اتصلت تاني
عمر رد بنرفزة:ميرا عندي شغل مش فاضي لهبلك دا
ميرا بأمر:اسمع يلا تكون في البيت الساعة خمسة عشان هتروح معايا تفسحني بعدها نشتري لبس كتير
عمر بغيظ:ليه يختي حد قلك إني الفلبنية بتاعتك وبعدين أنا ورايا شغل احتمال اطبق هنا ولو زوغت مش بعيد ابوكي يرفدني كفاية الخصم إللي عالصبح
ميرا بتحذير:مليش دعوه بكل دا أنا بقلك يالذوق هكون لبسة الساعة خمسة تعدي عليا تمام
وقفلت في وشه
بعد وقت كثير
عمر راح لكرما
خبط ودخل
عمر:بقلك ي كوكو
كرما وهي باصه للاب:اممم كرما دي مش بتتقال غير وقت المصالح عايز ايه
عمر بأبتسامة:احبك وانت فاهمني ي قمر انت
كرما:انجز يلا عندي شغل كتير مش فاضية
عمر:هو مش أنتي اختي حبيبتي الكبيرة وممكن تضحي بنفسك عشنا
كرما بسخرية: مين أنا محصلش
عمر ببرطمة:واطية
المهم من غير لف كتير خدي كملي بقيت الشغل دا
كرما بضيق:ليه ي عثل وانت ملكش مزاج تشتغل
عمر:ي بنتي ميرا اتصلت بيا وعيزاني اروح معاها تشتري حجات
وبعد مناهدة كتير كرما اخدة الشغل بتاع عمر
عاصم دخل وكان لاوي بوزه وقالب وشه وعاقد حواجبه
كرما بصتله بخوف
عاصم بضيق:هتمشي ولا لا
كرما بقلق من منظره: لأ لسة قدامي شغل كتير
عاصم بضيق:تمام أنا ماشي
كرما مسكت ايده بسرعة:مالك
عاصم بضيق:مالي
كرما:قالب وشك كدة ليه
عاصم بضيق:مفيش
كرما:يعني دي خلقة ربنا اخلص بقي
عاصم بغيظ ونرفزة:لا ابدا مفيش سيباني من الصبح ولا اكني موجود وعمالة تهزري مع عمر ومع يزن وأنا ايه سوسن متجوزة سوسن مش كدة
كرما بعصبية:وطي صوتك وبعدين ميت مرة قلتلك عمر اخويااا اخويااا يعني ملكش دعوة بأي حاجة بينا
عاصم بعصبية:تمام عمر اخوكي علي عيني وعلي رأسي انما يزن ايه اخوكي في الرضاعة
كرما نفخت بضيق:علي فكرة انت كئيب وغيور وبتتحكم فيا زيادة عن اللزوم
عاصم بصدمة وغضب:والله أنا كل دا تمام
خرج ورزع الباب وراه علي ما اخر ما عنده وكرما اتنفضت مكنها
كرما لنفسها:ايه الغباء إللي قلته دا باينله زعل (باين مش متاكدة ي شيخة منك لله)
::::::::::::::::::::::::::::::::::::::::::::::::::::::::::: عند ميرا
ميرا كانت لبسة فستان مشجر عليه طرحة طرحة مستردي وكوتشي ابيض وقعدة في الجنينه مستنيه عمر
عمر جه ودخل بس وقفه صوت ميرا
ميرا بضيق:ايه ي استاذ متأخر عن المعاد ربع ساعة ليه
عمر بتحذير:ميرا اخفي من وشي عشان مطلعش كل إللي ابوكي عمله فيكي ماشي هروح اخد شاور واغير واجيلك
عمر سابها وطلع
بقلمي ميسون عبدالمجيد
بعد وقت
نزل عمر وكان لابس بنطلون جينز عليه نبيتي سادة وكوتش ابيض والساعة ونزل
ميرا اول ما شافته صفرت:ي خواتي ي ناس قمر ي ولا البنات هتعاكسك مني
عمر بصلها وضحك:طب يلا ي مجنونه
ركبو هما الاتنين واتحركو
في الطريق
هتروحي تاكلي ولا تشتري الاول
ميرا بتفكير:امممم نشتري بعدها ناكل
عمر:تمام
عمر وصل مول كبير وراقي جدا ونزلو
عمر بتحذير:ميرا جو البنات دا بتاع نلف علي تلاتاشر محل وكدة فاكس أنا راجل ماشي بالعلاج تمام
ميرا ضحكت:لالا يسطا هما خمسة وعشرين محل بس
عمر بصلها بغيظ وطلعو
بعد مرور تلات سعات
عمر بتعب وماشي بالعافية:يا بنتي حرام عليكي تلات سعات عشان تشتري دول
ميرا:انت بتستقل بدول دا دبدوب وطرحة وسلسله
عمر:ايوا هو مش المفرود تجيبي اللبس الاول بعدها تشتري الطرحة
ميرا:المفرود بس عجبني لون الطرحة
بقلك بقلك
عمر بتعب:اممم
ميرا:في محل برفيوم فاتح جديد في الكورنر دا تعالي اشتريلك ازازة حرام انت تعبت معايا
عمر بتعب بقلك ايه سبيني في حالي اخلصي أنت بس
ميرا سحبته وهو استسلم لانه كان هلكان
كان محل كبير وفي بنت وولد بيبيعو بس الشاب خرج يكلم في الفون
وعمر كان ساند علي ازاز المحل برأسه بتعب
ميرا قربت منه:شم كدة حلوة
عمر وهو مغمض عينه:جميله
ميرا:لالا معجبتنيش استني
وراحت لرف وبتدور
بقلمي ميسون عبدالمجيد
البنت إللي في المحل من ساعت ما دخلو وهي عمالة تعاكس في عمر وعمر مش شايفها اصلا لانه كان هلكان
البنت قربت منه بدلع:بص كدة تعالي اجربلك دي
ميرا قربت بسرعة
ميرا بضيق وغيرة: هاتي ي ماما انا خطيبتو هجربهاله
عمر فاق عالكلمة دي وبص لميرا بصدمة
ميرا بقرف:اوووف رحتها وحشه أوي يععع بص ي بيبي دي حلوة
البنت بعدة عنهم بغضب
اشترو وطلعو
عمر بضحك:ي مجنونة إيه إللي عملتيه دا
ميرا ضحكت:اعملك ايه من ساعت ما دخلنا وهي حطا عينها عليك وانا لازم احافظ عليك لديجا
عمر بصلها وضحك
ميرا: يلا بقي نكمل
عمر بصلها بتعب
ميرا:لا خلاص صعبت عليا تعالي ناكل الاول
عمر التسم
اكملت ميرا:بس هنرجع تاني
عمر بصلها بغيظ
ومشيو
::::::::::::::::::::::::::::::::::::::::::::عند كرما
كرما قعدة في اوضتها بتكلم نفسها
كرما:اكلمه
كرما بترد:لالا مهو كمان زعقلي
كرما:طب منا كمان غلط
كرما بترد:خلي عندك كرامة ومتتصليش
كرما:مهو قبل كدة جه في نص الليل وصالحني
قعدة كرما تكلم نفسها
اما عند عاصم كان قاعد في اوضته وقافل الباب ولابس بنطلون وشورت وبيلعب ضغط لعب اكتر من عشرين مرة لدرجة انو عرق جدا وعروقه برزت وعمال يفتكر هزار كرما مع يزن وعمر وكلامها ليه يزود اللعب
عاصم وهو بيلعب وبيكلم نفسه بغضب:كدة بعد كل دا تقوليلي كدة ماشي ي كرما ماشي حتي متصلتيش تعتزري ماااشي دنا نسيت معاد ما بينا جيت عملتلك فرح مااااشي
وبيلعب وعمال يكلم نفسه ومش مركز مع حاجة تاني
والباب كان عمال يخبط
عاصم قام وفتح بغضب:نععمممم
سحر بخوف (الدادة): احم ي بيه الهانم بتقلك الاكل جهز
عاصم بغضب:مش هطفح
سحر بخوف واحرأج:ماشي ي بيه عن اذنك
عاصم اتنفس بتعب:دادا أنا اسف بس تعبان شوية
سحر:ولا يهمك يبني بس انت من ساعت ما جيت وأنا مأكلتش
عاصم:حاضر شوية وهنزل
سحر نزلت وعاصم قفل الباب وكمل لعب ضغط
شوية وفونه رن قام وقف بص لقي كرما
عاصم بأستفزاز:خليكي رني شوية مع نفسك
كرما رنت مرتين وعاصم رد في التالته
كرما بضيق:ايه سيادتك مشغول أوي مش فاضي ترد
عاصم بضيق وبرود:فعلا مش فاضي كنت بلعب ضغط
كرما:اللعب اهم مني
عاصم اتنفس بضيق:بتتصلي ليه
كرما بغضب طفولي:عشان عشان نكمل خناقتنا لسة مخلصتش
عاصم بعد الفون عنه وضحك علي طفولتها وانها مش قادرة تعتزر فا بتتحجج
كرما:اللوووو انت يا بني رحت فين
عاصم بضيق:نعم
كرما بطفولة:مكملناش خناقتنا
عاصم:تمام عايزانا نكمل اتفضلي
كرما:بصراحة انت زعقتلي الاول وعليت صوتك عليا و..
عاصم قاطعها بهدوء:علي فكرة مش عيب أننا لما نغلط نعتذر
كرما بأحراج:احم تمام اسفة عشان إللي قلتهولك
عاصم بأستفزاز:لا مش حاسسها من قلبك اعتذري مرا كمان
كرما بغيظ:تصدق أنا غلطانه
وقفلت في وشه
::::::::::::::::::::::::::::::::::::::::::::::::::::::::::::::عند عمر وميرا
ميرا:اووو بس شبعت
عمر ضحك:ماشي يختي هروح ادفع واجيلك
عمر مشي وميرا قعدة لوحدها
فجأة حد قعد قدمها بترفع راسها
ميرا بصدمة:زياااد!!!!!!!
اين الباقى
باقي حور الفهد البارت ال19….
المفروض البارت ال 19 كان ينزل انهاردة????
فين باقي الفصول
فين باقي الفصول