رواية غرباوية عاشقه شرقاوي الفصل الرابع 4 بقلم روياتي
رواية غرباوية عاشقه شرقاوي الجزء الرابع
رواية غرباوية عاشقه شرقاوي البارت الرابع
رواية غرباوية عاشقه شرقاوي الحلقة الرابعة
رابع يوم وعيت الصبح غيرت ادبشي وطلعت بسرعه ومحمد مافطنش😶
الصراحه كنت خايفه شويه.. بس كان لازم نمشي مانبش نخسر العمل لانه كنت محتاجة 💔
عدا اليوم عادي وكل شويه ماما ترن وتسأل …
تليفوني رن اخرى ف عقلي انقول اسكنت ماما 🙂
انبحت نلقا محمد ايرن😥
مابيتش انرد… رن مره تانيه خفت مانردش ينشغل ويحساب ف حاجه..
رديت😑
الوو…😬
هوا… من قالك امشي اليوم
انا… وانت من قالك امشي العملك اليوم🙄
هوا.. نحكي جد انا
انا… حتى انا والله
هوا…. اوكي تمام
انا… تبي شي تاني
هوا.. مش فاضي توا
انا… من قالك اني نبي نحكي معاك ونبيك تفضى؟
هوا… كنك تحكي هكي انتي😤
انا… خلاص اوكي بااااي
هوا… تم .
وسكر الخط….
عدا اليوم عادي نفس الروتين مافش حاجه جديده….
تاني يوم روحت من العمل . . .
نلقا عمتي وماما الجو متوتر بينهن كأنا ف شي ساير ….
انا …. ماما شن في…
ماما … بعدين نحكو😑
عديت العمتي ..
انا… عمتي كنكم ف شي ساير
عمتي … تعالي ابروحك نبي نحكي معاك🙄
انا…. تمام هيا
عمتي… سكرت ال باب قالت عارفه اليوم الصبح كلمتني ام فاطمه ..
انا… باهي كنها😶
عمتي…. قالت انه انتي الي درتي مشكله بينهم والله انا ماوجعني ف موضوع الا انتي يومتها دايره روحك مش عارفه حاجه 🙄
انا… مش هكي ياعميمه انتي فاهمه الموضوع غلط مش عارفه شن قايلتلك هيا 😣
عمتي…. باهي احكي انتي هيا شن في 😒
انا … والله مافي حاجه بينا كل القصه عشان وصلني نفس المشكله الي حضرتيها ف مطبخ وتاني يوم ماكنتش حابه انه يوصلني هوا اصر يوصلني وهيا شافتني ودارت مشكله تانيه…😣
عمتى .. لو الموضوع هكي مافش شي غلط ليش ماحكيتي انتي وليش هوا ماحكا ليش سكتو انتم الاثنين …
انا …. خفت نحكي تفهموني غلط وتحسو اني انا السبب وماليت من اني انكون سبب ف مشاكل.☹️.
عمتي…والله امها حاطه فيك كل شي ما نحساب الا حاجه كبيره
انا … بس انا مادرتش شي
عمتي … امها قالت فاطمه قالتلها محمد اعترف انك عاجبته قاللها ماتدخلش …
والله عيب هكي مراته هذي كيف ماتدخل مانحساب محمد ايفكر هكي كبار انتم ع حركات المراهقين😒
انا …😶
ف وقتها معش عرفت شن نحكي … معقوله محمد اعترف ال فاطمه انه انا عاجبته حسيت الموضوع كذب حتى لو صح انا عاجبته كيف يبي يقولها ال زوجته اكيده ماتبش تسكت
الحق ف وقتها ماصدقتش بكل …
انا… ياعميمه والله مافي حاجه بينا هيا تحساب هكي
عمتي … باهي به.
انا… فتحت الباب وطلعت
عديت داري..
ماما… شن قالتلك
انا .. نفس ما انتي عارفه😒
ماما… صح الكلام الي قالتله ام فاطمه..
انا .. والله لا😤
ماما… رد بالك تسببيلنا مشكله خلينا انردو الطرابلس من دون مشاكل معا ناس اخرى راجل متزوج ماعندك بيه حاجه…
انا … كنك تدويلي كأنا ف شي بيني وبينه😡
ماما .. انبه فيك بس انا😒
انا… به نبي نرقد خليني ابروحي ..
( مرات اتكون انسان مكتوبلك اتكون مظلوم سوا درت حاجه ولا لا هكي يكون حظك من عند ربي بس ديما تقعد تسأل ف نفسك ليش انا؟ شنو دايره انا عشان ايكون نصيبي ف حياه هكي؟ )
عدا اليوم عاااادي😑
تاني يوم واعيه الصبح نلبس ….
باب الصاله دق الحوش كله راقد كانت ساعه 7 ونص تقريبآ
فتحت…
محمد … صباح الخير .
انا… صباح النور..
هوا…. نبي قهوه كامله عندي .
انا… تمام توا انجيبلك
هوا… كيف ماتبش اديري انتي
انا.. لا نبي اندير
هوا… خلاص ديريلي معاك😏
انا…به😑
هوا… عادي اتجيبيها ليا فوق لانه مانبش نطلع توا
انا…. لالا🙄
هوا… مسيب لميه والعه نبي اندوش مانبش ننزل طول حطيها قدام باب الشقه وانزلي مادقش توا بعد انكمل ناخذها ابروحي اطمني مش داير شي😒
انا… به
هوا.. عدا بسرعه وكاين باين انه مستعجل
كملت لبسي ودرت القهوه وخديت شنطتي وطلعت ع انه نبي نرقا انحطله القهوه وننزل دغري للعمل….
طلعت رقيت فوق وكنت خايفه من رقيا وخطر عليا يوم الي كلمتني فاطمه فوق😑
لقيت ال باب مردود حطيت المق قدام ال باب وكنت نبي ننزل
محمد… نوسه استني😶
انا … نعم
هوا … نبي نحكي معاك
انا… ع شنو
هوا … تعالي خشي نحكو جوا
انا… لا معلش مانخشش حوش وليه مش قاعده
هوا .. حوشي هذا 🙄
انا… حوشكم قصدك.. بعدين انا يامحمد والله كان نلقا الكلام بينا ايكون محدود مش ناقصني مشاكل
هوا… قصدك ع مكالمة ام فاطمه
انا…. انك عارف 🙄
هوا… مش هامني ع فكره
انا… كيف مش هامك انت عارف زوجتك شن قالت؟
هوا… قالت اني انا قلتلها اني معجب بيك ..
انا… خلاص عادي عندك يعني
هوا… صح انا قلتلها هكي وكان راقيلي منها يوم الي رقاتك فوق قالت انها امصورتك
انا .. بس لحظة الغضب الي حكيت فيها الكلام هذا سببتلي مشكله
هوا… مش لحظة غضب بس انا صح انتي عجبتني ونفكر فيك كل دقيقه ومش قادر انبحت ف وجه فاطمه
انا… 😳
الكلام ف وقتها كان صدمه ليا خصوصاً جا ورا بعضه تقريبآ الصدمه قعدت ثواني
انا.. محمد انت تحكي من جدك؟
هوا… اقسم بالله نبيك ☹️
انا… رد بالك تفتح معايا الموضوع هذا مره تانيه
وكنت نبي ننزل …
هوا … استني مزالت نحكي معاك
انا … معش نبي نحكي ف شي بعد الي سمعته
هوا… ليش ماتعترفي انك حتى انتي معجبه بيا ليش خايفه والله مايقدر واحد ايردني كان نسمع منك انك تبيني .
انا … محمد اسكت خلاص 😣
بعدين من قالك اني معجبه بيك مافش منا الكلام هذا وانا مانفكرش ف راجل متزوج…
هوا … عليش تبحتي فيا كلمه انبحت فيك اتشيلي عيونك من عليا ماتبش نفطن انك اتبحتي فيا
انا… ف لحظتها ماعرفتش شن انقول كان جميع شعور مر عليا ف وقتها حتى نبضات قلبي بزياده…
نزلت ابسرعه وطلعت ف شارع ومش عارفه كيف نمشي …😣
هوا… يمشي بسرعه ورايا ..
نوسه ارجي شويه
انا… نمشي وساكته وخفت بزياده بعد لحقني😣
هوا… جاوبيني توا😑
انا… خطاني لو سمحت عدي رد مراتك بلا كلام فاضي انا قتلك مش طموحي راجل متزوج ..
هوا… اول شي هذا كلام مش فاضي بعدين انتي اعترفي بس وانا والله معش نقعد راجل متزوج .
انا… الي عندي قلته لكي رد مراتك انا مانبيكش ولا مفكره فيك
هوا … تحكي جديات انتي😡
انا…. اها والله ومعش تلحقني رد للحوش
هوا… يعني مش هامك كان رديت فاطمه😤
انا… بالعكس نفرحكم 🙄
هوا… اوكي بكل تم نعتذر منك🙄
انا… تمام …
هوا … رد للحوش
انا… ف وقتها قلبي اضايق مش عارفه ليش حسيت بشعور غريب لي اول مره ممكن لانه محمد فطني ع حاجات كنت انتجاهل فيهن ..💔
وصلت صيدليه وعقلي كأنا مش معايا كمل اليوم عادي ….
روحت رقدت وعيت ف عشيه انهدرز انا وحنى وماما
فجأ ايدق باب الصاله عديت نفتح وانا متوقعه انه محمد…
فتحت لقيت فاطمه ومحمد … 😑
انا .. ف لحظتها كأنا ف حاجه كتمت ع قلبي وسبب مجهول كان بالنسبه ليا 😐
فاطمه… السلام عليكم 🙄
انا … عليكم السلام😐
هيا… خشت طول من دون ماتسلم عليا باليد..
محمد يبحت فيا هكي😒 وكأنا دايرها ع انه يمكر فيا ويبي يشوف رد فعلي..
انا قعدت انحاول انبان طبيعيه ومانعدلش بس ف شي مضايقني مابش ايحول بالذات لما ردت فاطمه بس قعدت نسأل ف نفسي ع اجابه مالقيتش اجابه ولا من الاساس كنت انتجاهل ف اجابه😢
انا خشيت معاهم الدار حني ايسلمو عليها عادي كلهم وعمتي جت سلمت عليها…
قمعزت …
وحني…. نوسه عدي ديريلهم قهوه .
انا… به
محمد … فاطمه ماتحبهش مره راه😏
انا… تمام😐
عديت وعصابي زادن اخرى من كلمة محمد حسيته يستفز فيا..
درت القهوه وجبتلهم عطيت فاطمه وحطيت السفره قدام محمد
وطلعت من دار وعديت داري وسكرت ع روحي …
قعدو شويا وطلعو شقتهم…
وعدا اليوم عادي…….
اتجيني مكالمه من خواتي ع انه يبن ايجنا معا بعضهن بكرا وكانن دايرتها مفاجأ بعد معش قدرن ايتحملن😆
بصراحه الخبر عدل مزاجي بكل لانه كنت مرايفه عليهن واجد وليا فتره طويله ماشفتنن😢
تاني يوم ماعديتش للعمل وبابا ماعدش وقعدنا نستنوا ف خواتي لانه ع اساس جيات ف صبح بس وصلن بعد الظهر…
المهم انهجزو ف غداء وحيسين كلنا ف مطبخ خشت فاطمه …
فاطمه…. انساعدكم ف حاجه …
ماما … تعالي اغسلي شوية المواعين هذينا معش ف شي
هيا…. والله دايره حنه محمد ايحب الحنه مانبيهش تحول من لكلور…
انا…😑
ماما… باهي خلاص توا نغسلهن…
هيا… ايناس عطيني انكمل السلاطه وتعالي اغسلي المواعين عادي انتي ع كلور 😏
انا ف وقتها حسيت الضغط رقا عليا🙂
انا…. لا شكرآ عدي تريحي توا اندير سلاطه ونغسلهن مافش داعي كلنا ف مطبخ معش ف حاجه
ماما طلعت وقعدت انا وهيا بس ف مطبخ..
هيا…. نبي اندير قهوه راسي صداع امس سهرت انا وحمادي العند الفجر…😌
انا…. ولا كلمه…
هيا… كنك زعلانه 😏…
انا… لا نستنا ف خواتي حسيتهن طولن 😅
هيا… كان مرايفه عليهن عدي معاهن بعد يروحن ضني نساك خطيبك الاول 😏
انا…لا عندي حاجات اهم ف بنغازي مانقدرش نمشي🙂
وكنت نستفز فيها لانه حرقت دمي جديات 😤
هيا… شن قصدك
انا…. كنا رقالك مش كان جوك سمح ولا انقولك اشربي قهوه عشان ايحول الصداع ويرد جوك سمح..
هيا…. خذت القهوه وطلعت من احذايه بس كان واضح انه متعصبه…
محمد.. خش للحوش ونسمع فيه ايقول شن دايرين الغداء لوكال فايح العند برا 😅
بعدها خش للمطبخ شافني وجا تغير ويبحت فيا بخوف كأنا داير شي غلط وخايف من رد فعلي😐
انا … درت روحي مش مهتما معش بحتت فيه..
فاطمه جت تجري للمطبخ..
خشت وتبحت فيا
انا… قعدت نبتسم ع جريتها الي دارتها واضحه انها خايفه محمد يحكي معايا.
هيا .. ممكن اتقوليلي شن ايضحك فيك🙄
انا… موضوع ايخصني 😏
محمد ايبحت وساكت وكاين ايذوق ف لوكال
هيا .. حركاتك واضحه يا ايناس راه ياريت تلزمي احدودك مانبش المشاكل انا
محمد…. هيااااا شن قلت انا ع جو هذا وباين انه تعصب صوته عالي
انا .. والله تستحقي علاج نفسي مش طبيعيه انتي ع فكره
هيا … من دون سبب وفجأ تاخذ كباية لميه تعزقها فيا وتقعد تهزب ومعش سكتت
بالغرباوي تلوحها فيها لو مافهمتوهش ياعرب الغرب😆
المهم …
انا ف وقتها فقدت اعصابي وكنت نبي نضربها بصراحه لانه اول مره ايسير معايا هكي ماعمرش انحطيت ف موقف وصل بيه الضرب بس مرات تعصبي لدرجة تفقدي اعصابك وديري حاجات عمرك ماتخيلتي روحك اديريهن😑
محمد كأنا استغل الفرصه مسكني من عند خصري وكان شاد عليا بالقوه …
وانا … حول يامحمد اطلقني. .😡
وهيا مازالت تبي تضرب ومحمد مش عارف ايحولها هيا ولا يمسكني عليها انا .. 😑
ماما . وعمتي وحني جن يجرن كنكم شن في 😣
محمد …. فاطمه ارقي فوق😡
انا…. اطلقني قتلك 😡
فاطمه… تبكي وتقول والله تنابش ف محمد وتضحك شفتها ابروحي
محمد … سكري فمك وارقي فوق قتلك ارقي ارقي ارقي😡
وهيا بلا فايده ولا كأنا يدويلها..
ماما .. عيب يانوسه شنو حركات هذينا من امتى تضربي
انا… يا ماما هيا ضربتي والله 😭
ماما.. ف لحظتها انفعلت وتعصبت ع فاطمه وقعدت مشكله وكل يدوي …
انا فكيت روحي من محمد وطلعت للجنان ورا الحوش قمعزت وقعدت نبكي…
ماما… جت ورايه تهدي فيا وتبي تفهم الموضوع بس انا طلبت منها اتخليني ابروحي
الحوش انقلب نكد فجأ💔
بابا كاين مش قاعد ايجيب ف خواتي من مطار … وهذي احسن شي انه ماحضرش المشكله .
فاطمه نسمع فيها ركبت فوق وكانت مازالت تحكي وحتى وهيا ع دروج .🙂
انخبط باب الشقه ونسمع ف خطوات محمد وهوا ينزل معا دروج… العند الخطوات قربن العندي😑
محمد… خلاص معش تبكي ..
انا … خطاااني
هوا… والله اسف ع صار ماكنتش متوقع ادير هكي
انا… معش تحكي معايا
هوا… باهي ماتبكش
انا… مادخلكش بيا امشي.
هوا … والله ماتهون عليا دمعه وحده من عيونك
انا … صبيت وخشيت جوا وهوا ف مكانه ويبحت فيا وانا نمشي..
سمعت صوت خواتي😍
طلعت نجري اول ماشفت اختي الكبيره حضنتها وقعدت نبكي … هيا قعدت تبكي…
محمد جا يسلم …
بابا… خلاص يانوسه ليش البكا هذا كله …
انا نبكي ع رياف وخوف وفجعة اليوم تهيالي كل شي طلع ف وقتها نفس مايقولو عبره وطلعت😢
انسرعلكم الاحداث شويه🌸
مر اسبوع ع قعدت خواتي عندنا وكان كأنا اسبوع علاج نفسي ليا ودعم … طبعآ خواتي حكيتلهن كل شي ونقمن ع فاطمه بس هيا مانزلتش بكل الاسبوع هذا ولا سلمت ع خواتي 🙂
تقريبآ الاسبوع هذا ماحكيتش معا محمد بكل لانه كله كمل طلعو كفيات مطاعم ودهوير ف بنغازي طبعآ خواتي جوهن احلا من جوي متعودات ع طلعو بالذات لما ايكون مكان جديد ويبن يغيرن جوهن فيه 🥰💗
بعد اسبوع روحن خواتي☹️
ورد الروتين المملللل امتاعي😑….
بعد الاسبوع هذا…
كنت ماشيه للعمل ف صبح طلعت شفت سيارة محمد والعه بس هوا مش فيها كان ف شقته شكله
وصلت قريب من صيدليه انشوف سياره فيها واحد ايسوق وجنبه خطيبي السابق😣
انا… انصدمت😳
ماعرفتش شن اندير …
رديت للحوش ونرن ع دكتوره الي معايا ونقوللها ال سياره الي برا فيها فلان…… افطني …
هيا… حي عليا يا نوسه تخيلي ايخش عليا والله خفت
انا… كلمي صاحب الصيدليه 😣
هيا… والله توا يفصلك مايحبش المشاكل
انا…. باهي شن اندير
هيا…. كلمي باتك ولا واحد من هلك مش معقوله هكي تعدي وتسيبه ليا هذا شكله مش طبيعي
انا…. ماتخافش هوا ايدور فيا انا ماضنش ايخش عليك😑
محمد .. ايخطم من جنبي هوا وفاطمه ف سياره…
محمد … ايناس كنك راده للحوش شن في
فاطمه.. تبحت وساكت
انا … ماكني شي😣
هوا…. احكي شن في
انا… مافش شي قتلك
هوا… انعدي للصيدليه نسألهم🙄
فاطمه دوتلا حاجه ع مااضن قالتله مادخلكش بيها لاني ماسمعتهش اكويس..
انا…. خطيبي الاول قاعد قدام صيدليه 😣
هوا… دوتيلك انا توقعت ايسير هكي 😡
هوا…. فاطمه انزلي ردي للحوش انتي نوسه انا ماشي انشوف الوضع وراد
فاطمه … شن دخلك بيها يا محمد خليه توا ايعدي شن تبي ف مشاكل😤
هوا… انزلي😡
هيا نزلت … ومحمد عدا بسرعه
انا ف وقتها حسيت كرعيا كأنا مافيهش دم😣
فاطمه…. تريحتي توا انتي ماتخطيني العند اتسببي اقتال بين الرجاله الله يلعن اليوم الي شفناك فيه
انا… انفكر ف محمد وشن يبي ايسير من الخوف والله ف لحظتها تجاهلت كلام فاطمه وكأني بنت صغيره تهزب فيها امها مافش رد بكل😣
هيا… ماسادك خوك انحبس تبي تقتلي راجلي والله ماشيه ال باتك نبي انقوله كل شي😡
وكانت تمشي بسرعه وخشت للحوش .. واصلان بابا ماكنش قاعد ف حوش ..
انا … خفت اتسير حاجه ف محمد بعدها والله مانسلم من العيله ولا نقدر انسامح روحي ف يوم من الايام
قعدت انفكر شن اندير…
خليت فاطمه تخش الحوش ورديت للشارع نجري…
وكنت ماشيه للصيدليه وانشوف شن صار…
وانا نمشي انرن ع دكتوره …
ترد… حي عليك تعالي ابسرعه محمد ايتعارك معا😣😣
انا… مش عارفه كيف وصلت…
وكان الصوت واصل فيا قبل مانشوفهم 😣
لقيتهم شادين بعضهم كل واحد مش عارف روحه كيف يضرب التاني😣
مع انه محمد ماعمرش شافه ولا يعرفه مش عارفه كيف اعرفه انه هوا😥
سيارات موقفات وحدين نزلين ايحزو بس مافش رجاله واجد لانه كان صبح واغلب الناس مرقده
انا قربت من باب الصيدليه انكلم ف محمد..
محمد… خشي جوا😡
كان قصده ع صيدليه .
انا . خشيت لقيت البنت الي جوا منهاره وانا اشر منها😭
شويه وجا صاحب الصيدليه….
الموضوع انحز وعدا ولزوه وعدا ..
محمد وصاحب الصيدليه خشوا علينا…
وهما الاثنين متعصبين بزياده ..
محمد…. انا مش قتلك عدي للحوش شن ردك انتي😡
انا .. خفت اتسير حاجه 😥
هوا… ع اساس جيتك دارت حل يعني😡
الدكتور….. اسمعي يا ايناس انا الصيدليه جديده وهذا باب رزقي القني مانبي مشاكل … الفتره هذي تريحي ف حوشكم العند الموضوع هذا ينحل …
انا… تمام حاضر😥
محمد… بينا تواصل يا دكتور.
محمد… هيا يا ايناس انروحو اطلعي
انا… طلعت كمية النكد الي عندي مستحيل ف حد يقدر ايتحملها😭
ركبت السياره….
محمد…. اخر مره تصرفي من راسك انقولك ردي يعني ردي لعناد معش اديريه عليا😡
انا ف لحظة ضعف قلت ال محمد
انا…..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غرباوية عاشقه شرقاوي)
