رواية الدبش اللي خطفت قلبي الفصل الأول 1 بقلم نرمينا راضي
 |
| رواية الدبش اللي خطفت قلبي الفصل الأول 1 بقلم نرمينا راضي |
رواية الدبش اللي خطفت قلبي الفصل الأول 1 بقلم نرمينا راضي
—متفتح يااستاذ انت.. انت اتعميت !
—اتعميت؟!! صدقي بالله انا كنت هتأسفلك بس انتي لسانك طويل متستاهليش
—مين دي اللي لسانها طويل ياابو طويله انت!!
(حارس الامن ادخل)
في ايه ياجماعه ؟..ايه ده الباشمهندس بطوله عندنا في المول!!…. لاا والله ليك وحشه ياراجل
حست انها شبه كيس الجوافه الحمضانه في وسطهم راحت واخده بعضها ومشت..
—:ياانسه استني
بصتله بقرف:…اسمى يمنى هاانم…. عايز ايه ..!
ابتسم بخفه… وأنا الباشمهندس عمر الرفاعي.. انا هتأسفلك بس عشان انا محترم
يمني بسخريه: لا حوش الاحترام اللي بيدلدق هنزحلق منه
عمر بنفس سخريتها:لاا متخافيش محدش مزحلق اومال لسانك موجود ليه مش عشان يمسح الارضيه!!
يمني بعصبيه: انت مهزق على فكره ما تربتش
عمر ببرود:انتي اللي مش محترمه
(بصتله بقرف ومشت)….
بعدها بيومين وهي طالعه على سلم الجيم قابلته في وشها
عمر بتفاجأ : ايه ده ام لسان طويل هنا
يمني بإستهزاء: مش هيكون اطول منك يا ظريف
—:لاا ظريفه يابت
— :انت طلعتلي من انهي بيئه!!
:من البيئه الصحرااويه هههه
: اه ما انا قلت كده برده ما انت شبه الجمل ابو رجول طويله
:لاا خفه يابت
يمني بغضب ونرفزه:اللهم طولك يااروح انت هتمشي من قدامي ولا اجيب طوبه افتحلك دماغك
عمر بدهشه:طووبه !!يعني بلساان وبلطجيه!!
يمني:ااه شفت بقاا
عمر:لاا مشفتش ومش انا اللي اخاف من اوزعه زيك
يمني وهي بطلع بخاخه الشطه ????تحب اورييك
عمر:لا لاا خلااص هو انا خاطفك ولاايه يامجنونه انتي
بتضحك: واالله ياعسل كان نفسي ابخ في وشك اعميك بس صعبت عليا ????????
عمر بخفه:قطه مخربشه بس عسل
يمني بعصبيه: عديني بس كده بخفه دمك اللي هتقتلني دي
(سابته وطلعت الجيم)…
عمر راح وقف مع كابتن الجيم بتاع يمني
(حصل بينهم حوار خفيف) …وخلص اليوم وكل واحد روح بيته …
يمني غيرت هدومها وبتسخن الاكل التلفون بتاعها رن فكنسلت رن تاني..
يمني بغضب: الو..ايوه يازفته انا مش هعرف اطفح انهارده ولاايه
ولاء:يبنتي انا الكابتن بتاعك احترميني شويه ????????
يمني:كابتن ع نفسك اخلصي جعانه والله
ولاء: مش وقته طفح عايزاكي في موضوع دلوقت
يمني:هاا ارغي
ولاء :متقدملك عريس لووز اللوز يابطه ههههه
يمني:بقلك ايه انا سايبه المحشي والهمبورجر وجايه اكلمك مش عشان تستظرفي وتقولي عريس وبتاع
ولااء:فيه حد ياكل محشي وهمبورجر مع بعض يامفتريه
يمني بهزار:مش انا هاكل يبقا فيه نيهاااع
ولاء:هههههه مجنونه والله المهم بقلك في واحد عاوز يتقدملك بجد
يمني:واحد مين ياختي ده ليله امه لمباادا ????????
ولاء:????????هقلك بس متنصدميش،،عارفه الباشمهندس اللي طولتي لسانك عليه على سلم الجيم
يمني:هاا اشتكالك مني صح وبعدين هو اللي بدأ
ولاء: احممم لاا هو خد عنوانك وعاوز يتقدمللك وبيقولي قوللها تلبس الفستان اللي كانت لابساه في المول عشان عملها منظر????
يمني:انتي بتكلمي بجد ،،طب هيتقدملي ليه يعني ده احنا مهزقين بعض ومحدش فينا يعرف التاني
ولاء:الحب يعمل المعدزاات هههههه
يمني:حب ايه انتي هبله هو انا اعرفه
ولاء:يسطا الواد موز ميترفضش
يمني :مز ع نفسه …يلاا بقا سلاام هروح اهتم بكرشي هو اللي بقيلي
ولاء:ههههه ع اساس انك فيكي كرش ياوتكه انتي
يمني:سيد عييب متقلش كده احنا اهل
ولاء:ههههه ماشي ياختي روحي كلي وجهزي الفستان اللي عملك منظر
يمني:يلاا ياجذمه من هنا..سلام
ولاءبضحك:سلاام ياعروسه…..
(قفلت السكه مع ولاء وقعدت تاكل وهي بتفكر
— هي بتكلم بجد ولا مقلب ،،وبعدين هيتقدملي ليه يعني دانا شتمااه…!)
بعد شويه ابو يمنى دخل عليها الاوضه
—في عريس متقدم لك
يمنى في نفسها: هو ابو طويله ده لحق ياخد الرقم ويتصل!!
يمنى بزهق: يووه بقى انتوا مبتزهقوش
أبوها: اقعدي معاه وانا مش غصبك على حاجه بس اقعدي وشوفيه
يمنى بتردد: لا مش عايزه اقعد مع حد انا متفق معااك وان انا مش هتجوز غير لما اخلص كليتي وانا بمتحن دلوقتي امتحانات رابعه كليه
سلامه والد يمنى بهدوء:
يا بنتي ما انا مش بغصبك على حاجه اقعدي معااه بس…. فكرت شويه: ماشي يا بابا ربنا يسهل…
في اليوم التاني….
الباب خبط.. طلع وائل اخو يمنى يفتح الباب وكان عمر جاي وجايب معااه بوكيه ورد احمر كبير
وائل باإبتسامه:اهلا يابشمهندس اتفضل
عمر:اهلا بحضرتك…
يمنى اول ما عرفت ان عمر هو العريس حطت ايدها على قلبها اللي كان بيدق بسرعه: احيه ده هو بجد وايه ده كمان..جايب ورد معاه وعملي فيها رشدي اباظا..
دخلت مامت يمنى عليها الاوضه تستعجلها عشان تلبس وتطلع….
سناء مامت يمني:هاا ياحبيبتي لبستي
يمني:لسه ياماما هلبس اهو
سناء بإستعجال:طيب يلاا متغبيش عشان تطلعي العصير
يمني : ماشي اطلعي انتي بس بره وخدي الباب في يدك اما اشوف الجدع ده عاوز ايه في ليلته دي ….
سناء بهزار:الله يكون في عونه والله.????????
يمني بغرور مصطنع :ياماما هو يطول يااخد جطعه من الجمر ????????
سناء:لاا طبعا ميطلش.هو احنا عندنا كاام يمني!!اخلصي ياابت وبلاش دلع…
يمني بقلة حيله: حاضر يا ماما اطلعي انتي بس وخدي الباب في ايدك
… بالفعل خرجت سناء وقفلت الباب
يمنى بتفكير: بقى ابو طويله ده يقولي الفستان كان عاملك منظر طب والله بقى ما انا لابساه يلا هي…????
فتحت يمنى الدولاب راحت الهدوم كلها واقعه
يمنى بخوف وضحك: يا دهوتي ادخلوا جوا بسرعه.. ماما لو شافت الدولاب كده هتيجي ترميني من الشباك
طلعت بنطلون چينز ابيض وبلوزه طويله بلون السماء ولبست طرحه نفس لون البنطلون.. ومحطتش حاجه في وشها
يمنى بخبث وضحك: هو شافني بقى وانا حلوه هدخله بقى وانا راجل لراجل ونشوف مين هيكسب نيهاااع
…
.دخلت يمني وقدمت العصير وسلامه ابوها ادااهم مساحه يتعرفوا ع بعض…
عمر : كنت عارف انك مش هتلبسي الفستان
يمني بسخريه: فستان اسمه دريس يا فلاح
عمر بضحك .فلاااح وحيات ربنا انتي مشكله هههه
يمني: انت عايز ايه بالظبط طلعتلي منين يا اسمك ايه انت
عمر بغمزه:انا نصيبك الحلو ياحلو انت
بتشوح باايدها بطريقه مضحكه: لا بقولك ايه انت فاكرني رقيقه ده انا قتالة قتله
عمر: يااميي ياامييي خاف يا عيد
يمني بسخريه وضحك رغماً عنها:هيهي خفه يالااا
عمر بغضب مصطنع: ولا انا يتقالي ولااا..!!!!
ماشي ايامك الحلوه جايه معايا
وحسابك معاياا بعدين يا ام لسان..
يمني بصوت واطي:خبطه في معاميعك
عمر بضحك : سامعك على فكره
يمني بااستفزاز: لا حلاوتك مقويه قلبك
عمر بثقه:ههههه اه مقويه قلبي
(دخل عليهم وائل اخوها
وائل بضحك: سامع صوت ضحك اكيد يمني رمت دبشايه،
،دي اختي وانا عارفها
عمر بصلها وابتسم..أما هي وشها احمر من نظرته الرقيقه ليها
….استاذن عمر وخرج بعد طبعاً اتفاقه مع سلامه والدها انهم يتقابلوا في مكان يعرف اسرته عليهم والمكان من اقتراح عمر….
حست يمنى احساس غريب حلو محستوش قبل كده
. بتبص عليه من الشباك بتاع اوضتها وهو مقفول بطرف عينيها
شافها وهو خارج من باب بيتهم
عمر بغمزه وضحك: شايفك على فكره يااوزعه
وشها احمر من الخضه وبعدت عن الشباك بسرعه…
وابتدا عقلها يفكر فيه بس قلبها لسه محتار
بعد ماعمر مشي وعرف نفسه لوالدهاا وان عنده ٢٩ ونص او بمعنى اصح داخل على ال ٣٠سنه.. ومهندس في شركه بترول وليه اخ واخت كمان ووالده متوفي والست فاديه والدته عايشه ….
…
سلامه: يمنى جهزي نفسك عشان بكره ان شاء الله هنتعرف على عيله الباشمهندس في كافيه في المول اللي في المدينه
يمني بدهشه وتفكير: المول اللي في المدينه!!! يارب مايكون اللي في بالي…
—ماشي يابابا ان شاء الله ..
.
… وأهلاً باليوم الموعود????????
يمنى طلعت فستان اسود جميل وهيلز اسود رقيق
وطرحه لونها جملي و شنطه بنفس لون الطرحه..
قصاد المول *
اول ما شافت المول عرفت ان ده اللي اول مره شافت عمر وشتمته ????♀️
التوتر زاد عندها ومسكت في ايد وائل اخوها ووشها بقا زي الطماطم من الخجل
على طاوله شيك اتجمعوا العيلتين مع بعض..
استاذن عمر من سلامه
انو يقعد على طاوله قصادهم مع يمنى
سلامه وافق لكن في وجودك وائل اخوها
اللي اخد كرسي وفضل انه يقعد بعيد عنهم شويه عشان يعطيهم المساحه الكافيه بدون خجل
عمر بغمزه:هاا ياام لسان تحبي تشربي ايه
نست خجلها منه واتصرفت على طبيعتها
يمنى بهزار: لا انا احب اكل محبش اشرب اطلبلي حاجه تملي التانك
عمر بضحك: طيب ياقطه تاكلي ايه
يمني :بهزر هاتلي لمون عشان اروق الجي واكبر الدي
عمر:هههه والله مجنونه ..بقلك ايه متيجي نطلع نتمشى في المول فوق عشان نعرف نتكلم براحتنا عشان انتي بجد طريقتك وافعالك مبتخلنيش اعرف اسيطر على هدوئي وبتضحكيني كتير واهلي مستغربين من ان بضحك الضحك ده كله
يمني بااستغراب وضحك:ليه انت متوحد يسطاا
ضحك بصوت عالي: يسطاا!!!
ههههه لاا ياظريفه بس هما واخدين عليا ان جد في كل حاجه ومن بعد وفاة بابا الله يرحمه و انا شايل مسؤليه العيله كلها فنادراً لما بضحك وانتي بدمك اللي هيموتني ده عماله تضحكيني
وبكده الهيبه بتاعتي هتروح قدامهم يا عسل انتي يا ام لسان
— اممم طيب يلاا خليني نطلع المول عشان بحب اطلع السلم المتحرك
عمر: هههه طفله والله ليه جايب معايا بنت اختي…
استأذن عمر من والدها وسمحله بالخلوه ولكن في وجود اخوها….
يمنى بعد العمايل اللي عملتها وهي طالعه السلم المتحرك زي ماتكون بتتسلق الجبل..وطبعاً اخوها وعمر كانو في نص هدومهم من ضحك الناس عليها
يمنى بحماس:تعالوا نروح قسم الميكب
عمر بتساؤول:ليه انتي بتحطي ميكب كتير،،عالرغم من انك مش حاطه حاجه غير بسيط يعني
يمني بغرور وضحك: لا انا ما بحبش الميك اب اصلا انا بروح هناك عشان اتصور في المرايه الكبيره اللي موجوده في القسم
عمر بهزار:ايه ده انتي ملكيش في حجات البنات مقشفه يعني
يمنى:……..
بيصحح كلامه بسرعه: ههههه اوعي تزعلي انتي اموره والله انا بهزر
يمني: انا مش زعلانه انا مصدومه بالله عليك كيف عرفت اني مقشفه!!
ضحك جامد وكل اللي في القسم بقوا يضحكوا ع ضحكه
ضحكه الكتير ابرز ملامحه الرجوليه الوسيمه
..فضلت متنحاله!!
عمر بغمزه: ايه يا قطه عجبتك
يمني بخجل:هاااا لاا.. وبعدين بحلاوتك اللي مقويه قلبك دي انا مش هوافق عليك اصلا يلا هي
عمر بثقه: لا هتوافقي
يمني بعصبيه:ومالك وااثق في نفسك كده ليه!!
عمر:ثقه في الله نجااح ????????اقلك ليه
يمني بنرفزه: ما تقول يا اخويا وتخلص في ليلتك دي
عمر: انت يا بنت لسانك ده متبري منك
—:اااه اذاا كان عجبك
—: عجبني يا يمنتي
يمني بدهشه وخجل:عااا لاا بقولك ايه يمنتك ايه ومحشي وكفته ايه انت هتخش عليا بكلام الروايات ده…. لا اصحى ليغفلوك نيهااع
عمر بضحك :ههههه وربنا هبله .. سكت شويه يتأمل ملامحها الرقيقه… تابع بجديه.. بصي بقا ياست البنات
يمني بخجل من نظراته: ايوووه عليك ماتفكنا بقاا من كلام الفيسبوك ده انت جاي من انهي مسلسل يا ابني.. وبعدين صحيح نسيت اسالك مش ده المول اللي احنا شتمنا بعض فيه اشمعنى ده اللي قلت لبابا انو يجبنا فيه ولا عجبك التهزيق …
صححت كلامها بسرعه لما لقيته سكت وبيبتسم بهدوء
—بهزر يارجب ايه مبتهزرش
عمر بهدوء وابتسامه لطيفه: تعرفي انك انتي اول بنت ترفع عينها في عيني و تطول لسانها عليا
يمني بعدم اهتمام:اوووه بيجااااد….
تابعت متسائله:
هو انت تعرف بنات قبل كده
عمر بصدق: اه بس كان شغل زمايل في الشركه يعني وكده بصي يايمنى انا والله العظيم.. بقالي 29 سنه عايش ما فيش بنت خطفت قلبي ولا قلبي دقلها ا زي ما دقلك كده مش عارف عملت فيا ايه بس عايزه اقولك على حاجه
انا جبتك المول ده بالذات عشان اقولك ان ده المكان اللي حكايتنا هتبتدي فيه وده المكان اللي شفتك فيه وهيفضل ده احسن مكان انا جيته
خدودها بقت زي الطماطم من الخجل
—هو انت يعني هل انت عبيط ههه شفتني في يومين بس حبتني فيهم ..
عمر بجديه: مش هاقدر اقولك اني بحبك الحب اللي هو بتاع المسلسلات ده والكلام ده لان انا فعلا لسه شايفك من يومين بس كل اللي عاوزك تفهميه وتعرفيه ان انا اتمنى تكوني امراتي وام عيالي ومعايا لاخر يوم في عمري..موافقه!!
يمني بخجل: لا باقولك ايه قلبي الصغير لا يتحمل الحقني بالماذون بسرعه ياعماااد
عمر بضحك عليها:ههههه طب ايه رأيك نكتب كتب الكتاب بعد الخطوبه عطول
هنا اتدخل وائل
وائل بهزار: ايه عصافير الحوض اتأخرتوا ليه وبعدين يا اسطا مش هنكتب كتب كتاب بس ده احنا هفتحها لتعليم محو الاميه وكل اللي نفسك فيه هنكتبوا يارجب وهتبقا ليله فل اووي سعااتك… بس انجز يلا عشان ايه انا كلاب بطني بتهبب وعايز انزل اجيب حاجه اكلها فخلاويص يلاا.. وابقوا خلونا نروح الاول كملوا كلامكم في عش الزوجيه وخدوني معاكم..عالطلاء مهعمل صوت
يمني بخجل: وائل اتلم
وائل بضحك: هيهيهي حااضر يااوختشي
عمر بدهشه وضحك:ههههه انا شكلي كده وقعت في عيله مجانين ربنا يكون في عوني
يمني بغضب مصطنع: تقصد ايه يابشمهندس
عمر بغمزه:اقصد ان احلي يوم اليوم اللي شفتك فيه واتمني ايامي كلها اللي جايه تبقي معاكي…. معاكي انتي وبس …❤
يتبع..
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية الوقت المتبقي لي للكاتبة روزان مصطفى
اين الفصل الثامن عشر