رواية أسيل قلبي الفصل الأول 1 بقلم نيللي ياسر

……….( بنت بتجري في الشارع وهي بتعيط)

اسيل بدموع: هو مش انا جبتلكو العار خلاص بقي عايزين مني ايه.

ناهد( ام اسيل): يعني مش حرام عليكي اللي عملتيه في نفسك وفي ابوكي كمان بتهربي.

اسيل: ارجوكو ابعدو عني أنا هموت نفسي. 

ناهد ببكاء: ااااايه!!.. لا ارجعي يا اسيل واوعدك اخوكي مش هيعملك حاجه..ارجعي يا بنتي.

اسيل: سلام يا ماما.

    ” فتحت الموبيل وخدت منه الخط كسرته وحطت الموبيل في الشنطه وبتجري علي الطريق والساعه 2 الفجر وهي بتعيط وفجأة واحد كان هيخبطها بس وقف العربيه وهي من الخضه رجعت بدماغها جامد لوراء واتخبطت في صخره كبيره”  

الراجل: يا نهار اسود…يا بنتي قومي.

اسيل: ( مغمي عليها ودماغها بتجيب دم).

الراجل: الو يا  علي انا خبطت بنت.

علي: طب هي فين دلوقتي.

الراجل: انا هاخدها واطلع على البيت وانت تعالي بسرعه.

علي: طيب انا هلبس واجي.

   ” الراجل شال اسيل ودخل بيها القصر بتاعه وقابلته مراته”

سوسن: ايه ده..مين دي يا نجيب.

نجيب: بنت خبطها.

سوسن: يا لهوي دي دماغها بتنزف جامد.

نجيب: اطلعي أفتحي اوضه اسيل وانا هدخلها لغايه لما علي يجي.

سوسن: ح.. حاضر.

    ” دخلها اوضه بنته وكتمو الدم لغايه لما الدكتور جيه وكشف عليها”

علي: الحمدلله أنكم وقفتو الدم لغايه لما اجي.

نجيب: هي حصلها ايه يا علي؟!.

علي: انا شاكك أنها فقدت الذاكرة.

سوسن: ااايه؟!.

علي: لما تفوق هعرف فقدت الذاكرة ولا لا.

نجيب: طب هي هتفوق أمته.

علي: نص ساعه.

سوسن: هو ايه اللي حصل يا نجيب.

نجيب: انا كنت راكب العربيه وبكلمك وفجأة هي طلعت قدامي علي الطريق انا وقفت العربيه بس هي وقعت واتخبطت في صخره كبيره اوي وبس انتو عارفين الباقي.

علي: طب لايه مودتهاش المستشفى.

نجيب: كان هيبقي في تحقيق وازاي ده حصل وانا شخصيه مهمه في البلد وطبعاً مينفعش الصحافة تعرف.

علي: عندك حق.

سوسن: بتفوق اهي يا علي.

   ” فتحت عينيها وقفلتها كتير وعلي حط قدام عنيها كشاف لغايه لما فتحت عيونها ببطء شديد”

اسيل بتعب: اه..انا..انا فين؟!.

علي: ممكن تهدي وانا هحكيلك بس ممكن اعرف انتي أسمك ايه؟!.

اسيل بتعب ومسكت دماغها: أسمي.. أسمي..انا..مش فاكره..مش فاكره حاجه خالص.

علي بأسف: اللي توقعته صح .. فقدان ذاكره.

سوسن بدموع: يا عيني يا بنتي.

نجيب: طب مفيش اي علاج.

علي: لا طبعاً في علاج بس انا شايف انها لازم حد يكون يعرفها هو اللي يفكرها.

نجيب: طيب اتفضل يا علي.( علي مشي).

سوسن: عن أذنك يا بنتي هروح اعملك أكل.

اسيل:______( مش بترد).

نجيب: أنتي كويسه يا بنتي.

اسيل: هو ايه اللي حصل؟!.

نجيب: انا كنت( وحكي ليها) بس وبعد كده خدتك معايا في العربيه وكان معاكي شنطه وموبيل…موبيل.

اسيل: في إيه.

نجيب: انا إزاي مفكرتش في الموبيل..ده ممكن يكون حد أتصل بيكي أو انتي مسجله رقم ابوكي أو حد من عيلتك..انا هروح اجيبه.

اسيل:( هزت رأسها بمعني ماشي).

” اسيل دماغها وجعاها جدا وبعد دقائق دخل نجيب وهو معاه الموبيل”

اسيل: لقيت فيه حاجه.

نجيب: مفيهوش خط بس انتي كاتبه اسم اول ما الموبيل يفتح ده ممكن يكون اسمك.

اسيل: ايه هو.

نجيب: ” اسيل” انتي تعرفي أن اسمك غالي عليا جداً.

اسيل: ( بصت ليه وبعدين قامت وقفت).

نجيب: انتي رايحه فين؟!.

اسيل: همشي.

نجيب: هتروحي فين بس.

اسيل: معرفش.

نجيب:انتي عارفه الساعه كام دي 4 ونص.

اسيل: معلشي بس انا لازم… ( وقعت على السرير).

نجيب: انتي كويسه.. يا بنتي انتي تعبانه..انا شايف انك تقعدي معانا هنا في البيت انا أسمي نجيب الأمير صاحب شركات عقارات و متجوز سوسن اللي أنتي لسه شيفاها دي مجنونه شويه بس طيبه.

اسيل: ههههه.

نجيب: وعندي ولد وبنت توأم الولد إسمه بدر عنده 28 سنه والبنت إسمها اسيل.

 ” معرفش لايه اول لما قال اسم ابنه حسيت بصداع في دماغي ودوشه بس محبتش أبين”

اسيل بتعب: بجد هي عندها كام سنه.

نجيب بحزن: ربنا يرحمها.

اسيل: انا اسفه .. ربنا يرحمها.

نجيب: انتحرت وهي عندها25 سنه.

اسيل: ايه ده لايه.

نجيب: كانت بلوجر ويتيوبر والحاجات دي وفي يوم ولد ضحك عليها وانا ضربتها جامد.. لأول مرة في حياتي اضربها.. جالها حاله نفسيه وقطعت شراينها.. أخوها كان بيحبها أوي ولما ماتت قالي ان انا السبب علشان كنت بعيد عنها وبسافر ديما وبيشتغل بلوجر ويتيوبر والحاجات دي زي أخته الله يرحمها ومش عايز يرجع مصر.

اسيل بحزن: ربنا يرحمها وأن شاء الله أخوها يرجع مصر تاني.

نجيب بحزن: أن شاء الله.

    ” سوسن دخلت وكانت شايله صنيه أكل”

سوسن: يلا بقي يا حبيبتي علشان تأكلي.

اسيل: ربنا يخليكي يا طنط انا مش عايزه.

سوسن: لا انتي لازم تاكلي  انتي نزفتي دم كتير من دماغك.

اسيل: والله انا مش جعانه.

نجيب: سوسن اسيل هتقعد معانا هنا.

سوسن بدموع: هي إسمها اسيل.

نجيب بحزن: اه.

سوسن: تنور يا حبيبي دي حتي زي القمر.

نجيب: طب اكليها كويس وانا هروح انام تصبحي علي خير يا اسيل ( وباس دماغ سوسن) تصبحي علي خير يا حبيبتي.

سوسن: وانت من أهله.

اسيل: وانت من أهله.

سوسن: يلا بقي كلي دي من أيدي.

اسيل: حاضر..تسلم ايدك الاكل جميل اوي.

سوسن: والنبي انتي اللي جميله.

  ” وقعدت تاكلني باديها وبعدين جابت ليا لبس تقريباً بتاع بنتها اللي ماتت وكان مقاسي وساعدتني اني اغير هدومي وبعدين سابتني وخرجت وعرفت إن دي اوضه بنتها الله يرحمها بس من التعب نمت.

Stop ????

  ” اسيل بنت عندها 21 سنه بيضه وطويله وعنيها لونها أخضر فاتح اوي  شعرها لونه دهبي وطويل جدا وناعم وطولها مناسب وجسمها مش رفيع ولا تخين وملامحها جميله اوي.. بس قصتها هنعرفها بعدين علشان انا بارده????”

  ” نجيب الأمير رجل أعمال مشهور جداً وعندو شركات للعقارات كتير اوي وهو في سن 50 سنه بس قمور اوي هو أبيض وعنيه لونها بني غامق ومناخيره صغيره وشعره كثيف واسود وفيه بعض الشعر الابيض وطويل وجسمه عادي”

  ” سوسن تبقي مراته ست طيبه جدا عندها 43 سنه بس برغم سنها ولاكن جميله جداً عنيها لونها ازرق صافي جدا وشعرها بني وفيه بعض الخصل البيضه وتجاعيد بسيطه جدا ولاكن جميله اوي وجسمها مليان سيكا وقصيره”

  ” علي الامير اخو نجيب وهو دكتور كبير جدا ومعاه مستشفيات كتير راجل ملامحه زي ملامح أخوه بالظبط ولاكن هو امحاوي وعنيه رمادي وطويل وجسمه رياضي وعنده 32 سنه ومش متجوز بس حاجه قمر يعني”