Uncategorized

رواية حكايات يونس وحور الفصل الأول 1 بقلم نيرة عباس

 رواية حكايات يونس وحور الفصل الأول 1 بقلم نيرة عباس

رواية حكايات يونس وحور الفصل الأول 1 بقلم نيرة عباس

رواية حكايات يونس وحور الفصل الأول 1 بقلم نيرة عباس

_يا بابا عايز حاجه انا نازل اقف مع صحابي شويه.
_خلي بالك من نفسك يابني.
_هو انا هنزل احارب يا حج ،،بس حاضر هاخد بالي من نفسي.
نزلت وانا مستغرب بابا ،، كبرت قدامه وهو لسه شايفني عيل صغير بيخاف عليا من الهواء الطاير نفسي يفهم اني بقيت راجل ويعتمد عليا علي رأي ماما اللي قدي متجوزين دلوقتي! ايه صوت العياط ده ،،مين دي ؟،،قاعده كده ليه يا شاطره؟
_انا مش شاطره. 
_قاعده كده ليه يا حلوه؟
_متقوليش يا حلوه.
قعد جمبها وانا مش فاهم ايه اللي جابها هنا.
_انتي ايه اللي جابك هنا؟
_مستنيه صحابي. 
_وهما هيجوا امتي ده الوقت متاخر اوي.
_ملكش دعوه واتفضل امشي. 
_هستني معاكي لما صحابك يجوا.
_مش هيجوا.
_ليه ؟
_عشان مش بيحبوني،،كل ما اتصاحب علي ناس يمشوا ويلعبوا لوحدهم ويسبوني.
_انا ممكن العب معاكي.
_بجد؟! بس لا ماما قالتلي اوعي تلعبي مع صبيان وانت صبيان.
ضحك ب استغراب _عندك حق طيب فين ماما؟
_مسافره عند ربنا وهتتصل بيا اروحلها. 
_لا اله الا الله،،طيب وبابا؟
_هو كمان سافرلها عند ربنا وهيتصل بيا عشان اروح عندهم.
_انتي عايشه فين طيب.
_تعالي اوريك.
_هنروح فين بس!
_تعالي هوريك بيتي،،اهو ده بيتي .
_الرصيف!
هزيت كتفي بالامبالاه_معنديش غيره .
_ايه رايك لو تيجي تعيشي معايا.
_يالهوي لوحدنا؟
_لا طبعا معايا بابا راجل كبير وده هتحبيه اوي.
_شقتكوا فيها لعب ؟
_لعب! لا بس ممكن اجبلك عادي .
_خلاص انا موافقه استني اخد ساندي صحبتي.
_ساندي مين.
_دي عروستي وصحبتي .
_طيب وانتي اسمك ايه ؟
_اسمي حور سيف الدين.
_وانت يا عمو؟
_يونس اسمي يونس. 
_بقدونس يعني !
_مش من شويه كنت عمو!
_خلاص ،،سوري انت عمو.
_خوفتي كده ليه ،، عادي علي فكره.
_عشان ممكن ترجعني بيتي الرصيف تاني وانا عايزه اجي بيتك وانام في سرير حلو ويجيلي العاب.
_حاضر .
_هو انت عندك اطفال العب معاهم.
_لا معنديش. 
_معندكش ليه؟
_عشان متجوزتش هتفهم ازاي دي! ،،يلا يا حور وصلنا.
_تعالي يا حور متخافيش. 
_ايه يا يونس مين دي يابني.
_هفهمك يا بابا هدخلها بس تتفرج ع سريرها.
_يا بني مين دي ؟
_يابابا والله هفهمك. 
_يا بابا انا حور.
_تعالي يا حبيبتي انتي اسمك حور.
_اه يا بابا .
_اسم حلو يا حبيبتي .
_انتي تايهه؟
_يعني ايه تايهه دي؟
_لا يا بابا هي مش تايهه ولا حاجه للاسف هي عايشه في الشارع.
_ايوه يا بابا انا عايشه في الشارع.
_طيب يا حبيبتي معندكيش قرايب. 
_لا.
_طيب صحاب؟
_برضو لا.
_انتي عندك كام سنه.
_مش عارفه بس كتير عشان كده كبيره زي العروسه وتيته كانت بتقولي انتي بقيتي عروسه.
_طيب يا حبيبتي ادخلي اتفرجي علي اوضتك.
_حلوه اوضتك يا حور.
_اه جميله اوي والسرير حلو اوي .
_دي هتبقي اوضتك علي طول،،تقدري تنامي دلوقتي براحتك.
_ماشي تصبح علي خير يا بقدونس قصدي يا عمو.
_لا ولازمتها ايه عمو بقي ،،وانت من اهل الخير.
بصيت عليها وسرحت فيها شبه من الملايكه بطريقه غريبه رغم انها مش طفله وكبيره بس الا كان فيها براءه اطفال مش عاديه؟ ياتري حكايتك ايه يا حور .
_ايه اللي موقفك كده يا يونس ؟
_ها ! لا يا بابا عادي كنت بس بطمن انها نامت.
_متبقش تقف تاني بعد كده .
_ليه يا حج؟
_يابني عشان هي ممكن تخاف منك وممكن تفتكر انك بتبص عليها وهي نايمه ودي مش اخلاقك.
_عندك حق.
_يلا ننام يا بني والصبح نشوف حكايتها.
_حاضر يا حج يلا.
ياتري ايه حكايتك يا حور ،،طلعتيلي منين بس؟،،وانت بتفكر فيها ليه يا يونس نام وبلاش تفكير كتير يتعبك كالعاده ! ايه الصريخ ده ،،من اوضه حور
_الحقوني لا سيبوني ،،محدش يضربني سيبوني ،،الحقوني. 
_حور في ايه فوقي ،،فوقي انا جمبك متخافيش.
_هيضربني يا يونس. 
_مين ده ؟
_اخويا هيضربني .
_انتي عندك اخ؟
_ايوه.
_كان بيضربك؟
_عايزه انام. 
_طيب تصبحي علي خير.
_متمشيش،،نام جمبي عشان الكابوس يروح.
_بس يا حور مينفعش.
_انا خايفه اوي.
_امري لله ربنا يستر.
_يالهوي ،،يا حزن الحزن ،،يا سواد السواد.
فتحت عيني بعصبيه وخوف_في ايه يا ماما .
_مين دي يا واد؟
_تعالي نطلع وهفهمك. 
_تفهمني ايه بتجيب عيال الشقه ؟ اخره تربيه ابوك ليك..
_عيال ايه وشقه ايه اطلعي يا ماما هفهمك. 
_فهمني يا حبيب امك اتفضل .
_يا ماما دي طفله غلبانه كانت لوحدها امبارح في الشارع صعبت عليا جبتها هنا لحد ما اعرف ايه حكايتها.
_وانت مالك ومالها يا ابو قلب حنين.
_يعني ايه مالي ومالها؟ بقولك كانت في عز التلج ده بتنام علي الرصيف .
_ايوه احنا مالنا برضو.
_اعتبريها بنتي يا امي.
_بنتك ايه يا واد انت هو انت مصاحب حتي عشان اعتبرك متجوز وجيبلي بنتك ايه العبط ده ؟
_خلاص يا ماما انا هصحيها وهنزلها الشارع وخلي بقي كلب السكك يكلوها لو ده هيريح ضميرك يا ام يونس .
_لا ونبي هعيط ،، الدمعه هتنزل ،،صحايها تفطر واما نشوف حكايتها.
_حاضر يا فوفا يا قمر انتي .
_حور اصحي يا حور ،،حور ينهار ابيض ايه ده راحت فين!!
يتبع…..
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية عنيد غير حياتي للكاتبة لبنى عبدالعزيز

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى