رواية أحببته ولكن الفصل الاول 1 بقلم زهرة الجناين

_هو فى حد يصحى حد كده بالميه

_قومى يامحروسة اخوك مشى انتى لسا هتقعودى فى البيت قومى غورى من هنا 

_  انا مش عارفة اخويا جابك منين 

_انا أما اخوكى يجى والله لقوله مش ده المنبه بتاعك..

_لا ندى اوعى تيجى جنبه بابا جيبهولى قبل ما يموت 

_طيب اهو 

وندى رمت المنبه على الأرض اتكسر اه نسيت اعرفك بنفسى انا سارة عندى 19سنة،انا كليه فنون جميلة، انا اتولدت على 5صبيان بابا كان بيحبنى اووى علشان البنت الوحيدة فى العيلة بس اعمامى، لا كان فى اعتقادهم انى هجيب لبابا العار،بس بابا مش زايهم،كان بيحبنى اوووى وانا عندى 15سنة ماما ربنا رحمها وراحت عند ربنا بعد معاناة من مرض الكانسر وبابا فضل عايش علشانى لحد ام دخلت الكلية وانا عندى 18سنة بابا عمل حادث كلهم بيقولوا قضاء وقدر هو صحيح قضاء وقدر،بس انا عندى اعتقاد انها بفعل فاعل ،وبعدها بسنة فضلت من بيت لبيت اخواتى مش عايزنى عندهم اخويا الكبير طردنى علشان خاطر مراته وحماته وفضلت كده لحد اما اخويا الصغير حن عليا واخدنى عنده،بعدها بفترة اخويا الصغير اتجوز ندى دى كانت بتعاملنى بحنية لحد لما رفضت اخوها أنه يتجوزنى لانه مش كويس كان بيجرى ورايا من زمان واللى خلاه يتعشم اكتر لما اخويا اتجوز ندى ،نرجع تانى

_حرام عليكى ياندى انا عملت فيكى ايه 

_مش عارفة عملتى ايه انا اخويا(سامى) يترفض منك انتى  انتى صحيح خمرية وشعرك اسود وطويل وعيونك عسلى بس ده ميعطكيش الحق انك ترفضيه  انا هوريكى ايام سوده 

وسابتنى وخرجت اللى كان مصبرنى على العيشة دة حبيبى فارس هو اللى كان بيصبرنى ،

ترن ترن 

تليفونى رن لقيتها نرمين صديقتى احسن واحدة شوفتها فى حياتى بتهون عليا كتير وعمرها مازهقت منى ولا من كلامى صحيح كانت بتحب اخويا الصغير ( أسامة)بس اتصدمت لما عرفت أنه اتجوز وفضلت جانبى ماسبتنيش ولا لحظه

_انتى فين سارة 

_انا لسا فى البيت جايه اهو يانرمين 

_انتى لسا ماتحركتيش ياسارة 

_لا ياقلبى فيه موضوع هبقا احكيلك عليه 

_ماشى ياقلب اختك وخدى بالك وانتى نزلة علشان سامى  ده

_ماشى ياقلبى 

بعد ما وصلت الكلية 

_اخيرا وصلتى ياسارة 

_معليش ياقلبى انا متحمسة اشوف فارس بعد غيبة 

_ماشى ياختى يلا علشان المحاضرة استنى غيبة ايه احنا كان عندنا الجمعة والسبت إجازة.