سكريبت جواز تاني الفصل الأول 1 بقلم ميرو رورو
 |
| سكريبت جواز تاني الفصل الأول 1 بقلم ميرو رورو |
سكريبت جواز تاني الفصل الأول 1 بقلم ميرو رورو
بزعيق _ايوه يعني اروح فرح معزوم ادخل الاقي نفسي العريس ؟
ببرود = مفاجا مش كده
اتعصب اكتر _انتي جبتي البرود ده منين؟ ده منظر واحده عريسها هرب واتجوزت واحد تاني ؟
=بص يسطا..
بصلي ب استغراب _ يسطا ؟
=اه يسطا اصل بص انا مش طيقاك اه بس معرفش اتكلم غير كده عجبك ؟
_ والله نفس الشعور ي فندم
= فله اووي هي خمس ست شهور وكل واحد يروح ل حاله يلا جود لاك
دخلت اغير الفسان …مستغربين صح انا نفسي مستغربه يعني عريسي يهرب يوم فرحي واتجوز بداله ..انا وعريسي كنا مخطوبين عن حب اتخاطبنا من سنتين والمفروض يكون فرحي انهارده هرب …هرب ليه مش عارفه وجيه الباش مهندس ده اللي معرفش اسمو ادبس واتجوزني
انا م تعوتش ابين حزني قدام حد أو حتي انزل دمعه واحده لاني مش بحب كده …. وبفضل ع وضعي تافهه
بعد م جر شريط اوهام كان معيشني فيها فقت ومسحت دموعي اللي نزلت علي فاضي دي بديلت الفستان ولبست بجامه ورفعت شعري بعد م فكيت كميه البنس اللي فشعري دي ده انا افتح كوفير ب كم البنس دي والله… رفعته كحكه وخرجت لقيته قاعد و حاطط رأسه بين أيده قعت قدامه
= بص بقي مش بحب جو الكأبه اي فيها يعني الدنيا مش مستهله لكل ده وبص كده هتفضل الكام شهر دول صحاب
بصلي _ انتي بارده ولا ده طريقه افتفزاز ؟
= يعني انت اللي محروق اووي كده وانا كيس جوافه كده لا الله اعلم اللي ف قلبي هات ورقه وقلم كده واحسب معايا عدد السنين سبع سنين حب ولما اخيرا اعترفلي كنت طايره من الفرحه كأني روحي اتولدت من جديد وبعدها اتخاطبنا عيشني ف وهم سنتين ويوم فرحي هرب هرب ولقيت نفسي مكتوبه ع اسم مش عرفه لغايط دلوقتي اسمه تخيل انت كميه الوجع اللي ف قلبي
بس انا طول عمري بضحك ومعيطش قدام حد ابدا انا فاكره اني اخر مره عيط فيها قصاد حد كنت بعيط وانا بيبي
طول عمري بيقولو عليا طفله وتافهه بس محدش يعرف ورا الابتسامه وضحكه دي ايه
مسحت الدموع اللي نزلت من عيني لقيته لسه هيتكلم ف قطعته = بص بقي هنعيش الشهور دي غصب عنك أو برداك صحاب امين
ابتسم _امين
=خلصانه هروح اعمل كوبيتين نسكويك واجيلك و نقعد ف بلكونه
…
بصلي _صح انتي بقيتي مراتي وانا معرفش اسمك
مركزه ف سما=رغد اسمي رغد
بص للسما_ اسمك حلو
=وانت
_ مالك
=مفيش حاجه انا بسألك اسمك ايه ؟
_مالك
بصتله= يا ابني مفيش حاااجه انا بسألك ع اسمك
بصلي بغيظ _يا بت اسمي مالك ماااالك اسمي مالك الشافعي
= م انا عارفه من الاول بس بحب اصتعبط
_انتي هتجنني قريب
=مش قريب ولا حاجه هم خمس دقايق وهلاقيك بتنط من البلكونه
ضحك ف كملت = انت وقفت ليه ؟
_ابوكي ده مقدرش أقوله لا عوزاني اقول ل اكتر حد وقف جنبي لا
=بس ده مش سبب مقنع انك تتجوز واحده مشفتهاش ولا تعرف حتي اسمها غير من دقيقتين
اتنهد_ انا مليش حد يسأل عليا ولا يقولي حاجه بس باباكي وقف معيا لغايط م لقيت نفسي ببني اسمي اسم مالك الشافعي انتي متوقعه اني ارفض طلب ليه ازاي افكر فيها اصلا ده صاحب الفضل عليا هرفض اول طلب ليه ازاي ؟
=انا اسفه اني همرمتك معايا
_هي مكنتش مرمتك معايا
=لا انا اسفه انك هنشوف ايام فله مني وأسأل مجرب
بص للكوبايا اللي معاه_طب انا مش بحب نسكويك !!
=دوق بس
شرب بق _اممم حلو بعيد انو للاطفال
=ياض ده مش..
_ياض ؟؟
=اهدي كده اولا ده مش مكتوب ل 3 سنين علشان تقول اطفال
_نامي نامي ي رغد تصبحي ع خير
…….
2:50Am..
=يادي العاده اللي ف امي دي انا كنت ف بيتي معززه مكرمه وبنام ع سريري والله ل ادخله
اصل انا مش بعرف انام غير علي سريري هو سعيد الحظ فلازم يستحمل …والله ل اوريك ! دخلت وانا متسحبه هسرق ؟؟ تقريبا كده لقيته نايم يعيني بس معايا مش هيعرف يقفل جفن ع جفن
بصوت واطي = مالك …مالك ‘عليت صوتي شويه ‘ ماااالك مالك ‘عليت صوتي جامد’ ماااااااااااااااااااااالك
_نعم ؟
باستغراب = انت متخضتش ؟
قام واتعدل _ انا مكنتش نايم اصلا
=يعني مكنتش بتسطعبت
_تؤتؤ مكنتش نايم
=الاه …ده انت نفس مستواه الفكري الذي منعدم عندي
_قولي عاوزه ايه
بحماس =يلا ننزل
بص للساعه_دي تلاته إلا عشره ؟!
=ايوه م انا عارفه ..اصل طول عمري نفسي امشي الفجر و ناس نايمه كده
_امممم طب البسي
قمت =بجد
قام _ايوه بجد هغير هدومي
حضنته= احلا موكا ده ولا ايه ‘خرجت من حضنه’ ثانيه إلا ثانيه واكون جاهزه
وات ؟ انا حضتنه احييه طب أقوله مقتنش أقصد ولا اضربه ع دماغه ويفقد الذاكره خلصانه هقوله انت مين كأني فقت ذاكره
لبست سويت شيرت اسود وبنطلون بيجي اسود وحظظات سوده وشكل ليلت اهلي سوده بس بحب لون الاسود …. الاه مين القمر اللي فمرايا ده اكيد انا مش غرور ده ثقه ف نفس يعني مش غرور ؟ تؤ تؤ ثقه ف نفس
لقيته لابس سويت شيرت رجالي اسود و بنطلون جينز اسود و ساعه سوده وقفت قصاده
=شكل ليلت اهلنا سوده ب الاسود اللي لبسبنه ده
ضحك _ طب يلا
نزلنا روحنا البحر كان هادي زي شخصيته … وضوء القمر كان ع البحر كان شكله حلو اااقصد البحر يعني
افتكرت لما كان اللي هتجوزه ده اللي اسمه احمد مان علطول يقولي هنروح كل اسبوع ملاهي عيط محستش ب نفسي عيط اووي لقيت ايد مدفياني ايه ده …هو..هو مالك عيط اكتر
بهدوء_هششش متعيطيش محدش يستاهل
بعياط = سبع سنين …..سبع سنين بحبه وسنتين خطوبه معيشني ف وهم …سراب كل ده سراب
عدا شهر كان كل يوم اصحي وننزل الشارع يوم تمطر ويوم يبقي هوا شديد ونروح تعبانين ونشرب نسكويك ونضحك ونام ف يوم كان مالك راح الشغل وباب خبط ع ساعه حوالي 5 ف افتكرت مالك فتحت
بصدمه = أنت ؟
‘دخل’ …..: اذيك ي عروسه
يتبع ….
لقراءة الفصل الثاني : اضغط هنا
لقراءة باقي فصول الاسكريبت : اضغط هنا
نرشح لك أيضاً رواية صديقي المفضل للكاتبة مريم سمير
