رواية ولاد العم الفصل الأول 1 بقلم أسيل حسام
 |
| رواية ولاد العم الفصل الأول 1 بقلم أسيل حسام |
رواية ولاد العم الفصل الأول 1 بقلم أسيل حسام
اتجوز مين يا جدى دى هربانه منها دى وبعدين انا مش عارف والله انا دخلت اوضتها ازاى صدقني محصلش بينا حاجه
.. أنت عايزنى اشوفك خارج من اوضه البنت الساعه خمسه الفجر وشعرك متبهدل كده وزراير القميص مفتوحه وتقولي معرفش دخلت اوضتها ازاى هى دى التربيه يا استاذ زياد
ـــــــــــــــــــــــــــــــــــــــــــــــــــــــــــــــ
اعرفكم ع الشخصيات؟ … هعرفكم تعالو ????
ده زياد عنده24سنه مخلص جامعه وبيشتغل في شركة جده وابوه عيل تقيل كده في نفسه ولبسه شياكه اخر حاجه مش محتاجه اوصف ملامحه يعني اكيد انا مش هجيب لكم حاجه وحشه
العربى..دا جده ايوه هو ابو العربى ???? عشان مطولش عليكم يعني لما شخصيه تقابلني هبقي اوصفها
دى اسيل عندها٢١سنه كليه علوم دحيحه البت دي..شعرها طويل عيونها عسلى بشرتها بيضه وتافهه وبتحب الهزار بس وقت الجد جد لبسها ع الموضه عود فرنساوي على ابوه ????
ندخل ف الاحداث بقا….
ـــــــــــــــــــــــــــــــــــــــــــــــــــــــــــــــ
اسيل عندها اخ اسمه زين (حلو عشان بحب الاسم ده) هى واخوها كانو عايشين في الاسكندرية مع مامتهم بعد وفاة باباهم وهو مش عايش مع اخواته لى ومش عايش ف فله العربى ليه؟ عشان كان شغله في اسكندريه وقاعد هناك مات وهما لسه صغيرين ومامتهم مكنتش بتزور جدهم خالص هو بس اللى كان بيروح لهم كل فتره مامتهم ماتت هى كمان …
اسيل .. تعالى نروح عند جدو يا زين
زين .. مش رايح في مكان
اسيل .. احنا مش هنعرف نتأقلم هنا لوحدنا مامة ماتت وسابتنا
زين .. عايزاني اروح هناك اعمل ايه أنا معرفش حد فيهم غير جدى واهو كتر خيره كان بيجي يزورنا وبعدين انا روحت فين يعني مش هعرف اصرف عليكي مثلآ ولا ايه
اسيل .. أنا مقولتش كده بس إحنا لينا حق هناك برضو مش حرام يكون اعمامى وعيالهم واخدين كل حاجه وعايشين في جو العيله واحنا لوحدنا هنا
زين .. أنا قولت اللى عندى لو عايزة تروحي روحي وانا هبقي اجي ازورك
اسيل عارفه انها لو راحت مش هيقدر يسيبها وهايروح وراها ..أنا هروح يا زين
دخلت حضرت شنطه هدومها ونامت بدرى عشان تروح لبيت جدها اللى محدش يعرفها فيه غير جدها واعمامها …
زين .. عنده ٢٢سنه اللى يشوفه هو واسيل يقول تؤام دا قمر بقا يجماعه مش بعاكس ولا حاجه ????
ـــــــــــــــــــــــــــــــــــــــــــــــــــــــــــــــ
الاسره متجمّعة ع الفطار خلصوا وبعدين لقوا بنت داخله من باب الفيلا وجاره شنطه سفر وراها…
احمد ..(ابن عمها الصغير عنده ٢٢سنه برضو بس عيل ملزق كده وهنعرف دوره بعدين).. اوباا الحق يجدى المزه دى صاحبتك دى يا بت يا سلمى
سلمي..(اخت احمد عندها ٢٠سنه كليه فنون عسوله جدا وهاديه).. لأ مش صاحبتي
العربى .. م تحترم الفاظك يا ولد .. اتفضلي يا بنتي.. ايه ده اسيل!!
اسيل راحت عنده حضنته
احمد .. ينهار ازرق ياريتني كنت أنا سلمى خبطته في كتفه عشان يسكت
العربى .. حبيبتي يا اسيل عامله ايه وزين اخباره ايه
اسيل .. الحمدلله يا جدو كويس
العربى .. اى الزيارة الجميله دى يارب متكونش زيارة وتقعدي هنا علي طول
اسيل .. تسلم يا جدو ربنا يخليك
سلمى .. مش هتعرفنا يا جدو
احمد .. ايوه هي ازاى بتقولك يا جدو
مالك ولارا (دول تؤام بس صغيرين لسه في ابتدائي).. آه يا جدو قول لنا مين دى
العربى .. حاضر حاضر هعرفكم اهو اصبروا .. دى اسيل بنت عمكم حسام الله يرحمه
احمد .. امم وهى جايه هنا ليه بقا
سلمى .. ايوه انا مش فاهمه برضو يعني احنا عمرنا م شوفناها
اسيل حست طريقه كلامهم غريبه فكانت هتعيط
جه صوت من برا .. جايه عشان دا بيت جدها زى ماهو بيت جدكم
اسيل .. زين!! وجريت عليه حضنته.. كنت عارفه انك هتيجي خلاص تعالي نروح هما مش مستقبلينى هنا
زين بعدها عن حضنه ومسك ايدها .. مش رايحين في مكان دا بيتنا زيهم ودخل
العربى .. اهلا يا زين يا بنى عامل ايه
زين سلم عليه .. الحمدلله يا جدى
احمد .. امم وانت بقي زين اخو اسيل أهلا يابن عمي
زين بتكبر .. اهلا
العربى .. دا بيت اسيل وزين زى ماهو بيتكم بالظبط مش عايز حد هنا يكون شايل من التاني ولا يكون زعلان فاهمين
الجميع .. فاهمين
كان في حد قاعد على كرسي الصالون متابع كل ده في صمت دا زياد (مش بقول لكم تقيل ????)
العربى .. تعالى زياد سلم على ولاد عمك
قام من مكانه وحط ايده في جيبه كان لابس بنطلون اسود وقميص اسود فاتح اول زرارين ساعه انيقه وتسريحه شعر حاجه كده اخر شياكه راح ناحيتهم
مبصش لاسيل اصلا..ازيك انا زياد
اسيل..الحمدلله أنا اسيل
راح عند زين ومد ايده..ازيك يا زين اخبارك
زين سلم عليه..الحمدلله وانت
زياد..بخير
زياد..أنا رايح الشركه يا جدى ولبس نضارته ومشي بسيارته وسحرنا بأنقته????
ـــــــــــــــــــــــــــــــــــــــــــــــــــــــــــــــ
العربى .. سلمى خدي اسيل وديها اوضتها وأنت يا زين تعالي
سلمى .. اتفضلي
اسيل .. شكرا
سلمى .. أنا بس حابه اعتذر لك على الطريقه اللى كلمتك بيها تحت انا واحمد وممكن نبقي اصحاب كمان لان زى م انتى شايفه مفيش بنات غيرى انا ولارا ولارا صغيره لسه
اسيل .. مفيش حاجه عادي وممكن نبقي اصحاب يا ستى ولا يهمك تعالى ادخلى اما نلك شويه
سلمى .. ههه يلا
احمد راح كليته وهو لسه بيفكر في اسيل ..
اليوم عدي عادى جدا واتجمعوا على العشا وخلصوا جدهم نام لانه بينام بدري
وعلى وسالى طلعوا (ابو زياد وامه) ولارا ومالك طلعوا اوضتهم دول اخوات زياد وعنده اخ كمان بس مسافر
حسن وامانى طلعوا برضو (اهل سلمى وأحمد)
باقي تحت زياد وزين وسلمى واسيل واحمد
زياد .. انا خارج يا احمد .. عايز حاجه يا زين
احمد .. ماشي يسطا بالسلامه
زين .. لأ تسلم
زياد .. عايزة حاجة يا سوسو لسلمي وبص لاسيل وانتي محتاجه حاجه
سلمى .. لا ي زيزو تسلم
اسيل .. شكرا
مشي وسابهم
زين طلع الجنينه
احمد .. اى يا سلمى مش هترسمى انهارده ولا ايه
سلمى آه هرسم بس بقول طالما اسيل هنا اقعد معاها واكسل انهاردة
احمد .. طب اطلعي جيبى حاجتك واحنا هنقعد معاكي برا وانتى بترسمي
سلمى طلعت
احمد قام قعد على الكنبه بتاع اسيل .. احم .. إحنا ممكن نكون اصحاب برضو
اسيل .. أنت ابن عمي وزى اخويا اعتقد ده اكتر من صحاب
احمد .. تؤتؤ بتفرق صحاب حاجه وزى اخوكي حاجه تانيه
اسيل .. مفيش مانع عادي نبقي اصحاب يا سيدي
احمد بخبث .. احلى اصحاب
سلمى جابت حاجتها وقالت لهم هسبقكم على الجنينه ..
طلعت وهى ماسكه الاسكتش والفرش والالوان والدنياا ملغبطه خالص وماشيه مش شايفه حاجه زين كان داخل ياخد السماعه هووب خبطوا في بعض الالوان وقعت عليه كان لابس تيشرت ابيض وبنطلون رصاصي اتغرقوا الوان
سلمى وقعت كل حاجه وحطت ايدها على بوقها .. يا خراابى أنا اسفه والله اسفه
زين بهدوء .. عادي حصل خير
سلمى .. طيب جيبهم وانا هنضفهم أنا عندي مزيل للالوان
زين .. عادي والله مش مهم هغير دلوقتي
سلمى .. بس اسمع الكلام بس وجيبهم
زين استغرب من طريقه كلامها .. تمام هدخل اغير واديهم لك
اسيل .. يلهوي هههه هى سلمى عملت عليك اللوحه الفنيه دى
زين .. بس يا رخمه روحي شوفي انتي راحه فين
اسيل قعدت برا على المرجيحه واحمد طلع اوضته مقعدش معاهم وسلمي خدت من زين الهدوم عشان تنضفها
ـــــــــــــــــــــــــــــــــــــــــــــــــــــــــــــــ
اسيل فضلت سهرانه وزياد جه وهى كانت قاعده بتسمع اغاني ومندمجه
زياد بحده.. انتى قاعده برا لغايه دلوقتي لوحدك ازى مينفعش كده
اسيل مش هنا اصلا ومغمضه عينها
زياد قام شايل السمعات من ودانها .. انتى.. هو انا مش بكلمك
اسيل اتخضت .. ااااه ياماما في ايييه انت غبى يعني بتشيل السماعه ليه انت وبتزعق ليه خضيتنى
زياد .. صوتك ميعلاش عليا تاني وانا مش غبى وهعديهالك المره دي عشان مش عايز انكد عليكي بس
اسيل .. لا والله لأ يا بابا أنت متكلمنيش كده كنت مين انت؟ هقول لجدو والله
زياد.. أنا زياد العربى وحكاية هقول لجدو دى طب م تقولي فيها ايه يعني هخاف مثلا؟
اسيل .. يعني مش بتخاف طب والله هقوله انك قلت كده وانك مش خايف منه ????
زياد وهو بيحط ايده على راسها .. انتى دماغك تعبان.. هل انتي دماغك تعبان ولا انتي هبله ولا ايه!
اسيل .. شيل ايدك دى واسكت بقا عملت حوار من مفيش
زياد .. بصي انتى عصبتيني وانا مش ناقص وجع دماغ على اخر اليوم ادخلي يلا
اسيل .. مش داخله انت مش هتأمرنى يعني وكملت بحزن ولا عشان قاعده في بيتكم
زياد بهدوء.. اولا دا بيتك انتى كمان ثانيا مفيش بنت تقعد لوحدها للساعه ٢ برا البيت يلا ادخلي
اسيل مردتش عليه قام ماسك ايدها جسمها اتنفض من مكانه
بس كان في حد واقف وصوره وهو ماسك ايدها ……
يتبع….
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية غيث ومرام للكاتبة منار رضا
