رواية تخلت عن كبريائها من أجله الفصل الثامن 8 بقلم رونا

رواية تخلت عن كبريائها من أجله الجزء الثامن

رواية تخلت عن كبريائها من أجله البارت الثامن

رواية تخلت عن كبريائها من أجله الحلقة الثامنة

{في الشركه}
عند سلمي السكرتيره بيجلها ماسج علي الواتساب من رقم مكتوب فيها«لازم نتقابل عشان عايز منك خدمه في مكان….. الساعه….والا هقتلك» سلمي مش عارفه تتصرف لانها مش عايزه تعمل كده بس حست الموضوع بيكبر ومالهوش نهايه قررت تحكي كل حاجه ل شذي ودخلت المكتب
سلمي بتوتر: شذي هانم
شذي: ايوه ياسلمي مالك متوتره كده ليه
سلمي: عايزاكي في موضوع مهم بس من غير ماتزعلي مني وتقدري موقفي وتساعديني ابقي في امان
شذي:انا مش فهمه حاجه بس ماشي ياسلمي اطمني
سلمي: بتحكي(فلاش باك بعد وفاه والدك بسنه وانا خارجه من الشركه اتخطفت واللي كان خاطفني طلب مني اعرف كل اخبارك انتي وشيري ونيره وانقلهاله والا هيقتلني انا واختي ويقهر امي علينا خفت علي امي واختي مش علي نفسي واحنا مالناش غير بعض ولا لينا حد يقف معانا اضطريت اوافق وقلت فتره والموضوع هيخلص لكن محصلش وكل شويه طلباته بتزيد نهايه الفلاش باك) لحد اخر حاجه دلوقتي وانا تعبت من كل اللي بيحصل ده
شذي بشك انهم المافيا بس مش عايزه تقول عشان متخوفش سلمي
شذي بتفهم: انا مقدره موقفك كفايه ان جيتي وعرفتيني انا هحميكي ممكن تديني الرقم اللي بيكلمك منو
سلمي: بس ده رقم برايفت
شذي: بتتاكد انهم المافيا وبتقلق لكن كالعاده شذي مبتينش تمام قوليله انك موافقه وانا هقلك تعملي اي
وبتكلم اللواء جمال وتحكيله اللي حصل واللواء جمال بيطلب منها تعرف سلمي انهم مافيا وتنضم معاهم
شذي بتعمل كده وبتضغط علي الزر وتيجي سلمي
وشذي بتحكيلها اللي حصل سلمي بتقلق لكن ماقدامهاش حل تاني وبتوافق انها تساعدهم
في الوقت ده بتوصل شيري الشركه تحديدا مكتب شذي متلاقيش سلمي بتستغرب وبتدخل المكتب علطول بتلاقي شذي وسلمي
شيري: هاي
شذي: اي ده شيري فالشركه انا مش مصدقه نفسي
شيري: لا صدقي
سلمي: عن اذنكو عندي شغل
شذي وشيري: اتفضلي
شذي: خير يا شيري
شيري: خير كل الموضوع ان عايزه اغير ديكور الاتيليه ومينفعش يبقي عندي اكبر شركه تصميم ديكور واروح اعمل بره
شذي: عندك حق انا هخلي سلمي تبعت للمهندس تامر اشطر مهندس هنا عشان يضبطلك الشغل
شيري: اوك
شذي بتكلم سلمي وتبعت ل تامر ويجي ويدخل
شذي: اتفضل اقعد يا تامر
تامر: تحت امرك يافندم
شذي: بتعرفهم ببعض ده يا شيري المهندس تامر زي ما قلتلك من اشطر المهندسين فالشركه ودي تبقي شيري هانم الجارحي اختي يا بشمهندش وطالبه تجديد لديكور الاتيليه بتاعها
تامر: بينصدم من جمال شيري لكن بيمسك نفسه وبيرحب بشيري اهلا شيري هانم نورتي الشركه
شيري: ميرسي بس انا مبحبش الالقاب تقدر تقول شيري عادي
تامر: اللي يريحك يا شيري تحبي نبدا شغل امتا
شيري: من دلوقتي لو ينفع ده بعد اذن شذي طبعا
شذي: مفيش مشكله تقدروا تتفضلو
تامر: بس لازم اروح الاتيليه الاول عشان اشوف المساحه عشان اقدر اعمل تصميم مناسب
شيري: مفيش مشكله يلا بينا
تامر: يلا
ـــــــــــــــــــــــــــــــــ|بقلمي رونا|ـــــــــــــــــــــــــــــــ
عند نيره قاعده في كافيه مع لينا
لينا: انتي ليه مش قاعده مع بنات عمك في الفيلا بدل القاعده لوحدك
نيره: حكم القوي بقا
لينا: ازاي
نيره:(فلاش باك من 8 سنين بعد وفاه بابا صفوت المحامي عرفنا ان كان كتب وصيته «في سر انا فضلت مخبياه عليكو انا و ومامتكو الله يرحمها انتي نيره مش بنتي ايوه ياعمار نيره مش اختك بعد جوازنا انا وامك اكتشفنا ان عندها مشكله في الحمل وده اثر علي نفسيتها جدا مع ان مكنش عندي مشكله وقلتها نصبر وكل حاجه هتيجي في وقتها لكن مكنتش قادره تتحمل فقررنا نتبني طفله اللي هي انتي يا نيره وكنتي وش السعد علينا وبعد دخولك حياتنا بسنه المشكله اللي كانت عندها اتحلت وجابت عمار لكن رغم اننا خلفنا عمر ما حبنا ليكي اقل يانيره ومرضناش نقول عشان متتعبيش يانيره بس لما تعبت وحسيت ان الموت قرب مني حسيت انكو لازم تعرفو متظلمش نيره ياعمار هي ملهاش ذنب في حاجه» وبعديها عمار نفذ الوصيه ولما عرف ان مش اخته قال ان مينفعش يقعد معايا في فيلا واحده بس هنفضل اصحاب واخوات ووقت ما حد فينا يحتاج التاني هيلاقيه جمبه وكان حابب يسافر يمسك فرع الشركه بتاع دبي فسافر وكنت عايزه اروح اقعد مع شذي وشيري وساعتها كان لسه والد ووالده شذي عايشين وكانو مرحبين بالموضوع بس في الوقت ده شيري كانت بتحب عمار من طرف واحد ولما عرفت ان مش اخته اتغيرت معايا وبقت تغير مني ومعتقده ان بحبه وهاخده ليا بس ده مش صح وكانت بتجرحني بالكلام ان ماليش اهل فمرضتش اقعد معاهم وبقيت اقعد لوحدي نهايه الفلاش باك)
لينا: بس اللي شفته من معامله شيري يوم الاتيليه يقول غير كده
نيره: عشان بعد كده هي صارحت عمار بحبها وهو قالها ان مش حاسس ناحيتها بحاجه وان انا اخته حتي لو الحقيقه غير كده بس الواقع اننا اتربينا علي اننا اخوات فاحنا اخوات فبقت كويسه معايا وطلبت مني ان لو عايزه اعيش معاهم اروح بس انا مرتاحه كده اكتر
ـــــــــــــــــــــــــــــــــ|بقلمي رونا|ـــــــــــــــــــــــــــــــ
عند شذي بتروح البيت ويجليها رساله من حمزه بس متعرفش انه حمزه اللي شغال عندها فالشركه وقايلها ان اسمه زيزو
حمزه:عجبك الورد
شذي: عجبني بس ياريت متبعتش حاجه علي الشركه تاني عشان شكلي قدام الموظفين
حمزه: مع ان مش شايف ان فيها مشكله لانك بنادمه ودي حياتك الشخصيه بس ماشي مش هبعت علي الشركه تاني عشان تبقي مرتاحه
شذي: انت مش هتقلي شفتني فين عشان تعجب بيا
حمزه: مش مهم شفتك فين المهم ان من ساعه ما شفتك وانا بفكر فيكي علطول
شذي: طب مش عايز تشوفني تاني
حمزه: عايز طبعا وهيحصل بس في الوقت المناسب بقلك ماتبعتيلي عنوانك عشان ابعتلك الورد عليه
شذي: ماشي وبتبعتله العنوان
في الاتيليه بتوصل شيري وتامر وبتقوله هي عايزه تجدد ايه وبعد كلام كتير خلصو وهما ماشيين
تامر: ممكن نقعد نتكلم شويه في اي مكان
شيري: نتكلم في اي احنا مفيش بينا حاجه غير الشغل وخلصنا كلام
تامر: واي المشكله لو بقي في حاجه بينا غير الشغل صحاب مثلا
شيري: موافقه في كافيه قريب من هنا حلو اوي يلا نروح
تامر: يلا
عند شذي بيجلها مكالمه من رقم برايفت بتعرف انهم المافيا
المتصل: عرفتي عمار ان يبقي معانا
شذي: عرفته ووافق
المتصل:تمام المطلوب توصلينا ليه
شذي: ازاي يعني وبعدين انت عايز تفهمني انكو مش عارفين توصلو لعمار
المتصل: عارفين نوصله طبعا بس الاحسن انك تسافري دبي عشان تبقي موجوده واحنا بنتفق معاه علي الخطه وبعدين ترجعي مصر
شذي: واسافر ليه وانا مش هبقي في الخطه دي
المتصل: اسالتك كترت اوي اهدي شويه بس عموما هتبقي جزء من الخطه
شذي: بس ده مكنش اتفاقك معايا احنا اتفقنا ان اخلي عمار يبقي معانا
المتصل: وحصل وعمار بقي معانا وانتي كده كده معانا من الاول اصلا ومش معني ان مقلتش ليكي انك مش فالخطه تبقي كده فعلا المهم تحجزي طياره ل دبي يوم….وتنزلي في فندق…. وتخلي عمار يبقي في معاكي فنفس الفندق والباقي هتعرفيه لما تسافري سلام وبيقفل من غير ما يستني الرد
ياتري حمزه هيقدر يعرف اللي عاوزه من شذي؟وياتري شذي هتفتح قلبها ولا هتسيطر عليه؟
يا تري تامر عرض علي شيري الصحوبيه لغرض معين ولا اعجب بيها بجد؟ وياتري شيري هتقدر تفتح قلبها لحد ولا هتخاف ان يتكرر اللي حصل مع عمار مره تانيه؟
ياتري اي اللي هيحصل مع شذي والمافيا تاني؟