رواية علمني الحياة وأخذ روحي الحلقة الأولى 1 بقلم منة أشرف
 |
| رواية علمني الحياة وأخذ روحي الحلقة الأولى 1 بقلم منة أشرف |
رواية علمني الحياة وأخذ روحي الحلقة الأولى 1 بقلم منة أشرف
=سييييب ايدي يابتاع انت
-………
=انت ازاي تسمح لنفسك انك تشدني قدام زمايلي بالطريقه دي انت مجنون
-………
وقف في نص الطريق : مسمعش صوتك وامشي قدامي وكلامنا في البيت
حسيت بخوف عيونه فيها عصبيه انا عرفاها انا بطبيعتي مش بخاف من حد الا هو
-كنتي بتهببي اي في الكافيه وبتضحكي بالاسلوب المستفز دا ليه انتي نسيتي انتي مين ومرات مين
=اتكلمت وانا بحاول مبينش خوفي منو :انت اللي نسيت اني عمري مااعتبرتك جوزي ودخولك حياتي كان غلط اصلا ياشيخ انا معرفش انت مين ومش عاوز تسبني في حالي ليه ياسيدي لو علي الفلوس خدها وسيبني براحتي
عروقه برزت وبيضغط جامد علي ايدو كان علي وشك يديني قلم مشوفش من بعدو بس فجأه خبط ايدو في الحيطه حسيت ان البيت اهتز من قوه بس ايدو غرقت في دمها خوفت حاولت امسكها اشوف مالها زقني جبت شاش وعلبه اسعافات حاولت اضمد جروحه بعد مقاومه منو بس في الاخر استسلم اتنهدت ومشيت
روحت الاوضه المكان الوحيده اللي بطلع فيه دموعي مكنتش عاوزاه مبحبهوش انا اصلا معرفهوش في يوم وليله لقيت بابا داخل اوضتي
فلاش باك
+غفران حبيبتي
=اي ياعيون وعد محتاج حاجه
+كنت عاوز اقولك حاجه متردد اقولهالك من فتره
=قول ياقلبي
+ابن عمك جاي من السفر انا عارف انك مصدومه بس هو خلص دراسته وناوي يرجع انتي متعرفهوش لانو من يوم مااتولد وهو عايش برا ومجاش فرصه تشوفيه
=ومالو يابابا بس اشمعنا راجع دلوقتي
+هو قالي انو جاي بعد كام شهر وهتعرفي كل حاجه لما ييجي
=اوكي يابابي
بعدها باسبوع
+غفران اياكي تزعلي مني مهما حصل انا مش عاوز غير سعادتك
=يابابي هو انا عندي اغلي منك ياروحي دا انت اللي ليا في الدنيا مستحيل ازعل منك اصلا
بعد اسبوعين جالي تليفون بابا مات سندي وونسي في الدنيا سابني احنا اتفقنا انو يفضل معايا علطول ليه بعد عني مكنتش قادره استوعب صدمتي دموعي متجمده في عنيا انا بقيت لوحدي مليش حد في الدنيا غيرو هعيش ازاي من بعدو
بااك مسحت دموعي بسرعه قبل ماالاقيه دخل الاوضه
=نعم عاوز مني اي
-كنت عاوز اشكرك
=تمام بيتهيالي خلاص اخرج برا بقا
-براحتك بس عقوبتك هتعرفيها علي اللي عملتيه ولو اتكررت هتزعلي جامد
مشي وسمعتو رزع بابا الفيلا الباب هيقع ياعم براحه اتنهدت وخرجت
روحت المطبخ افتح التلاجه
=وييييييت فين الاكل!!!!!!!!!
مش مشكله هطلب اونلاين : اما اشوف الكريتيد كارت الاول
=لا ثواني فين الفلووووووووووس!!!!!! لاماهو لكيد دا مش عقابي الجديد
قعدت علي الكنبه مستنياه يشرف
اول مادخل لقيت في ايدو شنط كتيره دا جايبلي طماطم وبتنجان وكوسه وملوخيه لا ثواني دا في فراخ كمان
-بتبصي كدا ليه يلا عشان تعشينا
=ام محمد انتي فين
-ادتها اجازه تلت شهور
=نعم اكيد انت بتهزر انا عمري ماسلقت بيضه هطبخ اللي هو ازاي
-اتعلمي ياشاطره وانا كراجل مصري احب اكل من ايد مراتي
نفخت وقولت :شكرا مش عاوزه اطفح اعمل لنفسك
-براحتك برضو بس لو معملتيش مفيش اكل ليكي
*اه ماهو اكيد عارف اني ماكلتش من امبارح *
طب ممكن تساعدني انا هبوظ الدنيا
-ضحك وياريته ماضحك بجد :انا اللي هوريكي تعملي ازاي انهارده ومن بكرا تيجيبي من اليوتيوب بقا
لو عليا عاوزه اهرب ياجماعه بس انا ام صورم والاكل نقطه ضعفي
كنت بتفرج عليه اكتر ماكنت بساعده جنتل في نفسو اوي ازاي حد يكون في الحمال دا والرخامه دي
اتكلمت :انت وقفتلي الكريتيد كارت ليه
-هتاخدي مصروفك مني بعد كدا
=علفكره انا ليا في الشركات زي ما ليك بالظبط
-خلاص انزلي وامسكي منصب في الاداره وشغليها مش تاخدي علي الجاهز
=مبحبش الشغل
-مفيش نادي ومفيش كريتيد كارت
خبطت بايدي جامد وقبل مايتعصب جريت علي الاوضه
*انا مكلتش انا مني لله*
بحاول ابص من الباب من غير ماياخد باله بس علي مين بصلي وابتسم يابني بقا مش معقول تقفشني دايما بيقرب دا جاي عليا لا متقفشتش لا قفلت الباب بسرعه خليك جدع بقا وصالحني عشان اكل
-هتطفحي ولا هتفضلي جوا تموتي من الجوع
=ماهو انت اصلا لو ماكلتنيش هيقولوا عليك زوج حرم زوجته من الطعام حتي الموت يرضيك
-لا ميرضنيش
=طب وسعلي كدا عشان اكل
انا عارفه اني معدومه الكرامه بس كلو يهون عشان عيونه القمر احم قصدي الاكل المبهج دا
=ممكن اسالك سؤال
-اتفضلي
=ليه وافقت تتجوزني ليه ؟
-……….
بحاول اكدب عقلي متجوزنيش عشان الفلوس اكيد
=عشان الفلوس ؟قولتها وانا جوايا مليون حاجه بتترجاه انو يقول لا بحبك
-هتصدقيني لو قولتلك لا
=فرحت معرفش ليه : طب ليه
– افهمي ان لكل حاجه وقتها
اتنهدت انا عارفه انو مش هيجاوبني نفسي افهم حصل اي ازاي حياتي اتشقلبت كدا هو مين انا مين هو الوحيد اللي يقدر يفهمني خايفه اقع في حبو وهو مينفعش يكون ليا
رجعت افتكر اول مره شوفتو بعد موت بابا بشهوين واللي كانت شركات علي وشك الانهيار لاني مكنتش عارفه افوق من صدمتي وفي نفس الوقت مش بشيل مسؤليه
فلاش بااك
-ازيك
=افندم انت مين
-ابن عمك ادهم و………
=قاطعته ‘تمام عمك اتوفي وبيتهيالي ترجع ماكان ماكنت
-انا جوزك
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
نرشح لك أيضاً رواية لن ينتهي حبنا للكاتبة آية هاني.
