رواية ملاك العمر الفصل الأول 1 بقلم سما محمد
 |
| رواية ملاك العمر الفصل الأول 1 بقلم سما محمد |
رواية ملاك العمر الفصل الأول 1 بقلم سما محمد
وسع كدة
_اية في اية
:مش معني اننا متخانقين انك مش تحضنني انت فاهم ياسي عمر
خدها في حضنه وهو بيضحك كملت وقالت: متخانقين ولا مش متخانقين مكاني هنا ماشي
_حاضر يا ملاكي ده مكانك دايما
:ايوة كدة شاطر
رجعت للوقت الحاضر ومسحت دموعها وقالت: قولتلي ده مكانك دايما وبعدين سبتني لوحدي ومبقاش ليا مكان ألجئ ليه
“عيونك خائنة لم تكتفي بي وقلبك قد كذب ولم تحببني راهنتني على اللعب وها أنا قد خسرت”
لية دايما كل حاجة بنتعلق وبنتمسك بيها بتفلتنا منها وكأننا بنمسك خيوط رقيقه جدا وانت وحظك هتتقطع امتي بس في كل الحالات خلينا واثقين أنها هتتقطع
ملاك ،ملاك
ملاك:نعم يا وليد في اية
وليد:بكلمك يابنتي من الصبح وانتي مش معايا خالص
ملاك: معلش كنت سرحانه شوية
وليد:بتفكري فيه؟
ملاك:بعد اذنك ياوليد انا ماشيه
“مقدرتش اني أواجه الحقيقة المُرة واني فعلا كنت بفكر فيه لدرجه ما بقي داء بيجري في عروقي
مكنتش مستعدة للحظه أنه يبعد عني فيها بس دلوقتي بقينا بعاد جدا ولو هنتلاقي بقلوبنا ف حتي قلوبنا كرهت اللقا”
مشيت وانا طاقتي تحت الصفر بحس أن كل الدنيا حواليا عبارة عن غش في غش مبقاش في ادني ثقة بحطها في أي مخلوق ويراودني قول”مبقاش عندي ثقه قي حد من اللي أنا شوفته في حياتي”
الراجل مكدبش فعلا في كلامه لأن علاقة واحدة مبنية علي الغش قادرة أنها تهدم ثقتك في الناس كلها وأنك تبقي خايف من دخول شخص جديد فيها
لأن كل واحد منهم دخل حياتك سحب النور منك وخرج بدل ما ينور عتمتك زادها عتمه
انا وعمر كنا بنحب بعض جدا في فترة الجامعة حب كدة من غير توضيح “بالأصح كل واحد بيحب التاني في قلبه ومش راضي يصارح التاني”
لحد ما في مرة عمر قالي
:ملاك انا بحبك امتي وازاي معرفش بس انا بحبك اوي وعاوز اكمل حياتي معاكي تقبلي تتجوزيني
كنت في قمه توتري حلم حياتي بيتحقق قدامي هبقي مراته بجد!
قولتله:مش ينفع كدة كلامك مع بابا
_طب انتي موافقة ولا لا طيب
:لما تتقدملي هتعرف رأيي
سيبته وروحت البيت وانا طايرة وعماله اتنطط وقولت لماما كعادتي مقدرش اخبي عنها حاجه
خصوصا اني كنت قايلالها أن في واحد انا مشدوده لية وكان ردها عليا”مش عيب أنك تحبي ولا حرام بس الحرام أن مشاعرك تنجرف اكتر لأن ده غلط غضي بصرك عنه لأن الموضوع هيتطور اكتر ولو هو فعلا نصيبك هيجيلك “
دخلت لماما المطبخ وانا بغني:الليله ليلة هنا وسرور وكوبايات بصواني بتدور????
فجأة لقيت فردة شبشب :اية يا بت انتي هتخليني أحرق الاكل
ملاك:ياماما فرحانه اوي لا لا طايرة من الفرح هيييح ده اللي حلمت بيه ياااه
_جرا اية يابت ما تتلمي في اية
: اهدي يا ست الحبايب مش كدة
_حصل اية خلاكي سعيدة كدة
:فاكرة عمر اللي كلمتك عنه؟
_اه ماله
:قالي أنه بيحبني وعاوز يتجوزني وخد رقم بابا ،وهيتقدملي
_لولولولولولولي ربنا يفرحك يابنتي وتشوفي الهنا في حياتك يارب
دخلت اوضتي ونمت ودي كانت اسعد ليلة تمر في حياتي وفضلت احلم بحياتنا وولادنا وتخيلات كتير جدا عيشت فيها
وللاسف كنت ببني في وهم
السلام عليكم
عليكم السلام ادخلي غيري هدومك عقبال ما احضر الاكل
دخلت اوضتي وانا كل الحزن جوايا زي ما يكون جزء مني وانفصل
لقيت بابا بيخبط علي الباب
:اتفضل يا بابا
دخل وقعد جمبي وقالي أعظم كلام سمعته في حياتي
“بصي يا ملاك ربنا دايماً بيحط الأقدار المناسبة لينا واللي تتماشي مع طبيعة كل واحد مننا طبعاً هتقوليلي لو هو مش قدري ليه دخل حياتي ولية خرج منها بالقسوة دي هقولك أن ده كان درس من دروس الحياة شخص ومر من حياتك وزي ما جرحك علمك درس اكبر من الجرح ده
انا لما ربيتك وكبرتك يابنتي كنت واثق انك هتقعي في الدوامة دي وهي دوامه التعلق
كنتي من صغرك كدة لما اي لعبة تشوفيها تتعلقي بيها ولما نبعدها عنك كنت تعيطي ليل نهار عشانها
انا جاي اقولك عشان مش تتعبي في حياتك اللي جاية اللي انتي نهيتيها واعتبرتي أنها خلاص انتهت بخروج شخص منها
تخيلي نهيتي حياتك عشان واحد ما بين أن في كتير فيها لسة وبيحبوكي
وحابب اقولك اياكي تخلي الدنيا تكسرك مهما حصل واياكي تيأسي لأن لسة في مراحل تانية قدام”
كلام بابا كان بالظبط زي علاج لكل اللي بعاني منه حضنته بقوة وقولت”عندك حق يا بابا انا مستحيل انهي حياتي عشان واحد وانا معايا اجمل اب وعيلة في الدنيا”
_ايوة كدة مش بنتي اللي تضعف بالسهولة دي
وبعدين قالي بضحك:ويلا يابت علي الغدا عشان بطني بتصوصو
عدي اليوم ده وكنت حاسة براحة كبيرة هو اه مش اتحسنت تماماً بس بقيت احسن بكتير من اول واهم قاعدة هحطها في حياتي”اياكي تستسلمي مهما كان مهما كان ياملاك”
بدأت انزل شغلي تاني اللي كنت بروح يوم اه وعشره لا
قابلني وليد وهو مبتسم :يااه اخيرا ست ملاك قررت تشوفنا
قولتله: متقلقش يا سيدي هنزل علي طول من النهارده مش في تأجيل شغل
_اوبا لا كدة ملاك بتضحي معانا يا جماعه
ردت امل:ده احسن خبر سمعته لحد دلوقتي
سارة:انا بقول نعمل حفلة كدة عشان رجوع ملوكه لينا ولا اية
رديت عليهم:وانا موافقة
انا وسارة وامل و وليد شركاء في الشغل فاتحين مرسم يعتبر من اشهر المراسم في المحافظة كلها بدأنا برأس مال صغير لأننا كنا في الجامعة لسة ومع الوقت ربنا كرمنا
روحنا كلنا جبنا زينة وتورته و ورد وبلالين وزينا المكان وبقي جميل جدا لدرجة أنهم قرروا يعملوا تخفيض علي معظم اللوحات بمناسبة رجوعي
كنا كلنا فرحانين جدا ومهيصين
فجأة دخل واحد وقال: عوداً مجيداً
_انت اية اللي جابك هنا!!؟
يُتبع….
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية ملاك أوقع شيطان للكاتبة ريم محمد
