رواية عوض من الله الحلقة الأولى 1 بقلم ندى حافظ

 رواية عوض من الله الحلقة الأولى 1 بقلم ندى حافظ 

رواية عوض من الله الحلقة الأولى 1 بقلم ندى حافظ

رواية عوض من الله الحلقة الأولى 1 بقلم ندى حافظ 

_ خليك النهارده 

_ مينفعش يا حبيبتى ده شغل 

_ ااا..

_ خلى بالك من نفسك ومن ابننا يقلبى

_ ترجعلى بالسلامه 

من ساعت اليوم ده و انا حياتى اتغيرت من خمس شهور قاسم راح و مرجعش ، كنت يومها خايفه و قلبى مقبوض و اكن كنت حاسه انه مش راجع وان روحى راحت معه ، خمس شهور أعده فى شقتنا بشوفه فى كل مكان بشوف هزاره بشوف لما كان بيلعب رياضه بشوفه وهو واقف فى المطبخ بيساعدنى واحشتنى اوى يا قاسم …

_ يا بابا قولتلك مش هسيب بيت جوزى ابدا 

_ مينفعش تفضلى لوحدك كده يابنتى 

_ انا مبسوطه كده 

_ لا مش مبسوطه يابنتى انا خايف عليكى كده 

حمايا و بابا و اميره و حماتى و اخت جوزى كلهم بيجو علشان يقنوعنى اسيب بيتى و بيت جوزى ، لكن مش هقدر ، 

_ يا ندى ارجوكى تعالى عيشى معه عمو أو مع باباكى بس بلاش تبقى لوحدك كده 

_ اميره قفلى على الموضوع ده 

_ اقفل ازاى بس يا ندى 

_ ده بيتنا يا اميره اللى اختارته انا وهو ده ديكور بتاعه زوقه فى الألوان فى مكان المكتبه ده ابو ابنى يا اميره و حبيبى مقدرش أرمى كل ده علشان انتو خايفين عليا 

_ طب عبدالرحمن ذنبه ايه يعيش وحيد كده ردى 

عبدالرحمن عندو 10 شهور رغم سنه ده الا انه فقد ابوه قاسم كان نفسه يشوف عبدالرحمن لما يكبر و يبقى راجل لكن ربنا كان ليه رايى تانى ، عبدالرحمن يتيم من وهو 5 شهور …

_ انتو بتقولو ايه ؟؟!

_ مينفعش الولد يوعى على الدنيا يتيم كده ، علشان كده مفيش احسن من عمو احمد يبقى أبوه

_ اميره قولى حاجه حماتك عايزه جوزك يتجوزنى رد انت يا حمايا ردى ضحى انتى طيب بابا عايزانى اتجوز تانى بعد قاسم انتو عارفين انتو بتقولو ايه

مش قادره افهم ازاى يطلبو منى اتجوز اخو جوزى ازاى اميره جايه تطلب منى اتجوز جوزها ازاى …

_ بابا كان بيحبك اوى يا عبدالرحمن ، كان بيستحمل تقلب مزاجى وانا حامل فيك و اول ما اتولدت فضل شيلك ومش عايز يسيبك بابا بيحبك اوى ، تعرف أن مفيش بابا بابا كان عظيم اوى 

وجع قلبى على قاسم بيموتنى حاسه ان روحى راحت معه ، افتكر لو مكنش فيه عبدالرحمن كنت هروح ورا …

_ اميره احمد اهلا اتفضلو 

دخلو اميره اعدت و احمد أعد و اخد عبدالرحمن من على الكنبه و شالو و اعد يلعب معه

_ بصى يا ندى انتى عارفه أن مفيش واحده تحب أن جوزها يتجوز عليها ، لكن انا بجد نفسى تقبلى و تتجوزى احمد ، عايزه عبدالرحمن و اللى فى بطنى يعيشه مع بعض ، ندى اقبلى علشان عبدالرحمن و علشانى اقبلى بليز 

_ انتى عارفه أن انتى كنتى اخت ليا يا ندى و مرات اخويا ، وانا بعمل كده علشان ابن اخويا مش اكتر 

حاسه انى تايهه مش عارفه اقرر ، انا مش حابه اكون على اسم غير اسم قاسم و فى نفس الوقت مش عايزه ابنى يبقى يتيم ، اليتم احساس وحش اوى ….

_ أمضى يلا يا ندى..

_ حاضر 

وافقت ، وافقت علشان ابنى أو علشان الزن ، يكن حاسه انى خونت حبى لقاسم …

_ معلش لكن هتاعدى عندى فى شقتى انا و اميره لحد ما الشقه تجهز 

_ انا هاعد فى شقتى 

_ مينفعش

_ ليه يا ضحى 

_ لازم تاعدى فى شقه اخويا احمد إنما شقه اخويا قاسم الله يرحمه هتبقى لـ عبدالرحمن وقت ما يحب بروحه يروحها 

_ انتى بتكلمنى كده ليه يا ضحى 

_ مش قاصدها حاجه يا ندى 

ضحى اخت جوزى مبتحبنيش رغم انى معملتش ليها حاجه …

صحيت الفجر على صوت صويت اميره ، شكلها بتولد ، لبست و اخدت عبدالرحمن و جريت ورا احمد و اميره ، روحنا المستشفى كلو جه ، احمد واقف قلقان اوى ، عبدالرحمن نايم الحمدالله …

_ فى اى يا دكتور خير

_ البقاء لله المدام ماتت وهى بتولد لكن البنت كويسه 

الخبر مكانش سهل خالص ، اميره كانت كويسه معه الكل فـ الكل زعل عليها بجد احمد أعد على الأرض من شده الخبر عليه مش هين أن واحد يخسر اخوه اللى كان الصاحب و الاخ وبعدين يخسر الحبيبه و الزوجه ، و البنت اللى بقت يتيمه من اول ثانيه ليها فى الدنيا …

_ بصى يا بنتى انتى من نهارده مبقتيش ام عبدالرحمن بس بقيتى ام البنت اللى لسه مولوده دى 

بابا جه صحانى جه يزيد عليا الحمل ، بقيت مسئوله عن اتنين ..

_ وأحمد بقى جوزك ومن واجبك أن يكون فى اهتمامتك بعد ما فقد مراته 

انا بقيت مسئوله عن تلاته !! … 

_ احمد ..

_ نعم يا ندى

_ مش هتاكل ؟

_ لا شكرا 

_ يااحمد انت بقالك يومين مش بتاكل 

_ مليش نفس 

_ تعالى على نفسك علشانهم 

بصلى بعدم فهم 

_ عبدالرحمن و فريده 

انا عارفه إحساسه ، احساس صعب انك تفقد شخص كان كل حاجه ليك ، قاسم كان حنين زيى امى اللى ماتت وهى بتولدنى زيى فريده بالظبط و كان ليا الاخ اللى معنديش منه و كان بيحبنى حب ابويا ، قاسم كان ليا حياه كان ليا العالم كلو ، و اميره كانت كل حاجه لى احمد ..

_ يعنى اسيبك فى الصاله اجاى القيك فى الأوضه ايه 13 شهر اللى مجنن امى ده ، اوبس سنه خلاص متزعلش كده الله ، وبعدين مالك ياعم اى الحركات دى كل شويه تجى تتفرج على فريده كده مش أخلاق اخوات دى يااخى 

_ ..

_ متردتش مردتش ماهى دى التربيه برده 

الواحد وهو بيحاول يتجاوز حزنه  بيبقى اهبل ، اكلم عيال مبتعرفش تتكلم و استنى الرد منها ، علشان بس مفكرش فى غياب قاسم عنى أو مفكرش فى حزن احمد على اميره …

_ ندى! ، انتى لسه صاحيه ؟

_ اه ، جيت متاخر ليه ؟

_ كنت عند واحد صحبى 

_ اممم ، احضرلك العشا 

_ لا مش عاوز اتعبك

_ لا اتعبنى ياعم ، هروح احضرلك العشا 

حضرت العشا و بعدين عملتله كوبايه شاى ، و فتحت التلفزيون …

_ لو عايزه تدخلى اوضتك عادى 

_ لى كده 

_ مش قصدى حاجه اقصد لو مش حبه تاعدى 

_ لا حبه 

_ تعرفى قاسم و اميره واحشوانى اوى 

_ وانا كمان ، هما الاتنين مكنش فى طبيتهم ، قاسم كان كل حاجه ليا و اميره كانت الاخت و الصاحبه 

_ كانت بتحبنى جدا ، كانت ممكن تضحى بحياتها علشانى انا ..

_ و قاسم كذلك 

_ حاسس انى المفروض كنت اروح بعدها مش اعيش و اكل و اشرب كده عادى 

_ انت بتقول اى ؟؟ ، ده الطبيعى ربنا بياخد مننا ناس اه بنحبهم اه و بنتمنى نشوفهم دقيقه واحده حتى اه بس لازم نعيش و نكمل لان دى حياتنا و لازم نكلمها علشان اهلنا أو علشان اولادنا ، يعنى انا نفسى أفضل عايشه لحد ما عبدالرحمن و فريده يكبرو و اطمن عليهم كمان 

احمد غير قاسم خالص شخصيته مش زيى شخصيه قاسم ، لكن الاتنين طيبين و يتحبو …

_ بـ مـ هاهاعااههه 

_ مفهمش منك حاجه والله ياابنى وبعدين خليك زيى فريده بص حضنه ايدى و نايمه ازاى مش زيى سياتك ازعاج باشا 

_ هههههعاههعاا

_ نينينينينى طالع اهبل لامك 

_ هههههعاهه

_ سيبها نايمه يالا سيبها بقولك 

_ ععاااااااا 

_ خلاص يا فريده 

_ هههههه

_عااااااا

_ بس بقا منك ليها ، متعضش يا عبدالرحمن همد ايدى عليك ، متعيطيش بقا 

كار المومومه ده مش كارى والله واحد بعض و التانيه تعيط ، اى ده انا بعيط ليه ؟؟

_ ندى مالك فى اى فين عبدالرحمن و فريده 

_ نايمين 

_ طب فى حد تعبان فيهم 

_ لا 

_ انت عمو فى حاجه 

_ لا 

_ فى حاجه واجعاكى 

_ لا 

_ طب بتعيطى لى 

_ مش عارفه ابقى ام ، انا واحده تافهه اصلا ، انا 25 سنه اه بس هبله والله مش هنفع ابقى ام …

_ متعيطيش 

_ مش هعرف اخلص قبل ما الدموع كلها تنزل 

_ فى اى بقا فاجأه كده عرفتى انك مينفعش تكونى ام

_ مش قادره افهم و بالذات عبدالرحمن كل ما انيم فريده يصحيها و هى تعيط و هو يضحك و يعضنى ، و عضته يتوجع اوى يااحمد

ضحك _ معلش ياسيدى استحملى 

_ انا خايفه اتعصب أمد ايدى على عبدالرحمن يحصله حاجه 

_ نعم ؟!

_ والله خايفه اوى 

انا عصبيه اصلا ، فإنه يعضنى و يصحى البت تعيط و هو يضحك و يعضنى اى ده هو فاكرنى اى ده ، ده انا ممكن اموته هو و هى و احمد و ناهد ….

_ قول ورايا ماما 

_ …

_ متبصليش كده و قول ورايا مــَ مــَ 

_ مـَم

_ مم اى بقولك ماما 

_ ما ما 

_ لولولولى اخيرا التلات ساعات جابت نتيجه قول تانى ماما  

_ ما ما 

_ هات بوسه يالا 

يومى بقى عباره عن تغير و تعليم كلام و غسيل و اكل و ترويق و حاجه اخر بهدله ، لكن ده بيخلنى مفكرش فى واجعى كتير و ده شئ محبب ليا جدا ..

_ ما ما 

_ ازحف ازحف و وسخ هدومك مخلفه معفن انا 

_ ما ما 

_ عرفت انى الزفته امك ها عايز اى 

_ ما ما 

_ جعان لا ممسكتش كرشك لا 

_ ما ما 

_ فى اى ياابنى ، انت بتدمع 

شيلته و دخلت الاوضه لقيت فريده سخنه و فى عيونها دموع و صوتها ضعيف جدا .. مسكت فونى اتصلت باحمد و كنت بلبس فى نفس الوقت رنين مره اتنين تلاته اربعه نزلت جرى شيله عبدالرحمن و فريده واقفت تاكس ..

_ دكتوره لو سمحت شوفى مالها 

_ حاضر أهدى متخفيش 

كانت دموعى بتواسى دموع عبدالرحمن اللى مش فاهم غير أن أخته فى خطر …

_ خير يا دكتوره ؟!!

يتبع..

لقراءة الحلقة الثانية : اضغط هنا

لقراءة باقي حلقات الرواية : اضغط هنا

نرشح لك أيضاً رواية عشق الروح للكاتبة بنت الصعيد.