رواية همسة وجع الفصل الأول 1 بقلم تسنيم قاسم

همس: هتطلقني امتي

هيثم: قولتلك طلاق مش هطلق هتزودي في الكلام هيبقي ليا رد فعل معاكي مش كويس نهائي

همس: انت ايه يا اخي صنفك ايه انا قرفت منك قرفت من تحكمك فيا قرفت من تصرفاتك الغبية قرفت من نفسي بسببك ارحمني بقي كفاية اومال لو بتحبني… بقولك ايه انا اصلا مش طايقاك ومش طايقة اشوف وشك انا عندي اعيش مع عمي ارحملي من عيشتي معاك.. انا ماشية وورقة طلاقي توصلي عند عمي سامع

هيثم وهو بيجبها من شعرها: صوتك لو علي عليا تاني مش هرحمك وطريقة كلامك لو مااتعدلتش برده مش هرحمك طلاق قولت مش هطلق اقولها تاني 

همس: انا تعبت حرام عليك انا بني ادمة انت ايه 

هيثم: انا كمان بني ادم انتي فكراني هموت عليكي يعني انا سايبك علي ذمتي للحظة ديه علشان اكسب فيكي ثواب

همس: تكسب فيا ثواب وهو انت كدة بتكسب ثواب انت معندكش قلب مبتعرفش تحب ومبتعرفش ترحم انا بكرهك ياهيثم بكرهك

همس جريت علي اوضتها اتوضت وقعدت تصلي هيثم كان معدي من قدام الاوضة فاسمعها

همس: يارب خدني وريحني… هعيش لمين لا ام تاخدني في حضنها في وقت زي ده ولا اب يسندني ويحميني حتي عمي اللي كنت امانة عنده باعني بالرخيص يارب انا مش عاوزة حاجة من الدنيا انا عارفة يارب انه طيب وغلبان بس قلبه قاسي يارب حنن قلبه عليا والنبي واهديه ليك يارب

هيثم سمع كلامها وكان بيلوم نفسه هو مش بإيده يعاملها كدة بس هيا مش بتحبه وعاوزة تتطلق وهو مش هينفع يسيبها لعمها يبيع فيها لكل واحد شوية هو مش قاسي بس خايف عليهااا…… بعد شوية همس طلعت من الاوضة

همس: الفجر آذن انا هصلي اتوضي ويلا نصلي سوا

هيثم: حاضر… معرفش هيا ازااي بالجمال ده انا انسان غبي بس والله مش بإيدي

صلوا سوا وبعدين همس قعدت.. 

همس: تحب اعمل قهوة ونتكلم شوية

هيثم: تحبي اجي معاكي نعملها سوا

همس: لأ خليك متتعبش نفسك انا هعملها علي طول وجاية

هيثم: تمام خلي بالك.. 

همس: حاضر

همس اتأخرت جداااا فا هيثم قام يشوفها

هيثم: كل ده بتعملي قهوة ياستي ده انا كان زماني عملتها……. هممممسسس…