رواية روز الأحمد الحلقة الأولى 1 بقلم مريم

 رواية روز الأحمد الحلقة الأولى 1 بقلم مريم 

رواية روز الأحمد الحلقة الأولى 1 بقلم مريم

رواية روز الأحمد الحلقة الأولى 1 بقلم مريم 

محمد : بيقولوا دكتور سامح مشى وهيجى مكانه دكتور جديد انهارده 

 روز بثقة : انا قولتلكم اللى بيجى عليا ما بيكسبش

 هند : اهو غار الحمدلله وخلصنا منه بس بيقولوا على الدكتور الجديد شايف نفسه اوى 

 روز بسخريه : على ايه يعنى دى البت نادين وريتنى صورته حاجه كده ملهاش ملامح 

 مى : ايه ده اومال بيقولوا عليه حلو ليه 

 روز تضحك وتقول : حلو مين بقولك ملهوش ملامح.. 

 محمد و هند ومى ينظروا بذهول ومى تسحب روز من ذراعها ولكن روز تقول : ايه بس بتشدينى ليه انت عصبتينى والله قال حلو قال ده يابنتى وشه يقطع الخميره من البيت  هيشوف نفسه على ايه بس وبعدين احنا مالنا بشكله ولا طبعه احنا هنتجوزه ؟!  المهم بس يكون شرحه كويس مش زى اللى قبله غير كده مش مهم  . مى مستمره فى شد روز من يدها ولكن روز تبعد يد مى عنها وتقول بضجر : بس بقى زهقتينى سبينى اكمل كلمتين على بعض ، هو بصراحه شكلا ارحم نوعا ما من دكتور سامح  بس ده مش معناه انه ملك جمال ايطاليا يعنى ده شبه اسماعيل ياسين فى الانسه حنفى وهنا ضحك كل من فى المدرج ثم تابعت وهى تستدير : يالا ارجع واقول ملناش دعوه بحد. وفجأة صرخت بفزع عندما استدارت ووجدت شاب يقف امامها يعقد ذراعيه امام صدره و كان شديد الوسامة والجاذبيه وعريض المنكبين  وطويل القامة وبدلته الزرقاء زادته وسامة فوق وسامته أما عينيه فكان لونها كلون وريقات الشجر قالت روز  وما زالت تحت تأثير الصدمة : مين ، ايه،  قصدى مين حضرتك 

 رفع يده وهو يشير نحو نفسه قائلا : انا اللى وشى يقطع الخميرة من البيت او خلينا نقول محسوبك الانسه حنفى  . وضعت يدها على فمها بصدمة وحاول الطلاب كتم ضحكاتهم وقالت روز بصوت شبيه بالبكاء : انا اسفه والله اسفه جدا اسفه خالص ما كانش قصدى بجد حقك عليا والله معلش بقى اختك الصغيرة وبتهزر  سامحنى ينوبك ثواب . رفع حاجبه قليلا وهو ينظر إليها من اسفلها لأعلاها ثم اشار لها بالانصراف .شكرته روز وجلست بجانب صديقتها بتوتر فكادت ان تسقط فقالت بابتسامة مهزوزة : اسفه.. 

 هز رأسه يمينا ويسارا ثم وقف على المنصه وهمست مى : قاعده بشد فى دراعك علشان تاخدى بالك وانت ولا انت هنا ، بس  عارفين بعد القمر اللي طل علينا ده  انا بفكر كده اعيد نظر فى موضوع خطوبتى انا و وائل 

 هند : بقى هو ده الانسه حنفى، ده اللى ملوش ملامح اقول ايه بس حسبى الله ونعم الوكيل ده عقدنى من الرجاله كلها 

 روز : منها لله نادين هى السبب اللى وريتهولى كان غير ده خالص 

 طرق بيده عدة طرقات وقال بجديه وهو ينظر لروز : ممكن  لو سمحتم نهدى شوية وكفاية رغى احنا مش قاعدين فى حضانة علشان اقول محدش يتكلم ثم نظر للطلاب جميعا وقال وهو يرتدى نظارته الطبية : انا دكتور أحمد كريم

 روز بينها وبين نفسها بهيام : يالهوى كمان اسمه احمد يعنى احمد وعينيه خضرا ودكتور لا كده كتير بصراحه فينك يا دكتور سموحه تيجي تشوف الامله اللي بقينا فيها 

 تابع احمد : ان شاء الله انا  هشرحلكم الأدب الانجليزى 

 هند بهمس : يا حبيبتى يا بريطانيا 

 احمد : علشان نبقى على نور مع بعض من اولها انا مابحبش الهزار الكتير انتم جايين هنا علشان تتعلموا مش علشان تهزروا. ينظر إلى روز ويقول : وللسبب ده بيتقال عنى شايف نفسى ومحبكها مش علشان انا ملك جمال ايطاليا . نظرت روز إلى اسفل بخجل فتابع احمد كلامه : انهارده احنا هندرس رواية من روايات شكسبير طبعا كلكم عارفينه لانكم المفروض اخدتوا السيرة الذاتية بتاعته المحاضرة اللي فاتت علشان كده خلوني اسأل الاول. اشار على مي وسألها : حضرتك اتفضلي قوليلي اي اول مسرحية لشكسبير

 ارتبكت مي ولم تستطع ان تتذكر فقالت بحرج : مش فاكرة بصراحة 

 فأشار على هند قائلا : قوليلي  عدد مسرحياته 

 مطت هند شفتيها وقالت  : اسفة يا دكتور مش عارفة 

 ابتسم احمد بسخرية وقال : طبعا مش عارفين ما هو سيادتكم ما وراكمش حاجه غير الهزار والدلع وتزعلوا لما حد يقولكم انكم مالكمش في التعليم ولا الشغل من اصله استفز هذا الحديث روز فقالت بين نفسها : صحيح الحلو ما يكملش حقيقي انسان معندوش ذوق ولا احترام مش عارفة شايف نفسه على ايه علشان حلو يعني! تغور الحلاوه اللي معاها قلة ذوق بالشكل ده اه بس لو فتح بوقه معايا بكلمه والله ما هسكتله. قطع تفكيرها بقوله : والهانم ممكن تقولي  تقسيم مسرحيات شكسبير ولا ما اضيعش وقتي معاكي! 

 نهضت روز بكل ثبات وقالت بتحدي :  مسرحيات شكسبير اتقسمت ل 3 صنوف مسرحية وهما  الكوميدية ، والمأساة، والمسرحيات التاريخية و لو حضرتك عاوز كمان امثلة اقولك  مسرحيّة خـاب سـعي العشاق و مسرحيّة ترويض الشرسة. و حلم ليلة منتصف الصيف. دول امثلة على الكوميدية و مسرحية هنري السادس بأجزائها الاول والتاني والتالت ومسرحية هنري الخامس ومسرحية ريتشارد التاني وريتشارد التالت امثلة على المسرحيات التاريخية اما المسرحيات المأساوية ف زي  الملك لير وهاملت وروميو وجوليت وانطونيو وكليوباترا ويوليوس قيصر اظن كده كفاية وبالنسبة لعدد مسرحياته فهما 38 مسرحية بالإضافة إلى 154 أغنية قصيرة، واتنين من قصائد السرد الطويلة اما بقى اول مسرحياته فكانت هنري السادس الجزء التاني مع ان سؤال حضرتك هنا غلط اصلا  لانه  الموضوع ده عليه جدل لانه لحد دلوقتي محدش يعرف  الترتيب الدقيق للمسرحيات لأنه لم يتم تسجيل أي سجل نهائي في زمن شكسبير احنا  نعرف بس امتى اتطبعت معظم المسرحيات في الأصل  لكن ده ما بيدلش  عن الترتيب اللي تم فيه إنتاج المسرحيات. علشان كده صيغة سؤالك كانت غلط من البداية يا دكتور .. 

 سيطرت على الجميع حاله من الذهول  أما هو فكان في حالة من الغضب والحرج لقد كان يظن أنها لن تستطيع الجواب ولكن ها هي جاوبت و اظهرته انه مخطئ امام الجميع فلم يستطع تمالك اعصابه و… 

يتبع..

لقراءة الحلقة الثانية : اضغط هنا

لقراءة باقي حلقات الرواية : اضغط هنا

نرشح لك أيضاً رواية موعد مع الوحوش للكاتبة مروة شطا.