رواية البيت المسكون الفصل الأول 1 بقلم إيناس فكري
 |
| رواية البيت المسكون الفصل الأول 1 بقلم إيناس فكري |
رواية البيت المسكون الفصل الأول 1 بقلم إيناس فكري
– نورتي بيتك يا عروسه ادخلي
= تسلمي يا طنط
– طنط اي بقا م اللحظه دي قوليلي يا ماما
= بابتسامه: حاضر يا ماما
” حضنتها ودخلتني شقتي وجوزي معايا وشويه وسابتنا ونزلت”
– مبروك يا حبيبتي
= مبروك عليا انت
– خلاص بقا بقيتي مراتي وحلالي
= أكيد
” انا يارا وده يوسف جوزي..بنحب بعض من أيام الجامعة وأنا يتيمه وساكنه في بيت خالتي…كانت بتحبني بس رفضت جوازي من يوسف ولما أصريت عليه طردتني وقالتلي معدش لينا دعوه بيكِ… بس مهمنيش المهم ابقا مع يوسف”
– ادخلي اقلعي فستانك وتعالي عشان نصلي
= حاضر
” قلعت ولبست سدال وخرجت صلينا جماعه وبعدها أكلنا ودخلنا ننام”
– حد قلك قبل كده إنك قمر
= تؤ أول مرة أسمعها
– بكاشه، قولتهالك كتير
= هههههه وديما بحب اسمعها منك
– طب تعالي هنا أما أقولك كلمة سر
” بدأت أهزر انا ويوسف ونتكلم بس معرفش ليه حسيت بحركه في البيت…لمحت طيف حاجه وقتها خوفت
– يوسف في حاجه هنا في البيت
= لا يا حبيبتي أكيد بتهيألك وخصوصا اني اول يوم لينا هنا، وقت بس وهتاخدي ع البيت ومتخفيش انا معاكي اهو
” وقتها كلام يوسف طمني شويه وقولت اكيد بتهيألي وهاخد ع البيت بسرعه… يوسف أخدني في حضنه عشان أهدي وبعدها نمنا….. صحيت الساعه ٣ الفجر وأنا حاسه بحاجه بتحوم حواليا وفي نفس حاجه ع رقبتي فقولت يمكن يوسف بس لقيتو نايم…. وقتها الخوف بدأ يتسلل جوايا حاولت كتير أصحي يوسف بس مكنش بيفوق وكإنه واخد مخدر، حاولت أطمن نفسي وقومت اتوضيت وصليت وأكيد بقرب ربنا ليا هرتاح ودخلت نمت وأنا جوايا يقين بالله”
– صباح الخير يا حبيبي
= صباح الورد ع أجمل عروسه في الدنيا
– قوم يلا عشان نفطر
= وكمان جهزتي الفطار، انتي كده ناويه تدلعيني وأنا الصراحه بحب كده اوي
– بضحكه: حب يا بطل براحتك
” فطرت مع يوسف وحماتي جت هي وأخوات جوزي باركولنا في شقتنا، هما ساكنين بعيد عنا بشارعين والشقه اللي انا ساكنه فيها ده بيتهم وبانيينو جديد…وانا اول وحده سكنت فيه “
– بتعملي اي
= برن ع حنان بنت خالتي اتطمن عليهم
– دول حتا محضروش فرحك!
= معلش يا يوسف، مهما كان أهلي ومينفعش أقاطعهم
– اللي تشوفيه
” رنيت عليها أكتر من مرة ومردتش وقتها زعلت وقولت مش عايزين يكلموني تاني”
– في وحده تعيط تاني يوم فرحها!!
= مبعيطش
– أمال دي اي…مش دموع بردو!
= ما هو الصراحه انا متدايقه ، انا عاندت خالتي واتجوزتك وده شئ انا مش ندمانه عليه.. بس كان ممكن أحاول معاها تاني، بس انا اللي غبيه لاني اخترت الطريق السهل وهو اني اخرج من حياتهم بسهولة..
– يا حببتي انتي حبتيني واتجوزتيني وكفايه انا مع بعض وصدقيني هعوضك عن كل حاجه واي حد كان في حياتك، مش عايزك تزعلي ولا تحسي انك ناقصه او محتاجه حد…انا معاكي وفي ضهرك
= ربنا يخليك ليا يا يوسف
– ” يمكن انا بحب يوسف بس بُعدي عن خالتي اتضحلي أد اي انا بحبها ومحتجاها في وقت زي ده..
– قومي بقا عشان عايزك
= بضحكه: حاضر
نسيب العرسان لوحدهم ونروح مكان تاني
…………..
– انتي ليه مش عيزانا نكلمها يا ماما؟
= لانها متستهلش، هي باعتنا عشان واحد زي ده.. وصدقوني مش هترتاح في حياتها
– ناويه تعملي ايه يا ماما
= ولا حاجه بس زي ما هي عاندت واتجوزت من غير رضايا أنا هقاطعها ومحدش فيكو يكلمها
– حاضر
“انا حنان بنت خالت يارا وصجبتها المقربه، انا وهي في سن بعض وكنا مع بعض في الجامعه..كنت عارفه بحبها هي ويوسف وقتها عرضت عليها تقول لماما عنه…ماما في الاول رحبت بالفكره وبعدها رفضت رفض تام ولان يارا يتيمه من صغرها فماما بتعتبرها بنتها ومسئوليتها، وبتحبها بنفس قدر حبها لينا…لما يارا عارضت ماما وعاندت انها هتتجوز يوسف ماما خيرتها بيننا وبين يوسف وللاسف اختارتو هو…..”
-جهزي نفسك يا حنان عشان هنزور خالتك بكره في المقابر
= حاضر
……………
-مالك يا يارا؟
= مش عارفه بس انا خايفه م البيت عدا ع جوازنا شهر وانت خلاص هتنزل الشغل وهفضل لوحدي هنا
– متخفيش هخلص شغل وأرجع ع طول ولو حابه تنزلي تقعدي مع ماما البيت مش بعيد
= هصحا متأخر وهيبقا عندي شغل البيت فلو خلصت هنزل
– تمام اللي يريحك
= ماشي يا حبيبي
” اليوم عدا وصحيت عملت أكل وروقت البيت ولقيت حاجه غريبه صدمتني وهي……
يتبع…..
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية فوزية القوية للكاتبة اسراء ابراهيم
