رواية اغتصاب روح الفصل الأول 1 بقلم مي أمين
 |
| رواية اغتصاب روح الفصل الأول 1 بقلم مي أمين |
رواية اغتصاب روح الفصل الأول 1 بقلم مي أمين
“بارك الله لكما وبارك عليكما وجمع بينكما في خير “
سمعت الكلمة دي وقلبي دق بطريقة غريبة طول عمري بتمني اللحظة دي زي أي بنت بحلم أتجوز الانسان اللي بحبه ويحبني مش مجبور عليا ، دمعة نزلت من عيني مسحتها بسرعة لما لقيته جاي نحيتي …
وليد : يلا نمشي بقا .
نسمة بكسرة : حاضر .
مشيت معاه ورحنا شقته دخلت وقلبي انتفض لما سمعت صوت الباب بصيت علي الشقة جميلة وهادية وذوقها حلو حسيت بالدفا والامان فيها فقت علي صوته
وليد بهدوء: نسمة دي هتكون اوضتك من النهاردة واللي جنبها دي اوضتي ، متخافيش مني
نسمة في نفسها : أخاف منك انت دا انا مش بحس بالامان غير معاك .
وليد: ها رحتي فين يا نسمة
نسمة : معاك ، أنا اسفة جدا يا وليد عارفة انك مجبور علي الجوازة دي ،غصب عني ، كلها ٣ شهور ونتطلق زي ما اتفقنا .
وليد مردش عليها وسابها ودخل
دخلت نسمة اوضتها واتوضت وصلت وانهارت من العياط وافتكرت اللي حصل واللي وصلها لحالها دا مع وليد
فلاش باك: …
وليد : نسمة يا نسمة يلا بقا هنتأخر علي الكلية مينفعش كدا كل يوم تتأخري علي محاضراتك ؟
نسمة : حاضر يا صحبي جاية اهه .
وليد بضحك: يبنتي بطلي بقا لغة الشوارع دي ، منك لله
نسمة: يسطا دي لغة العصر
وليد: عصر ايه بس اركبي يا شيخة أنا ربنا بلاني بلوة صغيرة
نسمة بحزن: ايه دا يعني أنا بلوي يا وليد ، طيب أنا مخصماك
وليد: نسوم حبيبي متزعليش أنا بهزر معاكي
نسمة:…
وليد: أنا آسف طيب
نسمة بابتسامة جميلة: مبزعلش منك أصلا
وليد بابتسامة: ماشي يا ست البنات خدي الشوكولاتة بتاعتك اهه
نسمة بفرحة: شكرا يا أحلي صاحب في الدنيا
وليد: طيب يلا يختي انزلي بقا علي محاضراتك وانا هخلص شغلي واجيلك
نسمة: مع السلامة يا حبيبي وسابته ومشت ووليد اتنهد وطلع علي شغله
عند نسمة في الكلية
رغد: ايه يابنتي كل دا تأخير
نسمة: اسكتي لولا وليد مكنتش جيت أصلا
رغد بتريقة: وليد طيب يلا يختي علي المحاضرة
نسمة: ايوا وليد ، وليد دا أحلي حاجة في الدنيا كلها دا صحبي وابن عمي واخويا وكل حاجة في حياتي ، يلا نلحق المحاضرة .
اليوم خلص ووليد راح أخد نسمة وعزمها علي الغداء وبعدين روحها البيت اللي هو اصلا ساكنين فيه سوا
وليد : نسمة
نسمة: نعمين يا جميل
وليد : اعمليلي كوباية القهوة بتاعتي وتعالي نقعد سوا في البلكونة
نسمة: من عيونى
وليد في نفسه: هو مجنني غير عيونك دي ، واتنهد وخرج يقعد في البلكونة ،
نسمة: القهوة يا قمر ، ها قولي مالك بقا
وليد : مفيش
نسمة: علي نسوم حبيبك
وليد: بمناسبة نسوم حبيبي ، مين الولد اللي كان قاعد مركز معاكي دا لما جيتلك ، كان بيبصلك كدا ليه
نسمة بتوتر : هو اصل ، مفيش
وليد بحدة : نسمة قولي الحقيقة
نسمة بخوف : اصله كذا مرة كدا يقعد يعاكس فيا أنا ورغد واحنا ماشيين ومن يومين حاول يتكلم معايا وانا والله صديته يا وليد بس جه يمسك ايدي ضربته بالقلم .
وليد اتعصب واتكلم بحدة: وانتي ازاي متقوليليش حاجة زي دي
نسمة بعياط: أنا خفت منك يا وليد أحسن تزعقلي وتضربني .
وليد هدي بعد ما شاف منظرها : هو أنا عمري زعلتك مش أنا وليد صاحبك وأخوكي وكل حاجة
نسمة بعياط: أنا اسفة غصب عني بس خفت تقول لبابا ويتعصب عليا انت عارف انه مش بيحبني أروح الكلية لوحدي
وليد: أنا اللي آسف اني اتعصبت عليكي حقك عليا ، وبعدين عمو بيعمل كدا عشان خايف عليكي مش انتي النسمة الوحيدة اللي في حياتنا لازم نحافظ عليكي من الهوا الطاير حتي ولا ايه
نسمة بابتسامة من وسط دموعها لتذكرها موقف من طفولتهم : نسمة تعمل اللي هي عاوزاه يا عمو دي بنتي الصغيرة
وليد بحب : وبنتي الصغيرة كبرت وبقت تخاف من باباها
نسمة: خلاص بقا متزعلش مني
وليد : مش زعلان ،بس والله ما هسيبه في حاله هندمه علي وقفته معاكي
نسمة: وليد عشان خاطري بلاش تعمل مشكلة أنا خايفة عليك هو خلاص انا علمته الدرس قدام الكلية كلها ولو عمل حاجة تاني هقولك علطول
وليد: ماشي يا نسمة هعديهالك المرة دي بس لو حصلت حاجة ومقلتيش عليها هزعل منك وهتشوفي مني تصرف تاني خالص
نسمة: صحبي أبو قلب طيب ، هقوم اعملك قهوة بدل اللي بردت دي
وليد شرب القهوة ونزل ينام وكذلك نسمة دخلت كلمت رغد ونامت
تاني يوم…
وليد وصل نسمة الكلية
وليد: نسمة لو حصل أي حاجة رني عليا هتلاقيني عندك فورا
نسمة بابتسامة: حاضر ربنا يخليك ليا يارب ، وسابته ودخلت بس ملقتش رغد مستنياها رنت عليها
نسمة: انتي فين يا كلب البحر
رغد بنوم: أنا مش جاية النهاردة تعبانة شوية
نسمة: الف سلامة عليكي يا حبيبي ، خلاص أنا هجيلك دلوقتي
رغد: متقلقيش عليا خلصي محاضراتك انتي وروحي
نسمة: مش مشكلة المحاضرات أنا هقول لوليد واجيلك علطول مع السلامة
قفلت معاها وكلمت وليد
وليد بقلق : حصل حاجة يا نسمة
نسمة: لا متقلقش دي بس رغد تعبت شوية وهروح لها انتي عارف مامتها وباباها مسافرين وهي لوحدها
وليد: طيب اقفي مكانك انا هاجي اخدك واوديكي عندها
نسمة: خليك يا حبيبي متتعبش نفسك أنا هاخد تاكسي واروح لها
وليد: طيب خلي بالك من نفسك وكل شوية رني عليا طمنيني عليكي
نسمة : حاضر ، وقفلت معاه ومأخدتش بالها من اللي واقف يتصنت عليها وبعدها شاور لتاكسي واتقدم منها
وللاسف ركبته نسمة وبعد ما بعد عن مكان الكلية ووصل لمكان مفيهوش حد خدرها ونزل وركب واحد تاني
السواق : الله يسهلك يبشا وسابه ومشي
في شقة شبه مهجورة فاقت نسمة من المخدر ولقت جاسم قاعد قدامها
جاسم: اهلا باللي ضربتتي قدام الجامعة كلها وعملت فيها جامدة
نسمة بفزع: أنا فين ، انت بتعمل ايه هنا
جاسم : انتي هنا عشان أنا عايز كدا عشان انتقم منك واكسر غرورك
نسمة: جاسم انت سكران انا اسفة والله مش هعمل كدا تاني
جاسم قرب منها : اسفه ايه بس وجه يتهجم عليها ونسمة قاومته بكل قوتها وضربته كتير علي دماغه وكانت بتستنجد بوليد راح قطع هدومها وضربها بطفاية علي دماغها عشان تنام ويعرف هو ينتقم منها ….
يتبع ….
لقراءة الفصل الثاني : اضغط هنا
لقراءة باقي فصول الرواية : اضغط هنا
