رواية حب غير مشروط الفصل الحادي والأربعون 41 بقلم لولا
رواية حب غير مشروط الجزء الحادي والأربعون
رواية حب غير مشروط البارت الحادي والأربعون
رواية حب غير مشروط الحلقة الحادية والأربعون
قاطعها مالك لما قال بجمود جيسي انتي
جيسي فتحت عنهيا بصدمه وخافت اوي وفي لحظه حطت ايديها علي بوقه واكملت بعياط لا يا مالك ابوس ايدك ماتقولها ارجوك يا مالك لو مش علشان خاطري علشان خاطر سليم … ارجوك يا مالك هشيل ايدي بس متنطقهاش وحياه سليم وشالت ايديها
مالك ضربها بلقلم بقوه واكمل بعصبيه وانتي عايزه تفضلي علي ذمتي ليه انا مبقتش عايزك بعد اللي عرفته ولا طايق اشوف وشك وخلي عندك دم ومتفضليش مع حد مش عايزك وانتي اتجبرتي تتجوزيه علشان غلطه
ساميه بستغراب بس بس يابني في ايه .. ايه الكلام ده انت كنت عايز تطلق مراتك يانهار اسود
جيسي حطت ايديها علي وشها بوجع واكملت بعياط مالك اسمعني
مالك بعصبيه غوري من قدامي علشان انا علي اخري منك غوووري
جيسي بعياط يا مالك افهمني ارجوك واسمعني مره واحده انا والله مكنتش اقصد كل ده معترفه كان تصرف غلط وطيش مني بس والله ندمت واتغيرت وانت تشهد
مالك بعصبيه اتغيرتي متغيرتيش انتي حره ده لنفسك محدش هيشيل ذنوب حد بس من انهارده ولا هعتبرك مراتي ولا عايزك تاني
جيسي بدموع مالك انت ازاي تقولي كده هونت عليك ان
مالك بعصبيه اه تهوني علشان انتي زباله ووحياه سليم عندي لولا هو كنت طلقتك ورميتك ومسك دراعها واكمل بعصبيه انتي ازاي تعملي كده في اختك ها ?? ردي عليااااا ازاي تهون عليكي كده وبصلها بوجع واكمل ازاي بتنامي في حضني وانتي بتفكري في حاتم
فشهقت ساميه بصدمه واكملت بس بس يا مالك ايه كلامك ده يابني عيب وميصحش
مالك بدموع للاسف دي الحقيقه انا عشت احاول اغيرها وارضيها من يوم ماحبيتها وشغال دلع وطبطبه وعملت كل حاجه ممكن تتعمل وهي شيفاني مجرد واحد غلطت معاه فاضطرت تتجوزه انما بتحب حاتم وعلشان بتحبه حطتلي حبوب في القهوه لما فكرتني ادم علشان اغلط مع منه وتوريها لحاتم فيكره منه وهي تطبطب وتحلو في عنيه ودموعه نزلت واكمل مش كده بردو يا ام ابني
ساميه بصدمه ودموع انت ايه كلامك ده يا مالك
مالك بوجع هي دي الحقيقه بس انا غبي ومكنتش شايفها
جيسي بعياط وحياه ابني من يوم مادخلت بيتك وانا عمري مافكرت في حااتم ونسيته خالص واعترف كان تهور مني وغباء بس ندمانه يا مالك ندمانه والندم بيموتني كل دقيقه ارجوك سامحني ومسكت ايده واكملت بعياط والله بحبك وقلبي ما دق لغيرك
مالك شد ايديه منها واكمل بسخريه اتاخرتي اوي يا ام ابني علي الكلمه دي .. انا عشت اتمناها منك ليل نهار بس استكترتي عليا الحب ومكفكيش كده وبس لا كمان بتحبي ابن عمك وانتي علي ذمتي وضحك بسخريه واكمل بدموع انا اول مره اعرف يعني ايه وجع قلب وكسره وبسببك يا جيسي ان مراتي تكون بتحب غيري دي خيانه ليا ولحبي ليكي ولثقتي فيكي وفي كلامك اللي اتكسرت وسالتك وقولتلك علاقتكم واصله لفين قولتي اخويا بس معلش انا اللي غبي لا وبقولك اعرف مين اللي سبب في اني اوجعك وانا امحيه من وش الارض وفضلت اهون عليكي بسبب وجعي ليكي وليل نهار اعتذر وااحاول اعوضك وانتي بكل قسوه استغبتيني علشان بحبك وخونتي ثقتي فيكي لا وتقولي لمنه جوزي نجار وانتي دكتور حلو والله اتغيرتي صح وضحك بسخريه
جيسي بعياط والله ده كان زمان وانا اتغيرت يا مالك ومش فارق معايا كل ده انا حبيتك وانا معرفش انك دكتور واتغيرت واتعالجت نفسيا وقولتلك هعوضك كل ده ارجوك سامحني ده ربنا بيسامح انا عارفه اني غلطت كتير بس احنا بشر يا مالك ارجوك اديني فرصه واحده وانا وحياه سليم عمري ماحبيت غيرك ولا قدك وحبي لحاتم كان ماهو الا تعود لاني وعيت مشوفتش غيره
مالك بحده وانا مبقتش عايزك يا جيسي ولا عايز قربك ومن هنا ورايح انتي اوضه وانا اوضه وتحر وقبل مايكمل حطت ايديها علي بوقه واكملت بعياط وحياه ابنك متقولش كده مينفعش تحرمني عليك انا حلالك وده غصب عنك وحضنته واكملت بعياط والله موجوعه وندمانه والندم بيموتني اصلا يا مالك متجيش عليا انت كمان انا والله مليش غيرك قولتلك انت وسليم كل دنيتي
مالك بعدها عنه واكمل وانا لولا سليم كنت طلقتك يا جيسي يعني انتي مبقتيش تفرقيلي فا ريحي نفسك
جيسي بصتله بوجع واكملت بدموع تصور عمري ماتخيلت اني ههون عليك كده
مالك بوجع ودموع زي منا عمري ماتخيلت ان مراتي تكون بتحب غيري وتعمل كده في اختها انتي نزلتي من نظري اوي انتي وحشه وجواكي غل وكره لاختك الوحيده انا مش عارف ازاي حبيت بنت بقسوتك وانا شايفك اطيب بنت في الدنيا بس فعلا مرايه الحب عاميه وبصلها بوجع واكمل بدموع عملتلك ايه علشان تكسريني كده ? هو انا قلبي ده عادي كده يتكسر ? طب طلما مبتحبنيش وبتحبي حاتم كملتي حملك مني ليه وقربتي مني الفتره اللي فاتت ليه يا جيسي ?? واتعصب واكمل بدموع لييه انا عايز اعرررف انا عملت ايه علشان توجعيني بلشكللل ده انتي دوستي علي قلبي مش وجعتيني بس للدرجه دي بتكرهيني ومجبوره عليا ?? بس انا عملت كل اللي ممكن يتعمل علشان اعوضك وتحبيني وكفايه اوي كده كفايه جري في علاقتنا وتعب علشان تحبيني انا مش هينفع امشي مشاوير لواحده مكسله تعديلي شارع
جيسي بعياط انت ليه مش راضي تصدق اني مش بحب غيرك وراحت مسكت المصحف واكملت والمصحف ده علي عيني من يوم ماجيت بيتك مفكرتش في حاتم وبحبك انت يا مالك والله بحبك انت .. مسالتش نفسك ازاي مفكرتش فيه ?? هو انا لو بحب حاتم بجد كنت هنساه ?? بس هو كان تعود مش اكتر وانت لما دخلت حياتي نورتها وغيرتها وخلتني اكتفيت بيك مالك انا لما بنيجي ننام علشان انا بردو مش واخده عليك بفضل ادعي انك تفتحلي ايدك من نفسك علشان انام في حضنك اللي بحس فيه بلامان ولما بهزر معاك ببقي قاصده علشان تبوس خدي حتي مغزلتك ليا في الرايحه والجايه بتخليني هطير من السعاده مالك انا محبتش غيرك ومش عايزه غيرك وافتكر مره ادم قاالي هتعرفي ان ربنا رماكي في طريق اجمل حد ممكن تقابليه وصدق انت فعلا اجمل حد ممكن اقابله وبصتله بحب واكملت بدموع انا قلبي مدقش غير ليك وبيبقي زي الطبل وانت قريب منه سامحني علشان حبنا ميستاهلش نهايته تكون كده انا عارفه انك عملت كتير علشان احبك وقربتني منك حتي خلتني اغير من اختك ميرا وانا فعلا غيرت منها بس عايزه اقولك من غير مجهودك انا وقعت فيك ومش من دلوقتي من زمان وكنت بعاند نفسي من ساعه مايدك اتلفت عليا وطلعتني من البحر وانا شوفتك وقلبي دق جامد واتسحرت بيك ولما عرفت انك ادم لما اتلغبط بينكم قلبي واجعني اوي انك حبيب اختي وانا مكنتش مفسره ده وقولت لنفسي مالك يا جيسي انتي اصلا مش بتحبي غير حاتم ما طوز منة تتجوزه وتخلصي منها ويبقي حاتم ليكي بس كل مره كنت بفشل اتخطاك حتي ان قميصك للي معايا قربته مني وفضلت اشم ريحتك اللي فيه علشان احسك معايا ولما منه سالتني عن رايي في ادم قولتلها قمر اوي كمان وكان انت المقصود لاني مكنتش شوفت ادم ومسكت ايده واكملت بعياط انت كونتلي كل حاجه وبحبك من زمان اوي ومش عايزه اقتنع وبقاوح بس غصب عني رفعت رايه استسلام واعنلت حبك في قلبي وحياتك عندي عارفه غلطتي متتغفرش بس ندمت وغمضت عنيها واكملت بوجع مالك انا قولتلك هروح للدكتوره علشان موضوع علاقتي بيك يتحسن بس مكنش ده هو السبب الوحيد وفتحت واكملت بوجع مالك انا مريضه نفسيا وتعبت كده بسبب كل اللي مريت بيه وعيطت واكملت انا بابا مبيحبنيش وضربني بلقلم ومفهمنيش وبعني علشان سمعته وبيفضل منه دايما عليا من واحنا صغيرين مالك انا فاجاه لقيت نفسي طفله لوحدها امها ماتت ولقيت ابوها حاضن منه وبيطبطب وسابني انا اعيط ودموعها زادت واكملت انا مشوفتش اهتمام من امي الله يرحمها ولا ابويا هو صحيح عايش بس زيه زيه الميت يمكن لو ميت ههون علي نفسي بانه غصب عنه انما هو رمي فاجاه لقيت نفسي وحيده مفيش صحاب مفيش اهل فاتشديت لحاتم بسبب معاملته الاخويه الحنينه معايا اللي انا ماصدقت لقيتها لاني محرومه من الاهتمام في بيت اهلي فدورت عليه ولما لقيته مسكت فيه غصب عني عملت زي الغريق المتعلق في اشايه اللي مستني اي حاجه تنجده وتخرجه من اللي هو فيه وخلاص ولما لقيت حاتم بيحب منه مكرهتهاش بس غضبي ناحيتها زاد اللي هو اشمعنا انا اللي كله بيكرها بابا وحاتم فاقولت انا هعيش حياتي بمزاجي ومش عايزه حد في حياتي وابتديت البس واسهر برا واعمل حاجات مش كويسه وملقتش اللي يقول لا وملقتش اهل اصلاا فافضلت كده لحد مانت ظهرت الوحيد اللي ضربني بلقلم وفوقني صح ومن ساعتها بقيت تظهر في حياتي كتير اوي لحد ما حصل بينا كده واتجوزنا وانا مندمتش يوم اني اتجوزتك من يوم ماجيت وانا حاسه وانا في حضنك ان ده مكاني الصح وانك الراجل الوحيد اللي اتخلقت من ضلعه علشان اكمله هو وعياطها زاد واكملت بس غصب عني غيرت من منه بسبب مرضي اهلي جابولي عقده بجد يا مالك ومحدش ساعدني ارجع كويسه غيرك وبصتله واكملت بوجع تعرف انك الوحيد اللي افتكرت عيد ميلادي وبعتلي ورد طب تعرف اني تعبت وروحت لصافي ومحدش سأل غيرك طب تعرف ان بسهر برا وكان باسم هيعتدي عليا ومحدش غيرك وقفله طب تعرف ان تربيتي كانت زباله ومغروره وانت غيرتني وبسببك لبست الحجاب طب تعرف اني لو موت محدش غيرك هيتوجع انا محدش بيحبني يا مالك ومش مرغوب فياا اصلا كله بيكرهني الا انت شوفت فيك حنان الاب اللي اتحرمت منه وخوف الاخ وغيره الحبيب ومراعي فيا ربنا ومش معوزني حاجه ومسكت ايده واكملت بعياط بعترف اني وحشه اوي بس ندمت ارجوك يا حبيبي متبعدش عني انا هموت لو بعدت عني يا مالك ده انا دنيتي قبلك مكتوبه غياب والله ماعشت غير لما انت دخلت حياتي مالك انا بشوفك كل اهلي ولو سبتني انا هتيتم تاني ارجوك متوجعينش كده وسامحني يا حبيبي ابوس ايديك بلاش تكسرني كده مش هستحمل
ورايحه تبوس ايده مالك شدها منها وحضنها جامد واكمل بوجع ودموع بس بس اهدي وفضل يطبطب عليها وهي منهااره عياط
جيسي حضنته اكتر واكملت بعياط والله ماليا غيرك يا مالك سامحني علشان خاطر سليم مش هقولك علشان خاطري انا
مالك وهو بيطبطب عليها اكمل بدموع كنت عاقد النيه يا اطلقك يا اختصرك خالص علشان انا حسيت انك جرحتي رجولتي لما تحبي واحد وانتي علي ذمتي بس بعد كلامك ده كله وعياطك اتاكدت انك صادقه في حبك ليا يا جيسي مع اني من بدري عارف انك بتحبيني بس كنت مستني اسمعها بس ده كله مش معناه ان اللي عملتيه صح
جيسي ضمته اكتر واكملت بعياط والله بحبك وحياه ابني بحبك ومحبتش غيرك بس ارجوك يا مالك اديني فرصه واحده وانا هوريك اني اتغيرت وبجد اسفه اوي علي كل اللي عملتو
ساميه بحزن خلاص يا مالك متخربش بيتك يابني عارفه انها غلطت وغلط مش قليل بس البت ندمت وحلفتلك علي المصحف وشرحتلك ظروف تعبها النفسي وانها كانت بتتعالج جيسي شافت قسوه كتير يا مالك ولما البت بتبقي مش شبعانه اهتمام في بيت ابوها بتدور علي اي حد يعوض الدور ده هي صح غلطت وانا زيك مش مصدقه ان كل ده يطلع منها بس علشان خاطر سليم يا ابني اديها فرصه حرام بتقولك ملهاش غيرك ومحتجالك
مالك غمض عينه بألم وضمها اكتر وطبطب عليها وباس راسها واكمل خلاص
جيسي بصتله بدموع واكملت مسامحني
مالك بتنهيده مسامحك المهم اختك تسامحك
جيسي بدموع هروحلها والله
مالك بتنهيده طب اجهزي يلا
جيسي بدموع مش هتطلقني ومش هتحرمني عليك صح
مالك ابتسم وحضنها ومشي ايده علي شعرها واكمل مقدرش اطلقك ولا احرمك عليا انا لو طلقتك كنت هردك في نفس الدقيقه بس مش هعرفك علشان تتربي شويه انما لما شوفتك بتعيطي وبتتشحتفي وانتي بتعيطي كده مقدرتش انطقها
جيسي حضنته اكتر واكملت بدموع وحب انا بحبك يا مالك بحبك اوي بجد وفرحانه اني مهونتش عليك
مالك بحب مسح دموعها واكمل انا بحبك اكتر وعمرك ماتهوني يا ام سليم وباس جبينها
جيسي ضحكت بدموع واكملت بجد بعشق امك وحضنته تاني
ساميه بضحك اهي قالتلك بعشق امك
مالك بضحك طب وابنها ?
جيسي بحب ابنها ده نورعيني وكل حياتي
مالك ابتسم بحب واكمل ربنا يخليكي ليا يا ام سليم
جيسي بحب ويخليك ليا يارب وبصت لساميه واكملت بضحك اقسم بالله انا مفيش انتاج مصري دخل دماغي غير الانتاج بتاعك
ساميه بضحك شوف البت
مالك ضحك واكمل بغمز ده والله انا اللي مشوفتش في جمال انتاج حماتي
جيسي ابتسمت بحب واكملت ياروحي انت
مالك شد وسطها ليه واكمل بهمس ماتخليكي جدعه وتجيبي بوسه
جيسي بحرج وضحك مالك اتلم امك واقفه اوعي ميصحش كده
ساميه بضحك هو عمل حساب لامه اصلا قليل الربايه ده
جيسي ابتسمت بخجل واكملت بجد سبني علشان نلحق نروح لمنه
مالك برفعه حاجب يعني كده
جيسي همست مالك عيب ماما قاعده وزقته بخفه ودخلت اوضتها
ساميه بضحك روح وراها روح
مالك بضحك نيتك مش سالكه انتي ياست الكل
ساميه بضحك لا منا عارفه انت اللي متربي الصراحه
مالك ضحك ودخل ورا جيسي لقاها بتغير هدومها وواقفه قدام الدولاب ببدي كارينا كب ( بدون حمالات) وبنطلون كارينا قصير لحد الركبه علشان هتلبس فوقهم
مالك حضنها من ضهرها واكمل بحب ياخرابي مخبيه الجمال ده كله فين بس
جيسي لفتله واكملت بحرج نهارك اسود انت ازاي تدخل وانا بغير هاا
مالك ضحك واكمل وهو بيشد وسطها ليه وفيها ايه يعني مراتي ولا مش مراتي
جيسي حطت ايديها حوالين رقبته واكملت بحب مراتك طبعا يا حبيبي
مالك ابتسم بفرح واكمل قولتي ايه ?
جيسي بابتسامه مراتك طبعا
مالك بضحك لا اللي بعدها
جيسي بحب يا حبيبي
مالك قربها منه وباسها بحب وهي حطت ايديها حوالين رقبته وقربته اكتر وسليم عيط فاتنفضت وبعدت عنه
مالك بضحك حبكت تعيط دلوقتي يعني يا سليم ماصدقت امك خلت عندها دم
جيسي راحت ربعت علي السرير وشالت سليم وبدات ترضعه واكملت بضحك اتلم يا مالك هاا
مالك بضحك بجد انا لو جوز امه مش هيحرق دمي كده
جيسي ضحكت واكملت ده هو حس انه ابوه مش محترم
مالك بضحك والله ابوه متجوز قرب علي سنه ومفيش حد محترم قده
جيسي بحزن حقك عليا
مالك باس ايديها واكمل بحب بس ياهبله من غير حقك عليا انتي مريتي بحاجات صعبه وانا عارف وفاهم ده وعازرك ومن زمان قولت شخصيتها دي مش بلساهل اكيد شافت قسوه كتير وملقيتش اهتمام وبعدين انا وجودك جمبي بلدنيا ومافيها
جيسي بحزن انت ليه مقولتليش انك دكتور يا مالك
مالك بتنهيده كنت عايزك تحبي مالك .. مالك وبس مش حاجه تاني ولا كنت عايز يكون في شرط لحبك ليا كنت عايزك تقبليني زي منا
جيسي بحب وده حصل علي فكره مهما كنت ايه انا مش عايزه غيرك بردو وفخور بيك اي ان كان بتتشغل ايه المهم انه حلال الشغل مش عيب
مالك قرب باس خدها بحب واكمل ربنا مايحرمني منك ويديم العقل ده و قومي يلا علشان نلحق نروح لاختك
جيسي بحب باذن الله ده اللي هيفضل علطول وسولي بس يخلص اكل واقوم البس
مالك بحب ماشي يا حبيبي
وبعد شويه خلصت اكل سليم وقامت تلبس واكملت لوكا هو ينفع البس بنطلون وبلوزه طويله
مالك لا
جيسي بضيق يا مالك بقي فيها ايه ماهو لبس محترم
مالك بحده وانا قولت لا البسي زي مالبستي امبارح
جيسي اتخضت واكملت امرك ياروحي عنيا خلاص ولبست الدريس واكملت تعالي اقفلي السوسته يا لوكا
مالك قام وقف وراها ورفع السوسته واكمل بحب وهما واقفين قدام المرايه طب بذمتك مش زي القمر بلدريس قال بناطيل قال
جيسي بحب هو فعلا احسن بس علشان اغير يعني
مالك باس خدها واكمل بحب هجبلك دريسات كتير بس البسي كده علطول
جيسي بحب خلاص ماشي يلا بينا
مالك شال سليم واكمل بحب يلا
——————————————–
في الشركه
ذياد وصل مكتب حسام واكمل بعصبيه افتح يا حيوووان انت يا زبااااله افتحح
صافي بعياط ذياد .. ذياد الحقني ارجوك وفضلت تعيط وبتزقه بكل قوتها
حسام قرب منها اكتر وقطع كم البلوزه ووقعها علي الارض
ذياد بعصبيه ااااه يا ابن الكلب يا حيوااان اقسم بالله هوريك يا ابن الكلب انت وفضل يضرب في الباب بكل قوته
صافي بعياط وصراخ ابعد عني يا حيوان بقولك ابعددد عنييي وبتزقه وهو بيقرب وبيحاول يبوسها وفي اللحظه دي ذياد كسر الباب ودخل شافه بيحاول يعتدي عليها ضربه برجله وقعه من علي صافي وشدها وقفها وخلع جاكته اداهولها واكمل بحده البسي ده واستنيني برا
صافي بخوف هزت راسها كذا مره واكملت حاضر حاضر
حسام بضحك لا جدع جيت عملت اللقطه يعني وخدتها مني بس عادي مجتش المره دي تيجي المره الجايه
ذياد وقفه واكمل بعصبيه ده انا هوريك يا ابن الكلب يا زباله ازاي تتجرأ تقرب لخطيبتي كده وضربه بلبوكس بقوه وقعه علي الارض وقومه تاني وضربه برجله في بطنه بقوه
صافي بعياط وخوف ذياد ارجوك مش عايزين فضايح سيبه الله يخليك ويلااا
ذياد بعصبيه قولت اخررررجي برااااا
صافي بعياط علشان خاطري ياذياد متوديش نفسك في داهيه كفايه كده
ذياد بصلها بحده فاتوترت ورجعت لورا وهي بتعيط
حسام بتعب خلاص ابعد عني ماليش دعوه بيها تاني
ذياد ضربه بلقلم بقوه واكمل بعصبيه مش خطيبه ذياد الدمنهوري اللي كلب زيك يحاول يتقربلهااا يا وسخ وقومه ضربه تاني بلبوكس لدرجه بوقه جاب دم
صافي اتصدمت من منظر الدم واكملت بعياط ابوس ايدك يا ذياد خلاص هيموت في ايدك
ذياد شد حسام وخرج بيه من الاوضه وهو بيجره وراه وصافي طلعت وراه
صافي بعياط يا ذياد رايح فين يا ذياد سيبه خلاص
ذياد مكنش بيرد عليها ونزل لمكتب المدير وهو بيجره وحسام كان تعبان خالص ورماه بعصبيه علي الارض
المدير بصدمه ايه ده يا ذياد مين عمل كده في حسام وازاي تدخل ترمهولي كده
صافي دخلت وعيطت واكملت مفيش حاجه يا استاذ مجدي يلا يا ذياد
ذياد بعصبيه لا في البيه حاول يعتدي علي خطيبتي في شركتك ايه رايك يا مجدي بيه
مجدي بصدمه انت بتقول ايه وبص لحسام واكمل بعصبيه انت عملت كده يا حيوان
حسام بخوف حضرتك والله مكنتش اقصد كده كل الحوار
مجدي بعصبيه مكنتش تقصد ايييه انت اتجننت امشي غور برا مطرود ومشوفش وشك تااااني يا حيووووان
حسام قام وقف وبص لذياد بغل وخرج
مجدي بحزن انا بجد بعتذر منك عن اللي حصل يا انسه صافي انا مش عارف اودي وشي منك فين ان الكلب ده دكتور عندي
صافي بعياط الحمدلله جات علي كده يا مجدي بيه
ذياد بحده صافي قدمت استقالتها يا مجدي بيه صافي بصتله بصدمه
مجدي بصدمه انا مشيته يا ذياد انت بتقول ايه صافي من اشطر البنات في الشركه وليها دور كبير
ذياد بحده وانا هبقي جوزها وقولت قدمت استقالتها انا مش هشغلها تاني خلاص
صافي بدموع حبيبي انت عارف انا بحب شغلي وحسام مشي فا
ذياد بعصبيه وانا قولت مفيش شغل تااااني هتكسري كلمتي
صافي بعياط اللي تشوفه يا ذياد
مجدي بحزن يابني خلاص هو مشي ارجوك خليها ومتخافش عليها هتبقي في حمايتي انا بعد كده
ذياد بحده شكرا يا مجدي بيه انا بس حبيت اعرفك الموضوع لان كلب زي ده مكنش ينفع يفضل في الشركه انما صافي خلاص استقالت وشد ايديها وطلع بيها
صافي بعياط ذياد استني ..ذياد ارجوك
ذياد خرج من الشركه وراح عند عربيته واكمل بعصبيه عااايز اييه
صافي خافت واكملت بتوتر ودموع انت بتزعقلي ليه انا مالي يا ذياد وفضلت تعيط
ذياد مسك دراعها جامد واكمل بعصبيه كااااام مره اقووولك ملكيش دعوه بحسااام خالص ومتقوليش حتي صباااح الخيررر وانتي بكل قله ادب تكسري كلمتي وتروحي مكتبه انتي اتجننتييييي
صافي بعياط وخوف والله فهمني انه علشان يقولي علي شغل انا امتي كسرت كلمتك من ساعه ماتخطبنا وأسال اي حد فضل يتحايل عليا وحلف ان حاجه تخص الشغل وكدب وقالي ان المدير قاعد في مكتبه علشان هو اتاخر وهيهزقه فعايزني ادافع عنه فاانا رفضت ورايحه انزل زقني للاوضه واكملت بعياط وحاول يقربلي بس انت جيت في الوقت المناسب
ذياد غمض عنيه بغضب واكمل بعصبيه عجبك اللي حصللل مبسوووطه وكلب زي ده كان هيأذيكي بسبب غباااائك انتي بتفكررري ازاي واحد زي ده حاول مره وعشره يتقدملك وبترفضي ونظراته ليكي مش تمام تقومي تطلعي مكتبببه
صافي بعياط انا اسفه بجد يا حبيبي مكنتش اعرف ان كل ده هيحصل والله انت عارف انا نيتي مش كده ودماغي متجبش كده خالص
ذياد بعصبيه علشاان غبيه وعموما ريحنا مفيش شغل تاني
صافي بعياط حاضر يا ذياد
ذياد اتعصب وضرب ايديه علي العربيه بغضب واكمل ابن الكللللب الزباااله حاسس اني كنت عايز اموته خااالص مش مكفيني الضرب اللي ضربتهوله كل ماافتكر شكله وهو قريب منك بموت
صافي بعياط حقك عليا يا ذياد انا فعلا غبيه وشهقاتها عليت واكملت بس والله مكنتش اقصد اكسر كلامك انا اسفه وانهارت عياط
ذياد صعبت عليه فمسح دموعها واكمل بحب وهو بيبوس جبينها اهدي طيب متعيطيش واالله يا صافي انا خوفت عليكي فغصب عني اتعصبت كده علشان محذرك
صافي بعياط عارفه والله انا اسفه بجد
ذياد باس ايديها واكمل الحمدلله بجد ان مـأذكيش انا كنت هموت فيها والمصحف
صافي بدموع الحمدلله بجد
ذياد بحب خلاص بقي كفايه عياط والله عايز اخدك في حضني بس اعمل ايه مش حلالي
صافي ابتسمت بدموع واكملت انجز بقي علشان انا زهقت وعايزه اتجوز
ذياد فضل يضحك واكمل اول اشوف عروسه مصروعه علي الجواز
صافي بحب كفايه اني هبقي معاك كل يوم وبدل مابنتقابل برا كل يوم كام ساعه لا هنتقابل مابين المطبخ والصالون وهنام في حضنك كل يوم
ذياد باس ايديها واكمل بحب هانت يا ست البنات ده انا والله بحلم بليوم ده اكتر منك بكتير
صافي ابتسمت واكملت تعالي نخرج بقي وديني مطعم علشان انت نكدت عليا
ذياد ضحك واكمل تعالي ياختي دايما همك علي بطنك وركبوا العربيه بتاعته ومشيوا
———————————————-
في بيت منه الباب خبط
منه بحزن افتحي يا ريهام معلش
ريهام طبطبت عليها واكملت اهدي طيب
منه بدموع كويسه روحي بس شوفي مين
ريهام فتحت لقيت مالك وجيسي واكملت اتفضلوا واكملت بصوت مسموع ده مالك وجيسي يا منه
منه بحزن من جوه حاضر جايه وقامت بتعب لبست الاسدال ولفت الحجاب وشالت ساره وطلعت واكملت منوره خير اي سبب الزياره
ريهام انا هسيبكم انا علشان تاخدوا راحتكم
منه بدموع خليكي يا ريهام انتي اختي وعملتي اللي من لحمي ودمي معملتوش ووقفتي جمبي انما عمرك ابداا ماكنتي تقدري تعملي اللي اختي عملته
مالك بحزن منه انا معاكي بس اديها فرصه
منه بعياط لو سمحت يا مالك انا مش قادره اتكلم في حاجه ارجوك
جيسي قامت وقفت وراحت حضنتها واكملت بعيااط عارفه غلطت اوي وندمت وحياه ابني بس متزعليش مني كده يا منه ابوس ايدك زعلك بيموتني هو انا اتبقي ليا من اهلي غيرك يا منه ده انتي اختي وامي وكل ماليا ارجوكي متزعليش مني كده
منه بعياط ومكنتش اختك وانتي بتعملي فياا كده وعايزه ادم يعتدي عليا وتصوريني
جيسي بعياط غبيه والله غبيه وتهور وطيش مني بس ندمت والله ندمت واتغيرت اديني فرصه وسامحيني ارجوكي يا منه
منه بدموع مش هقدر يا جيسي الثقه اللي كنت بوثقها فيكي اتهزت ومهما حصل مش هترجع وهفضل شاكه في اي وقت انك بتكرهيني اصل اختي اللي من لحمي ودمي تعمل فيا كده اتوقع ايه من الغريب ?? واتعصبت واكملت بدموع يا شيخه ده الغريب ميقدرش يعمل ولا يفكر فاللي كنتي عايزه تعمليه
جيسي بدموع ووجع معاكي فكل كلمه وحقك تزعلي اوي وتقاطعيني كمان بس لو انا لسه وحشه انما انا اتغيرت وبحب جوزي ومعايا عيل ووقفت جمبك في حملك خطوه خطوه وعيطت علييكي وانتي بتولدي وحضنتها واكملت منه ااانا مليش غيرك ارجوكي بلاش تبعدي عني انا بابا باعني زي ما باعك بلظبط وبقينا مقطوعين من شجره بس بصبر نفسي ان ليا اخت وانتي عارفه بحبك ازاي انا برغم كل ده مخي كان مهيألي اني مش بأذيكي وبجمعك عادي بللي بتحبيه وانا ابقي مع حاتم بس انا غبيه اوي غبيه وصافي لما حكتلها بهدلتني وفعلا ندمت واتغيرت واتحجبت وبقيت واحده تانيه ارجوكي سامحيني وانسي
منه بدموع بتوجع اوي يا جيسي علشان منك انتي … عارفه لما الوجع بيجي من اقرب الناس بيكسر اوي انا من ساعه ماروحت دموعي منشفتش لان انا مش بشوفك اختي لا زيك زي ساره عندي بنتي الصغيره وتؤام روحي واختي الوحيده واللي مليش غيرها فمتوقعتش كده منك ابداا يا جيسي ابداا اصل انا موجوعه زيك واكتر انا بابا بيكرهني زيك جوزي بعد عني وعن بنته وقاهر قلبي عليه وحياتنا ادمرت ودموعها نزلت واكملت معلش بردو انا كنت بشوف مالك بيوطي يلبسك الكوتش ويقومك يسندك ورايح جاي بيكي علي الدكتوره وانتي حامل وبياكلك بايده عمري ماقولت ليه ادم مش معايا ويعمل كده مع اني اتمني وانتي اما جيتي تدخلي العمليات لقيتي حضن من جوزك وتشجيع انما انا كنت لوحدي ولسه لوحدي وهربي بنتي لوحدي وعيطت واكملت فابتحسديني علي ايه يا جيسي بجد انا حياتي فيها ايه يعجب حد اصلا دي كلها وجع قلب حتي الوحيد اللي قولت ده عوضي من الدنيا ..الدنيا نفسها استكترته عليا وانا بقي. بموت فكل دقيقه هو بعيد عني عيني انا تعبانه اوي يا جيسي تعبانه اوي وفضلت تعيط
مالك بصلهم بحزن وهو وريهام
جيسي حضنتها جامد وعيطت واكملت انا اسفه يا منه ارجوكي سامحيني حقك عليا فعلا محدش تعب قدك انتي وجوزك والله انا عارفه واسفه اوي بس سامحيني يا منه ده انا مليش في الدنيا اهل غيرك انتي وحاتم بس انتي اكيد اقربلي منه انتي اختي يا منه واقسملك اني ندمت من ساعتها بس خوفت احكيلكم مقدرتش اواجهكم بس احساسي بلذمب كان بيموتني كل دقيقه
منه حضنتها واكملت بدموع خلاص يا جيسي اهدي كفاياكي عياط مسمحاكي
جيسي بدموع فرح والنبي بتتكلمي جد
منه بحب وهي بتمسح دموعها اكملت اه بجد علشان اانا الكبيره ودايما الكبيره بتسامح الصغيره ومش بتهون عليها وانتي قولتك عندي زي ساره وعيطت واكملت ماهو مهما تعملي يا كلبه اختي ومن دمي
جيسي حضنتها وعيطت واكملت انا بحبك اوي يا منه بجد حقك عليا يانورعيني
منه بحب وانا بحبك اكتر ومسحت دموعها واكملت خلاص بقي
مالك ابتسم بحب واكمل ربنا يخليكم لبعض يارب
منه بحب ويخليك لينا يا ابو سولي
ريهام بحب بما اننا كلنا متجمعين احضر العشا وناكل كلنا سوا
منه بحب اه يلا
مالك لا ده يادوبك نروح مره تاني
منه بحب اخص عليك هتسبوني اكل لوحدي
جيسي بحماس خلينا شويه مالك بليززز زهقانه من البيت وابنك مطلع عيني
ريهام بحب ده الاكل جاهز يعتبر والله خليكم بس وخمس دقايق وناكل كلنا سوا وامشوا
مالك بحب خلاص تمام وقعد مسك سليم وباس خده
وريهام دخلت تحضر الاكل
جيسي بس يا مالك
مالك برفعه حاجب هو ايه اللي بس
جيسي متبوسش الواد
مالك ضحك وغمز واكمل بتغيري ولا ايه
جيسي بضحك لالا انت فاهم غلط خاااالص انا بقولك بس علشان ميصحاش انا مش ناقصه وش
منه ضحكت فاكمل مالك بضحك اخص عليكي وانا اللي فاكرك بتغيري قال .. وبعدين ده ابني وابوسه براحتي وفي اي وقت وباسه تاني
فسليم عيط فاكملت جيسي يااختاااي اقول عليك ايه يا مالك حرام عليييك
مالك بضحك مالك يابت كل ما الواد يعيط تندبي كده ليه
جيسي راحت خدته منه واكملت وهي بتقعد جمبه وبترضعه علشان سليم بيصحي مش بيبطل زن بجد وانا بتعب اوي معاه وضربته في كتفه واكملت متجيش جمب ابني وهو نااايم تاااني
مالك بضحك انا براااحتي
منه بضحك والله انتوا مشكله ده منظر ام واب عاملين زي القط والفار
جيسي بضحك لا ده احنا كل يوم كده ده العادي بتاعنا
منه ضحكت واكملت ربنا يخليكم لبعض يا حبيبتي
مالك ويخليكي لينا يا ام سوسااا .. هي نايمه صح
منه بحب اه لسه نايمه من شويه
جيسي بتنهيده عقبال سليم يارب علشان تعبت
ريهام وهي بترص الاكل اكملت بضحك تعبتي ايه بس لسه بدري خلي روحك طويله ده انتي في زي مابيقولوا كده في حلاوه البدايات
مالك بضحك بطمنيها وبتخليها تتفائل انتي
ريهام بضحك يابني افهم انا بوعيها علشان متتصدمش
جيسي بحب بجد برغم تعبي ده كله الا انه يهون لاجل عيون سليم
منه بحب ربنا يخليهولك يا حبيبتي وتخاويه
جيسي بحب اللهم امين يارب
ريهام بحب يلا الاكل جهز
وقاموا كلهم واكلوا سوا وهما بيتكلموا ويهزروا بحب
——————————————–
واخيراااااا بعد مرور باقي الاربع سنين ادم خلص تعليمه واتكرم كتير لتفوقه وتميزه وبقي من اشهر الاطباء في امريكاا وبقي ليه اسمه المعروف ومستواه المادي اتحسن كليااا وبقي من اغني الاغنياء في امريكا وبيعمل عمليات صعبه جداا وبيجيلوا مرضي كتير من حول العالم .. منه كانت بتتفرج كل مره عليه في الشاشه وتشوف تكريم ورا تكريم ليه ودموعها بتنزل بفرح وفخر بيه وبنجاحه اللي فعليا ابهر الكل وساره بقيت 3 سنين ونص وبتحب ادم اوي من كلام منه عليه وطلعت نسخه منه بلظبط نفس العيون والشعر والملامح .. جيسي ومالك حياتهم بقيت افضل حاجه ومعاهم سليم عمره 3 سنين ونص … شهد وحاتم حبهم بيزيد اكتر وبقيوا ثنائي رائع ومعاهم ملك بقيت 4 سنين الا شهور … عمر وتاليا عدوا السنين دي بصعوبات كتير وتعب لتاليا بس كملت ورضيت بقضاء ربنا وانها مش هتخلف ….ذياد وصافي اتجوزوا وخلفوا ولد وعمره سنتين واسمه ادهم … رامز وسالي عاشوا اجمل سنين حياتهم وعوضوا كل اللي فات ومعاهم مروان اللي بقي 7 سنين. وداليا وعبدالله اتجوزوا ومعاهم اسر 3 سنين ومالك جاب بيت كبير اوي وحلو ونقلوا فيه بس جيسي صممت تاخد حماتها وحماها علشان ميفضلوش لوحدهم وده لانها بتعتبرهم امها وابوها وبتحبهم اوي
بعد مرور الاربع سنين ♥️♥️
في صباح يوم في امريكا المنبه بيرن وادم نايم صحي علي صوته وطفاه واتاوب بنعس وقام دخل الحمام خد شاور وخرج بقي يبص لصور منه اللي رسمها اللي متعلقه فكل حته في اوضته واكمل بحزن استحملي بس شويه كمان اخلص العمليات اللي ورايا دي وهرجع يا منه وساعتها هنتواجه
وراح لبس بدلته وساعته ورش برفيوم وسرح شعره وبقي قمه في الاناقه والوسامه
ونزل واكمل صباح الخير يا سالي
سالي بحب صباح الخير يا حبيبي بقولك هتيجي انهارده بدري
ادم لا والله يا سالي ورايا عمليات كتيرر اوي
رامز ربنا معاك ويقويك يا حبيبي
سالي اصل انت عارف ان كان في منتج امريكي عاايز يقعد معاك علشان تعمل اعلان للمنتج الطبي بتاع شركته
ادم لالا يا سالي مبحبش الجو ده هو لو منتج حلو فعلا مش هيحتاجني انا ولا غيري وهيتعرف لوحده انا مروحش اعمل اعلانات لحاجه معرفهاش واكدب علي الناس
رامز والله انت صح ده عين العقل بلا كلام فاضي هما عايزين يستغلوا اسمك
ادم مش لما انا اوافق بقي
مروان نزل واكمل صباح الخير
ادم باس خده واكمل بحب صباح النور يلا تعالي واديك انا المدرسه بابا لسه بياكل
مروان بحب طيب يلا باي يا ماما باي يا بابا
سالي بحب باي يا حبيبي
رامز يا ادم انت وراك عمليات سيبوه اوديه انا
ادم لالا افطر علي مهلك انت يا حبيبي احنا واحد
سالي ادم انت صح ماشي من غير ماتفطر
ادم انتي عرفاني مبعرفش اصحي افطر لما اجوع هاكل في المكتب يلا باي
سالي باي خلي بالك من نفسك
ادم بحب عنيا يلا يا مارو
وراح فتح عربيته وركب ومروان ركب جمبه ومشي
———————————————
في بيت منه كانت واقفه في المطبخ واكملت بصوت عالي نسبيا سااااره … انتي ياابت .. هو كل يوم لازم صوتي يطلع يا ساره يعني ودخلتلها الاوضه واكملت وهي بتهزها ياحبيبتي قومي هتتاخري علي الحضانه
ساره بنوم ماما سبيني شويه انا تعبانه بجد
منه انتي بتكدبي علي ماما يا ساره صح ?
ساره بنوم بصي انا مش تعبانه بس عايزه انام ارجوكي
منه بضحك طب قومي علشان مقلبش عليكي
ساره بنوم يا ماما بجد عايزه انام
منه خلاص انا هتصلك بمالك يجي يشوف هيصحيكي ازاي بقي
ساره قامت واكملت خلاص خلاص قومت اهو بس بليز متقوليش لعمو مالك علشان بيزعل مني
منه ضحكت واكملت يابنت الجزمه انتي بقي عادي كده عمو مالك ميزعلش وانا انبح في صوتي كل يوم زعلانه منك يا ساره
ساره باست خدها واكملت خلاص متزعليش هقوم اروح الحضانه والله
منه حضنتها جامد واكملت بحب وهي بتبوس خدها مقدرش ازعل منك يا نورعيني يلا بس نقوم تغسلي وشك وسنانك لحد ما عمو طارق يخبط علينا
ساره حاضر يلا
منه قامت شالتها وساعدتها تغسل سنانها ووشها ولبستها شورت جينز لحد الركبه بلظبط وتيشرت نص كم وعملتلها شعرها واكملت بحب ياختي علي بنتي القمر يااانااس ايه يا بت الحلاوه دي وباست خدها
ساره بابتسامه انا علطول حلوه
منه ضحكت واكملت مغروره بس اه يا قلبي علطول زي القمر تعالي يلا وشالتها ودخلوا المطبخ قعدتها علي االرخامه وبدات تحضرلها السندوتشاات
ساره بحزن مامي وهو بابي مجبليش اللعبه اللي قولتله عليها امبارح
منه ابتسمت بوجع واكملت لا يا عمري جابها طبعا نخلص بس الاكل وانزلها تشوفيها
ساره ضحكت وسقفت بفرح
منه بحب باست خدها واكملت هو يقدر ادم ميجبش حاجه ساره طلباها يعني
ساره بحزن نفسي اشوفه بجد دايما بيكلمني في التليفون بس
منه حضنتها واكملت بحب انتي عارفه ان بابا دكتور معروف دلوقتي ومشغول اووي بيساعد المرضي وبتشوفيه علي الشاشه كتير
ساره بدموع عارفه بس ليه دايما يجي يحط لعبتي علي السفره ويمشي قبل منا اشوفه هو مبيحبنيش
منه حضنتها واكملت بدموع لالالا ياعمري بابا بيموت فيكي هو بس كل الحكايه في ناس بتتعب بيضطر يمشي بسرعه فاهمه علشان حرام يموتوا يرضيكي الناس تفضل تعبانه وتموت يا ساره
سااره هزت راسها ب لا بحزن
منه بدموع اوعي اسمعك بتقولي بابا مش بيحبك دي تاني
ساره بحزن انا عارفه انه بيحبني بس قولتله كتير نفسي اشوفه
منه باست جبينها واكملت بوجع اقرب وقت يا حبيبتي اقرب وقت ونزلتها واكملت بحب يلا روحي شوفي لعبتك
ساره نزلت وجريت علي برا ومنه افتكرت
فلاااااش بااااااك
ادم بعصبيه بقولك مش عايز اخلف منك انتي مبتفهميش انا مش بحبك ومش هحب عيال منك
منه بعياط ووجع طب انا لو هونت عليك ماشي انما اللي في بطني يا ادم ذمبه ايه
ادم بعصبيه ذمبه ان امه واحده زباله زيك وانا مش عايز اخلف منها ولا اشوف عيااي منها في يوم الاياام مهما حصل انا لا بحبك ولا حابب اللي في بطنك لانه كل مره هيفكرني ان كنت غبي لما قربتلك وحبيتك
باااااااك
منه دموعها نزلت بوجع واكملت اتمني يكون بيكدب وده كلام وقت عصبيه ودي مش مشاعره تجاه بنته اللي بتموت فيه
ساره دختلها واكملت بمرح بجد جمييله اوووي بصي يا ماما
منه وطت لمستواها واكملت بحب حلوه اوي ياروحي
ساره بحماس دي جميله اوي اتصلي ببابا اقوله شكرا بليز يا ماما بليز
منه بتوتر ايه حاضر ياروحي ثواني انتي خليكي هنا
وخرجت من المطبخ اتصلت بعمر
عمر ايه يا منون عامله
منه بهمس بص يا عمر لما اكلمك من الخط ده انت ادم ولما اكلمك من التاني يبقي عايزاك عمر عادي
عمر بحب عنيا حاضر هاتيها
منه بدموع انا اسفه يا عمر بس ساره بقيت تتكلم وبلسانين مش بعرف اسكتها ولولا بتشوف مالك اكتر وعارفه صوته كنت خليته هو يكلمها
عمر بحزن بس يا هبله هي فعلا بنتي هو انا وادم ايه يعني عيب الكلام ده
منه ابتسمت واكملت بحب ربنا يخليك لينا يارب وندهت واكملت سوسا تعالي كلمي بابا
ساره جات تجري بفرح واكملت هاتي
منه ادتها الفون وقعدتها جمبها علي الكنبه
ساره بفرح الو يا بابا
عمر بحب ايه يا قلب بابا وروح بابا عامله ايه يا اميرتي
ساره بفرح انا كويسه الحمدلله بجد شكرا علي العروسه جميله اوي زي منا طلبتها بلظبط
عمر بضحك هي هي يعني
ساره بمرح اااه بلظبط
عمر بحب من غير شكرا يا حبيبي انا اجبلك كل الدنيا واللي تؤمري بيه انا عنيا وانفذ
ساره بحزن منا طلبت منك طلب وانت معملتوش
عمر غمض عنيه بحزن لانه عارف واكمل طلب ايه ده يا سوسا
ساره بحزن اني اشوفك حقيقي مره اشمعنا الناس علي الشاشه اللي بتديك هديه بتشوفك وانا لا
عمر بوجع حبيبتي انتي عارفه ان بابا دكتور صح
ساره ااه صح
عمر بحب وانا غصب عني يا قلبي لو انا كنت فاضي كنت جيت بس الناس المرضي محتاجين اكون معاهم علشان ميتعبوش اكتر حرام
ساره بحزن احنا عيد ميلادنا يوم واحد مع بعض وانت بردو مش بتيجي فيه
منه عيطت بصمت وعمر دموعه نزلت واكمل بصوت موجوع حقك عليا يا حبيبت بابا بس انا حتي اليوم ده مش بفضي خالص
ساره بدموع لا اوعدني عيد ميلادي اللي جاي تكون معايا
عمر بوجع خلاص خلاص متعيطيش واكمل بصوت مهزوز اوعدك يا سوسا عيد ميلادك اللي جاي هكون معاكي بس علشان خاطري متعيطيش
ساره مسحت دموعها وابتسمت واكملت مبقتش اعيط خالص اهو
عمر ضحك واكمل بنتي الشطوره اللي بتسمع الكلام
ساره بحماس عارف يا بابا امبارح جبت كام في امتحان الماث في الحضانه
عمر بحب كام يا قلب بابا
ساره بفرح جبت 10 من 10 والتيتشر قالت اني شاطره اوي
عمر بفرح ياروحي متعرفيش فرحان بيكي قد ايه بجد شكل اميرتي هتطلع احلي دكتوره زي بابا
ساره بمرح اااه انا عايزه اساعد المرضي زيك بكده بردو افضل معاك علطول وسكتت بحزن واكملت بس في مشكله
عمر بضحك ليه بس ماحنا اتفقنا خلاص اهو هتبقي دكتوره زي بابي
ساره بحزن اه بس كده هعمل زيك واشتغل كتير واسافر ومامي تفضل لوحدها
منه دموعها نزلت وباست راسها واكملت بحب وهي بتمسح دموعها لا ياروحي انتي ابقي دكتوره ومتخافيش عليا
عمر بحزن هنيجي لمامي كتير يا سوسا متقلقيش مش هنسيبها لوحدها
ساره بفرح خلاص ماشي انا دلوقتي هروح الحضانه وهرجع اكلمك ماشي
عمر بحب مستني يا اميرتي
ساره بحب اي لف يو سوماتش
عمر ضحك واكمل بحب اي لف يو تو
ساره بضحك باي باي
عمر بحب باي يا قلب بابا
وقفل
تاليا كانت جمبه ودموعها نزلت بوجع لانها كانت صعبانه عليها ساره وكمان كلام عمر ليها بيدل علي فرحته بيها وانه اكيد بيتمني فعلا يكون اب ويقول لاولاده كده
عمر بصدمه ايه ده ايه ده مالك بتعيطي ليه
تاليا حضنته واكملت بعياط ووجع انت عارف اننا اتفقنا ان انا رضيت الحمدلله بس كل مره بشوفك بتكلم ساره علي انك ابوها قلبي بيوجعني عليك اشمعنا انت مش اب فعلا يا عمر انت حنين اوي وكنت هتحب عيالك اوي وتدلعهم زي مابتعمل مع ساره كلامك ليها وفرحتك وانت بتقولها قلب بابا بتموتني لان نفسي تكون بابا فعلا وفرحان كده
عمر باس راسها واكمل وهو بيطبطب عليها بس بس اهدي يا حبيبتي انتي عارفه ان ساره متعوده ان صوتي هو ادم فالازم اعمل كده لاني بعمل دور اب بيكلم بنته وده حفظا علي نفسيتها دي طفله انما مش قصدي احسسك اني نفسي اسمع الكلمه دي لا وحتي لما ساره بتناديني بابا وبتقولي بتحبني بفرح اوي بس لان بتاكد ان حبها لابوها كبير اوي ومنه عرفت تربي صح انما مش قصدي يا روحي اوجعك كده حقك عليا
تاليا بعياط انا تعبانه اوي يا عمر بجد وكلمه حقك عليا واسفه كل دقيقه مش هتكفي بقالنا 4 سنين متجوزين ولسه مخفتش
عمر مسح دموعها واكمل بعتاب بجد اخص عليكي يا تاليا بجد اسفه ايه وحقك عليا ايه وكلام فاضي ايه انا قولتلك وهقولك والمصحف ما فارق معايا غيرك ووجودك جمبي بلدنيا كلها بلاش والنبي الكلام ده وتوجعي قلبي عليكي كل شويه انا قولتلك انتي بنتي وحبيبتي ومراتي وكل ماليا
تاليا وهي في حضنه اكملت بحب بجد ربنا يخليك ليا يا عمر بجد
عمر بحب ويخليكي ليا يا قلب عمر يلا نفطر بقي علشان ورايا شغل قد كده انهارده
تاليا بحب يلا
————————————–
في بنت منه الباب خبط
منه هروح افتح ده اكيد عمو طارق
ساره بغضب طفولي مامي صح انتي مش قولتيلي هنتفرج علي البوم الصور امبارح بس انا نمت وعايزه اشوفه بقي
منه ضحكت وشالتها واكملت لما تيجي يا قرده هفرجك علي اللي انتي عايزاه
ساره بمرح خلاص ماشي
منه فتحت واكملت صباح الخير يا طارق
طارق باعجاب وحب صباح النور ها سوسا جهزت
منه بحب اه اهي ونزلتها واكملت امسكي ايد حور وامشوا سوا
ساره حاضر واكملت وطي
منه وطت لمستواها فساره باستها واكملت باي
منه بحب باي ياروحي ركزي ها
ساره بحب حاضر
طارق بحب يلا عايزه حاجه
منه تسلم يا طارق سلامتك
طارق مسك ايد بنته حور وساره ومشي ومنه قفلت الباب
(( طارق جار منه هو مدير الحضانه وبياخد ساره معاه كل يوم يوديها ويعرف منه من ساعه ماجات عشره 4 سنين وبيحبها اوي وميعرفش غير انها منفصله عن جوزها لان مش بيشوفه نهائي فاكرهم مطلقين وبيتمني ان يتجوزها. اوي لا مراته ماتت بدري وسابتله بنته حور اللي في عمر ساره ومكنش فيه بينهم حب ))
—————————————–
في بيت مالك
جيسي وهي قاعده علي السفره بتحضر السندوتشات اكلمت بصراخ يا سلييييم نبحت صووتي قوم يخربيتك
ساميه بضحك ده تصحيله مالك مش هيصحي غير كده
جيسي بتعب والله تعبت يسهر طول الليل مع ابوه ويغلبني الصبح
ابراهيم بضحك ربنا يعينك يابنتي
جيسي قامت دخلت اوضته واكملت سليم .. انته يا بيه .. طب تمام حلو اوي كده
خرجت من اوضته وراحت لمالك واكملت وهي بتهزه قوم مش سهران معاه امبارح بلايستيشن طول الليل قوم بقي اوضع حل مع ابنك
مالك اتخض واكمل يخربيت ابوكي حد يصحي حد كده
جيسي بضيق قوم يا مالك علشان ابنك بجد حارق دمي وهيشلني
مالك نفخ وقام دخل الحمام غسل وشه ولبسه هدومه وخرج قعد في الصالون واكمل بستغراب هو لسه مصحيش اصلا
ساميه بضحك لا مش راضي يرد عليها عامل نفسه نايم مع انه من دققتين قايلي هاتيلي مايه يا تيته اشرب
جيسي بحده شايف اابنك
مالك بضحك خلاص متعليش صوتك اهدي واكمل بحده وهو بينهده عليه انت يا حيوان يا ابن الكلب
سليم من جوه نعم يا بابا
كلهم فضلوا يضحكوا معادا جيسي كانت متغاظه منه جدا واكملت ابنك مترباش ومش بيحترمني
مالك بضحك مش بتدلعي تستاهلي ونبهتك كتير كام مره تغيبيه من الحضانه وتقولي الواد تعبان الواد كسلان الواد مش عارف ايه لحد ماتعود انك بتطبطبي واكمل بصوت مسموع سليم تعالي هنا
سليم خرج بيدعك في عنيه واكمل بنوم بليز يا بابا سبني انام انهارده انا كنت سهران بليل
مالك بحده انا قايلك يا سليم قبل مانلعب قولتلك لو جيت الصبح مقدرتش تصحي للحضانه ليلتك هتبقي سودا فا زي الشاطر كده روح مع امك البس هدومك متسمعناش كلمتين منها مش ناقص صداع
سليم بيأس حاضر يا بابا هروح يلا يا ماما
جيسي ضربته في كتفه واكملت اتلم ها
مالك بضحك شايفه متنهاش تاني حاضر يا بابا
جيسي منا اللي استاهل فعلا دلعت كتير وشالته واكملت يلا يا بيه
سليم باس خدها واكمل متزعليش
مالك بضحك هتضعف اهو
جيسي بضحك بصراحه اه وباست خده كتير واكملت ياروحي علي ابني يا نااس قلب امه ده مقدرش ازعل منه
ساميه بضحك انفصام في الشخصيه غير طبيعي
مالك بضحك هي دي جيسي وكل يوم نفس الفيلم وبيتنهي بنفس البوسه
جيسي بضحك ملكش دعوه لو سمحت انا وابني حبيبي متدخلش وباست خده واكملت يلا نلبس ياللي هتجبلي الشلل
سليم بضحك بعد الشر عليكي يا جوجو
جيسي ضحكت واكملت بص ابنك
مالك يا حيوان اسمها ماما
جيسي بحب وجوجو بردو وكل اللي هو عايزه وباسته تاني
سليم بضحك شوفت هي راضيه
ابراهيم بضحك متدخلش بينهم تاني ياابني احسن كل مره كده
مالك بضحك شوف يعني 4 سنين ولسه كل مره بندم علي تدخلي بين جيسي وابنها
جيسي ضحكت ودخلت لبست سليم والباب خبط
ساميه افتح يا مالك
مالك فتح واكمل بحب ادخلي يا منون
منه بحب صباح الخير
ساميه بحب صباح الفل ادخلي
سليم جري حضنها واكمل واحشتيني
منه وطت لمستواه واكملت ياروحييي قلب خالتو ده يا ناس
سليم فين ساره
منه بضحك ساره في الحضانه من بدري
جيسي شايف التربيه النضيفه مش ابني
منه بضحك لا والنبي ياختي مقامتش من السرير غير لما قولتلها هقول لعمو مالك قالتلي لا يا مامي علشان بيزعل مني اانا قومت اهو
كلهم ضحكوا فاكمل مالك بضحك والله دي قلب عمها .. ودتيها انتي ولا مع باص الحضانه
منه قعدت واكملت منتا عارف ان طارق صاحب الخضانه جاري فبياخدها مع حور بنته
مالك بحده منه انا مش قولتلك الراجل ده تبعدي عنه ايه حكايه كل شويه طارق يوديها دي
منه يا مالك والله الراجل كويس ومش بيعمل حاجه وحشه ده هو معتبر ساره زي حور بلظبط وبيوديهم سوا مفيش حاجه
مالك بحده طب بصي يا منه انتي مرات اخويا يعني الصح لما هو يكون مش هنا انا مكانه وعلاقتك بطارق ده تنهيها خليها في المحدود وبنتك انا هروح اجيبها انهارده وهنقلها حضانه سليم وهجيبهم واوديهم كل يوم
سليم بمرح اه يا خالتو خلي ساره تيجي معايا ارجوكي
منه باست خد سليم واكملت خلاص يا مالك اللي تشوفه وانا هعتذر لطارق واقوله عمها هيوديها
مالك بحده ولا تعتذري ولا تعبريه ده راجل مراته ماتت ومعاه طفله صغيره وحركاته وطريقته دي مريحتنيش طول الاربع سنين ومن الاخر كده هو حاطط عينه عليكي
منه بصدمه ايه يا مالك الكلام ده لا هو شايفني زي اخته بس
ابراهيم بتنهيده انتي غلبانه يابنتي فمش في نيتك حاجه وعموما خلاص ساره مالك هيوديها وكده نبقي ريحنا
منه مشوار عليك حضانه سليم عن بيتي
مالك انا هروح بعربيتي هو انا همشي وبعدين لو علي رجلي دي بنت اخويا واتعبلها مش مشكله
منه بحب ربنا يخليك لينا يا مالك
مالك بحب ويخليكي لينا يارب يا ام سوسا واكمل يلا بقي يا سولي علشان هنتاخر
سليم راح لجيسي واكمل وطي
جيسي وطت فباسها بحب راحت باست خده واكملت يخليك ليا يارب
ساميه بضحك اهو انتي كده ليل نهار خناق في الاخر تحبي فيه
منه بضحك كلنا يا ماما والله
مالك ضحك وشال سولي واكمل بحب يلا احنا
سليم باي
الجميع بحب باي
————————————-
في بيت شهد وحاتم
شهد صحيت وقفلت المنبه واكملت وهي بتتاوب حاتم قوم يا حبيبي الساعه 8
حاتم ——
شهد بحب يا تومي وبتهزه
حاتم فتح عنيه بتثاقل واكمل ايه يا شهد في ايه
شهد بحب قوم يلا البت هتتاخر علي الحضانه وانت علي شغلك
حاتم بنوم بجد مش قادر
شهد رايحه تقوم واكملت بضحك الاقيها منك ولا من بنتك كل يوم الكسل ده
حاتم شدها فبقيت تحته واكمل بحب هو ايه القمر ده
شهد بضحك والله مش وقتك البت هتتاخر يا حاتم اوعي لسه هعملها تاكل
حاتم بحب ملكوكه قربت علي اربع سنين وغمز واكمل ماتيجي نخاويها
شهد بضحك لااااا مش بعد ماكبرتها اعيد المرار تاني اوعي يا حبيبي واحترم نفسك
حااتم برفعه حاجب بقي كده
شهد بضحك اه كده اتلم شويه ها
حاتم بهيام فيها اعمل ايه واحشتيني والله
شهد بهمس طب اوعي علشان بنتك لو صحيت متسمعكش اتربي مبقيناش لوحدنا وقوم يلا علشان هتتاخروا بجد
حاتم بص للساعه واكمل بضحك لولا عندي اجتماع مهم كنت رخمت عليكي لحد ماترضي نخاوي البت بس انا مش فاضي دلوقتي وقام
شهد ضربته بلمخده واكملت بضحك ولا عمرك هتتربي حتي بعد مابقيت اب
حاتم بضحك الله هو انا بشتمك انا بقولك نخاوي ملوكه
شهد بضحك حقك عليك ايه انت منا اللي بشرب المر
حاتم غمز واكمل بضحك ازاي بقي ده انا
شهد بحرج وضحك اتللللم ومتكملش
حاتم فضل يضحك واكمل طب خلاص قومي حضري السندوتشات لملك وانجزي والله خساره فيكي سهري بلايام معاها بدالك
شهد بضحك لا دي فعلا حصلت ساعدتيني كتير وباست خده واكملت يخليك ليا يارب ورايحه تمشي شدها من وسطها ليه واكمل بضحك بتبوسيني وتجري انتي مش فالحه غير في كده
شهد بضحك ابعد عني يا حاتم واتلم
حاتم بحب طب مش تقوليلي صباح الخير بدل مانتي من الصبح اتلم اتلم محسساني ابن جيرانكم مش جوزك
شهد بضحك طب صباح الخير اوعي بقي
حاتم بضحك لا يا هبله مش بتتقال كده
شهد بستغراب اومال بتتقال ازا ومكملتش كان حاتم قربها منه وباسها بحب وشهد حطت ايديها حوالين رقبته وقربته اكتر وبعد دقايق بعد وسند جبينه علي جبينها واكمل بضحك روحي من قدامي يا شهد وحضري لملك الاكل علشان متاخر لوحدي
شهد ضحكت واكملت وهي طالعه مش انت اللي متربتش ورجعت واكملت اعمل حسابك البس وصحي بنتك
حاتم بضحك حاضر هصحيها انا
وخرجت شهد تحضر الفطار وحاتم لبس وخرج ودخل اوضه ملك لقاها نايمه ومتغطيه وسايبه شعرها فاكمل بضحك زي امك مبتعرفش تنام لامه شعرها ابدا وقرب باس خدها واكمل ملوكه .. بت يا ملك .. يا ملوكه قومي وبيهزها
ملك بنوم اممم
حاتم قومها وشالها واكمل بحب فوقي كده يا قلبي علشان الحضانه يلا
ملك فتحت واكملت بنوم صباح الخير يا بابي
حاتم بضحك طب فوقي الاول بعدين قوليها وباس خدها واكمل صباح النور يا قلب بابي قومي يلا عايزين نلحق نروح الحضانه هنتاخر
ملك حاضر هدخل اغسل وشي ونادي مامي تساعدني البس ايه
حاتم بحب حاضر عنيا ونزلها واكمل بحب فوقي يا ملوكه اوعي تنامي تاني
ملك بنعس حاضر والله ودخلت الحمام
حاتم طلع واكمل لشهد هي صحيت بس بتغسل وشها ادخلي انتي لبسيها بقي
شهد وهي بتقفل اللانش بوكس اكلمت حاضر وصحيها انت كل يوم بنتك بتنيمني جمبها
حاتم بضحك حصل مفتحه عنيها نص فاتحه ونعسانه وبتقولي صباح الخير يا بابي
شهد بضحك وهي داخله اكملت كسوله زي اللي جابها
حاتم بضحك اتلمي يا شهد
شهد ضحكت ودخلت لبست ملك وعملتلها شعرها وطلعت
حاتم بحب ياخرابي علي اميرتي الحلوووه يااا ناااس
ملك جريت عليه فشالها وباس خدها واكمل بحب وكيد اللي شبه بابا يا نااس وضحك
شهد ضربته في كتفه واكملت بضحك بطل غيظ فيا
حاتم بضحك خلاص نسأل ملوكه .. ملك انتي كنتي عايزه تبقي شبه بابي ولا مامي
ملك ضحكت وحضنت حاتم واكملت بابي وانا شبه اصلا
حاتم فضل يضحك علي منظر شهد وهي بتبصلها مصدومه واكملت بضحك اخص عليكي خساره التسع شهور اللي تعبت فيكي فيهم
ملك بضحك طب هو بابا وحش ?
حاتم بضحك شوفتي بتلبسك ازاي
شهد بحب لا بابا زي القمر
ملك بحب اهو اديكي قولتي زعلانه ليه اني اختارت اكون شبهه
شهد بتمثيل حزن يعني هي مامي اللي وحشه يا ملك
ملك بحزن لا حلوه يا مامي بردو بس انتي قولتيلي مره انك كنتي بتقولي لبابا عايزه ملك شبهو هو زعلتي ليه بقي
حاتم فضل يضحك واكمل ردي ردي علي ام لسانين
شهد ضحكت واكملت فظيعه بجد وباست خدها واكملت بحب وانتي قمرين وعجباني فعلا علشان شبه بابي يلا روحي الحضانه وتعالي بسرعه هتواحشيني
ملك باستها واكملت وانتي كمان هتواحشيني ااووي اوي اوي
حاتم هي بس يا ملوكه ولا ايه
ملك باست خده واكملت لا وانت كمان
حاتم ضحك واكمل بحب طب يلا بينا ومسك شنطتها وباس جبين شهد واكمل بحب خلي بالك من نفسك
شهد بحب وانت كمان
ملك بحب باي
شهد بحب باي يا قلب ماما
—————————————
في بيت تاليا الباب خبط
تاليا فتحت كانت منه فحضنتها واكملت بحب ادخلي يا قلبي نورتي
منه لقيت نفسي حسيت بملل والبت في الحضانه انتي عارفه مبعرفش اقعد من غيرها نزلت عند حماتي شويه وقولت افوت عليكي
تاليا بحب نورتي يا روحي تعالي
منه بتعملي ايه عمر نزل صح
تاليا اه من بدري بتبل بانيه علشان اعمله علي الغدا
منه بحب طب تعالي اساعدك يلا
تاليا يابت خليكي نقعد مع بعض واعمل شويه كده
منه لالا يلا بس هساعدك
تاليا قامت ودخلت المطبخ ووقفت تعمل الاكل مع منه وهما بيتكلموا حست بدوار سندت عليها واكملت بتعب منه معلش انا دوخت روحي هاتيلي دوا الضغط من جوه. بسرعه
منه بخوف مالك يابت في ايه
تاليا بتعب مش عارفه بقالي يومين كده واكملت بقرف وابعدي البيض عني ايه القرف ده هو بايظ ولا ايه. متعمليش بيه البانيه
منه بصدمه ودموع انتي قولتي ايه ابعد ايه
تاليا بستغراب وتعب البيض يا منه ريحته وحشه اوي ارميه وحست بقرف فدخلت الحمام وفضلت ترجع
منه خافت عليها اوي واكملت لالا يلا ننزل لريهام حالا
تاليا بتعب يا بنتي انزل اعمل ايه انا كده بقالي شويه تعبانه
منه بخوف لا يلا يلا انتي مش شايفه منظرك
تاليا فضلت ترجع واكملت وهي بتنهج من التعب دوخت مش قادره
منه سندتها ودخلت لبستها واكملت يلا يلا بس تعالي معايا ونزلوا رراحو لريهام العياده
تاليا بدموع وتعب منه كلميلي عمر عرفيه اننا خرجنا
منه بدموع فرح اهدي لما نتاكد
تاليا بستغراب تتاكدي من اي يا مجنونه انتي
منه بدموع فرح هتعرفي دلوقتي
ودخلوا لريهام فاكملت منه معلش حبيبتي جيتلك من غير حجز بس تاليا تعبانه اوي وبترجع وبطنها واجعها وزي مانتي عارفه تعبها فجينا نطمن
ريهام بحب لالا ولا يهمك تنوري اي وقت يا هبله انا اختك تعالي يا تاليا وسندتها منه قعدتها علي السرير وبدات ريهام تكشف عليها وعملت سونار
منه لما شافت السونار عنيها دمعت من الفرح واكملت والنبي ده بجد يا ريهااام
ريهام بحب وفرح اه بجد
تاليا بخوف وهو ايه في ايه
ريهام بحب وفرح انتي حامل يا تاليا وفي تؤام كمان
تالياا اتصدمت بشده واكملت بعياط هستيري من شده الفرح ايييه انتي متاااكده
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب غير مشروط)
