رواية معذبتي الفصل الأول 1 بقلم منى
 |
| رواية معذبتي الفصل الأول 1 بقلم منى |
رواية معذبتي الفصل الأول 1 بقلم منى
النهار طلع ياسين فتح عينيه وفضل باصص عليها وهي نايمه جمبه مش مصدق انها امبارح بقت مراته قدام الناس كلها بعد كل السنين الي قضوها سوا وقصه حبهم اللي تعبو كتير فيها ….. فضل كتير يتأمل ملامحها وابتسامه كبيره مش بتفارق وشه
( ياسين عنده ٢٩سنه شاب اسمر وسيم شعره اسود ناعم عيونه سوداء طول بعرض رياضي مهتم جدا بنفسه شريك في شركه هندسيه لسه في بدايتها مع كريم صحبه وعشره عمره )
ياسين ب حنان.. زينه حبيبتي اصحى
ابتسمت وهي مغمضه عينيها
ياسين.. هههههه على فكره انتي مبتحلميش انتي جمبي فعلا
فتحت عينها بخضه ???? وبصتله وبصت للمكان كأنها فعلا بتستوعب هي فين
ياسين ????.. هههههه بجد فاكراه حلم حبيبتي انتي في حضني ومعايا
زينه بصوت رقيق.. فعلا كنت فكراه حلم…. صباح الخير حبيبي
ياسين… ياصباح الورد والفل والياسمين على عيونك الحلوه
( زينه ٢٨ سنه بشره خمريه شعر بني متوسط الطول عيونها زيتوني جذابه جدا بتشتغل في تسويق الإلكتروني من البيت عندها موقع خاص بيها هي وصاحبتها ياسمين )
زينه… هي الساعه كام؟
ياسين… يعني حوالي ١٠ كده
زينه كشرت… ١٠ وبتصحيني بدري كده ليه؟
ياسين وهو بيلعب في شعرها.. اولا وحشتيني ثانيا عندنا سفر
زينه بنوم.. ياسو نام السفر بالليل نام وسبني انام
ياسين قرب منها وهمس.. بقولك وحشتيني ايه في الكلمه دي مش مفهوم
زينه كشت في نفسها.. بقولك ايه انا جعانه
ياسين ????.. جعانه ايه مش كنتي عايزه تنامي دلوقتي
زينه ????.. لا صحيت وعايزة اكل مش هتفطرني
ياسين.. افطرك هو مين مفروض يفطر مين ياروحي
زينه بمرح… لا بقولك ايه في الروايات اللي بقراها البطل هو اللي بيحضر الفطار تاني يوم جواز اه ???? وبيكون مع الفطار عصير فريش و ورده حمرا
ياسين ????.. ورده حمرا ايه وعصير ايه ام الروايات اللي لحست دماغك قومي يا زينه قومي ربنا يهديكي نشوف سوا ف ايه يتاكل
قامو سوا يحضرو فطار وابتسامتهم منوره وشهم
___________________#بقلم_مني
َنروح للشقه اللي قصادهم كانو بيفطرو والصمت مسيطر علي المكان لحد ماقطعه هو
كريم بضيق.. وبعدين
ياسمين ????.. وبعدين ايه
كريم ????.. بت انتي متفرسنيش وبعدين في التكشيره اللي مصدرهالي من امبارح دي حتى مش عارف سببها
ياسمين ????.. كمان مش عارف شكرا اصل الأهتمام
قاطعها هو
كريم.. عارف عارف (قلدها) الاهتمام مبيطلبش وبعدين بردو
ياسمين ????… انت مش فاكر امبارح عملت ايه
(كريم ٢٨ سنه مهندس اسمر عيونه عسلي يتيمز بغمازته اللي بتزيده وسامه وجسمه الرياضي صديق ياسين وشريكه )
(ياسمين ٢٧ سنه شعر بني طويل عيون عسلي غامق بشريه خمريه ممشوقه القوام جميله جدا صديقه زينه وشريكتها)
كريم بيحاول يفتكر .. بالنهار كنت في الشغل رجعت لبست وروحنا الفرح وكنتي زي القمر كالعاده ???? ورجعنا مع ياسين وزينه دخلت اخد شاور طلعت لاقيتك ضربه البوز المتين سألتك قولتي مفيش لفيت وراكي شويه في الشقه افهم مالك مفيش في الاخر نمت من التعب
ياسمين ????… حضرتك مجبتليش شكولاته بالبندق زي ما طلبت منك ودي اول مره اطلب منك حاجه وتنسى
كريم ????.. هو التكشيره دي كلها عشان نسيت الشكولاته
ياسمين بضيق… اول مره تنسي
كريم… لو اللي في دماغي صح هزعلك
ياسمين.. وايه بقا ال في دماغك
كريم.. حبيبتي انا نسيت بجد انتي مش شوفتي اليوم كان ازاي امبارح بالنهار شغل و بالليل فرح
ياسمين لسه هترد قاطعها
كريم.. لو قولتي الاهتمام مبيطلبش هديكي على قفاكي بجد
ياسمين.. ممكن تسيبني اتخانق معاك انهارده بس
كريم.. لا مش هسيبك وهتيجي معايا عيد ميلاد ميرا بكره وهتلبسي وتبقى احلى واحده في الحفله
ياسمين.. يا حبيبي عشان خاطري متغصبش عليا كل مره بنرجع من هناك بخناقه بسبب امك
كريم ????.. امك اسمها مامتك والدتك ايه امك دى
ياسمين.. مامتك والدتك حلو كده
كريم بحب.. حبيبتي مفيش اي حاجه تستاهل زعلنا من بعض اضحك بقا يافراوله يا عسل انت
ياسمين ????… ماشي ضحكنا (افتكرت الشكولاته) ???? بس بردو مجبتليش شكولاتي ودا شيء مأثر في نفسيتي اوي
كريم… احلى شكولاته هتتجاب قبل ما اروح الشغل حبيبي يأمر وانا انفذ ارضى عني بقا قبل ما امشي ممكن
ياسمين بحب.. بحبك
كريم.. بموت فيكي
_____________________بقلم_مني
كريم نزل وياسمين اتصلت على صبا الضلع الثالث في مثلث الأصدقاء وعايشه معاهم في نفس العماره
ياسمين ????… صباح الفل يا صوصو
صبا بنوم????… عايزه ايه ع صبح حرام عليكي
ياسمين????.. على فكره الساعه داخله ع ١١ يعني بطلي كسل قومي
صبا????.. وهقوم اعمل ايه جوزك مديني اجازه انهارده وماما خدت مالك و نزلو راحو ل خالتو بهيره من ٨ صبح ايه بقا من حقي انام شويه
( صبا ٢٨ سنه شعرها بني قصير بشره خمريه عيون جذابه ملامح جميله بتشتغل في شركه ياسين وكريم مسؤله عن الجزء الإداري في الشركه )
ياسمين????.. انا زهقانه بجد قومي هعملك فطار ملوكي ونشرب قهوه معتبره ونرغي شويه
صبا????.. طب الفطار الملوكي دا ميستناش ساعه كمان انام شويه تاني بس
ياسمين????.. لا ميستناش كريم هيرجع بدري وانا عايزه ارغي معاكي كتير كتير يلا بقا وحياتي
صبا????.. يخربيت زنك خلاص على ماتحضري الفطار هكون فوقت وطلعت سلام
ياسمين????.. سلام
____________________بقلم_مني
صبا فوقت وخدت شور وطلعت ل ياسمين
صبا وهي بتفطر.. لا فطار ملوكي ملوكي يعني جبنه وبيض الطم
ياسمين وهي خارجه بالقهوه ☕.. كلي وانتي ساكته واحمدي ربنا
صبا.. طب هاتي القهوه وأرغي في ايه؟
ياسمين.. كريم مصمم اروح عيد ميلاد ميرا بنت خالته
صبا.. وفيها ايه دي
ياسمين ????… فيها تلقيح كلام زي كل مره وخناقه وعياط انا مش عارفه هو ولا راضي يقطعني من ماماته ونرتاح كلنا ولا راضي يسيبني ولا راضي يحط حد ل كلام ماماته معايا انا تعبت يا صبا بجد دي بقت فظيعه لا تطاق الكلام بقا عيني عينيك كده
صبا بهدوء.. اتكلموا النقاش هو الحل افهمي منه وجهه نظره في موقفه دا ايه ومن حقك يا تقبليها يا ترفضيها
ياسمين.. هكلمو انهارده بعد ما يرجع من مطار
صبا… هو اللي هيوصل زينه وياسين
ياسمين.. ايوه لما يرجع هكلمو.. المهم
صبا ????… لسه في مهم تاني
ياسمين… جميله لسه مش بترد عليكي؟
صبا بحزن.. لا مش عارفه ولا فاهمه ليه احنا طول عمرنا صحاب وسامر الله يرحمه وسيف كانو ديما يحسدونا على علاقتنا ببعض انها مش علاقه سلايف ابدا ايه غيرها كده مش فاهمه
ياسمين.. هنصحك نفس نصيحتك كلميها وافهمي منها بتبعد ليه وايه السبب يمكن حصل منك تصرف من غير ما تقصدي ضايقاها
صبا… مع ان مفروض لو عملت حاجه بدون قصد تلفت نظري بس لاني باقيه اوي عليها هروحلها البيت واتكلم معاها
ياسمين.. يختي على العاقل الحلو دا يا ناس
صبا ????.. اتلمي
ياسمين ????.. سده نفسي ديما.. بقولك ايه انا هموت وارخم على زينه
صبا.. هههههه وانا كمان يلا نتصل لو سيبه الفون مفتوح يبقا نصيبها بقا لو مقفول خلاص تمام
ياسمين.. تمام
________________بقلم_مني
زينه خلصت فطار هي وياسين ودخلت تاخد شاور تلفونها رن ياسين مسكه لاقي رقم ياسمين رد
ياسمين????… وافرحي يا عروسه انا العريس يا عرووووسه يا عروسه وحشتينا
ياسين ????????… انا العريس
ياسمين ????????.. ا انا هو هي فين
ياسين????.. هههههه جمعي طيب الأول هي ف الحمام لما تطلع هخليها تكلمك كنت عارف ان ريا وسكينة لازم يرخمو قلت أسبق انا وارخم
صبا????????.. مين ال ريا وسكينه يا بشمهندس
ياسين ????????.. انتي وياسمين يا صبا يللي واخده اجازه ع حسي ف حاجه
صبا ????????.. لا انت فهمت غلط انا اقصد مين ريا فينا ومين سكينه
زينه خرجت من الحمام
زينه.. بتكلم مين ف تلفوني
ياسين.. ريا وسكينة
زينه????.. هههههه طب هات… الو
صبا وياسمين في صوت واحد????.. عرووووووسه
زينه????… هههههه مجانين والله انا مصحبه مجانين
صبا????.. احنا بنصبح بس
ياسمين بمكر????.. بس شكل صباحنا جه في وقت غير مناسب يا صبا
صبا????.. اه بس احنا م
زينه قاطعتها????… بس بس انتي وهي ايه هتغنو وتردو على بعض… وحشتوني
ياسمين ????????.. وانتي كمان وحشتينا وهتسافري كمان وتسيبنا
صبا ????????… تسيب مين دا هو اسبوع يتيم ف تركيا وراجعه وياعين امه بقاله سنه بيحوش في تمنه
زينه ????????… والله نقاركم دا هيوحشني اوي اوي وانتي يا سمسم ان شاء الله الاسبوع يعدي بسرعه وارجعلك على طول
ياسمين????.. حبيبتي تروحو وترجعو بالف سلامه انكل وطنط مش هيسلمو عليكي قبل السفر
زينه????… اه هيتغدو معانا وبعدين نتحرك كلنا ان شاء الله
صبا????.. طيب يلا روحي اجهزي وهنكلمك تاني بعدين
زينه????.. اوكي سلام يا قطاقيط
ياسمين????.. سلام ياعسل
____________________بقلم_مني
زينه في اوضتها بتجهز لاستقبال أهلها ياسين دخل
ياسين ????… حضرتك قدام المرايه بقالك ساعه وانا واقف في المطبخ ينفع كده
زينه لفت و حضنته و باسته على خده بحب
زينه.. حبيبي انت كل ال عملته ظبط الاكل الديلفري في الأطباق مش قصه يعني ومع ذلك شكرا يا ياسو
وباسته على خده التاني
ياسين بمكر… انتي قد القرب دا دلوقتي
زينه بعدم فهم.. قده ازاي مش فاهمه
ياسين همس… لا مش فاهمه دا كده معناه تقصير مني وانا عمري ما احب اكون مقصر في اي حاجه
زينه لسه هتتكلم فجأها انه شالها ونزلها على السرير
زينه بدهشه.. انت مجنون ياسين اهلي على وصول
ياسين وهو محاوطها وبيتكلم وهو بيوسها.. وحشتني وقلتلك قربك كده مش بالساهل استحملي بقا
زينه لسه هتتكلم قاطعها بنظره من عينيه كلها حب وشوق بعد وقت قليل جرس الباب رن زينه اتنفضت من جمبه وعماله تغطي في نفسها
زينه بخضه.. يالهوي عليا عجبك كده منك لله منك لله
ياسين وهو بيلبس بسرعه… بتدعي عليا يابنت زين الدين ماشي وحياه ابوكي لما يمشو لاوريكي
الجرس بيرن وبقا في خبط كمان ع باب خرج ياسين بسرعه حاول يظبط نفسه اخد نفس طويييل وطلعه بهدوء وفتح
زين بعصبيه… اييييه كل دا على ما تفتحو
امال من خلفه.. براحه يا زين محصلش حاجه.. ازيك يا حبيبي
ياسين بابتسامه.. تمام يا ست الكل منورين اتفضلو
زين والد زينه في منتصف الخمسينات من عمره يتميز بالبساطه في الشكل والطبع
امال والده زينه في اوائل الخمسينات جميله مرحه وبسيطه
زين.. اومال بنتي فين؟
زينه.. انا اهو يا حبيبي
ياسين ????…. بدأنا بقا
زين ????.. بتقول حاجه يا ياسين
ياسين ????.. ابدا يا عمي بنقول نتغدى بقا قبل ما الاكل يبرد اتفضلو
بعد السلامات بدؤ يتغدو في صمت قطع صمت دا زينه
زينه.. مامي هي خالتو مجتش معاكي ليه وهنا انا ماكده عليها اني لازم اشوفها قبل ما اسافر
امال.. كلمتها والله يا حبيبتي قالتلي هنا تعبانه شويه ومش هيقدرو يجو وهيجولك ان شاء الله لما ترجعي بالسلامه
زينه.. تعبانه مالها كانت كويسه امبارح في الفرح
امال.. خالتك بتقول معدتها تعباها شويه متشغليش بالك انتي هي تمام المهم تطمنيني لما توصلي اوعي تنسى
زين بسخريه.. مش فاهم انت موافقتش ليه على فرنسا قلتلك دي هتبقى هديتي ل بنتي
ياسين بابتسامه… معلش ياعمي الاسبوع دا هديتي انا ل حبيبتي ومش مهم المكان المهم نكون سوا
زينه بحب… اكيد يا حبيبي كفايه اني معاك
امال.. ربنا يسعدكم ويحفظكم يارب.. ياسين هي ماماتك مش جايه؟
ياسين.. ماما مبتحبش لحظات الوداع دي كلمتني هي ويحيى في التلفون ولما ارجع ان شاء الله هتيجي
بعد الغدا والتوصيات ووصله الحب بين زين وبنته استأذنو ومشيو
ياسين.. حبيبي هنزل بسرعه اشتري شاحن للاب لحسن نسيت خالص ان ال هنا بيعلق واكيد هحتاجه للميلات واحنا هناك
زينه.. اوك وهتلي معاك حاجه حلوه
ياسين وهو خارج.. حاضر
زينه دخلت تأكد على الشنط وتشوف اذا نسيت حاجه تكلمها سمعت الباب اتفتح واتقفل
زينه باستغراب… انت لحقت ولا نسيت ايه جاي تاخده
مفيش رد
زينه.. ياسين بكلمك على فكره
مفيش رد
زينه خرجت وهي متعصبه منه لعدم رده عليها لفت الشقه كلها ملوش أثر وقفت ف نص صاله مستغربه سمعت الباب بيتفتح تاني بصت وراها بهدوء ????
