رواية اخترت نفسي الحلقة الأولى 1 بقلم هاجر محمود
 |
| رواية اخترت نفسي الحلقة الأولى 1 بقلم هاجر محمود |
رواية اخترت نفسي الحلقة الأولى 1 بقلم هاجر محمود
“في مكالمه هاتفيه”
شهد: هتعمل ايه مع مراتك؟
خالد: هطلقها انا مبحبش غيرك
شهد: كويس اوي وده في قد ايه هيحصل
خالد: يعني شهرين وهاجي اخطبك
شهد: انا فرحانه اوي انا بحبك اوي
خالد: انا كمان بحبك، هسيبك بقا قبل ما تيجي وتقفشني
شهد: تيجي ازاي هي مش زعلانه عند اهلها
خالد: لا مانا حلفت عليها انها لو مرجعتش هتبقا طالق وهي مع الاسف رجعت مش عارف اعمل معاها ايه؟
شهد: تعمل ايه ف ايه نكد عليها طبعا وزهقها في عيشتها لحد ما تطلب الطلاق
خالد: انا بعمل كده فعلا بس هي متمسكه بيا
شهد: مسيرها تزهق وتسيبك
خالد: ان شاء الله سلام بقا
شهد: سلام
اغلقت شهد الهاتف مع خالد وهي تقول لنفسها: انا اللي هطفشها ماهو لازم انط مكانها ده ميتسابش عنده كل حاجه وهو غبي فاكر اني بحبه بس لا انا بحب فلوسه ومركزه واكيد هيسعدني طالما بيحبني
****************
(على الجانب الاخر في منزل والد ديمه، حيث كانت تتحدث ديمه مع “والدتها هاله” قبل رجوعها الى منزلها مرة اخرى)
هاله: هتعملي ايه يا بنتي؟
ديمه: هرجع يا ماما طالما حلف بالطلاق
هاله: ما كفايه كده عجبك اللي انتي فيه ده؟
ديمه: انا مش عاوزه اخرب بيتي يا امي
هاله: تخربي ايه؟! ما هو خربان اصلا من تصرفاته هو انتي مش بتشكي فيه؟؟
ديمه: بصراحه بقالي فتره دماغي بتودي وتجيب وحاسه ان في حد ف حياته
هاله: طيب ولما انتي حاسه ليه مواجهتوش
ديمه: ما ده سبب زعلي يا امي واجهته وبعدها اتخانق معايا اني ازاي اشك فيه وبهدلني وطردني
هاله: طردك؟ يعني مش انتي اللي جايه بمزاجك زي ما قولتي
ديمه بحزن: لا هو اللي طردني
هاله: ده انتي ابوكي لو عرف هيطربق الدنيا على دماغه
ديمه: لا اوعي يا ماما تقوليله حاجه
هاله: ليه يابنتي ده ابوكي واكتر حد يخاف عليكي وبعدين فين كرامتك
ديمه: الحب مفهوش كرامه
هاله: لا طبعا الحب اساسه الكرامه
ديمه: يعني ايه؟
هاله: يعني لما تحبي حد حبي اللي يحافظ على كرامتك ويخاف يجرحك بكلمه او فعل وميسمحش لحد يهينك لأن كرامتكم واحده، لكن اللي انتي فيه ده مش حب ده ضعف منك عشان متعلقه به ومش هتفوقي غير بصدمه منه ليكي
ديمه: انا بديله فرص كتير يمكن يعقل ويتغير
هاله: ده عمره ما هيتغير انتي كده بتستهلكي طاقتك ومشاعرك في حب من طرف واحد
ديمه: عندك حق يا امي اعمل ايه طيب؟
هاله: اقولك بلاش ترجعي وطالق طالق مش مهم بيت ابوكي مفتوح وبكره ربنا يعوضك بالاحسن منه بس طالما انتي عاوزه تديله فرصه تانيه خلاص بس لازم تكون دي اخر فرصه
ديمه: انا فعلا هعمل كده
هاله: طيب قومي روحي يا حبيبتي وربنا يهدي سرك
ديمه: يارب يا امي
****************
اخذت ديمه حقائبها وذهبت لبيتها لمصالحه زوجها والبدء من جديد معه عسى ان يهتدي لها ويكف عن تصرفاته معها، وما ان وصلت منزلها ودخلته حتى استقبلها خالد بأبتسامه صفراء وتركها وذهب الى غرفتهم فذهبت خلفه لمصالحته وقالت ديمه بعتاب: لسه زعلان عشان شكيت فيك؟
خالد: طبعا
ديمه: خلاص حقك عليا
واقتربت منه لتقبله ولكنه ابعدها عنه
خالد: ابعدي عني
ديمه ببكاء: انا اسفه انا مكنتش اقصدك
تأفف خالد وقال: اوووووه هتفضلي تعيطي كتير خلاص انا مسامحك
ديمه بأبتسامه: طيب صالحني
خالد: تعالي
ويقبل رأسها بنفس غير راضيه ودون مشاعر، واحتضنته ديمه بحب منها ولكنها لم تحس بمشاعره ثم نظرت له وقالت بقله حيله: انا اسفه
خالد: وانا كمان اسف
وفجأه رن هاتف خالد فتركها وذهب ليرد على الهاتف فأذا هم اصدقائه يتصلوا به ليخرج معهم قليلا
خالد: طيب انا هنزل مع اصحابي شويه ولما ارجع نكمل مصالحه
ديمه: طيب يا حبيبي
********************************************
ترك خالد ديمه وذهب ل….
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
نرشح لك أيضاً رواية زواج بالإكراه للكاتبة مريم عزام.
