رواية لغز الشارع المجهول الفصل الأول 1 بقلم مريم محمد
 |
| رواية لغز الشارع المجهول الفصل الأول 1 بقلم مريم محمد |
رواية لغز الشارع المجهول الفصل الأول 1 بقلم مريم محمد
راجعه من المدرسه مع صحابي وكالعادة كلهم ماشيين بيضحكوا مع بعض وانا ماشيه لوحدي
اول مره امشي من الطريق ده
كل واحده روحت بيتها وانا بيتي بعيد شويه عنهم فبكمل لوحدي
-انا كده همشي ازاي يا وصال؟
وصال : هتدخلي الشارع ده تخلصيه وتمشي يمين هتلاقي الشارع اللي انت عارفاه وبتمشي منه علي طول وتكملي
– تمام سلام
دخلت الشارع لقيته شارع ضلمه اوى مش شايفه ايدي حتي وواضح ان في مايه كتير ومفيش صوت مخلوق
فضلت امشي وقولت هشوف هوصل لحد فين
مشيت مسافه ليست بالكثيرة بس خوفت
قررت ارجع وامشي من اي شارع تاني
مش عارفه ارجع مش شايفه حاجه
فتحت شنطتي ادور علي الموبايل علشان اشغل الكشاف لقيت الموبايل فاصل
-انا توهت ف الشارع ده ولا ايه !
سمعت صوت
-انت تايهه يابنتي ؟
ايوه مش عارفه انا فين
-ايه اللي دخلك الشارع ده ده محدش بيدخله خالص
انا كنت ماشيه مع صحابي ف طريق تاني وقالولي ادخل الشارع ده علشان اوصل بيتي
-قال بستهزاء: هه واضح ان صحابك بيحبوكي
ممكن اعرف اخرج من الشارع ده ازاي
-الشارع ده اللي بيدخله مبيخرجش الا بشروط
رديت بخوف وخضه: شروط..! شروط ايه
-متتخضيش انا هخرجك المره دي بس ، وتمشي ورايا من غير صوت .. لكن لو حصلت تاني ف مليش دعوه بيكي
رديت بفرحه : شكرا بجد شكراً ليك مش عارفه اشكرك ازاي
-اسكتي دلوقتي وابقي اشكريني لما نخرج
مشيت وراه والشوارع كانت ديقه اوى وضلمه اوى والمايه كتير انا بس ماسكه ايده .. حتى معرفش شكله ايه لحد دلوقتي ولا اعرف اسمه
قولت ف نفسي :صحيح انا هبقي اساله على اسمه بس لما نخرج علشان قالي متتكلميش وممكن كلامي يسبب مشاكل
نور الشمس بدأ يظهر واحنا شكلنا قربنا نطلع بره الشارع وبدأ شكله يظهر
ف نفسي : ايه ده دقيقة ده شب! وشكله ف العيشرينات .. انا افتكرته حد كبير
-وصلنا خلي بالك من نفسك ومتدخليش الشارع ده تاني
استني معرفتش انت مين
-فاعل خير
بصيت على الشارع اللي كان منور وببص عليه تاني ملقتهوش
قولت انا همشي بسرعه ومش عايزة اشوف الشارع ده تاني أبداً
وصلت للبيت ولما طلعت مستنتش اني اغير هدومي قبل م احكي لاسراء اختي على اللى حصل
اسراء : ايه ده بجد يارانيا!!
انا :ايوه بقولك انا كنت مرعوبه بجد والشاب ده كأنه جالي كده من عند ربنا واختفى بعدها
– مسالتهوش عن اسمه؟
~ مرضيش يقول اسمه
– انت شوقتيني ادخل الشارع ده
~ لا اوعي تدخليه ي اسراء
– ليه .. م نكتشف ايه شروط الشارع المخيييف ده … ايه رأيك ؟ ونروح انا وانت..
~انا عمري م هدخل الشارع ده تاني
– متبقيش خوافه يارانيا ، يعني هتبقي ايه شروط الخروج من شارع ! ده شارع.. عادي يعني
~ اسراء ابعدي عني
-ياله انا عارفه انك بتحبي تستكشفي وعارفه انك هتوافقي
~ لا مش هوافق
– خلاص اتفقنا .. هنروح بكره الصبح
~ بقولك لا
– تمام ياقلبي الساعه 4 العصر بعد الدرس بتاعك هننزل
~ يا اسراء انا بقتنع بسرعة الله يسامحك.. خلاص اتفقنا
تاني يوم
اسراء : رانيا ياله اجهزي علشان ننزل
– رايحين فين يا بنات
اسراء : هروح مع رانيا الدرس وبعدها هنروح مشوار كده ياماما وراجعين عايزة نجيبلك حاجه معانا
لا بس متتاخروش
– حاضر يا ماما
رانيا : انت هتيجي معايا الدرس ولا ايه
اسراء : طبعا علش
ان نخرج من الدرس علي الشارع علي طول
ان نخرج من الدرس علي الشارع علي طول
~ بتهزرى يا اسراء .. ازاى هتيجي معايا الدرس
– ملكيش دعوه بس انا هتصرف
قدام السنتر
رانيا : يعني بعد كل ده الدرس يطلع ملغي … ده انا اول مره اعمل الواجب
اسراء بضحك : احسن تستاهلي علشان كل مره اقولك اعملي الواجب مترضيش.. ياله فرصه نروح الشارع ده
في الشارع
اسراء : ايه ده انا مكنتش فاكره انه هيبقي ضلمه اوي كده واحنا ف الساعه 2 الضهر
رانيا : مش بقولك مخيف.. ياله نرجع
– لا هنكمل
فضلنا ماشيين ومعانا الكشافات واحنا خايفين ومستعدين لاي خطر يحصل
رانيا : اسراء انا اول مره اشوف الطريق ده
اسراء : طريق ايه م احنا لسه ف نفس الشارع
~ لا الشارع اللي كنت ماشيه فيه المره اللي فاتت كان اضيق
– م ده ضيق
~ لا التاني كان ضيق اوي .. اسراء احنا لازم نرجع
– بعد كل ده !.. لا طبعا لازم نكمل
