اسكريبت حتى النهاية الفصل الأول 1 بقلم بسملة محمد

:انا مش مصدقة اخيرا مالك راجع من السفر يا امنية

=هيرجع امتي

:هيرجع بعد يومين

بس انا خايفة اوي يكون مش فاكرني

=انتي عبيطة يا بنتي في حد ينسى اخته ده هو جاي علشانك انتي مخصوص

:انا عارفة بس قصدي انه ممكن ميعرفنيش لما يشوفني وكمان انا حاسة ان فيه حاجة غريبة ومش مطمنة

=بصي هو اكيد مش هيبقى عارف شكلك خصوصا انه مفيش تواصل بينكم طول السنين اللي فاتت دي بس انا واثقة انه هيحس انك اختك

:يارب يا أمنية… هقفل انا بقي دلوقتي سلام

“انا ملك عندي ٢٠ سنة في كلية تجارة وأمنية تبقى صاحبتي واكتر من اختي كمان ماليش غيرها حرفيا.. بابا وماما انفصلوا وانا عندي سنتين وبابا اخد مالك اخويا الكبير وهرب بيه لامريكا وكان عنده وقتها ٤سنين وانا فضلت مع ماما ومن ساعتها واحنا منعرفش عنهم حاجة خالص وماما اتوفت من سنة وبعدها فضلت لوحدي مكانش بيهون عليا غير امنية بس اخيرا بعد 18 سنة هيرجع وهشوفه معرفش هيعاملني ازاي او رد فعله ناحيتي بعد السنين دي كلها ايه بس اتمنى ان كل حاجة تبقى كويسة”

“اليومين عدوا وجه اليوم اللي مالك هيرجع فيه.. مش قادرة احدد انا حاسة ب ايه حاسة اني خايفة ومبسوطة ومتوترة ومتحمسة في نفس الوقت…كنت واقفة قدام المرايا ومش عارفة البس ايه لازم البس حاجة مميزة ده هيبقي اول لقاء بينا بعد سنين طويلة ولازم ابقى مميزة… لبست بنطلون جينز واسع وتيشيرت ابيض نص كم وفردت شعري واخدت شنطتي وبصيت للمرايا بهدوء وكنت قمة في التميز طبعا وخرجت اخدت تاكسي وطول الطريق كنت بفكر هيعرفني ولا لا.. طب هيتقبلني ولا مش هيحبني..فوقت من تفكيري على صوت صاحب التاكسي وهو بيقولي وصلنا…دخلت المطار وانا خايفة وبفرك في أيدي من التوتر وكل شوية ابص في الساعة لحد ما الطيارة وصلت وقفت وانا خايفة ومتوترة بدور عليه بعيني وسط الناس خايفة معرفوش بس كفاية احس بيه… لاقيت شاب طويل وبعضلات وشعره ناعم ولابس نظارة شمس سوداء بيقرب ناحيتي وقف قدامي وقالي…”

مالك:انتي ملك

هزيت راسي بتوتر ورديت: ايوة انت مي.. 

” قبل ما اكمل كلامي كان شدني لحضنه حسيت بدفي غريب وهو حاضني حسيت بيه انه بيعيط بعدني عنه وقالي.. “

مالك بدموع:خلاص يا ملك انا رجعت ومش هسيبك تاني ابدا وهفضل جنبك دايما 

ملك بعياط:وحشتني اوي اخيرا رجعت انا تعبت اوي من غيركوا انت وماما ليه سيبتوني ومشيتوا ليه

مالك:انتي عارفة انه كان غصب عني بس خلاص انا معاكي دلوقتي ومش هبعد عنك ثانية واحدة

ملك بمرح:طب تعالي يلا نروح البيت انا عاملالك اكل كتير اوي انا معرفش انت بتحب تاكل ايه فعملت كل اللي عرفت اعمله

مالك بضحك:يعني هناكل ولا هنروح المستشفى 

ملك:تصدق انا غلطانة كنت سيبتك جعان كدة ومش لاقي حد يأكلك

مالك:طب يا ستي يلا نروح وانا هدوق واحكم بنفسي

“اخدنا تاكسي وروحنا البيت وطول الطريق كنا بنتكلم ونضحك ويحكيلي عن سفره وحياته وعرفت منه أن بابا اتجوز بعد ما سافر بسنتين..”

ملك:تعالي اوريك اوضتك يلا عشان تغير هدومك وترتاح شوية لحد ما اظبط الاكل 

مالك:تمام يلا

ملك:ها ايه رايك في الاوضة عجبتك

مالك:ذوقك حلو يا اوزعة

ملك:اوزعة! طب وريني بقى هتاكل منين النهاردة

مالك:لاا يا روحي ده انا بهزر متبقيش قفوشة

ملك:امممم طب انا هروح اجهز الاكل بقى وانت غير هدومك وخد شاور كدة لحد ما اخلص

“سيبتو وخرجت من الأوضة عشان احضر الاكل وانا من جوايا حاسة ان فيه حاجة غريبة وقلبي مش مطمن” 

_______________في مكان اخر____________________

مجهول1:يعني هو وصل مصر خلاص

مجهول2:ايوة يا باشا واخته استقبلته في المطار وروحوا البيت

مجهول1:تراقبه هو واخته 24 ساعة عينك ماتغيبش عنهم ثانية واخبارهم تكون كلها عندي أول ب اول

مجهول2:اوامرك يا باشا عن اذنك

____________في بيت ملك____________________

مالك:كل حاجة ماشية تمام

………… 

مالك:لا متقلقش ملك مش شاكة في حاجة خالص وكل حاجة تمام زي ما خططت ليها بالظبط

……….. 

مالك:تمام سلام

ملك:هو ايه اللي انت مخططله يا مالك

مالك بصدمة:ملك…