رواية مريضتي الفصل الاول 1 بقلم منى محمد

الدكتور: طبعا يا انسه نور انتي عارفه ان الله اذا احب عبداً ابتلاه وان البلاء ده بيخفف من ذنوبنا و ان ده امتحان ولازم نصبر عشان ربنا يجبر خاطرنا في الاخر

نور بخوف: طبعا يا دكتور ونعم بالله.. ممكن تقولي بقا انا عندي اي

الدكتور بحزن: انتي عندك كانسر على الثدي يا انسه نور 

نور بصدمه: اييييهه 

الدكتور: اهدي .. اهدي.. انتي لسه في اول المرحله والعلاج ان شاء الله هيعمل مفعول المهم نبداء العلاج بدري عشان المرض مينتشرش في المكان كله

نور قاعده ساكته مش عارفه تقول اي

الدكتور: انسه نور انتي معايا؟ 

نور بأنتباه: اه.. اه مع حضرتك.. طب انا اقدر ابداء العلاج امتى؟ 

الدكتور: من الاسبوع الجاي.. بس دلوقتي هكتبلك على شوية ادويه هتخديها بس ياريت تنتظمي عليها.. تمام؟ 

نور: تمام

( تعالوا  اعرفكوا على الاشخاص.. دي نور تعتبر وحيدة ابوها وامها عندها 23 سنه متخرجه من كلية هندسه جميله الى حد متوسط..بشرتها قمحاويه عيونها فيروزي.. طولها متوسط..ومعندهاش غير صاحبه واحده جارتها في العماره بس قريبه منها جداً .. كان عندها اخ اكبر منها بــ 5 سنين كان بيحب واحده خارج مصر وسافرلها اتجوزها و بقاله 3 سنين مرجعش ولا حتى كان بيكلم نور او ابوه و امه يعتبر نسيهم????  ده بقا دكتور سليم محمد اللي بيتابع حالة نور عنده 30 سنه .. بشرته قمحاويه بردو وعيونه بني.. وعنده عضلات خفيفه.. ودقن خفيفه.. نكمل.. ) 

نور نزلت من عند الدكتور وهي مش شايفه قدامها حرفياً كانت ماشيه تخبط في الناس.. والكل بيبصلها بأستغراب

نور في نفسها وهي مروحه: ياربي.. طب اعمل اي انا دلوقتي.. انا لو قولت حاجه زي دي لبابا ممكن يروح فيها ده مريض قلب .. حتى اخويا سابني ومشي .. بس انا لازم اعرف بابا للنه هيزعل مني لو معرفتهوش ايوه لازم اقوله .. بس لا  انا لازم اكون اقوى من كده حتى لو لوحدي ده امتحان .. وانا لازم اصبر عشان ربنا يجبر خاطري انا لازم استحمل واكمل وابقى قويه .. انا اقوى من اي حاجه

نور طول ما هي ماشيه كانت مركزه في الطريق ومركزه في كلمة .. انا قويه ..  و مكنتش واخده بالها من فونها اللي عمال يرن من اهلها وصاحبتها لانها طول ما هي ماشيه كانت بتقول الكلمه دي في سرها لحد اما روحت

مامت نور * نجلاء *

نجلاء بلهفه: اي يا نور يابنتي بنرن عليكي مبترديش ليه قلقتينا عليكي

منار * صاحبة نور *

منار: مالك يابت ساكته كده ليه

والد نور * احمد *

احمد: في اي يابنتي قلقتيني ما تتكلمي مالك

نور بأبتسامه: انا عندي كانسر في الثدي يجماعه

نجلاء و منار في نفس واحد: ايييهه????

فجأه سمعوا صوت حاجه بتقع على الارض

نور بصدمه: بابا