رواية عنوان قلبي الفصل الأول 1 كامل
 |
| رواية عنوان قلبي الفصل الأول 1 كامل |
رواية عنوان قلبي الفصل الأول 1 كامل
– اتبسط ياحبيبي امبارح معايا
– صباح الخير ياحبيبتي الاول….
– مش فاكر اسمي صح ؟!
– اااااا ، منى ؟!
– جومانه يا هيثم !
– هيثم مين ؟! ، اه انا هيثم معلش لسه صاحي من النوم ، هنزل بقى اطلب لينا الفطار واطلع بسرعه
– ماشي انا هقوم اخد شاور
بتقوم وهيا مش لابسه حاجه….وهو بيزغزها ف جنبها
– هيثم عيب بقى …
– هنزل اجيب الفطار …
بيقوم من السرير نفس حال جومانه لما قامت ، وهو عضلات جسمه مشدوده وبيتمطع يمين وشمال…وبيبلس قميص ابيض ع بنطلون كحلي وبيروح للاستقبال….
– اتفضل يافندم…
– عاوز حساب غرفه 404
– ب اسم مين يافندم
– مالك…
بيدفع بالكريديت وبيخرج بره الفندق الفخم وبيطلع شريحه موبيل وبيكسرها وهو بيقول
– معلش بقى عندي اشغال تانيه….
اعرفكم بمالك ابوه صاحب اكبر سلسله شركات عقاريه ف الشرق الأوسط غير شركات تانيه كتيره
يعني فلوس بالملاين ف حسابه ، عربيات احدث موديل زي ما انت ما عاوز
تقدر تعتبره الولد المدلل ، او هو فعلا الولد المدلل ، ولكن ابوه ماكنش راضي عن تصرفاته الي بتسبب مشاكل دايما واستهتاره الدائم وزهق منها كمان ، عشان كدا شرط انه عشان يقدر ينول نصيبه من الميراث او ف الاملاك او حتى ف حسابه .. لازم يتجوز ف خلال اسبوعين والجوازه تتم لمده ست شهور….والا كدا يبقى بيتنازل عن نصيبه ف كل حاجه…..
ف احدى النايت كلوب ف مدينه نصر…
مالك وهو داخل النايت كلوب عينيه لمحت بنت يمكن ماتكونش جميله بنفس الجمال الي هو متعود عليه ، ولكن فيها حاجه مميزه ، خلت عينيه معاها لحد ما البنت دخلت جوه مع ولد
والغريب انها اول بنت تشوف مالك وماتركزش معاه !
– ايه ياعم هتعمل ايه ف حوار ابوك دا ؟!
– مش عارف ياهيثم حوار فاكس من ابويا اصلا ، اه صحيح انا استخدمت اسمك لما اجيت اشقط البنت الكيرفي دي فاكرها….
– يابن اللعيبه ، شقطتها ازاي دي
– يابني هو انا فيه بنت تقدر تقولي لا
– لا…يابختك ياعم
– وانت عملت ايه مع البت بتاعتك…
– ولا حاجه فركشنا امبارح
– ماقولتلك خليك تقيييل معاهم ، هما البنات كدا تديهم وش ، يضربوك عليه ع طول
– طب قفا ؟!
– هيضربوك برضو وانت قفاك مميز….
– طب اعمل ايه ؟!
– ماتديش حاجه ، اتقل لحد ماهيا تجيلك
– مش كل الناس زيك يامالك ، وبعدين قولي اعمل ايه !
– اممم هقولك ، شايف البنت الي هناك دي…
– اي واحده ، لا لا لا ماتقولش المزه الي حواليها شباب كتير دي
– تراهني اني اروح اخدها ليا لوحدي….
– يامالك ياجاااامد
– اتفرج واتعلم يابني….
بيقوم مالك ناحيه البنت ، وبيكتفي ان عينيه تيجي ف عينيها ف حجه انه عاوز يعدي من قدمها وبعد كدا مش بيديها اي نوع اهتمام وبيروح ناحيه البار….
– ها يافندم تطلب ايه
– عد معايا لحد خمسه
– نعم ؟!
– اربعه ، تلاته ، اتنين ،…
صوت من وراه
– تصدق انك اول حد يعدي كدا قدامي وميهمتش بيا ، ايه مش حلوه ؟!
بعدم اهتمام بيرد عليها مالك…
– عادي يعني ، مافيش فيكي ميزه يعني عن باقي البنات !
بتقعد جنبه
– والله ؟! دا انت شكلك دايس يامعلم
– ع قدي يعني….
– انا داليدا
بتمد ايديها
– و الله الاسماء مابتفرق معايا
بتحضك ضحكه خليعه وهو بيكمل
و انا هيثم
بيبص ع هيثم زميله وبيغمزله
والتاني مش مصدق الي حصل وبيضحك..
بعد ساعه كلام وغمز ولمز ، بيستعد عشان ياخدها فندق عشان يقضو الليله سوا
وهو خارج شاف نفس البنت الي لمحها ف الاول بتعيط وهيا بتحاول تزق الواد الي كان معاها وهو عاوز يركبها العربيه بتاعته بالعافيه وهيا بتقوله بعياط
– فووووق انت مش ف وعيك ياحازم..
مالك بيسيب ايد داليدا وبيمسك الولد وبيضربه ع وشه ومنخيره بتنزل دم….
– انت بتضربني انا ، انا هعرفك دلوقت انا مين ؟!
بيطلع موبيل وبيتصل بيه ع ناس وهو بيزعق فيهم
– تعالو دلوقت
البنت بتمسك ايد مالك وهيا بتعيط وبتقوله
– امشي انت دلوقت انا هعرف اتصرف…
” مشهد سلو موشن “
مالك بيمسكها من ايديها وبيتحرك ناحيه العربيه بتاعته وداليدا وافقه مستغربه من الي بيحصل والولد بيصرخ
– استنى ياجبان ، استنى عشان اعرف شغلك دلوقت….
ولكن مالك كان ماسك ايد البنت وبيمشي معاها ناحيه عربيته لحد ما بيفتح الباب وبيركبها وهيا بتقوله
– سبني عشان خطري ، مالكش دعوه بالحوار…
– هششش اركبي ، هو الظاهر مايعرفش لسه انا مين…
بيبص ناحيته الولد بعصبيه وكان عاوز يروح يكمل خناق معاه لولا البنت مسكت ايده وهيا بتهز راسها بالنفي ف اشاره انه مايروحش….
بيركب معاه وهو ماشي ف العربيه واخد منها العنوان عشان يوصلها وهيا عماله تعيط
– انا اول مره اعمل كدا ، اول مره اروح مكان زي كدا
ولكن مالك ماكنش بيتكلم وكان هادي….
– انا غبيه والله ، غبيه ازاي صدقت حيوان زي دا….اه صحيح انا اسفه
– ع ايه….
– عشان خليتك تسيب مراتك وتوصلني
– وانا هجيب مراتي هناك ليه ؟!
– حبيبتك طيب ؟!
– لا دي واحده كنت شاقطها….
زعقت فيه وهيا بتقوله
– اقف بسرعه
– ايه ف ايه ؟!
بزعيق اكتر
– بقولك اقف….
بيقف فعلا مالك وهو مستغرب
– ف ايه طيب فهميني ؟!
– كلكم زباله ، وكلكم تستاهلو الحرق والقتل ، كلكم مصايب
اتفو ” بتف عليه قبل ما تخرج من عنده وتوقف تاكسي”
بيمسح الي جه ع وشه وهو بيقول
– طب ارجع لداليدا طيب ولا اعمل ايه ؟!
بيروح البيت وبيحكي لصاحبه هيثم الي حصله وان الليله اتضربت مع داليدا
– مالك ، انت عمرك ما ساعدت حد ، اشمعنى دي ؟!
– صح انا عمري ما ساعدت حد!
– عمرك يامالك !!
– مش عارف !!!
– انا لو مش عارفك كنت قولت حب من اول نظره
– انت عارف اول قاعده عندي
– اوعى تحب حد من قلبك
– وتاني قاعده عندي
– اوعى تحب حد من قلبك
– وتالت قاعده
– اوعى تنسى اول قاعدتين….
بيعدي اسبوعين ع الي حصل لمالك لحد ما ابوه بيقعد معاه وبيقوله
– بص يابني فيه واحد صاحبي هيجي ومعاه بنته شوفها جايز تعجبك
– بابا انا استحاله اتجوز بالطريقه دي
فاكرين البنت الي تفت ع مالك ، ابوها قعد معاها
– احنا هنروح يا اسراء يابنتي ،هنعدي ع واحد صاحبي بعد بكره وعنده ولد ابن حلال ، اقعدي معاه جايز يعجبك
– بابا انا لايمكن اتجوز بالطريقه دي
ف الشركه وهو قاعد عند باباه مستني صاحبه الي معاه بنته
باب غرفتهم بيتفتح
– اهي العروسه جات….
مالك بيشم ريحه برفيوم وهو بيقول ف سره
– انا شميت البرفيوم دا قبل كدا ؟!
اسراء لما دخلت عليهم المكتب قالت ف سرها
– انا شميت البرفيوم دا قبل كدا ؟!
هما الاتنين بيتقابلو وعينيهم بتيجي ف بعض….
مالك بيبص عليها وبعد كدا بيبرق ، وهيا كمان بتبص عليه وبتبرق
وهما الاتنين ف نفس واحد
– انا لايمكن اقبل الجوازه دي ابدا….
– انت تعرفها يابني
– ولا عمري شوفتها
– انتي تعرفيه يابنتي
– ولا عمري شوفته قبل كدا
تعال ياعثمان احنا نخرج بره ونسيب الاولاد مع بعض….
الاتنين بيقعدو قصاد بعض مبرقين لبعض فتره من دون كلام وهما الاتنين بيهزو رجلهم
و ف نفس الوقت بيسالو بعض
– انا عاوز اسالك سؤال ي اسمك ايه انتي
– انا عندي سؤال ليك يابتاع البنات انت
– اتفضل
-لا اتفضلي انتي…
– ماتتجوزنيش ليه ؟!!!!
– كنت لسه هسالك نفس السؤال!!! ايه الوحش الي فيا !!
– انا لايمكن اوفق ان ابو عيالي يكون واحد زيك ابدا
– والله !! وانا لايمكن اوافق ان ام عيالي تكون حلوه زيك
” بتضحك “
قصدي تكون رخمه زيك
– انا لايمكن اوافق ابدا ابد عليك
– يعني انا الي هموت عليكي…بس انتي هتلاقي فين احلى مني اصلا
– الحلوين كتير بس مافيش نفس يا اسمك ايه انت
– مالك
– وانا اسراء ، وبعدين انت بقى الي هتلاقي واحده احلى مني فين
– يوووه انا حياتي كلها قضيتها مع بنات حلوه
– كتك القرف ، عيل مقرف..و…
– ع فكره انتي مره تتفي عليا ومره تغلطي فيا….يعني…
– انا مش هتجوزك ، استحاله
– ولا انا موافق…خلاص البنات خلصت ، دا انا خاربها….
ف الليل وكل حد ف الفيلا مع ابوه…
– ها يا ابني قولت ايه
مالك ف سره بيقول
عشان تبقي تتفي عليا كويس
– انا موافق يابابا
– ها يابنتي قولتي ايه
إسراء بتقول ف سرها
انا هربيك من اول وجديد يابتاع البنات انت
– انا موافقه يابابا…
يتبع..
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية عشق أولاد القناوي للكاتبة شهد رفعت.
