رواية البنات في الجيش الفصل الأول 1 بقلم الشيماء
 |
| رواية البنات في الجيش الفصل الأول 1 بقلم الشيماء |
رواية البنات في الجيش الفصل الأول 1 بقلم الشيماء
….في المعسكر
يا افندم الدفعه الجديده وصلت
ايوه ايوه ..دفعة البنات
ايوه يا فندم ..بس اساميهم غريبه قوي انا عمري
ما سمعت الأسامي دي قبل كده
… ربنا يستر بقي اما نشوف
والساعه سبعة الصبح ….يضرب جرس الصحيان
في مكان وجود الدفعه الجديده
اوووف ايه ده ..ده الجو حر قوووووي
والناموس خلاني ما نمتش طول الليل ..
لأ لازم يسيبونا ننام كمان شويه ..كده بشرتنا هتبوظ
فعلا يا لارا معاكي حق-
سيرين .. يا سيرين .. يلا بينا جرس الصبح ضرب
يلا علشان نفطر
يووووه يا ماجي .. ما تسيبيني انام ….
قوليلهم هتحصلنا كمان شويه
وعلى الساعه (11) كده كان الحمدلله قدروا
يجمعوا البنات ويوقفوهم طابور
الضابط وهوا فاتح بؤه بنظرة استعجال ….واندهاش
!.. ايه اللي انتم لا بسينه ده؟..
وبس لاول واحده في الصف
ايه يا فندم ده السبورتس وير ….مش ده …
طابور الصباح ????
صباااااح. …. صباح دي تبقى خالتك يا هانم
هنا في نظام ولازم تحترموه
وتميل شاهيناز على صافيناز وتقولها
اوووويا خبر ده سوفاج جدا
..الضابط بزعيق
امنع الكلام … وانتي يا آنسه ايه اللي انتي لابساه ده
انا ……ايوه يا ختي
ده سلوبيت يا فندم …. وبعدين ده نفس لون لبس
الجيش اهو ..بس تفصيله تليق عليا
وبعدين لازم نجدد علشان ما نفضلش متخلفين
….لازم نبقي على الموضه ????
الضابط وقد بدأت اعراض الشلل تبان عليه ????
ااااااه اله قلبي …سلوبيت ايه … حضرتك مفييش
هنا الكلام ده …. اتفضلي البسي اللبس اللي وزعوه.
عليكم ….وانتي يا استاذه… أنتي لابسه عبايه ليه
انا عارف انها لون لبس الجيش قبل ما تقولي
بس هنا ما ينفعش …تلبسي عبايات
…..يا فندم أنا محجبه ولازم البس لبس محتشم
الضابط وتقريبا كهربة مخه زادت ????????
صبرني يا رب … كده كتير .. وبص بايديها وقالها
يعني انتي زعلانه من البس أنه مش محتشم ..
وحاطا مونوكير ????. … عادي
يا فندم دي حريه شخصيه وعلى فكره بقى .. ده
مونوكير إسلامي ????
اااه دماغي انا شكلي اتشليت … وانتي حضرتك …
انتي لابسه ايه ده صحيح هو نفس نقشه لبس
الجيش ونفس التفصيلة كمان ما شاء الله عليكي …
بس حضرتك ده .. لونه بمبي باين ????????
…………………..
حضرتك ما بترديش عليا ليه
………………..
لو سمحتي ردي عليا
سوري ما بكلمش ولاد ….. وعلى فكره اسمه..
بينك مش بمبي ..
وهنا وقع الضابط من طوله …. وغالباً جانبه
سكته قلبيه ومات????????
في مكان التدريب بقا ….
ضابط تاني غير المرحوم الاولاني
احنا هنا علشان تدربوا علي عيشه المعسكر ….
…لازم تتعلموا تواجهوا الظروف مهما كانت
قاسية .. انتم دلوقتي هتتفرقوا في الصحراء دي ????
ويبقى فيها هيكليات كأنها حرب فعليه
.. طبعاً دي أول سنه ينضم بنات للجيش
والتدريب ده عملناه علشان نعرف هتنجح
التجربه دي ولا لأ .. يلا اتفضلوا … وطلع يجري ????
علي آخره وقال في سره هييه انا حي ما متش
الحمدلله ما اديتهومش فرصة ينطقوا .. وبعد شويه
ايه يا حضرة الضابط فين البنات .. أنا ما شفتش ولا
واحده فيهم …..
مش عارف يا فندم .. انا قولتلهم بتفرقوا في
أرض التدريب ……
طيب روح شوفهم لا يكون جالهم ضربة شمس ولا
حاجه
ما بلاش يا فندم أنا ما صدقت انفد بجلدي ????
يلا يا ابني اعتبرهم أخواتك .. ده أنا قلقان عليهم
بقالهم يجي ساعتين ما بنوش
حاضر يا فندم
ووصل الضابط مكان ما ساب البنات وهوا حاطط
ايده على قلبه وهو مرعوب
ومن بعيد شافته سوزي فمالت علي ساندي وقالتلها
شوفتي مش قلتلك شكله عينه منك اهو رجع
تاني اهو .. يا بنتي طول الطابور ماشالش
عينه من عليكي
.. ضحكت ساندي بكسوف قالت لها
ياااه معاكي حق ده رجع اهو وبيبصلي كمان
ووصل الضابط وقال خير مالكم واقفين ليه …
وايه اللي بتدهنوه ده .. وفي سره بيقول ..
مصيبه ليكون جالهم جرب جماعي من نومة المعسكر
ردت عليه سوزي وقالت: ده سن بلوك يا فندم
اصل الشمس ممكن تضر بشرتنا ☺️
الضابط وقد مات بالسكته القلبيه … بس قبل ما
يطلع في الروح
اااه ااه سن بلوك .. منكم لله يا كفره … هوا انتم
…. طالعين السخنه ????
يتبع…..
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية شمسي للكاتبة أماني عبدالعزيز
