رواية وقوع منقذ أرواح في حب بشرية الحلقة الأولى 1 بقلم لانا عبدالمجيد
 |
| رواية وقوع منقذ أرواح في حب بشرية الحلقة الأولى 1 بقلم لانا عبدالمجيد |
رواية وقوع منقذ أرواح في حب بشرية الحلقة الأولى 1 بقلم لانا عبدالمجيد
كنت قاعدة ف اوضتي لحد ما سمعت صوت حاجة بتخربط ف المطبخ.. كنت مرعوبة ومستغربة لاني لوحدي ف البيت اهلي مسافرين.. خرجت من اوضتي وقعدت اذكر ربنا كتير لحد ما وصلت المطبخ لقيت قطة كان شكلها حلو اووي وكانت بتخربط ف الأطباق بس المفاجأة انها…
انا : بسسس تعالي هنا.. متخافيش مني
القطة : جعان.. اكليني
انا بخضة : انت.. ومكملتش لاني اغمى عليا..
……………..
صحيت تاني يوم لقيت نفسي ع السرير… مسكت دماغي جامد وقولت لنفسي معقول.. ايه الحلم الغريب ده وبصيت جنبي واتخضيت لقيت القطة كانت قاعدة جنبي وبتبصلي
انا من الخضة صوت ووقعت من على السرير : ااااه ي راسي ياني.. انت ايه.. عفريت.. انس… جن.. بالله عليكي متاذنيش ده انا كنت هجبلك اكل والله ولبن كمان
القطة______
انا : لا بقولك ايه رد عليا.. انت كنت بتكلم انا م عبيطة ولا مجنونة.
القطة : مياو مياو مياااااااو
انا لنفسي : معقول اكون هلوست امبارح من السهر.. بس انا متأكدة ان انا فقدت الوعي ف المطبخ ازاي جيت ع السرير
………….
( انا اسمي لانا عبدالمجيد عندي 20سنة ملامحي عادية جدا والحمد لله بحب نفسي من عيلة متوسطة، كنت قاعدة ف البيت لوحدي لان اهلي سافرو الصعيد عشان فرح ابن عمتي اللي انا كنت بحبه بس هو فضل واحدة تانية عليا واتجوزها هيا ففضلت اني مروحش وقررت انساه وكنت بدعي ربنا انه يعوضني عن كسرة قلبي لحد ما سمعت الصوت اللي ف المطبخ وحصل اللي حصل(
______—-لاناعبدالمجيد—-_____
روحت المطبخ لقيت القطة ماشية ورايا ففهمت انها جعانة فطلبت دليفري وكان سمك ليها وشاورما ليا بس الغريب بق انها رفضت تاكل السمك واخدت الشاورما بتاعتي واكلتها ف اتعصبت لاني مبحبش السمك ورميته واضظريت اني اطلب دليفري تاني…..
بليل الساعة 12….
القطة كانت قاعدة ع السرير منكرش انها شكلها نضيف ونا اصلا بعشق القطط وهي كانت لونها ابيض وفيها نقش بني كده وعنيها رصاصي كانت قطة كده قمر بصراحة..
انا بكلم نفسي : يربي اعمل ايه دلوقتي انا زهقانة.. صح لقيتها
شيلت القطة وقعدتها على رجلي وقعدت العب معاها واكملها..
انا : بص انت شكلك قط ولد ف نا هسميك مشمش.. تعرف ي مشمش ان انا خلاص معتش بحبه
مشمش (القط) : كذابة
انا : م كذابة والله انا فعلا….. ااااعااااا انت بتتكلم.. يع يعني اااننااا مكنتش بتخيل رميت القط رمية جامدة من الخضة
مشمش: حسبي الله ونعم الوكيل فيكي يشيخة.. اه ياني يصغير ع البهدلة ي آسر
انا : يلهوووي الحقوني.. و قعدت اعيط لما افتكرت ان مفيش حد ف البيت واني لوحدي.. بص انا مممشش ه هاذيك والله ولا عمري اذيت حد سيبني بق.. وفجأة لقيته بيتحول.. احييييه مهو ده اللي ناقص استنوا ايه ده…. ده بق انسان.. زي القطة.. ،كان ابيض شوية او اووي وشعره بني وعيونه رصاصي.. ده نفس القطة.. احيه.. هو فيه ايه
انا : أعوذ بالله من الشيطان الرجيم.. أعوذ بالله من الشيطان الرجيم.. بسم الله الرحمن الرحيم.. بسم الله الرحمن الرحيم
آسر (مشمش اللي هو القطة برده) : انتي عبيطة يبت انتي هتسخطيني كده يمجنونة
انا : بالله عليك هتموتني هتحرقني هتعذبني هاها قول متتكسفش.. طب حتى اعمل حساب للعيش والملح اللي بينا
أسر : شاورما
انا : اهو شفت بنفسك شاورما.. ايه ده ايه العبط ده وقعدت تضحك انا.. انا اكيد بحلم مفيش كده ف الحقيقة ههه
أسر : لا حقيقة.. م انتي اللي كنتي بتدعي وزعلانة انك بقيتي وحيدة ولما انا جيت برده زعلانه
انا : ااععا اسكت بق انت قطة.. انا. انا واغمى عليا
أسر : هو انا جيت عشان اشيلك واحطك ع السرير ولا ايه
……….
٣ يوم… الساعة 4 العصر
صحيت ع صوت قطة بتنونو تاني
انا؛ : لا بق انت انت ايه.. حرام عليك هموت
القطة : ميااو ميااو..
انا : انا هتجنننن… كلمني كده بالزوق..
القطة : ميااو ميااو
انا بعصبية : مياو ايه انت بتتكلم.. متستعبطنيش.. هقتلك لو متكلمتش.. انت جن
القطة نفت براسها
انا : يعني انت فاهمني
القطة هزات براسها بمعنى ايوة
انا : طب انت بتتكلم
القطة هزت براسها بمعنى ايوه
انا : طب انت ايه قولي واتكلم بق
القطة بصت للساعة
انا : بتبص للساعة ليه.. انت بتتكلم.. انت كنت بتكلمني امبارح بليل واول امبارح بليل برده.. استني انت بتتكلم بليل بس؟
القطة هزت راسها بمعنى ايوة
انا : عفريت يعني
القطة هزت راسها يمين وشمال بعني حاجة زي كده
انا : طب ممكن تسيبني بق ي استاذ أسر.. انا مرعوبة منك والله م انا اكلتك وشربتك؟
القطة هزت راسها بمعنى ايوه
انا : طب وحيات الشاورما تسيبني بق لاني مرعوبة بالله عليك
القطة هزت راسها واختفت وقتها
شهقت من الخوف واغمى عليا
صحيت بس المرادي غريبة لقيتني لسه ف مكاني ع الارض والساعة كانت ٣ الفجر.. كنت جعانة اووي وكمان خايفة عشان لوحدي وكل اما افتكر ان اهلي هيقعدوا شهر كامل بتحصر ع نفسي
مفيش اكل ف الشقة وكنت جعانة اووي
انا : يااه لو القطة تيجي كانت تروح تجبلي اكل من اي حتة او تسحرلي اكل وضحكت هههه
وفجأة لقيت نور قدامي والقطة بقت جنبي ع السرير.
انا : اععااا.. حرام عليك خضتني
أسر اتحول ل بنى ادم وقال : ماغماش عليكي يعني.. كويس ف تحسن
انا : لا ما هو انا اتعودت… بس انت جيت تاني ليه؟
أسر : انتي عبيطة يبنتي.. م انتي اللي ندهتي عليا
انا : انا بس كنت بقول يعني حاجة.. مكنتش متوقعة اني لما قول انت فين هتظهرلي
أسر : لا يختي اتعودي انتي بمجرد اساسا ما تفكري فيا هتلاقيني
انا : طب انا جعانة.. اعمل ايه
أسر : ما تاكلي يبنتي
انا : اول مرة اشوف عفريت غبي
أسر : ع اساس انك شوفتي عفاريت قبل كده
انا باحراج : احم. يعني ليه الإحراج ده.. وبعدين يعني هما بيقولوا ان العفاريت اذكية
أسر : هما مين
انا : معرفش
أسر : نقطينا بسكاتك ولا اقولك قومي البسي
انا باستغراب : ليه
أسر : عشان اتفرج ع جمال زوقك ف اللبس… اكيد عشان نتنيل نجيب اكل
انا : مابوراحة يعاام في ايه.. قايمة اهو
……. بعد شوية
انا : خلصت.. يلا
أسر : يلا هنروح فين
انا : في مطعم قريب من هنا بيفضل فاتح 24 ساعة تعالي نروحه
أسر : ولما هو في زفت مطعم قريب منك ب تصحيني ليه ولا هو انا الخدام الفلبيني بتاعك
انا : انت عفريت م جدع علفكرة.. مطعم فاتح والساعة 3 الفجر اكيد يعني اللي شغالين فيه كلهم شباب واكيد الشوارع فيها شباب وحشين
أسر : حتى البشر مؤذيين
انا : ايه!
أسر : ولا حاجة يلا بينا
انا : يلا
_____________
أسر في نفسه : اكيد هو هنا دلوقتي.. معقول ممكن يعمل لها حاجة.. لا.. لا.. انا أقوى منه بكتير واكيد لما يشوفني معاها م هيمعلها حاجة
.. انا : المطعم اهو
أسر : هتطلبي ايه؟
انا : شاورما وكريب وبيتزا
أسر : هتاكلي كل ده
انا : عفكرة انا جدعة م زيك.. وعملت حسابك الاكل لينا احنا الاتنين
أسر باحراج : اووه ماش
اخدنا الاكل وخرجنا….
انا : م حاسس ان فيه حاجة غريبة شويه
أسر ب ارتباك : في ايه.. فيكي حاجة
انا : لا عادي بس حاسة كان فيه حاجة حوالي…. ومكملتش بسبب اللي ظهر…..
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
نرشح لك أيضاً رواية عشق من الماضي للكاتبة إيمان شلبي.
