رواية معذبي الفصل السابع عشر 17 بقلم مروان فرج

رواية معذبي البارت السابع عشر

رواية معذبي الجزء السابع عشر

رواية معذبي الحلقة السابعة عشر

عمتي: مفيش عذر رجلك توجع فيك قعمزي علي كرسي
انا: نمشي نتريح شوية وانجي…وجيت بنمشي جت عمتي دفتني بكل قوتها عالحيط وراسي صارله صداع ….والمفجاة اناا محمد شاف الموقف…..🔥😳
خش محمد وجي لعندي يجري وهوا خايف ومرعوش عليا وامه كانت واقفه قدامه
محمد..حبيبي فيك شي قولي الصراحة متخلينيش نرعش اكتر عليك
انا والنزيف بدا: لا متخافش عليا ….
وحضني بكل قوته واني كنت محتاجة للحضن هذا هلبه وشافونا الكل طبعا وفجاة بعد عليا وامشي جنب امه
محمد: يام اخر مرة انشوف اللقطة هادي اخر مرة تقوي تتوجع ولا تبكي منك اخر انشوفك جنبها ولا تامريها بحاجة فهمتي…احترامي ليك توا كله عشان تقوي
عمتي: برافو بالسرعة هادي قدرت اتغيرك عليا واتجي معاها مع انها هيا يلي غالطة هيا يلي مدت يدها عليا وضربتني كف علي وجهي وكان مش امصدقني اسالها
انا حطيت يدي علي فمي😳 ومقدرتش ننطق ولا حرف
محمد: مستحيل انصدق حتي لو تقوي قالت اي لانها مستحيل اديرها
عمتي: معقوله اتكدب فيا قدام خوتك وبوك يا حقير يا بلا اخلاق تكدبني واتصدق مرتك يلي مليهاش سنة عندك ااااااه يا خسارة تربايتي فيك وخلاص ي محمد
عمي: احترم نفسك واعرف مع من تتكلم امك لو قالت حاجة معناها صح ومتنساش انها امك هادي
انا …الدنيا بدت الدور عندي ومعاش نتحمل
محمد… تقوي كلام ماما صح جاوبي واتبتيلهم انك بريئه جاوبي ومتخافيش ي تقوي
انا ..كنت نبي ننهي القصة وانقول ايه لاني لو قلت لا محمد حيتزاعل مع امه واهله واني منبيش هكي ايصير وكنت بننطق اول حرف طحت قدامهم علي طولي🔥
محمد.. تقوي تقوي نوضي حبيبتي بالله عليك مش ناقصني افراقك عني تقوي تماسكي وشويه ونوصلو للمستشفي بس خليك قوية ومتضعفيش …….صلاح افتحلي السيارة بسرعة عليش واقف هكي
ورفعوني طول للمستشفي ودخلوني للعمليات طول
محمد: يام هذا قسم مني والله لو صارلها شي صدقيني مستحيل انسامحك ولا نعتبرك امي مرة تانية هذا اذا مقتلتكش امعاها ….اني نعرف من فترة انك متحبيهاش ولا عمرك احترمتيها وتعاملي فيها زي الخدامة وهيا عمرها ماقالت عليك بالعكس ديما تشكر فيك وتحترم فيك ….وحطيها في ودنك واودانكم كلكم يلي ميحترمش تقوي الاحسن ان ميحترمنيش لان احترامها من احترامي وتقديري ❤️
‏
عمي: شن امداير روحك انت تتكلم مع امك هكي عشان وحدة ماهي من مستوانا ولا طبقتنا وبكلمة وحدة اتلم دبشها وتروح لحوش هلها🔥
محمد: حتي انت يا بوي هكي …يلي واجعني انا تقوي بس يلي تعبر فيكم زي هلها واكثر ومتحملة منكم جبل بس صابرة وساكته علي معاملتكم ليها …بس من يوم وغادي تو تعرفو تقوي علي اوصولها تو تعرفو اسم تقوي ومحمد شن اديرلكم وروحو كلهم وقعد محمد واسراء بس في المستشفي 🔥
_______
‏
عند الساعة 12في الليل طلع الدكتور من عندي
محمد: دكتور طمني عليها الله يخليك معادش نتحمل اكتر
الدكتور: الحمدلله تمام بس قعدة حالتها في خطر
محمد: دكتور ممكن نتكلمو مع بعضنا
الدكتور: اوكي
محمد: موضوع النزيف منبيش حد يعلم بيه ولو سالك اي حد قوللهم سوء تغدية او اي حاجة
الدكتور..اوكي بس مرتك وضعها محرج شوية لازم الليله هادي تقعد عندنا لانها نزفت هلبا وفي احتمال انها تنزف اكتر وعندها حتي فقر دم نتمني انك تهتم بيها وبصحتها
محمد: اوكي حاضر نقدر انشوفها
الدكتور: اي تقدر
انا… كنت في الدار ونبكي علي حظي وعلي الكذبة يلي طلعتها عليا عمتي وفجاة سمعت الباب انفتح مسحت دموعي طول وحاولت اني انكون عادية ☺️
محمد…حبيبتي يا عمري انتي الحمدلله علي سلامتك لو تعرفي قداش خفت اعليك واتمنيت اني بدالك صدقيني ماما حتتحاسب وحيعرفو الحقيقة كلهم
انا…محمد خلاص معاش اتكبر القصة يكفيني انك انت بس تعرف الحقيقة صدقني الباقي ميهموني بشي
محمد… تقوي اني مستحيل نسكت علي برائتك قدامهم مستحيل
انا…. لو تحبني صح اوعدني انك متحكيش شي اوعدني
محمد…لا تقوي متقارنيش حبي ليك بحركة حقيرة زي هذا
انا…معناها لو تتكلم متحبنيش
محمد… من قالك انحبك اصلا
انا ..معناها اطلع وخليني بحالي مش ناقصة مجانين اني
محمد: حتي اني طالع …..وكنت نحسابه بيطلع صح بس فاجاني ب بوسه كبيرة وحارة قعدنا فيها لحظات لعند ماجي الدكتور فسد علينا🔥😂
الدكتور…احمم اسف لو جيت بموعد خطا بس لازم نضربولك الابرة هادي
انا.. و وجهي زي الطماطم: ااااا تمام …واعطيت لمحمد تفنيصة مستحيل ينساها😒
الدكتور: محمد 5دقايق وترجع لو سمحت توا اطلع
محمد: اوكي …..فنص فيا حتي هوا وطلع
اسراء: كيف حالها توا
محمد… تمام بس تعبانة هلبا والدكتور مانع عليها الخروج
اسراء: متخافش تقوي قوية وان شاء الله باسرع وقت تطلع
محمد: المشكلة غدوة بيان بنت اختها اسراء : اي نعرف ربي ايكون في عونها….لو مضمتش الصاله وطيبت 60طرف من الشاورما وبكلاوة مكانش صار هكي
محمد… انتي شن اتقولي😳 …تقوي دارت هذا كله لا مستحيل
اسراء: ماما قتلها وهيا سمعت كلامها واني مكنتش نعلم ….محمد استني محمد وين ماشي
عند تقوي ….اول معطاني الدكتور اليبرة رقدت وانسيت وجعي…😴
عند محمد ….طلع محمد من المستشفي وكان بيمشي عشان بيفهم من امه ليش خلت تقوي ادير هكي وكان منبه عليها انا مادير شي بس ادكر وعد تقوي ورجع طول للمستشفي وخش لدار تقوي لقاهاا راقدة زي الملاك قرب منها وشد يدها وقرب من جبهتها وباسها وطبعا هيا لانها زي البيبي ناضت طول
انا…تعال قرب علاش متحشم ولا قدام الدكتور بس اديرها يا صايع😂🔥
محمد: اي صح تفنيصتك معاش نبي انشوفها
انا..والله كنت خاش فيا هلبا والدكتور تحشم واني معاش عرفت مندير
محمد: تفنصي فيا عشان دكتور
انا ..مش هكي بس
محمد: بس شنو
انا… نحبك وانموت عليك
محمد: مقتنعتش بكلامك مزال
انا: امممم ….وقربت منه وبسته وهكي حس بكلامي اكثر
#عند حوش اهلي
سناء.. ماما معقوله تقوي هكي مدورش فيا ولا تعدل بكل مع اني اني وقفت امعاها هلبا ف عرسها ودرت كل شي بس توا لانا بيان بنتي لااتصلت ولا دورت
سعاد …يا سناء اختك متزوجة توا وعندها عذرها اكيد
سناء: اني مقلتش شي
ماما: كلمتي اختك ليش تاخرت
سناء..كلمتها والقيتها غارقة في الحب مع محمد وياريتني مكلمتها🔥
سعاد…اسكتي عيب عليك
سناء: اييه حتي اني بنسكت
لين: ريان من احلي انحط التاج هذا ولا الفيونكة هادي
سناء.. التاج احلي
لين: تمووووم
ورحت عند حوشي مع العسل محمد
محمد: امتي الكوفيرة بتجيك
اني: بعد شوي
محمد: خيرك راقيلك
اني:انكلم في سناء متبيش اترد وماما نقالها مفيشي تغطية
محمد: اكيد لاهية بروحهاوتلفونها مش احداها
اني: يمكن
وامشيت رقدت اشوية لاني نتوجع وانخمم علي اختي
عند الساعة 7الليل كملت الكوفيرة من تزييني وطلعت نووووهبل علي قولت المتييم محمد هههه كنت لابسه قفطان توب ذهبي وطويل هلبا وكانت تسريحة شعري مفتوح
محمد: شن رايك ناكلك ونخطفك
انا: لا طبعا هعهه
محمد: معاش نقدر انقاوم جمالك هبلتيني
اني: هههه خليك اهبل واموت بهبالك يلا وقت اصحي ونوض من الحلم🔥
محمد: احسابك بعدين كان منتشتكش وخليتك تتوجعي ميكونش اسمي محمد
اني:علاش هكي
محمد: لانك حرمتيني من هالجمال والانوته ومخليتينش جنبك
اني: هههههههههه مجنون …هيا خلينا نمشو قبل ما يغمي عليك
عند الساعة 8وصلت للصاله والقيتها زحمة حتي خطاب بنت اختي قاعدين بس لين مزال مجتش
سعاد.. باهي شرفتي وين كنتي من بكري يسالو عليك كلهم
انا: ماما امس مرقدتش واليوم الصبح بس جاني النوم
سعاد…:وقت ارقاد هوا اليوم
وامشت وفنصت فيا تفنيصة اول مرة هكي تشبحلي واني قعدت مصدومة ومنبيش انرعش روحي اكتر 🔥🙂
ريان اوووووه طالعة تهبلي
انا: وانتي احلي يا بطة
ريان…ماما طايرتلها منك هلبا وطول الوقت اتسب فيك واني انقوللها اسكتي اكيد هيا مشغوله
انا: تسلملي الكتكوتة
ريان: ايييي تقوي شوفي ريان جت محلاها
وشفتها وطالعة اتهبل كانت لابسه فستان سماوي لعند الركبة وكت. ومن فوق كله دانتيل وتسريحة شعر كعكة كبيرة والمكياج بسيط كان ….وخشت بعد مخدت لقطات تصوير وقعدت اتسلم عليهم بالواحد حتي ريان واني مديتلها يدي بس مسلمتش وامشت قعمزت في المسرح واني تمنيت الارض تنشق وتبلعني كانت لقطة صعبة عليا هلبا ونزلو حتي دموعي لان صعب اعليك اهلك ميبوكش وحتي اعيالك والله حسيت روحي اني امدايرة جريمة😒💔
وقعدو كل المعازيم ياكلو ولين كانت فرحانة وكل ماتجي عيني في عينها تفنص فيا كاني امدايرتلها حاجة …..لما الناس بدو ياكلو في الوجبة لين خشت بتغير دبشها واني كنت امقعمزة مع نور اخت محمد شفتها ونضت لان هادي فرصتي الوحيدة عشان تفهمني
اني:لين ممكن نحكو
لين: اطلعي برا منبيش انشوفك اطلعي🔥
اني: لين صدقيني كنت بنجي بدري بس مقدرتش انوض وحقك عليا
لين … حقي عليك انك تمشي تطلعي واتروحي واتكملي حبك مع محمد ولو قعدتي شوية اخري انكلم بابا يجي ياخدك لاني منبيكش اتكوني جنبي في اليوم هذا لاني عرفت انك غايرة مني وحاسدتيني😐💔
انا لين والله فاهمة غلط خليني ندوي
لين: تطلعي ولا انطلعك
اني: خلاص نطلع بس كنت جايبتلك هدية نتمني تعجبك …خوديها
لين: والله شكرا حبيبتي
وخدتها مني وفتحتها وهيا كانت قلب من الفضة محفور فيه اسمها …وشدتها وقعدت تشبحلي وكسرتها قدامي وجيت الكسرة علي رجلي وفجاة نور خشت
نور.. تقوي وينك محمد يتصل هييييي بسم الله شن في هنا
اني خديت منها التلفون وطلعت
نور: لين انتي شن درتي قولي
لين… لو سمحتي هادي اطلعي بنغير دبشي ومليكش علاقة
نور…ها..صح لو كنتي حاسه بيها كنتي عرفتي انها امس كانت ليله كاملة في المستشفي والدكتور اليوم منع عليها الخروج بس عشانك ولان اليوم بيانك سمحلها بالخروج مع انها مزال عليها الخطر
لين…ششششنو قلتي
نور: زي مسمعتي توا
عند تقوي
انا…كانت رجلي تنزف واني نستني في محمد برا وكنت دموعي قريب ينزلو
نور: فيك شي تقوي
انا…:لا بس رجلي مجروحة
نور: ياربي محمد امتي ايجي هذا
اني: اوووووووف
وجي محمد وركبنا وروحنا للحوش واني طول ركبت فوق
محمد: اني قتلك متمشيش بس انتي عندتي
اني انفجر كل غضبي علي محمد: خلاص مليت خلوني بحالي معاش نبي حد منكم خلاص ارحموني …وامشيت للدار وسكرتها عليا وانحدفت عالسرير نبكي علي حظي حتي مع اهلي معنديش حظ مفيش حد عذرني وفهمني الا محمد يلي جي كل غضبي وتعصيبي عليه
عند الساعة11نضت لاني كنت راقدة بقفطاني فتحت الدولاب ولبست روب مفتوح من الصدر وكله دانتيل لونه سماوي وطلعت مشيت للمطبخ لقيت محمد قاعد اطيب في العشي خشيت بالشوية وامشيت لعنده حطيت ايديا علي بطنه من وراء وحضنت ظهره وقلت: اسفه بلحظة قلت كل يلي عندي وتعصيبي جي عليك بس مكنتش قاصدة محمد انت الوحيد يلي حاسس فيا وبي وجعي سامحني ي محمد☺️❤️
محمد: فشيتي كل زعلك ولا مزال
انا…اي
محمد: يعني توا عادي انتي مش مضايقة
انا..مضايقة لانك زعلان مني واني السبب
محمد… فاهم وضعك ومنيش طايرتلي منك تعرفي ليش لاني لما انكون طايرتلي ومضايق انتي الوحيدة يلي اتكوني معاي وتتحملي فيا يتقوي اني وانتي صعب انعيشو بدون بعض
انا… مستحيل ايصير اصلا هكي