Uncategorized

رواية بلا رحم الفصل الأول 1 بقلم كوكي سامح

 رواية بلا رحم الفصل الأول 1 بقلم كوكي سامح

رواية بلا رحم الفصل الأول 1 بقلم كوكي سامح

رواية بلا رحم الفصل الأول 1 بقلم كوكي سامح

__كنت بعانى من نزيف شديد والالام فى الرحم فالاول كنت خايفه اكشف لا يكون كانسر ويشيلوا الرحم بس تعبت اوى لدرجه الاغماء وفى يوم وانا فى الشركه وقعت من طوولى خدونى لدكتوره نساء وكشفت وطلبت منى اشعه وتحاليل وفحوصات وكتبت ليه على علاج يوقف النزيف 
وارجع لها بعد ما اخلص كل الاشعه والتحاليل 
علشان اطمن واعرف عندى ايه لان لما سألتها 
قالت إنها مش متأكده من الحاله كويس.. 
__ وبعد اول برشامه اخدتها النزيف وقف تماماً 
كملت العلاج وبعد اسبوعين حسيت انى كويسه 
جدا وحالتى اتحسنت
وطبعا ده من وجهه نظرى انا بسسس
لأن بطبعى انا بخاف من المرض جدا وبخاف 
من الكانسر اوى وسمعت كتير عن كانسر الرحم
بس اللى كان بيطمنى انى مش متجوزه
وكنت بسأل نفسى دايماً هو معقول بنت زى تفقد
رحم!.. وبصراحه اتطمنت لما النزيف وقف..
__ انا فجر 24 سنه.. بكالوريوس تجاره.. جميله..
قوام متناسق.. مظهر جذاب.. وده خلانى اشتغل فى شركه سياحه كبيره.. مخطوبه لأبن عمى 
= وفى يوم وانا فى الشركه طلب منى المدير ان 
اعمل شغل على الانستجرام 
فتحته ولقيت رساله عندى من 7شهور
مكتوب فيها.. خلى بالك انتى هتفقدى اعز ما تملك البنت.. انا حذرتك من التعابين اللى حواليكى.
 
__ ولسه بكمل الرساله المدير دخل عليه وسألنى خلصت الشغل ولا لسه سبت الفون ونسيت  الموضوع فى زحمه الشغل 
اليوم ده انا كنت صايمه اصل انا بحب اتطوع 
واصوم اتنين وخميس من كل اسبوع 
ولما الساعه دقت 5 قبل المغرب حسيت بمغص
بس كان جامد شويه مسكت بطنى ودخلت الحمام 
وعرفت ان البريود نزلت وبصراحه اتضايقت
جدا علشان الصيام ما كل واحده فينا 
مجربه لما تكون صايمه وتيجى الظروف الخاصه 
بتبقى مضايقه ازاى على اليوم اللى راح منها.. 
بس الغريبه انها قبل ميعادها بشويه 
فى الاول قولت هرمونات بتتغير
وسكتتتتتتت.
خرجت وقعدت فى مكتبى اكمل شغل
الفون رن وكانت ماما وبتأكد عليه 
علشان اخد اجازه وسافر لهم 
المصيف.. 
__اصلهم كلهم فى اجازه اسبوعين فى الجونه 
ابتدت من أول امبارح بس 
وانا كان عندى شغل كتير وقولت لماما 
هحصلكم بعد يومين تلاته اكون خلصت 
الشغل إللى على دماغى 
وطبعا سافروا بعد ما اطمنوا عليه انى مش
قاعده لوحدى ومعايا صاحبت عمرى 
هاجر هى مش صاحبتى وبسسس
دى عشره عمرى واخت ليه واكتر.. 
= الساعه دقت 10 مساءا وبصراحه ما صدقت 
نزلت جرى وخدت العربيه وطيران على البيت 
لما وصلت كان باب الڤيلا مفتوح 
والبوابه فاضيه وده كان غريب 
ركنت العربيه فى الجراچ 
ولما دخلت لقيت فى وشى ام يسرى البوابه 
اصل انا بحبها اوى ست غلبانه وارمله 
بتشتغل هى وأولادها الشباب 
عندنا بعد وفاه جوزها 
لقيت يسرى فى وشى وبصلى اوى 
وسألنى.. اتأخرتى ليه ؟
.. انت عبيط ولا ايه؟ وانت مالك! 
_ انا بطمن عليكى يا انسه قصدى يا هانم 
___هاجر واقفه فى بلكونه اوضتى نادت عليه 
بصوت عالى….. شاورت بإيدى وقولتلها ثوانى 
= لقيت نفسى قربت من البوابه
 ..ابقى اقفل البوابه دى بدل ما هى مفتوحه 
على البحرى ولسه بقفلها لقيت ايده على ايدى 
ومسكها بكل قوه 
يسرى.. ميصحش يا هانم انا هقفلها! 
حسيت بالالم وخدت نفسى وطلعت على اوضتى 
وكانت هاجر عامله عشا خفيف وبيبسى 
طلبت منها نعناع او اى حاجه دافيه 
نزلت تعمله بإيدها 
انا دخلت الحمام ومحبتش اخد شاور 
لانى حسيت ببروده فى جسمى 
ويدوب نمت على السرير وروحت فى سابع نومه 
وبعد مرور يومين.. 
قومت من النوم ولقيت نفسى على سرير
فى مستشفى.. كنت حاسه بصوت بيكلمنى 
فوقت على صوت هاجر وهى بتعيط 
والدموع نازله من عينها ومنهاره.. 
لقيتها بتقرب منى ووطت راسها وقالت.. 
انا اسفه يا فجر كان لازم الرحم يتشال.. 
فجر.. رحم ايه انتى مجنونه 
هاجر.. حبوب منع الحمل اللى انتى بتاخديها 
أثرت على الرحم وحصل نزيف شديد 
وكان لازم عمليه استئصال 
فجر.. حبوب منع الحمل مستحيل! 
انا عمرى ما اخدت حبوب منع الحمل 
انتى مجنونه صح.. 
وبصت فجر جمبها ولمحت مشرط 
وقامت قعدت وكانت هاجر بتحكى اللى حصل 
ومن غير ما تلاحظ فجر مسكت المشرط 
وقطعت شرايين ايدها..
هاجر.. ايه ده.. وجريت على فجر ومش عارفه تعمل ايه 
فجر ايدها بتنذف والدم غرق ملايه السرير
__ وخرجت هاجر ونادت للدكتوره 
وشدتها من غير ما تحس.. ولما دخلت الدكتوره 
وشافت فجر.. قالت إن الجرح سطحى 
وغيرت لها عليه 
فجر بدموع.. خلاص انا عمرى ما هكون ام 
الدكتوره بغضب.. هو انتم تغلطوا فى حق نفسكم 
وفى الاخر تعيطوا 
فجر.. انا مغلطتش يا دكتوره انا فقدت رحمى 
ودى اراده ربنا 
الدكتورة وكان اسمها أمل 
_ مش اراده ربنا انتى واخده حبوب منع الحمل 
وده كون ورم فى الرحم وكانت نتيجته نزيف شديد 

فجر بزعيق.. حبوب منع الحمل تانى
لا لا انتوا اكيد بتخرفوا
د. امل.. انتى وصلتى المستشفى وكانت حالتك
سيئه وفاقده الوعى من أثر النزيف
وكان لازم الرحم يتشال يأما كنت اسيبك
تنزفى لحد ما تموتى وقالت فى سرها ياريتك 
كنت سيبتك موتى بدل ما تجيبى العار لأهلك

فجر.. بس انا عمرى ما اخدت حبوب منع الحمل
انا مخطوبه يا دكتوره مش متجوزة
د. امل.. الله اعلم بقى
فجر.. نعم حضرتك تقصدى ايه؟ 
— الباب خبط وكانت الممرضه
ودخلت ركبت محاليل لفجر
فجر.. قصدك ايه يا دكتورة بالله اعلم دى
هاجر.. فجر ممكن تهدى شويه
د. امل.. بصت اوى لفجر وقالت بغضب..
ايوه الله اعلم يمكن تكونى بتعملى الغلط من ورا
اهلك..
فجر.. انتى بتقولى ايه انا اشرف بنت ممكن
تقابليها فى حياتك
د. امل.. كلكم بتقولوا كده وفى الاخر ترجعوا حوامل.. بس ربنا رحم اهلك من عارك 
ورحمك اتشال 
وبصت لفجر بقرف وخرجت ورزعت الباب وراها.. 
فجر.. انتى مستحيل تكونى دكتوره
منك لله.. وقعدت تعيط بانهيار
الممرضه قربت من فجر ووطت صوتها..
متزعليش منها هى طول عمرها كده ست ظالمه
من يوم ما بنتها ماتت فى حادثه اغتصاب
وهى اتجننت
هاجر.. لا حول ولا قوة الا بالله.. يا عينى والله عندها حق تتجنن.. بنتها ماتت مجنى عليها
الا الاغتصاب ده شئ صعب
الممرضه.. انتى مش فاهمه حاجه.. ده اللى هى
بتقولوا لناس إنما الحقيقه ان بنتها كانت ماشيه
مع شويه بنات وشباب بايظه وأخلاقهم فاسده
واحد منهم ضحك على البنت وبعدها انتحرت 
لما عرفت انها حامل.. وهى قالت اغتصاب 
إنما الحقيقه انا عارفاها كويس من الشغاله 
اللى عندها.. اصل انا اللى كنت موديها تشتغل.. 
بس قالتلى الكلام ده سر ومحدش يعرفه.. 
علشان كده بقت شايفه البنات كلها شمال 
زى بنتها.. وبصت بخبث ورفعت ايدها لفوق 
.. الله يرحمها بقى..
فجر.. يا ستى انا مالى بكل ده والله انا بنت
شريفه وعمر ما راجل لمسنى
انا مخطوبه وهتجوز بعد شهرين
الممرضه.. طيب يا حبيبتى ربنا يعينك
على الابتلاء ده.. وخرجت

فجر.. الناس دول مجانين
هاجر عينها فى عين فجر
فجر.. هاجر انتى مصدقه انى باخد حبوب منع
الحمل.. وحاولت تقوم بس مقدرتش
هاجر.. مش عارفه اقولك ايه
فجر.. انا عاوزه انام وهى بتتكلم نامت
__ وبعد مرور اسبوع فى المستشفى
كانت فجر طلبت من هاجر متقولش لحد على
كل اللى حصل لها.. وفى نفس الوقت بترد
على اى تليفون علشان محدش يحس بحاجه
وخرجت من المستشفى ولما روحت البيت
كانت نفسيتها زى الزفت ورافضه الاكل تماما
الباب بيخبط..
هاجر فتحت الباب وكان يسرى
— هى انسه فجر مالها
هاجر.. مالهاش ولا حاجه.. دى نايمه شويه
وعندها شويه إرهاق من الشغل
يسرى.. اه طيب المهم انها كويسه
__ يسرى نزل وكان واثق ان الموضوع غير كده
…….
فون فجر رن رساله واتس
__ مسكت الفون وكانت الرساله من المدير 
وبيسألها على الشغل اللى نزلتوا على الانستجرام 
وهنا فجر افتكرت الرساله 
وفتحت الانستجرام بسرعه 
وبقت تقرى الرساله بصوت مسموع 
وهاجر سامعه صوتها 
فجر.. ايوه انا فقدت اعز ما تملك البنت 
الرحم وعمرى ما هكون ام زى ما الرساله 
قالت بالظبط.. الرساله كان فيها تحذير ليه 
بس للأسف انا مشفتهاش غير بعد فوات الأوان 
هاجر مسكت الفون وابتدت تقرى الرساله 
وكررت كلمه احذرى من التعابين اللى حواليكى 
.. يبقى حبوب منع الحمل اتحطتلك بالقصد.. بس مين اللى بعت الرساله دى 
فجر.. انا مش بفهم فى الانستجرام خالص 
شوفى انتى 
وابتدت هاجر تتدور ورا اللى باعت الرساله 
وقالت إنها متعرفوش بس شافت فى المتابعين 
عنده واحده صاحبتها متبعاه.. ومسكت فونها 
وكلمتها وسألتها عليه.. 
وعرفت منها اكونته على الفيس بوك 
وطلبت منها لينك وبعتته واتس 
ولما هاجر قفلت الفون فتحت الواتس 
ودخلت على لينك الولد اللى بعت الرساله 
بس كانت هنا المفاجأه.. 
فجر.. عرفتى الولد مين بالظبط 
انا عاوزه اكلمه واعرف منه مين اللى عمل 
فيا كده.. 
هاجر بذهول.. الولد اللى بعت الرساله ميت 
من 7 شهور مقتول فى بيته.. 
___ نبذه عن عائله فجر.. فجر بنت جميله يتيمه الاب 
وسطانيه ما بين اخواتها.. الأخ الكبير محمد 28 
سنه.. خاطب.. أما اختها الاصغر منها اسمها زينب 
وعندها 19 سنه وبتدرس ودلعها زيزى.. 
الاب مات فى حادثه.. وبعد شهور من موته.. الجده 
قررت تجوز والده فجر لابنها الكبير حسن.. علشان 
يراعى ولاد اخوه وبقت ام فجر ضره لزوجه 
حسن.. فى الاول كانوا كلهم عايشين فى عماره
واحده لحد ما حسن كون ثروه كويسه وشغله
كبر ونقل فى ڤيلا ومعاه ولاده وولاد اخوه
ومع الوقت ابن حسن خطب فجر بالغصب
بأمر من جدتها.. 
ملحوظه.. انا غيرت اسم البنت من فج لفجر 
واسم القصه من عذراء بلا رحم.. لبلا رحم 
يتبع…..
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية المقاس للكاتبة فاطمة الدمرداش

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى