رواية جيت يا رمضان الفصل الحادي عشر 11 بقلم إسراء ابراهيم عبدالله
رواية جيت يا رمضان البارت الحادي عشر
رواية جيت يا رمضان الجزء الحادي عشر
رواية جيت يا رمضان الحلقة الحادية عشر
بعد الفطار اتصلت نيرة على منى وقالت: الحقيني يا منى متقدملي عريس
منى بصدمة: عريس إيه وأنتِ لسه في تالتة ثانوي؟
نيرة: دا ابن عمي وبيقول لخالد خطوبة لغاية ما تخلص اولى جامعة وبعد كدا نتجوز
منى بحيرة: أيوا يعني أنتم موافقين ولا رافضين؟
نيرة: ماما وخالد موافقين، لكن أنا محتارة وخايفة من الموضوع دا، هو صراحة محترم وطيب
منى: خلاص صلي استخارة ووافقي طالما كويس وأنتِ أدرى، وطالما طلب إيدك دلوقتي يبقى هيقدر يتحمل المسؤولية بعد الجواز
نيرة: خلاص ماشي هقولك وصلت لإيه سلام
في اليوم التالي كانت منى تصلي صلاة التراويح في الجامع، فجلست بجانبها بنت زميلتها فقالت: أنا مش شايفه نفسي حلوة
منى بتفاجئ: ليه يا بنتي بتقولي كدا؟
البنت: عشان أنا فعلا كدا، بنات عمي أحلى مني
منى: طب بصي أهو قولتي بنات عمك أحلى منك، معناها إنك حلوة أصلا بس في حد أحلى منك
بصي مفيش حد وحش كلنا حلوين، وشكلنا جميل بس بدرجات فهماني؟
يعني كل حاجة في حياتنا درجات الشكل والفلوس والشغل
ومش معنى إن في حد أجمل منك يبقى دا بيقلل من قيمتك
والجمال مش في البنات بس دا في الإنسان عموما، تلاقي دا أجمل من دا وكدا، بس هل دا معناه إن قل من قيمته؟
البنت: لأ
منى بابتسامة: أهو جاوبتي على نفسك
قيمة الإنسان لا تقاس بالجمال
البنت: طب إيه اللي بيقيس قيمة الإنسان؟
منى: بصي يا ستي الدين بيقول إيه؟
“لا فرق بين عربي ولا أعجمي ولا أبيض ولا أسود إلا بالتقوى”
يعني ربنا مش بيبص لشكلك، إنما بينظر لعملك
البنت: لكن بردوا الناس مش بتبص للناس غير على الشكل وبيفرقوا بينهم غير بالشكل
منى: بس عايزه أقولك إن الناس اللي بتبص للجمال دول ناس غير سويين نفسيين، وتفكيرهم بيكون سطحي
يعني من الآخر مش كل حاجة بتعتمد عالشكل
يعني في حاجات أهم زي إنك تكوني قوية أو ذكية أو لطيفة أو موهوبة أي حاجة تميزك عن غيرك يعني
كل شخص عنده ميزة تميزه عن غيره
بقلم إسراء إبراهيم عبدالله
واصنعي قيمتك بنفسك، حاجة ابذلي فيها مجهود
وحددي المشكلة اللي عندك ومين بيقولك إنك مش حلوة وتعاملي معهم بلا مبالاة، ولو مثلا عشان شكلك ممكن تنسقي لبسك وتهتمي ببشرتك يعني اعملي روتين للبشرة وبلاش ميكب عشان حرام ولا كريمات تطلعي بيها برا أنا قصدي اعملي روتين لما تكوني في البيت زي إنك تستخدمي غسول أو سكرب وأي ماسك لنضارة البشرة ويخفف من الإرهاق وبعدها
حطي مرطب طبعا الكلام دا تعمليه بعد لما تروحي من الدروس لأن البشرة بتكون اتبهدلت من التراب والشمس وكدا
البنت بابتسامة: تسلمي يا منى حقيقي استفدت منك
ابتسمت لها منى وقالت: الله يسلمك يا حبيبتي من كل شر، أهم حاجة ركزي على دراستك ومستقبلك
البنت: حاضر
عادت منى لبيتها، ولكن وجدت جدتها أتت لهم
فرحت جدًا وقالت: تيتا حبيبتي
وجرت عليها تضمها وتقبلها بشدة في وجنتيها
جدتها بضحك: براحة يا بنتي علي
منى بفرحة: مبسوطة أوي إنك جيتي
جدتها: أنتم وحشتوني أوي قولت أجي وخلاص أقعد معكم أسبوع وخالكم يبقى يجي ياخدني ويكون باباكي جه من سفره ونسلم عليه قبل ما نمشي
منى: ماشي يا تيتا يا حبيبتي
وجلست بجانبها وهى تهزر معها
في بيت عطية كانت والدته تنادي عليه، ولكن لم يجب عليها
كان عطية يجلس في غرفته يضع ماسك خيار وزبادي على وجهه
عطية: حقيقي الواحد بشرته مجهدة ومطفية، حاسس بترطيب بعد لما حطيت الماسك دا
لما أغسله بقى أبقى أجيب الكركديه اللي حطيته يسقع في التلاجة عشان يرطب داخليا بعد لما رطبنا خارجيا
دخلت والدته عليه باندفاع وقالت: أنت بتعم….
نظرت له بصدمة، وهو نظر لها بصدمة والبنت الواقفة بجانبها أيضًا بصدمة
ياترى هيقول إيه؟ ومين البنت دي؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جيت يا رمضان)
