رواية ذبيحة المقبرة الفصل الأول 1 بقلم كائن الظلام

غدار…. مفيش غير خطيبتك يا علي نقدر نستدرجهاا..!

علي…. نعم…؟؟ خطيبتى انت جراا لعقلك حاجة ولا اى ما تفوق لنفسك يا عم انت.

غدار…. اسمع يا صاحبي مفيش غيرهااا اللى هنقدر نجيبها هنااا.

علي… إنت عايزنى أضحي بحب عمري وخطيبتى وأوصلها للموت بإيدي يبقى انت مجنون لو اتخيلت للحظة انى أعمل كده مستحيل طبعا..

غدار…. آثااار كتييير وفلوس..!

علي…. طب وأي يعنى ما الدنيا فيها ناس كتيرر ممكن ندبح أي حد..

غدار…. ما اهو الشيخ قال إن حارس المقبرة لازم اللى هيتدبح تكون بنت ومش متجوزة.

علي…. ومفيش غير خطيبتى..؟

غدار… يا أهبل فيه كتيرر بس دى كده كده من بلد تانى ومحدش هيعرف وسهل نستدرجها…وساعتها هتبقى غنى ومعاك فلوس وتشتري العربية اللي نفسك فيها والبنات هيا اللى هتجرى وراك وهيتمنوا رضاك عنهم .

علي… ملعون ابو كل ده ياخى.. مفيش حاجة تخلينى أضحي بخطيبتى.

غداار…. الفلوس كتير والفرصة مش هتتكرر ولو معملتش كده مش هتقدر تتجوزها وكده يبقى بتقتلها بالحياة.. 

علي… سيبنى افكر يا صاحبي الموضوع مش سهل ولا بالبساطة اللى إنت متخيلهاا.

غدار…. وفكر لحد بكرة ولما تاخد القرار ابقا فكر إزاى هتستدرجها من غير ما حد يعرف إنها خارجة معاك.

علي… ماشي.

“علي بيفكر مع نفسه.. أنا إزاى اقتلها بايدى دى أول واحدة حبتنى وانا روحى فيها هو الفلوس هتخلينى أنساها ولا أنسى اللى هعمله فيها..؟ ده مستحيل..الشيطان يوسوس له ” اسمع كلام غداار  .. فلوووس…. عربيااات  … اللى نفسك فيه هتحققه… هتطلع من الفقر… محدش هينفعك… ممكن خطيبتك دى فى يوم تكسرك… طب مش جايز تخونك..؟” لا طبعاااا لااااا منى متعملش كده لا هتخونى ولا تكسرنى ” 

طلع سيجارة ولعها ودماغه بتلف وتدور ومحتار وفي نص السيجارة خطيبته منى ترن عليه.

منى… إنت مش قولت هترن عليا الساعة 11:00 دلوقتى 12:30 اي كل التأخير ده ..؟ ممكن أعرف..؟

علي… معلش دماغي مشغولة بحاجة.

منى… اكيد طبعا بتفكر وبتحرق فى الزفتة السجاير..؟

علي… اه….

منى…. طب ممكن تطفى السيجارة اللى في ايدك..؟ لو سمحت يعنى عشان خاطري.

علي… حاضر.

منى…. قوم كده أعمل عصير أو أى حاجة اشربها..

على… مش قادر دلوقتى ومليش نفس.

منى… عشان خاطري لو سامحت..؟

على… حاضر .

منى…”وهوو بيعمل فى العصير وساكت ” أنا بحبك أوي على فكرة….

علي…. هااا.

منى…. “بحنية ” بحبك يا بابا .

علي…. وانا كمان بحبك.

منى… عارف يا علي انا مش بشوفك حبيبي أنا بشوف فيك بابا اللى أنا اتولدت ملقيتهوش على الدنياا.

علي… وانا كمان بشوفك بنتى وحتة منى.

شرب العصير 

منى… طب دلوقتى ممكن تروح تنام إنت أكيد تعباان .

علي… ماشي هناام.

منى… تصبح من أهلي ان شاءالله.

علي… وانتى من أهلي.

“علي قفل معاها وضميره يصحى ويقوله إنت إزاي تعمل كده فى كده في حد بيحبك أكتر من نفسه وبيخاف عليك أكتر من نفسه وشايفك أب ليه ومتعلق بيك للدرجة دى… هو أنت ممكن تلاقي حد يحبك كده أكيد لا.” 

“فضل يفكر لحد ما نام “

يصحى تاني يوم الصبح يفطر ويعمل فنجان قهوة ويكمل تفكير.

غدار يتصل بيه.

غدار…. هاا فكرت ولا لسه يا علي..؟

علي… فكرت.!

غدار … واي القرار اللى خدته.؟

علي… ملقيتش حل غير إني أعمل اللى قولتلك عليه.

غدار… وفكرت هتستدرجها إزاي..؟

علي… ااه مليكش فيه إنت..!

غدار… ظبطت أفكارك.؟

علي… اااه وأنا اللى هدبحها بإيدى..!

غدار… هتكون صعبة عليك يا صاحبي.

علي… لا محدش هيلمسها غيرى وهكون مغطي وشها عشان محدش يشوفوا وبعد ما اخلص هدفنها برضوا بايدى ..!

غدار… اللى يريحك… النهاردة بالليل إن شاء الله.

علي… ماشي.

غدار… تمام سلاام.

علي… سلام.

” الفلوس عمت البصيرة وموتت القلب اللى حب ” 

خطط لكل حاجة تخطيط شيطان وبدأ التنفيذ من بعد العصر..

علي… يا منى عايزك تطلعي من غير ما حد يعرفك رايحة فين هعملك مفاجأة جامدة.

منى…. وليه محدش يعرف..؟

علي…. هتعرفي كل حاجة اتحججى باي طريقة وهقولك هقابلك فين.

منى…. حاضر يا حبيبى  من عيونى..

علي…. الساعة 7:00 بالليل تمام.

منى…. تمام.

جهز كفن حبيبته بايده وحفر قبرها… هيقطع من جسمه وريدهُ ومفكر الفلوس عوضها.

اول ما قابلها… شاف فى عينيها الاشتياق والحنية ولهفة العشاق 

نزلت من عينه دمعة مسحتها بايدها قالتله مالك يا حبيبي فيك اي.

قالها مفيش دي دمعة فرحة لما شوفتك.

منى… افرح يا حبيبى عقبال فرحتنا الكبيرة فرحة يوم كتب كتابنا يوم جوازنا.

علي… داس على قلبه وخدها ومشى.

كان مجهز كل حاجة.

غدار… كلمه فى التليفون جاهز يا علي.

علي…  جاهز يا غدار.. يلا هنبدأ .

غدار…. يلا..

كان مغطي وشها ومش شايفة حاجة مفكرة انه هيعملها المفاجأة وراح فجأة مطلع من جيبه سكين تقطع الحجر………… 

يتبع …..