رواية الاسطا ساره الفصل العشرون 20 بقلم فاطمة عادل
رواية الاسطا ساره الجزء العشرون
رواية الاسطا ساره البارت العشرون
رواية الاسطا ساره الحلقة العشرون
تميم طلع الفون بسرعه واتصل بايهاب
ايهاب : ابن حلال كنت لسه هكلمك ، فى اخبار حلوة
تميم : طب اسمعنى ، عايزك تيجى ومعاك ماءذون
ايهاب : ماءذون ايه ، هو فى ايه حصل
تميم : يااااا ، ده حصل حجات كتير اوى ، المهم تجيب الماءذون وتجيب مصطفى عشان يشهد معاك على العقد
ايهاب بصدمه: عقد ايه وجواز مين ، هو انت هتتخلى عن سارة ، لا ياتميم اعقل كده ، ولا تكونش هتصلح غلطتك مع حد
تميم: يابنى بقى صفى نيتك الزباله دى ، مفيش الكلام ده ، والعروسه هى سارة عشان ترتاح ، اخلص بقى
ايهاب : رغم انى مش فاهم اى حاجه بس تمام ، هعمل اللى انت عايزه
تميم: تمام يلا سلام
اخد تميم سارة لجوة وكانت جميلة قاعده بتاكل معاذ وميس وهى مبتسمه ليهم وفرحانه
لانها بتحب الاطفال اوى
تميم نده عليها وهى ردت
جميله : خير ياحبيبى محتاج حاجه
تميم : اه لوسمحت ياقلب اخوكى ، الماءذون جاى كمان شويه
جميله: بجد ، الف مبروك ياحبيبى وحضنته وباركت لسارة وحضنتها
تميم : عقبالك ياحبيبتى يارب ، المهم خدى سارة وخليها تجهز كده ، دى عروسه ولازم تبقى منورة
وبص عليها وقال: ده مش معناه انك على طول منورة ياقمر وغمز
سارة اتكسفت اوى وطلعت مع جميله
جميله حرفيا خرجت كل الفساتين السواريه بتاعتها وبقت عماله تفرج سارة
سارة: لا ياجميله ، انا مش هقدر البس كده
جميله : هشششس ، مش عايزة نفس
سارة: ياجميلة اسمعينى ، انا مقدرش البس دول ، انا يعنى مش متعودة
جميله: يعنى عايزة تحضرى كتب كتابك بقميص وبنطلون ، بقول اقعدى كده وسيبيلى نفسك خالص
جميله اختارت فستان اوف وايت لسارة وكان سيمبل ومحتشم علشان متكسفش وكان فى منتهى الجمال والاناقه
جميله: ايوة ، هو ده
بقولك ايه ادخلى خدى شاور لحد ما اجهز كل حاجه
سارة : بس ، بس يعنى انا
جميله: ياستى متتكسفيش ، احنا اخوات وبعدين الحمام اهو مش هتروحى مكان يعنى براحتك
سارة : طب هو انا ممكن انزل اقول لتميم حاجه
جميله ضحكت : يابنتى براحتك البيت خلاص بقى بيتك وبعدين ، انا عايزاكى تعتبرينى اختك وانا والله حبيتك جدا
سارة حضنتها : وانا كمان والله ، طب هنزل وطالعه بسرعه
جميله: براحتك ياقمر
نزلت سارة وقعدت جميله تجهز فى الحجات وهى بتفكر فى يوسف وبتكلم نفسها
جميله : وحشنى بقى ، وحشنى اوى ، تؤ طب اعمل ايه ، أكلمه بس هيقول عليا ايه ، طب ابعتله ماسج واشكره فيها ، يووووو انا صدعت من التفكير وفجأه الموبايل رن
جميله: ايه ده ، ده هو ، ياخرابى هو كان سامعنى ولا ايه
احم احم
الو
يوسف : جميله ، طمنينى ، انت كويسه ، اقصد يعنى كلكم بخير
جميله: احم ، ايوا كويسه ، الحمدلله كلنا بخير ، وكمان سارة وتميم هيكتبوا كتابهم انهاردة بفضل اللى حصل
يوسف : بجد ، الف مبروك ، عقبالنا ، قصدى عقبالك ياحبيبتى ، يووو اقصد يعنى الف مبروك
جميله كانت فرحانه اوى وقلبها بيدق بسرعه وفضلت تتكلم معاه شويه
عند تميم وسارة
سارة : تميم
تميم : عيونه ، فى حاجه ، ناقصك حاجه
سارة : لا سلامتك بس كنت عايزة استأذنك فى حاجه
تميم : اؤمرى
سارة : كنت عايزة اكلم سلمى وخالتو ناديه علشان يحضروا كتب الكتاب ، لو معندكش مانع يعنى
تميم : لا طبعا معنديش اى مانع وبعدين البيت بقى بيتك ، يعنى اللى انت عايزاه اعمليه على طول
سارة : شكرا ،تسلملى
تميم : شكرا وتسلملى ، ماشى عمتا كلها كام ساعه و…..
سارة اتكسفت ومشيت من ادامه
تميم ضحك عليها جامد ورجع تانى لمعاذ وميس
طلعت سارة تانى وكانت جميله مجهزة كل حاجه
جميله: يلا بقى يا عروسه ، خدى شاور علشان تبداى تجهزى
سارة : ماشى داخله اهو ، متشكرة اوى يا جميله على كل حاجه
جميله: يادى النيله ، يابنتى قولنا اعتبرينى اختك فى ايه بقى
سارة : واكتر كمان ، انا داخله بعد اذنك
دخلت ساره خلصت شاور وخرجت
وجميله قعدتها وبدأت تعملها شعرها اول حاجه و بعدين عملتلها ميكاب هادى وجميل جدا ولبستها الفستان
وكمان جابت لها شوز بكعب لونه احمر
خلصت جميله كل حاجه وبصت على شكلها المجمل وانبهرت بجمالها
جميله: واااااو ، ايه القمر ده ، انت كنتى مخبيه الجمال ده كله فين
سارة ضحكت أوى : فى الميكروباص ، ورينى كده
سارة شافت نفسها واتصدمت ، اول مرة تشوف نفسها زى باقى البنات ، دمعت وكانت هتعيط
جميله بصراخ : انت بتعملى ايه ، هتبوظى كل ده بدموعك ، افرحى ياحبيبتى واتبسطى
سارة حضنتها اوى وشكرتها تانى وبعدين تميم رن على جميله وقالها يستعدوا علشان الماءذون وصل
جميله بهزار : لولولولولولوى ، الف مبروك ، عقبال البكارى
تميم : اتفو ، ابو معرفتك وقفل السكه فى وشها
سارة : خير فى ايه
جميله: الماءذون وصل ، وكل الناس تحت يلا بقى مستعده
سارة اخدت نفس عميق ، مستعده
نزلت جميله والموجودين كانوا ايهاب ومصطفى وسلمى وناديه وطبعا تميم واقف مش على بعضه
اخيرا ظهرت سارة فى أول السلم اللى اول ما الكل شافها اتصدم من جمالها وكمية الانوثه اللى كانت فيهم ، كله مش مصدق أن دى هى هى البنت سواقة الميكروباص اللى دايما وشها مبهدل وعلى طول شقيانه
تميم كان واقف مصدوم ومتفاجئ وكل حاجه
ايهاب : اه يابن المحظوظه ، بيضالك فى القفص
سلمى وناديه فرحانين أن اخيرا سارة ربنا هيعوضها
اول ما وصلت لتميم مسك ايديها وباسها: ايه الجمال ده
سارة اتكسفت : شكرا
تميم : طب تعالى عند المأذون قبل ما اتهور
سارة راحت قعدت ادام الماءذون بكسوف وتميم قعد قصادها
بدأ المأذون الإجراءات بتاعته واخيرا انتهى بجملة
بارك الله لكما وبارك عليكما وجمع بينكما في خير
تميم قام وقف واخد سارة فى حضنه وفضل يلف بيها والكل بيصقف وايهاب بيصفر
مشى الماءذون وكلهم قاعدين سوا وبعدين قام ايهاب وقف
ياجماعه خبر عاجل
كله انتبه لايهاب
ايهاب : احم احم احم ، أن شاء الله يوم الخميس الجاى انا رايح أخطب
سلمى اتصدمت وناديه اتفاجئت والكل بصله باستغراب
( طبعا ايهاب مقلش لأى حد على اتفاقه مع حمدى )
سلمى دمعت وقامت وقفت : الف مبروك يلا ياماما ، عن اذنكم ،جات تمشى ايهاب مسك ايديها
ايهاب : فى ايه مالك سخنه كده ليه استهدى بالله واسمعى للاخر
سلمى : ولا اسمعك ولا تسمعنى وربنا يوفقك ، يلا ياماما
ناديه : دى اخرتها ، تعشم البت وتخلينى اقف ادام ابوها وفى الاخر رايح تخطب
ايهاب بملل : خلصتوا ، على فكرة أنا محبتش ولا هحب حد غير سلمى واللى انا رايح اخطبها هى سلمى
سلمى وناديه اتصدموا وسلمى عيطت
ايهاب مسك ايديها: هو انت زعلانه تعيطى فرحانه تعيطى ، وبعدين عياطك ده بيخلكى احلى ،وانا مش مسؤول عن تصرفاتى
سلمى بدأت تهدى وبصلته شويه وبعدين اتكلمت بشحتفه : طب طب ازاى وانت لسه مكلمتش بابا ، وحتى ماما مستنيه أنه يهدى شويه وبعدين تكلمه
ايهاب : اخلااصو ، والنبى بلاش تتشحتفى كده وانت شبه الاطفال بدل ما ارزعك بوسه ومحدش هيهمنى
كله ضحك جامد وامها بصتله وبعدين قالت
ناديه : وماله ، علشان اقوم انا ارزعك بالف|اظه دى واك|سر دماغك
ايهاب ضحك بخوف : عني|فه اوى انت ياندوش ، مش بيفوتك حاجه
ناديه: ماتخلص يا اخويا وقول اللى حصل ، انت عملت ايه بالظبط
ايهاب حكى الحوار اللى دار بينه وبين حمدى كله وقال على اللى حصل ، وبعدين قال
بس كده ، وان شاء الله هاجى يوم الخميس واخطب القمر بتاعى
سلمى فرحت اوى وبصت عليه بكل حب وهيام وفضلت ماسكه أيده وهى مش عارفه تنطق بس عيونها بتقول كل حاجه
ايهاب بهمس : النظرات الحلوة دى هتخلينى اعمل حاجه مش هتعجبك
على طول سلمى بصت على الارض
ايهاب ضحك اوى
ناديه : الحمدلله انك اقنعته ، ربنا يفرح قلوبكم يارب ويبعد عنكم الشر
ايهاب وسلمى سوا : امين
تميم بص لسارة وهما كلهم مشغولين مع ايهاب وهزاره
تميم : ضحكتك حلوة اوى
سارة بكسوف : شكرا
تميم : شكرا اممم ، طب بقولك ايه ، قومى معايا
سارة : هنروح فين
تميم : تعالى بس هو انا هخطفك ، ده انا جوزك
سارة قلبها دق من الكلمه وقامت معاه
اخدها وراح الجنينه وقعدوا سوا على المرجيحه ، مسك أيدها وباسها وفضل يتأمل فى وشها كله
تميم : دى اجمل لحظات انا بعيشها فى حياتى ، بجد من ساعة ماشوفتك وانا بتمنى تكونى فى بيتى وبين ايديا ،
سارة اتكسفت اوى: احم ، وانا كمان
تميم : وانت كمان ايه
سارة اخدت نفس: وانا كمان ياتميم من ساعة ماشوفتك وحسيت أن ليا ضهر وسند ، حسيت انى اخيرا لقيت اللى يشيل عنى ويقف معايا ، وانا كمان حبيتك ياتميم ، بتمنى نفضل سوا طول العمر
تميم مش مصدق نفسه واللى بيسمعه ، قرب منها اوى ووشه بقى فى وشها ، حط أيده على خدها وقرب من شفايفها ويدوب بيقرب
جميله : انتوا هنا وانا قالبه الدنيا عليكم من بد………
انا اسفه ، أن….انا بجد اسفه ولا كأنى جيت ، بعد اذنكم
طلعت تجرى على جوا وتميم اتغاظ اوى وسارة اتكسفت
تميم : احم ، معلش بقى اختى متخلفه شويه هههه
سارة: ها ، لا لا مفيش حاجه ، يلا نقوم
تميم: نقوم ايه بس ، هو احنا كنا بنقول ايه
سارة : كنا …كنا بنقول ….
تميم : اه افتكرت ، وبدأ يقرب منها تانى
معاذ : ابله سارة انا جعان ، هو انتوا بتعملوا ايه
تميم : ام دى ليله مض|روبه ، ولا حاجه ياعم تعالى انا هجبلك تاكل ، اخده لجوا وسارة فضلت تضحك
دخل جوا وجاب لمعاذ طبق فيه اكل وقعده
جى ايهاب من وراه
ايهاب : انت مجنون يابنى ، سايب مزتك ورايح تحط اكل للعيال
تميم : اعمل ايه يعنى ، وحكالو اللى حصل
ايهاب ضحك اوى
تميم : طبعا ليك حق تضحك ، بس انا قت*يل البوسه دى انهاردة
عند منصور
منصور طلع ليوسف وفتح باب اوضته بغضب
منصور : ارتحت كده ، بس اللى عملته ده مش هيروح بالساهل ، انا على اض|رب فى كل واحد يخصه ، اعمل حسابك المرة الجاية هيكون الدور على حبيبة القلب
يوسف اتفزع : انت عارف لو عملت كده ، هتبقى قتل|ت اخر حاجه بقيه ليك جوايا ، هتبقى دم|رت كل اللى بينا
منصور ضحك بشر : على اساس اللى بينا سليم ، ولا على أساس فى حاجه بينا اصلا ، انا حذرتك ابعد عن طريقى احسنلك
يوسف : انت حر ، بس ملكش دعوة بجميله
منصور: اما نشوف
يوسف فضل قاعد متوتر بعد كلام ابوه وهو مش عارف يتصرف ازاى
منصور نازل بيكلم مؤمن : ايوة يامؤمن ، كله تمام ولا ايه ،
مؤمن : تمام ياكبير وكلنا طالعين ع المخزن
منصور : م عايز غلطه
مؤمن : اطمن ياباشا
قفل مؤمن وأمر الرجاله أنهم يتحركوا على المخزن المتفق عليه
بس ما اخدش باله من اللى مراقبينه هو ورجالته
ياترى مؤمن ومنصور اخيرا هيتمسكوا ؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الاسطا ساره)
