رواية البنت غير الشرعية الفصل العاشر 10 بقلم ياسمين
رواية البنت غير الشرعية البارت العاشر
رواية البنت غير الشرعية الجزء العاشر
رواية البنت غير الشرعية الحلقة العاشرة
نهار السبت عيطلي سي يوسف المرة الأولى مبغيتش نرد ممبعد قلت خلي بالاك كاش حاجة جاوبتو لاباس لاباس الحمد لله حتى قالي بعد العصر جاي عندكم قتلو علاه قالي كي نجي تعرفي قتلو باغية نعرف ضوك قالي حاجة خاطياتك المهم قولي ليماك راني جاي وكوبا قلت لماما ناضت تجري دارت مسمن هي وبختة جبدت سارفيس من عام جداتي منشفاش تجبد سقمت الصالون أواه الحالة فيها إن يا ربي واجعل الخير هو بدا يأذن وهي قاتلي حطي القهوة على النار ذوك يجي الراجل ياه حسيتها تحسب فالدقايق وقتاه يجي دارت عندي قاتلي امشي مشطي كشرودتك وبدلي حوايجك قتلها علاه عليك قاتلي
ها مش المعلم نتاعك عيب يلقاك هكا اواه اماما راني نشم في ريحة متعجبش يا درا شراكي معولة شوية جا ذاك الهم من الزهر فتحت عليه ضارب فيها بونتاكور وتريكو أديداس فالحر فالنواغ أديداس نايك بيضا النواظر ريحة نتاعو سابقاتو بصح علاه هاز فيدو بوكي ورد وباطة قاطو هذا مالو قالي السلام وفات للصالون يا جدكم وماما تسلم وتعاود تحسب وزير زارها ولا منعرف المهم قعد بقاو متساولين صبتلو قهوة شربو كامل وانا غير نشوف ممبعد قاتلي ماما روحي جيبي الما قتلها هاهو قاتلي لالا هذا سخون روحي جيبي واحد بارد رحت وجيت أنا دخلت سمعتو قاللها خالتي حليمة تفاهمنا على سمانة نجي نديها قتلو شا تدي قالي نتي شكون قتلو وانا علاه قاتلي ماما الراجل خطبني فيك وانا مديتك تشوكيت شا راها تهدر قتلها من نيتك تحكي علاه شاورتوني قاتلي هذا ما بقى قتلها هبلتي تمديني لواحد شيبوخ قالي شايفتني نمشي على العكاز عندي 38 سنة برك طرطقت قتلها يا ماما السيد ألكوليك ميصحاش قالي ونتي وين شفتيني خلاص فشلت ملقيت مانهدر قاللها المهم
خالتي ممبعد نعيطلك ونتفاهمو أيا بالسلامة هو خرج وانا هولت الحالة بالنواح يا ماما تعيشي مترمينش على راسي والله يا السيد مايصلح عندت معايا قاتلي غير هو لي تديه وراكي سمعتيه على سمانة تروحي معاه عييت من البكا رفدت التيليفون وعيطت لدلال قتلها شوفي الخامج نتاعك شا دار اهدري معاه قوليلو يخطيني قاتلي يا طفلة اهبلتي وين رايحة تلقاي خير منو يهنيك من الميزيرية لي راكي فيها قتلها منحتاجوش وزيد مش يحوس عليك نتي ياك دائما معاك قاتلي لالا مبيني وبينو والو والله غير صحاب برك أنا تعرفي شكون عيني فيه ، جبت الليل كامل نخمم فيه نخمم كيفاه ندير نبطل منو قتلو مش قابلاتك بصح جاتو نورمال
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
تعليق واحد