رواية نور وسط الظلام الفصل الأول 1 بقلم هنا سلامة
 |
| رواية نور وسط الظلام الفصل الأول 1 بقلم هنا سلامة |
رواية نور وسط الظلام الفصل الأول 1 بقلم هنا سلامة
ريم بتوتر : نور انت متأكده انك هتشتغلي الشغلانه دي؟!
نور بتحمس: يا بنتي مالها الشغلانه دي؟
ريم : انت هتشليني يا بت انت! انت هتبقى مديرة قصر و سكرتيرة الشركه في نفس الوقت و لراجل أعمى كمان… فكري كويس يا نور
نور : فكرت يا ريم.. انا محتاجه لفلوس عشان انكس البيت قبل ما يوقعو على نفوخي.. و بعدين شركه و قصر و عيشه ملوك و لا هو مكتوب عليا اعيش طول عمري بلحس تراب؟!
ريم : براحتك بقى بس خليكي عارفه ان الموضوع صعب.. و ان بيقولو أن الراجل ده عصبي و خلقه ضيق و عاوز كل حاجه مظبوطه بالسنتي
نور : حلو جداا اصل احنا في شغل مش بنلعب يا بنتي
في الشركه
عم محمد : صباح الخير يا أدم بيه
ادم: صباح الخير يا عم محمد.. ها عملت إعلان عن موضوع السكرتيره و مديرة المنزل و لا لا.. انا من بعد على الله يرحمه متبهدل
عم محمد : بص يا ابني هو مفيش غير بنت واحده بس الي جت للشغلانه دي
آدم : بنت… بنت ليه بس يا عم محمد
عم محمد : يا بني دي شغلانه صعبه برده خصوصا يعني و لا مؤخذه بسبب ظروفك بتصعب الأمر اكتر
أدم : خليها تدخل بس من غير صوت.. انا مصدع النهارده اووي
عم محمد : اتفضلي يا نور يا بنتي استاذ آدم عاوزك بس بشويش و بتراطيف صوابعك لأن البيه مصدع اووي النهارده
نور: براحة ازاي يعني؟؟ امشي على طراطيف صوابعي؟؟
عم محمد : لو تعرفي اعملي كده
نور داخله بهدوء جامد جداا جداا و من غير و لا نفس و ولا كلمه
آدم : مش للدرجه يعني
نور : حضرتك بتكلمني انا؟؟!
آدم : لا بكلم نفسي.. اكيد بكلمك انت يعني
نور بأستغراب : اصل حضرتك عرفت اني دخلت ازاي و انت يعني لا مؤخذه أعمى
أدم : ربنا بيشيل من هنا و بيحط هنا
نور : يعني ايه؟!
آدم : يعني انا بحس بالقلوب و بحس بالنفس و بحس بدبه النمله و سمعي سته على سته
نور : ما شاء الله يا فندم تتحسد تتحقد الحقيقه.. المهم حضرتك قبلتني في الشغل و لا لأ؟!
آدم بجديه: بصي يا نور انت اسم على مسمى لان انت هتبقى نور عينيا ليل و نهار في الشركة و الشارع و البيت حتى الطريق و العربيه و هتقرأي ليا كل العقود بالأرقام و كل حاجه بأدق التفاصيل و الفاكسات و كله.. انت قد كل ده يا نور؟!
نور بعد ما بلعت ريقها و بتوتر: حضرتك بتخوفني ليه بس زي مانت محتجلي في كل ده انا محتاجه للشغلانه و فلوس الشغلانه دي
آدم في سره : ايعقل مادية حقيره؟!
نور : حضرتك بتقول حاجه
ادم: لا ابداا.. مبحبش كلمة حضرتك انت هتبقى ملزماني زي ظلي بالضبط ف مش كل شويه هتقولي حضرتك و لا رايك اية
نور : إلى.. انت تشوفه
أدم : ايوه خلينا نتعامل من غير رسمية
نور : طيب انا موافقه على الشغل
آدم : طيب اقرأي العقد و البنود كده هتلاقي آخر سطرين فيهم انك ممنوع تاخدي اجازات حتى لو بتموتي
نور : احم احم فلى الله و لا فالك يا أخي
ادم : مش لدرجة اخي يا نور و بعدين بعد الشر يا ستي
نور : مش لدرجة ستي يا أدم
آدم بزهق و قريفه : انت عنيده اووي كده ليه
نور : ممكن تكمل باقي الشروط
آدم بزهق: و ممنوع انك تتجوزي أو تتخطبي أو أي حاجة تمنعك من ممارسة شغلك بشكل مستمر
نور : حاضر هترهبن يا فندم تحب تزود ايه تاني؟! ربع كفته
آدم : دمك خفيف
نور : هنبدا الشغل امتى
آدم : من دلوقتي.. أمضى بس
نور : مضيت بس لبسي و حاجتي
آدم : يعني انت بتشتغلي عند آدم مهران رجل الأعمال اكيد ليكي لبس
نور في نفسها : غنى مستفزز
آدم : طيب يلا
نور : يلا ايه؟!
آدم : المفروض انك عيني دلوقتي تمسكي ايدي عشان نمشي من الشركه
نور : امسك ايدك؟! ماشي يا سيدي لما نشوف
في الشارع
آدم : خدي بالك في بلاعه هنا خدي بالك
نور : اهو ادينا ماشيين لما نوصلها هزوم
نور بتريقه : هو ازاي آدم الهواري رجل الأعمال معندوش سواق و عربية
آدم بتريقه : لا فيه يا ختي في الجراش إلى جنب الشركه
في أقل من لمح البصر وصلوا عند البلاعه و هي مش واخده بالها و ماشيه عندها آدم بسرعه سندها بايده و زقها نحيته
آدم : انت كويسه؟!!!
نور بخضه : اهاا بس ازاي
آدم : ازاي ايه مش فاهم
نور بخضه تبعد عنه و تشيل ايده و تبلع ريقها
آدم : انا اسف مكنش قصدي غير اني انقذك
نور : ازاي؟!
آدم : انت هتفضلي تقولي ازاي في ايه؟!
نور بدهشه : انت أعمى و انا مفتحه خدت بالك ازاي من البلاعه؟!
آدم بضحك: انا من و انا عندي ١٨ سنه و انا باجي من البيت للشركة كل يوم و حافظ الطريق
نور و هي بتبرق و تسيب ايده : انت بتستهبل يا جدع انت ممسكني ايدك و عاوزني اوديك و اجيبك و انت واخد بالك من الطريق عني
أدم بغضب و جاب ايدها تاني : اولا خدتي عليا زياده عن اللزوم يا نور ثانيا مش حافظ العربيات بتمشى امتى و مش عارف اشوفها و لا البعيده مبتفهمش؟!
نور بصتله بخوف من نبره صوته و كملوا مشي
أدم : خلاص وصلنا للعربية انت هتركبي ورا و انا جمب السواق
نور : طيب تعالي اركبك على مهلك
نور في نفسها : يا ربي ده لو خليفته و نسيته مش هيحصل كده
نور : بس اشمعنا انت قدام و انا ورا
آدم : كل حاجه بتتعرف في وقتها يا نور
طول السكه نور مش فاهمه هو طيب و لا شرير و لا متواضع و لا متكبر و لا الطفله إلى بتفكر البيضه الأول و لا الفرخه
في القصر
نور : عم محمد هو انت بقالك كتير مع آدم
عم محمد : ده انا الي مربية بعد ابوه
نور : هو مال راسه؟! * كان ساند راسه على الشباك *
عم محمد : اصله ما نمش كويس امبارح
نور : انا هصحيه استنى
نور برفق شديد : آدم آدم
آدم بفزع و خضه : انا فين
نور بخضه : مالك؟! انت في العربيه معلش انت بس عاوز تنام
آدم : اه فعلاا
نور : هات ايدك
آدم بضحك : دلوقتي هات ايدك؟!
نور ببجاحه : اسيبك و تطلع لوحدك عادي
آدم : انت جديه بشكل
نور : زيك
في القصر
داده ناديه : حمد لله على سلامتك يا بيه مين الحلوه الي معاك دي عروسه
نور بكسفه و وش احمر : لا انا مديره البيت الجديده
آدم : داده ممكن تحضري الاكل انا جعان جداا
نور بدهشه و هي بتبص في البيت : كل البيت ده عايش فيه انت و الداده و عم محمد
آدم : اوريكي قضتك دلوقتي؟!
نور : لا كل الأول القوضه مش هتطير
ادم : ماشي خلاص الي تشوفيه.. صحيح في اكل ايه على السفره
داده ناديه و نور في نفس الوقت : ملوخيه
نور تضحك و داده ناديه تبصلها من فوق لتحت نور استغربت
آدم بضحك : وشك حلو يا نور الاكله دي انا بحبها اووي
نور بامتسامه : بالهنا و الشفا
داده ناديه : هروح أودى الاكل للسفره
نور بهدوء و كسوف شديد اووي: آدم ممكن سؤال
آدم بدهشه: مالك.. اكيد اتفضلي
نور : انت بتعرف تاكل يعني تجيب المعلقه و تحطها في بوقك و كده
آدم بضحك : اه يا نور متخفيش و بعدين موطيه صوتك اووي كده ليه مفيش غيرنا اصلاا.. هو الستاير مفتوحة
نور : لا.. ليه
آدم بغضب: يا داده يا داده هو مش انا قولت ميت مرة طول ما في شمس الستاير تتفتح
داده ناديه بلجلجه في الكلام : يا بني… ما هي مفتوحة اهيه.. مالك النهارده..
آدم بغضب : لا مش مفتوحة يا داده.. هو عشان أعمى هتضحكي عليا؟!
نور بكسفه و احراج : خلاص يا أدم جلا من يسهو
داده ناديه ببصه حقيره لنور و بنبرة صوت غلبانه : آدم الاكل جهز يا ابني
آدم بغضب : مش عاوز زفت اكل
نور : ممكن تهدى شويه و اطلعك للاوضه
آدم بهدوء شديد : ممكن اوريكي قوضتك؟
نور باستغراب و خوف و لجلجه : اه.. اكيد
نور : طيب هات ايدك و براحه عشان السجادة بتاعت السلم متشاله في جمب
ادم: ماشي..
نور في نفسها مش قادره تفهمه خايفه منه: هو ازاي اتحول من غضب شديد لحد هادي بالطريقه دي ازااي
آدم بلطف : اتفضلي يا نور قضتك.. معلش مش قد المقام و الهدوم عم محمد بيطلعها الهدوم دي من المحلات ليكي على طول.. محدش لبسها قبلك
نور بفرحة : كل دي قوضه و تقولي مش قد المقام دي تحفه.. انا مش مصدقه هو ده الجناح إلى بيقولو عليه في الأفلام.. و كل اللبس ده البسه لحد مأموت و لا ايه
آدم بفرحة شديدة : مبسوط اووي أن القوضه عجبتك..اللبس ده كل يوم طقم و الي تلبسيه مره متلبسيهوش التانية.. انت مش اي حد انت سكرتيرة آدم مهران
نور : ميرسي اووي على الحاجات الحلوه دي
آدم : انت احلى.. اقصد يعني أن ده قليل عليكي
نور بوش احمر مكسوف : احم ميرسي اووي بس ممكن طلب.. انا بتقل عليك انا عارفة
آدم بلطف : لا اطلبي اكيد براحتك..
نور : ممكن تنزل تاكل.. انت كنت جعان اووي و كان باين عليك الهبوط في العربيه
آدم بترحيب : ماشي
نور بضحك : ده انت كنت جعان بقى… هات ايدك يلا
تحت على السفره
نور : كل يلا بالهنا و الشفا
آدم في سره : المعالق و الرز و الملوخية مش في مكانهم كالعادة ليه كده يا داده بتعقبيني؟!
نور : الاكل مش عجبك يا أدم؟!
آدم : لا و الله بس انا تعبان عاوز انام مش اكتر
نور بلطافه : لو عاوز حاجه مني اطلبها متخبيش.. هو ممكن اكلك النهارده يعني اعتبر أنه عشان اول يوم شغل ممكن؟!
آدم من جواه : هي بتقرأ أفكاري و لا ايه
آدم : طيب هو يوم بس يوم واحد بس
نور : طيب.. يلا سمي الله
بعد الأكل
آدم : عم محمد عم محمد ممكن انت الي تحطلي الاكل بعد كده زي ما كان بيتحط طب النشويات على الطرف و المعالق و الشوك و السكاكين جمب ايدي اليمين و البروتين على أيدي الشمال و الخضار قدامي
نور : ممكن تجيب ايدك اطلعك بقى شكلك نعست خالص
آدم : دي حقيقه
على السلم
نور : انا زعلانه منك على فكره
آدم بدهشه و تعجب : ليه ايه الي حصل؟!
نور : لولا أن انا عرضت عليك اني اكلك مكنتش هتاكل.. عشان الأطباق مش في مكانها
ادم : انا كنت مكسوف اقولك.. دي اول مره اشوفك
نور بلطف: انا موجوده هنا عشانك.. اقصد يعني عشان اسعدك في كل حاجه
آدم : هو انت خريجة ايه
نور : انا خريجت معهد فنون مسرحيه
آدم بابتسامه : يعني بتعرفي تمثلي و تتكلمي كويس؟!
نور : اه اكيد دي شغلتي
آدم : ممتاز دي حاجه كويسه جداا.. طيب بكره صحيني الساعة ٦ و عندنا اجتماع ٨.. اجتماع مع شركه mo للملابس
نور : هو حضرتك بتشتغل ايه؟!
و فجأه…
ادم : ايه الصوت ده؟!
نور : ده صوت صريخ من المطبخ!!
يتبع…..
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية حكايتي في الثانوي للكاتبة إسراء ابراهيم
