رواية أحببت معاقاً الفصل الأول 1 بقلم هند الحجار

-يعنى اى هتجوزونى بالعافية لواحد معاق 

“انا حددت معاد مع الناس ي بسمة خلاص وزمانهم جايين ومالوا المعاق يا بنتى هو اى حد ده مهندس ومحترم وابن ناس وراجل وضامن انو شاريكى وهبقا مطمن عليكى معاه.

-بس يا بابا مهما كان ده معاق 

“بسمة ادخلى البسى يا بنتى الله يهديكى شوفيه بس وانا متأكد انك هترتاحى معاه…سمعت كلام بابا ودخلت لبست زى ما قال انا مش وحشة على فكرة بس انا زى اى بنت عندى احلام ومواصفات للشخص اللى هكمل معاه حياتى وبردو اصحابى أما يشوفوا كداا يقولوا اى معرفش بس مكنتش اتمنا أن كل ده يحصل …لقيت الفون بتاعى رن وكانت هاجر صحبتى 

-مسا مسا ي صحبى 

بس ي هاجر انا مدايقة 

-اى ده مالك بس  

جالى عريس 

-لولولولى مبروك يا لوزة وهنلبس فساتين سواريه بقاا اى اللى مدايقك طيب 

معاق ي هاجر هتجوز معاق 

-اهدى يا بسمه شوفيه الاول واحكمى انتى مكنتيش كداا اى يعنى معاق هو مش كويس ومحترم ومتعلم وباباكى موافق اى اللى يمنع يا ست بسمه 

معرفش بقاا معرفش انا مدايقة … وفجأة لقيت الباب وكانت ماما وقالت 

-يلا ي بسمه الناس جم 

حاضر ي ماما انا جاية سلام ي هاجر جه 

-ماشى يا لوزة افردى وشك كداا واضحكى ده انتى اسمك بسمه يعنى المفروض الضحكة متفارقش وشك 

حاضر ي هاجر سلام …وقفلت مع هاجر وخرجت مع كل خطوة بخطيها قلبى كان يدق مشوفتش غير شابين قاعدين مع بابا والاتنين احلى من بعض اى ده الله ما الدنيا حلوة معقولة هتجوز واحد من دول طبعا كل ده كنت واقفة وكل الاحلام اترسمت فى دماغى بقاا …بابا فجاة اتكلم 

-ما تقعدى يا بسمة واقفة كداا ليه، قعدت طبعا انجرحت أما بابا قالى اقعدى فحطيت راسى فى الارض وسكت وفجأة سمعت صوت غريب اتكلم 

طب حضرتك لو موافقين احنا ممكن نقرا الفاتحه …فاتحة اى مش لما اعرف هتجوز مين اى ده يلهوى طب اقول مش موافقة ولا اعمل اى بس واضح مفيش حد معاق فيهم والاتنين زى الفل لقيت بابا رد 

-ايون موافقين وبسمة موافقة كمان مش كدا ي بسمة 

هاا رفعت راسى وبصيت لبابا لقيت عيونه بتقولى وافقى 

ايون موافقة …انا اى اللى عملته ده ازاى انا مش عارفة هتجوز انى واحد ومين اللى معاق طب ليه متكلمش معايا ليه ،قروا الفاتحة ولقيت بابا بيقول طب تعالى يا مهاب يا ابنى احنا نسيبهم مع بعض ..لقيت شاب منهم قام مع بابا وشاب فضل قاعد قعدنا فى صمت خمس دقايق وفجأة اتكلم 

– متاكدة انك موافقة تتجوزى واحد معاق ،رفعت راسى وبصتله معرفش حسيت كأن عيونه محتاجانى أو جواها حزن كبير ،اتكلمت وقولت 

بس انا مش شايفة انك ولا معاق ولا حاجة 

-لا انا مبمشيش عندى إعاقة فى رجلى موافقة عليا .

،مع كل كلمه بيقولها كنت بحس بدقة من قلبى تدق بس تجاهلت كلامه وقولت 

اسمك اى 

-نعم انتى متعرفيش أسمى 

لا الصراحة 

-ياسين 

وانا بسمة 

-عارف 

مين قالك 

-يعنى جاى اتقدملك مش هعرف اسمك،خبطت ايدى براسى 

معدل الغباء عندى زايد معلش … لقيته ابتسم بس مضحكش 

واضح انو شخصية هادية عكس شخصيتى خالص يلا على بركة الله

انا موافقة اتجوزك يا ياسين 

-بجد 

اه والله ..بردو ابتسم يمكن علشان أسمى بسمه فبيبتسم معرفش ليه وافقت رغم ان كنت رافضة اتجوز واحد معاق بس يمكن أما شوفته ارتحتله جدا ارتحت بكلامى معاه او يمكن حسيت انى هجرحه لو موافقتش عليه معرفش أهى كلها مشاعر متلغبطة اتجوزنا بسرعة جدا ورغم كداا كنت موافقة طبعا صاحبتى هاجر كانه اخوها مبطلتش شكرانية فيه كانت جمبى خطوة بخطوة معملناش فرح كتبنا الكتاب علطول وسبحان الله كنت موافقة برضو والنهاردة بكلمكم واول يوم هعيش معاه تحت سقف واحد 

-اتفضلى ي عروسة بصتله و…